من منكم واثق من عودة مرسي للحكم؟

[Mzohairy]

الصحف المصرية والعربية

سؤال بهدف استطلاعي و الله مش اكتر

من منكم واثق من عودة مرسي للحكم؟ و يتوقع يرجع خلال قد ايه؟ و هل الثقه دي مطلقه ولا يشوبها بعض الاهتزاز؟

مش مهم اسأل عن طريقة رجوعه.... خليها سريه....طبعا اللي عايز يقول ازاي له مطلق الحريه

تحياتي

 

[FINETOUCH]

اولا تحياتى للعزيز زهيرى
وثانيا وثالثا ورابعا هناك سيناريوهات كتير ممكن تحصل
بس القاعده انه لن يرضخ والاخوان كمان لن يرضخوا هما عارفين سايبين مين جوه وهوه برضه عارف سايب مين بره
المساله الان بالنسبه للسيسى حياه او موت انما بالنسبه لمرسى والاخوان مساله مبدأ
حاتقوللى او حد تانى يقوللى ما الاخوان بيغيروا مبادئهم ماشى بس الموقف الان لن يحدث فيه تنازلات جوهريه من الاخوان او من مرسى
دم خلاص بقى فيها دم فابلنسبه لهم مش فارقه
ممكن يرجعوا مرسى ويولعوا له الدنيا اكتر من الاول ويطلع ناس تقتله
او سيناريو رفيق الحريرى بعد ما يسيبوه شويه
او يحصل انقلاب فى الجيش وده مستبعد شويتين لان دلوقتى الشحن المعنوى فى الجيش ان الاخوان دول ارهابيين ولا زم يتقتلوا مش همه اللى قتلوا اخوانكم فى رفح (مش المخابرات بتاعتنا) وهما اللى بيدعموا حماس تقتل فى اخوانكم فى سينا (مش المخابرات بتاعتنا وبتاعه دحلان)
البرادعى قال لابد من تغيير العقيده القتاليه للجيش وتبقى موجهه ضد الارهاب والارهاب سهل انه يتعمل ويتلزق فى اى جهه
انما ثقتى فى خروجه كامله
وبعدها ايه؟ مش عارف لمده قد ايه وبعدها ترجع ريما لعادتها القديمه
تجرى تربيه الجنود الان على حرب الارهابيين

 

 

[حشيش]

عن نفسى لا أتوقع عودة مرسى بعد أن تحالفت ضده قوى وتيارات شتى بما فيها الجيش والشرطة وأمن الدولة والقضاء والإعلام الفاسد وأذناب مبارك ورجال الأعمال ودول الخليج والكثيرون من المصريين الذين تم غسل عقولهم بماكينة الإعلام الضخمة ليطيحوا بأول رئيس مدنى منتخب فى مصر فى تاريخها الحديث! ... لكن عدم تفاءلى بعودته لن يثنينى عن الدفاع عنه لأنه يمثل بالنسبة لى ولكثيرين غيرى (الشرعية)! ... شرعية صناديق الإنتخابات كما هو الحال فى جميع دول العالم الديموقراطى المتحضر ... مثلى مثل الكثيرين غيرى لست من الإخوان المسلمين ولا أنتمى لأى حزب سياسى أو دينى لكنى أُنكر المنكر بقلبى ولسانى (كى بوردى) لأن هذا هو ما أملكه ... من يعتقد أن من فى الشوارع منذ الإطاحة بمرسى إخوان مسلمين فقط فهو مخطأ لأن الإخوان ليس لهم هذا الكم من البشر مسجلين فى جماعتهم ولكن جزء كبير من المتواجدين فى الميادين منذ الإطاحة بمرسى هم مصريين بسطاء شعروا بأن هذا الرجل قد ظُلم وتكاتفت ضده قوى الشر لإفشاله فخرجوا لينصروه! ... ما أنا على يقين منه أن حالة عدم الإستقرار التى تشهدها مصر اليوم ستطول لأن 30 يونيو يختلف كلياً وجزئياً عن 25 يناير ... فى 25 يناير كان الشعب متفقاً على فساد مبارك ووجوب الإطاحة به فنجحت الثورة ... أما الآن فالشعب نفسه منقسم على نفسه بين مؤيد ومعارض للإنقلاب العسكرى ولذلك فلن يحدث إستقرار سياسى فى مصر على المدى المنظور

 

 

[محلاوي]

هو اولا انقلاب السيسي لم يتمكن بعد
ولا دوله محترمه اعترفت بالانقلاب علي انه ارادة الشعب المصري

رجوع مرسي (من وجهة نظري)متوقف علي ضغوط الخارج وخصوصا امريكا

 

 

[Raouf]

انا اتوقع عودته بالطبع
عودته للسجن حيث مكانه الاصلي

 

 

[savary]

وانا برده اتوقع عودته و اتوقع جدا عودته للحكم مش مجرد خروجه و خلاص



سيعود مرسى حتما ليحكم















جمهورية رابعة :-)



وانا كمواطن مصرى ... أحب اقول لأخويا و شقيقى المواطن الربعاوى

تمسك بحلمك يا فتى

تمسك و ربنا هينصرك

تمسك بعودة رئيسك


لكم منا كل تقدير و احترام و تمنياتى لجمهورية رابعة و لشعب رابعة بالازدهار و النمو و الرخاء

ربنا يخرجكم من الفتنة اللى انتوا فيها و يرجعلكم رئيسكم ناصر منصور نصر الله ...ليقود الاشاره ...- اشارة رابعة يعنى - إلى كل ما هو فيه خير له ولكم .

ا

 

 

[Mzohairy]

اقتباس المشاركة الأصلية كتبت بواسطة Mzohairy سؤال بهدف استطلاعي و الله مش اكتر من منكم واثق من عودة مرسي للحكم؟ و يتوقع يرجع خلال قد ايه؟ و هل الثقه دي مطلقه ولا يشوبها بعض الاهتزاز؟ تحياتي

خلوا بالكم ان السؤال حول من منكم واثق من عودة مرسي و ليس من منكم يتوقع عودته

و بعد كده يتوقع رجوعه خلال قد ايه


اشكركم

 

 

[فارس العرب]

ما سأقوله لا يرتبط بأشخاص ولا جماعه بعينها وإنما قراءه في التاريخ وتحليل لمجريات الأحداث .
كنا نعيش في دوله بوليسيه منذ 1952م وحتي ثورة يناير التي خرج الناس فيها ثائرين علي ممارسات الدوله البوليسيه ممثله في الشرطه فكان خروج الشعب في عيد الشرطه هذا هو المشهد الاول.
خطأ الأخوان أنهم لم يقضوا علي تلك الدوله البوليسيه من الداخل وهو ما نسميه بالدوله العميقه فهل نرجع الي عهد الدوله البوليسيه؟
الأكيد ان هذا لن يحدث فعجلة التاريخ قد دارت والمشهد ينبئ عن حدوث مفاجاءات في الأفق والأكيد أيضا ان كلا الطرفين الشعب من جهه والدوله البوليسيه لن يتنازلوا أبدا بسهوله وهذا يعني دماء كثيره ومجازر أكثر .

 

 

[فارس العرب]

توقعي حدوث ثلاث سيناريوهات لا ثالث لهما
السيناريو الأول:
مجازر ودماء وفض إعتصامات بالقوه وعوده للدوله البوليسيه والعسكريه وقمع ومحاكمات جماعيه وهروب الباقين الي سيناء وغزه ليولد من جديد جماعات مسلحه أكثر دمويه تحارب الجيش المصري كفرا بالديمقراطيه وايمانا بأن القوه هي السبيل الوحيد وأستبعد هذا السيناريو لأن التاريخ لايعود للوراء أبدا.

 

 

[فارس العرب]

السيناريو الثاني:
وهو علي غرار ماحدث في فنزويلا وبعض بلدان افريقيا من اجهاض للانقلاب في باكورة بداياته ويكون ذلك عن طريق رجال ضباط من داخل الجيش نفسه وهذا هو الأقرب بأذن الله إلي الواقع وبه ستحقن كثير من الدماء.