ضرائب تصاعدية تهريجية

[محمد علي عامر]

الصحف المصرية والعربية

مجلس الوزراء يوافق على تعديل قانون الضريبة التصاعدية


أعلن ممتاز السعيد، وزير المالية- في مؤتمر صحفي عقده عقب اجتماع مجلس الوزراء- أن المجلس وافق على فرض ضريبة على التعاملات في أول مرة داخل البورصة، قائلًا: "الضريبة ستفرض على أول تعامل داخل البورصة فقط".
وقال الوزير: "سيتم فرض 10 % على الأرباح التي يحققها أي شخص على كل طرح للأوراق المالية لأول مرة في السوق الثانوي".
وأضاف "أن مجلس الوزراء وافق على تعديل قانون الضريبة التصاعدية وأن يتم إعفاء من يقل دخله عن 5 آلاف جنيه، وفقا للشرائح الآتية: تشمل الأولى فرض ضريبة تقدر بـ10 % للأشخاصالذين يزيد دخلهم عن خمسة آلاف وحتى 20 ألف، أما الثانية فسيتم فرض ضريبة تصل إلى 15% على من يتراوح دخلهم من 20 ألف جنيه وحتى 40 ألف جنيه، والثالثة سيتم فرض ضريبة تقدر 20% على من يتراوح دخله من 40 ألف جنيه وحتى مليون جنيه، والرابعة يتم خلالها فرض ضريبة 22% على من يتراوح دخله من مليون حتى عشرة ملايين جنيه، والخامسة يتم بموجبها فرض ضريبة تقد بـ 25 % على من يزيد دخله عن 10 مليون جنيه وهي الحد الأقصى للضريبة التصاعدية.

 

[Ahmed Kotb]

مش فاهم

 

 

[محمد علي عامر]

اقتباس المشاركة الأصلية كتبت بواسطة Ahmed Kotb مش فاهم

اقتباس المشاركة الأصلية كتبت بواسطة محمد علي عامر مجلس الوزراء يوافق على تعديل قانون الضريبة التصاعدية والثالثة سيتم فرض ضريبة تقدر 20% على من يتراوح دخله من 40 ألف جنيه وحتى مليون جنيه، والرابعة يتم خلالها فرض ضريبة 22% على من يتراوح دخله من مليون حتى عشرة ملايين جنيه، والخامسة يتم بموجبها فرض ضريبة تقد بـ 25 % على من يزيد دخله عن 10 مليون جنيه وهي الحد الأقصى للضريبة التصاعدية.

إزاي اللي دخله خمسين ألف جنيه يدفع زي اللي دخله مليون جنيه وتبقى إسمها ضرائب تصاعدية؟؟
ونفس الشئ اللي دخله مليون وواحد جنيه زي اللي دخله عشرة مليون !!
وإزاي أصلا تكون 25 في المية الحد الأقصى للضرائب؟؟

المفروض الشرائح ميكونش فيها قفزات كبيرة
يعني المفروض إن الضريبة تتصاعد مع كل ألف جنيه أو خمس آلاف جنيه مش من 40 ألف إلى مليون جنيه دفعة واحدة
والمفروض أيضا إن اللي دخله مليون جنيه لا تقل ضرائبه عن 50 في المية مثلا

 

 

[Ahmed Kotb]

اقتباس المشاركة الأصلية كتبت بواسطة محمد علي عامر إزاي اللي دخله خمسين ألف جنيه يدفع زي اللي دخله مليون جنيه وتبقى إسمها ضرائب تصاعدية؟؟ ونفس الشئ اللي دخله مليون وواحد جنيه زي اللي دخله عشرة مليون !! وإزاي أصلا تكون 25 في المية الحد الأقصى للضرائب؟؟ المفروض الشرائح ميكونش فيها قفزات كبيرة يعني المفروض إن الضريبة تتصاعد مع كل ألف جنيه أو خمس آلاف جنيه مش من 40 ألف إلى مليون جنيه دفعة واحدة والمفروض أيضا إن اللي دخله مليون جنيه لا تقل ضرائبه عن 50 في المية مثلا

لو كده يبقى الحكومة إللي مش فاهمه

 

 

[أحمد فاروق]

اقتباس المشاركة الأصلية كتبت بواسطة Ahmed Kotb لو كده يبقى الحكومة إللي مش فاهمه

أو فاهمة وبتستهبل



وحد الإعفاء 5000 جنيه في السنة، يعني 417 جنيه في الشهر. أي حد أعلى من كده لازم يدفع ضرائب.

 

 

[جرديز]

هيخلوا الواحد يقول كلام قبيح

 

 

[NazeeH]

اقتباس المشاركة الأصلية كتبت بواسطة جرديز هيخلوا الواحد يقول كلام قبيح

اعتبر نفسك قولت .. ونرتاح احنا الاتنين

 

 

[NazeeH]

اقتباس المشاركة الأصلية كتبت بواسطة أحمد فاروق أو فاهمة وبتستهبل وحد الإعفاء 5000 جنيه في السنة، يعني 417 جنيه في الشهر. أي حد أعلى من كده لازم يدفع ضرائب.

كلام في منتهى التهريج طبعا

 

 

[tafshan]

الخبر من الاهرام :

https://gate.ahram.org.eg/News/269682.aspx

في ملاحظه مهمه جداً :

كان ممتاز السعيد وزير المالية، قد أعلن اليوم الأربعاء، في مؤتمر صحفي بمجلس الوزراء، موافقة الحكومة على تطبيق ضرائب تصاعدية على الدخول والشركات بحد أقصى 25%، على أن يتم تطبيقها بعد موافقة مجلس الشعب الجديد عليها.

- يعنى مجلس الشعب "القادم" هو اللى ح يقرر ان كانت ح تطبق ام لا ..

- الشرائح على اساس الدخل الشهرى مش السنوى :

وبالنسبة للضريبة، على الدخول، فسيتم تقسيم المجتمع لخمس شرائح، الأولى تضم الذين يتراوح راتبهم بين 5 آلاف و20 ألف جنيه شهريا، ويتم فرض ضريبة عليهم تبلغ 10%، أما الشريحة الثانية، فتفرض على الذين يترواح راتبهم بين 20 و40 ألفا بنسبة 15%، أما الشريحة الثالثة فتتعلق بالذين يتراوح راتبهم بين 40 ألفا ومليون جنيه بنسبة 20%، ترتفع إلى 22% للذين يتراوح راتبهم بين مليون و10 ملايين و25% لمن يتجاوز راتبهم 10 ملايين جنيه.

- القانون القديم كان بيقول :

في المقابل، يؤيد رزق أحمد رزق، وكيل وزارة المالية الأسبق والخبير الضريبي والمحاسبي، قرار الحكومة مشيراً إلى أنه يحقق نوعا من العدالة الاجتماعية في أداء الضريبة، حيث كان القانون 91 لسنة 2005، وضع 3 شرائح للضريبة التصاعدية حيث كان يقضي بضرائب 10% على الأفراد من 10 آلاف وحتى 15 ألفًا، و15% على الشريحة ما بين 15 و35 ألفًا، و20% ما فوق ذلك، إلا أن الحكومة قامت بزيادتها لتضيف شريحتين جديدتين.

انا موافق على التقسيم و الشرائح ..

بالنسبه للمنادين بضرائب اكثر من 25% السؤال هو : ماذا تقدم لهم الدوله مقابل هذه الضرائب ؟؟

السؤال ده مهم جداً في فهم الفلسفه الضريبيه ..

الضرائب الدوله "المفروض" بتأخذها و و بتدى قدامها خدمات ..

يعنى في كندا مثلاً الضرائب بتوصل ل 40% بس في المقابل الغنى و الفقير "الاثنين" بيستفيدو من رعايه صحيه و تعليم "واحد" و بالتالى لازم الغنى يدفع ضرائب اكبر بكثير ..

لكن في امريكا مثلاً الحد الاقصى برضو 25% لأن الدوله مش بتدى رعايه صحيه .. عامله قانون الرعايه الصحيه عشان الشركات "تدفع" قيمة التأمين الصحى للموظفين و بالتالى يتعالجوا ببلاش على نفقة شركات التأمين الصحى اللى بتمول عن طريق تحصيل التأمين الصحى من الشركات .. يبقى البلد مش من حقها تحصل اكثر من كده لأن الشركات بتدفع تأمينات غير الضرائب ..

 

 

[أحمد فاروق]

اقتباس المشاركة الأصلية كتبت بواسطة tafshan - يعنى مجلس الشعب "القادم" هو اللى ح يقرر ان كانت ح تطبق ام لا ..

وممكن رئيس الجمهورية يقره دلوقتي عشان معاه السلطة التشريعية.

اقتباس المشاركة الأصلية كتبت بواسطة tafshan - الشرائح على اساس الدخل الشهرى مش السنوى :

السنوي

اقتباس المشاركة الأصلية كتبت بواسطة tafshan بالنسبه للمنادين بضرائب اكثر من 25% السؤال هو : ماذا تقدم لهم الدوله مقابل هذه الضرائب ؟؟

ماهو السؤال ده كمبدأ قائم بصرف النظر عن النسبة.

اقتباس المشاركة الأصلية كتبت بواسطة tafshan لكن في امريكا مثلاً الحد الاقصى برضو 25%

35%
غير الـ state tax