خالفت القوانين يا حشيش وخالفت مبادءك كمان

[Tornado]

الصحف المصرية والعربية

الفاضل حشيش تعدى القوانين وقام باجراء عقوبة على مجموعة من الاعضاء ومنهم انا بقرار فردي منه وليس بعد مشاورة باقي الاعضاء في الادارة (حسب كلامه انه يتحمل المسؤولية الفردية عن هذا القرار)

سيادتك يا استاذ حشيش لم تتخذ اي اجراء قانوني ضد جمال الشربيني وواقف في صفه على طول الخط ومستني ايه مننا لما نلاقي شخص بيتكبر علينا كلنا وشايف نفسه حاجة ( على نفسه طبعا) وعمال يغلط في الكل بتكبر وانت لا تحرك ساكن ؟؟؟ هو احنا داخلين المننتدى نتهزأ مثلا؟؟

انا مش زعلان على الانذار النهائي ولا فارق معايا في حاجة وما دام انت كصاحب موقع شايف ان قرارك ماشي على الكل فخلاص براحتك وعدم احترامك للقوانين اللي انت حطيتها كفيل اني اعلن انسحابي من المنتدى

طبعا مش هتعترف بغلطك وهتقفل الموضوع كالعادة ومش هتسمع لحد وانا مش مستني منك انك تسمع بعد مخالفتك للقوانين وتعسفك لرأيك وبس


وبكرر اني مش معترض على العقوبة لاني كنت عارف اني هاخدها كده كده بعد ما شفت تحيز للعضو سبب المشكلة والتغاضي عن اخطاؤه ولكن الاعتراض على مخالفتك لقيم المنتدى وقوانينه ومبداؤه

ومتنساش ان المنتدى بتاع الاعضاء دي كلها مش بتاع شخصة واحد علشان تاخد راي فردي (الا لو انت شايف انه منتداك وانت حر ساعتها الكلام يختلف)

شكرا يا حشيش على احترامك للقوانين ورايي تلغيها وتخلي هواك الشخصي يحكم احسن

احتمال انك توقفني دلوقتي وده مش مستبعده بعد مخالفة القوانين والقيم المتفق عليها

شكرا تاني انك خيبت نظرتي لديمقراطيتك

اعلن انسحابي من المنتدى ما دام للمستوى ده من الفردية والتعسف الشخصي والمنتدى بتاعك يا حشيش وانت حر فيه

السلام عليكم وهيوحشني الناس اللي بحبها وبحترمها كتير ومنهم
الدكتور يحيى
تامر عندي
دكتور رؤوف
دكتور حسام
مدى
بنت البلد
فتفوتة
مهندس ايهاب سالم
بوند
ماتركس
اوسكا
برين
بروف

وكل الاعضاء تحياتي ليهم ويا ريت اي حد زعلته يسامحني

اشوفكم بخير وهفضل اتابعكم

 

[Eng Hesham]

خدنى معاك يا عم






عالهامش (بكلمك عالفيس مبتردش)

 

 

[ana_3enady]

دعوه لموضوعي

RobertInole

استنى ياض انت وهو ..

خلاص اللي حصل حصل .. بس الفرسان ما بتنسحبش من الميدان

صحيح ان شيشو المالك الرسمي للمنتدى حسب العقد مع فيبيولاشن

لكن كلنا هنا ملاك المنتدى وأصحاب بيت .. بمشاركاتنا بعدد الساعات اللي اقتطعناها من أوقاتنا وقضيناها هنا مع بعض بين ضحك ولعب وجد وخناق وهزار وتهريج ..

المنتدى هنا بيتنا كلنا .. مش معنى ان أخويا الكبير عاقبني بتعسف حبتين تلاتة قولوا أربعة .. يبقى أسيبله البيت وأمشي .. تؤ تؤ أبسيلوتلي .. أفضل وأعرفه غلطه .. وأسانده وأساعده وأرده عن انه ما يظلمش تاني ..

ولجل الحق .. الراجل ما ظلمناش لاننا غلطنا ونستاهل العقاب .. لكن مش كلنا نتساوى في درجة العقاب ..

على وجه التحديد .. انا ورابت افترينا على جيمي .. فنستاهل كمان أكتر من انذار نهائي وكنا هانبقى راضيين .. لكن باقي الطاقم المنذور .. كان ممكن لفت نظر أو بحد أقصى انذار أول .. لكن مش نهائي مباشر ..

شيشو عمل زي حكم ادى لاعب متكعبل برة خط التمنتاشر بنلتي بدل ما يديله فاول

جمال الشربيني اتهف انذار نهائي هو كمان .. وحالا تلاقيه قاعد فرحان وشمتان فينا ..

فاستهدوا بالله .. لا اعتصامات ولا اضرابات هاتحل المشكلة

احنا اتقابلنا كلنا هنا واتعرفنا على بعضنا هنا .. وطلعنا بأصحاب حقيقيين محترمين من هنا .. فماينفعش نسيب كل ده ونرميه ورا ظهرنا علشان خطأ فردي ..

عمرنا ما اتعاملنا مع حشيش على اننا ضيوف ولا عمره عاملنا على اننا ضيوف .. بل على العكس تماما

احنا بشر يا شباب مش ملايكة .. والخطأ وارد .. والقرارات الانفعالية واردة جدا .. ومابقولش الكلام ده دفاعا عن حشيش .. ولكن كان لي سابق تجربة اشرافية في منتدى آخر .. ده بالاضافة الى طبيعة عملي كمدير مالي واداري وتحت ايدي جنسيات غير عربية طبعا صعوبة الحوار ما بيني وبينهم بتشكل عائق نوعا ما في التواصل .. ده غير الأعباء الخارجية اذا كانت في البيت أو مشاكل تانية غير البيت والشغل الواحد بيتعرض ليها .. كل دي بتأثر في القرارات الادارية الانفعالية وبتخليك تاخد قرار خاطئ قد يكون ظالم في بعض الأحيان ..

أما في الادارة عموما في بعض الأحيان لازم يبقى فيه قرارات رادعة لفرض النظام حتى وان كانت مجحفة وظالمة.

الخلاصة .. احنا أخطأنا وحشيش أخطأ .. لكن مش هانسيب البيت ونمشي


حشيش .. الناس دي لازم ترضيها .. فرقع صندوقين بيرة بقى ^_^

 

 

[aymanology]

معلش انا جديد في المنتدي ( نسبيا ) وعمري في حياتي ما اشتركت في اي منتدي

دي اول تجربه ليا

انا بصراحه حبيت المنتدي دا جدا

رغم اني مطسوس زيكم بالظبط واحد نهائي

ممكن بدون تريقه حد يفهمني يعني ايه انذار نهائي؟؟

يعني هنتلغي عضويتنا ولا هيحصل ايه من الاجراءات معنا؟؟ بجد انا مش فاهم حاجه

وشكرا لكم كلكم بما فيكم دكتور مهندس جمال

 

 

[ana_3enady]

دعوه لموضوعي

RobertInole

بما انك مستجد في الانذارات .. فالطالعة الجاية ايقاف شهر .. انما انا طالعتي الجاية بتلات شهور .. أصل اتنفذ فيا الحكم بشهر قبل كد

 

 

[aymanology]

 

 

[kokomen]

اقتباس المشاركة الأصلية كتبت بواسطة Tornado الفاضل حشيش تعدى القوانين وقام باجراء عقوبة على مجموعة من الاعضاء ومنهم انا بقرار فردي منه وليس بعد مشاورة باقي الاعضاء في الادارة (حسب كلامه انه يتحمل المسؤولية الفردية عن هذا القرار) سيادتك يا استاذ حشيش لم تتخذ اي اجراء قانوني ضد جمال الشربيني وواقف في صفه على طول الخط ومستني ايه مننا لما نلاقي شخص بيتكبر علينا كلنا وشايف نفسه حاجة ( على نفسه طبعا) وعمال يغلط في الكل بتكبر وانت لا تحرك ساكن ؟؟؟ هو احنا داخلين المننتدى نتهزأ مثلا؟؟ انا مش زعلان على الانذار النهائي ولا فارق معايا في حاجة وما دام انت كصاحب موقع شايف ان قرارك ماشي على الكل فخلاص براحتك وعدم احترامك للقوانين اللي انت حطيتها كفيل اني اعلن انسحابي من المنتدى طبعا مش هتعترف بغلطك وهتقفل الموضوع كالعادة ومش هتسمع لحد وانا مش مستني منك انك تسمع بعد مخالفتك للقوانين وتعسفك لرأيك وبس وبكرر اني مش معترض على العقوبة لاني كنت عارف اني هاخدها كده كده بعد ما شفت تحيز للعضو سبب المشكلة والتغاضي عن اخطاؤه ولكن الاعتراض على مخالفتك لقيم المنتدى وقوانينه ومبداؤه ومتنساش ان المنتدى بتاع الاعضاء دي كلها مش بتاع شخصة واحد علشان تاخد راي فردي (الا لو انت شايف انه منتداك وانت حر ساعتها الكلام يختلف) شكرا يا حشيش على احترامك للقوانين ورايي تلغيها وتخلي هواك الشخصي يحكم احسن احتمال انك توقفني دلوقتي وده مش مستبعده بعد مخالفة القوانين والقيم المتفق عليها شكرا تاني انك خيبت نظرتي لديمقراطيتك اعلن انسحابي من المنتدى ما دام للمستوى ده من الفردية والتعسف الشخصي والمنتدى بتاعك يا حشيش وانت حر فيه السلام عليكم وهيوحشني الناس اللي بحبها وبحترمها كتير ومنهم الدكتور يحيى تامر عندي دكتور رؤوف دكتور حسام مدى بنت البلد فتفوتة مهندس ايهاب سالم بوند ماتركس اوسكا برين بروف وكل الاعضاء تحياتي ليهم ويا ريت اي حد زعلته يسامحني اشوفكم بخير وهفضل اتابعكم

اقتباس المشاركة الأصلية كتبت بواسطة ana_3enady استنى ياض انت وهو .. خلاص اللي حصل حصل .. بس الفرسان ما بتنسحبش من الميدان صحيح ان شيشو المالك الرسمي للمنتدى حسب العقد مع فيبيولاشن لكن كلنا هنا ملاك المنتدى وأصحاب بيت .. بمشاركاتنا بعدد الساعات اللي اقتطعناها من أوقاتنا وقضيناها هنا مع بعض بين ضحك ولعب وجد وخناق وهزار وتهريج .. المنتدى هنا بيتنا كلنا .. مش معنى ان أخويا الكبير عاقبني بتعسف حبتين تلاتة قولوا أربعة .. يبقى أسيبله البيت وأمشي .. تؤ تؤ أبسيلوتلي .. أفضل وأعرفه غلطه .. وأسانده وأساعده وأرده عن انه ما يظلمش تاني .. ولجل الحق .. الراجل ما ظلمناش لاننا غلطنا ونستاهل العقاب .. لكن مش كلنا نتساوى في درجة العقاب .. على وجه التحديد .. انا ورابت افترينا على جيمي .. فنستاهل كمان أكتر من انذار نهائي وكنا هانبقى راضيين .. لكن باقي الطاقم المنذور .. كان ممكن لفت نظر أو بحد أقصى انذار أول .. لكن مش نهائي مباشر .. شيشو عمل زي حكم ادى لاعب متكعبل برة خط التمنتاشر بنلتي بدل ما يديله فاول جمال الشربيني اتهف انذار نهائي هو كمان .. وحالا تلاقيه قاعد فرحان وشمتان فينا .. فاستهدوا بالله .. لا اعتصامات ولا اضرابات هاتحل المشكلة احنا اتقابلنا كلنا هنا واتعرفنا على بعضنا هنا .. وطلعنا بأصحاب حقيقيين محترمين من هنا .. فماينفعش نسيب كل ده ونرميه ورا ظهرنا علشان خطأ فردي .. عمرنا ما اتعاملنا مع حشيش على اننا ضيوف ولا عمره عاملنا على اننا ضيوف .. بل على العكس تماما احنا بشر يا شباب مش ملايكة .. والخطأ وارد .. والقرارات الانفعالية واردة جدا .. ومابقولش الكلام ده دفاعا عن حشيش .. ولكن كان لي سابق تجربة اشرافية في منتدى آخر .. ده بالاضافة الى طبيعة عملي كمدير مالي واداري وتحت ايدي جنسيات غير عربية طبعا صعوبة الحوار ما بيني وبينهم بتشكل عائق نوعا ما في التواصل .. ده غير الأعباء الخارجية اذا كانت في البيت أو مشاكل تانية غير البيت والشغل الواحد بيتعرض ليها .. كل دي بتأثر في القرارات الادارية الانفعالية وبتخليك تاخد قرار خاطئ قد يكون ظالم في بعض الأحيان .. أما في الادارة عموما في بعض الأحيان لازم يبقى فيه قرارات رادعة لفرض النظام حتى وان كانت مجحفة وظالمة. الخلاصة .. احنا أخطأنا وحشيش أخطأ .. لكن مش هانسيب البيت ونمشي حشيش .. الناس دي لازم ترضيها .. فرقع صندوقين بيرة بقى ^_^

الأخ الفاضل تورندو

أسمح لي أعلق على الموضوع بخصوص مخالفة المبادئ والقوانين .. ليس دفاعا عن الأخ حشيش وأنما توضيحا للحقيقة . لو لاحظتم إن قواعد المشاركة لاتتضمن التعامل مع الرمادي . وقد إستخدم العضو الكثير من الرمادي الذي لم يتعود عليه معظم أعضاء المطاريد الكرام بل أنهم أستهجنونه منذ فترة طويلة عندما إستخدم هذا الأسلوب من قبل بعض الأعضاء وحدثت خلافات حول تحديد الرمادي وطرق التعامل معه . لذلك كما ذكر الأخ عندي في مداخلته التي أؤيدها تماما . فحدث إختلاف حول التعامل مع كمية الرمادي الكثيرة التي طالت كثير من الأعضاء فطالت مداولاتنا في الإدارة نظرا لعدم وجود قاعدة واضحة ضد الرمادي . ومما زاد الأمور تعقيدا أن وصلت إلى الإدارة الكثير من البلاغات ضد هذا العضو ولكن لم يصبر الأعضاء وتم مهاجمة العضو د. الشربيني فأصبحت الأمور معقدة ومتداخلة . لإنه من المعروف أن الإساءة لاترد بإساءة ولكن ننتظر حتي يتم توقيع العقوبة على المتسبب وبعض العقوبات لاتعلن .. إلا في حالة الإنذار النهائي فقط مما أدى لتداخل الأعضاء في مشادات عديدة والأخ حشيش متمسك بقواعد المشاركة وهذا لايعيبه .. ولكن كمية الرمادي المستخدمة كانت فوق كل التوقعات .. هل تحتاج قواعد المشاركة إلى تعديل بالطبع نعم ... نرجوا التريث حتى تهدأ الأمور ويستعيد الأعضاء بكل ود وتفاهم الصورة الجميلة لمنتداهم الجميل المطاريد .. شكرا للجميع لأننا نعتز بكل عضو من أعضاء المطاريد الكرام
. وفقكم الله لما فيه الخير

 

 

[Eng Hesham]

استاذ كوكومن

هل تغيير مسار الموضوعات غير موجود فى قائمه العقوبات فى قواعد المنتدى

كل من نقول عليه رمادى ما هو الا تغيير مسار الموضوعات و الشخصنه

وبالتالى كان من الممكن الاداره انها تتعامل من هذا المنطلق بعيدا عن الرمادى نهائيا

بالاضافه للسباب المباشر وان كان بشكل خفى قليلا ولكنه واضح ولا تنكره عين

بالاضافه لانفراد الاستاذ حشيش بالقرار كما قال بنفسه ضاربا بكل قواعد الاداره فى المنتدى عرض الحائط

 

 

[Tornado]

يا جماعة ان مش معترض على العقوبة ومش مضايقاني وكنت مستنيها ومقتنع باللي عملته وعملته علشان ارتاح وعارف اني هتعاقب فالموضوع مش العقوبة

الموضوع ان حشيش ضرب بالقوانين عرض الحائط وساوى الجزاءات وطبطب على الشربيني على عكس لما رزع ناس كتير قبل كده ايقافات نهائيا بتهمة التخريب وعملوا اقل من الشربيني

حشيش اخد قرار فردي ولما يعتبر بباقي الاصوات كما هو واضح من كلامه واتصرف بطريقة صاحب الموقع الاوحد ونسى اننا المفروض كلنا شركاء في المنتدى

حقه يا تامر موقعه برضه وبلاش كلام ان كلنا اصحاب المنتدى لان حشيش متصرفش على اساس كده

ارجع واقول انا مش معترض على العقوبة لكن الاعتراض على الانفراد بالقرارات ومخالفة مبادىء المطاريد

 

 

[Tornado]

جمال الشربيني شتم اعضاء شتم علني وغير مسارات مواضيع وحرب مواضيع بنت البلد وناس تانية وحشيش طبطب عليه

والله لو الاولوية ة بالدكتوراه هنا يبقيبقى نقلبها جامعة احسن