Arabic Discussion Forum with a Special Interest in Travel and Immigration

مغتربه جديده · 11th March 2009, 07:53 AM

السلام عليكم و رحمه الله و بركاته
هذه اول مشاركه لى بالمنتدى و يا ربنا تكون مفيده لكم ان شاء الله
بكتب لكم عن تجربتى مع المدارس
اول مدرسه دخلتها ابنتى كانت مدرسه الهدايه العالميه بالقرب من السفاره المصريه و للا سف مستوها الدارسى ضعيف للغايه نقلتها بعد شهرين و نصف من الدراسه الى مدرسه حراء خلف بن داوود فى شارع الستين
طبعا اخترت مدرسه حراء بعد اللف على كذا مدرسه و هم:

اول مدرسه ذهبت لها مدرسه الشعاع وهى مدرسه منهج هندى نظام 3 ترم هى مدرسه نظيفه و منظمه يدرسون القاعده البغداديه و لكن المنهج عندهم ضعيف مقارنه بالمدارس الاخرى فلم ادخلها و هى فى حى البوادى خلف محل اليافعى
تانى مدرسه اسمها سيدار لبنانى مدرسه كويسه لكن المصاريف غاليه بالنسبه لى وهى فى حى البوادى خلف محل تراندز
ثالث مدرسه انوار المشاعل المنهج كويس و المصاريف كويسه بس بعيد و معظم الطلبه من باكستان
و هى فى حى العزيزيه امام مدارس الحجاز

و قد قمت بالسؤال تليفونيا فى مدرسه الوداى العالميه و زهره الصحراء العالميه و دار جنى و كورال و جلوبال و النبلاء لكن الاسعار لا تناسبنى لكن هم مدارس سمعتهم كويسه فى التعليم
و سمعت عن مدرسه اسمها النجوم العالميه فى حى الربوه و لكن لو اذهب لها

ياسمينه · 29th April 2009, 12:48 AM

اولا السلام عليكم ورحمة الله وبركاته يا مطاريد انا مطروده جديده معاكو هنا في جده وفعلا موضوع المدارس ده مهم جدااااااااااا. انا بنوتي هتروح kg السنه الجايه وعقلي خلاص هيتجنن من كتر التفكير في المدرسه .انا الحمد لله استقريت ع انترناشونال ودي خطوه مهمه وخدها لوحدي واللي فاضل بقي انهي مدرسه اختكو لسه سنه اولي في جده والغريب اعمي ولو كان بصير فيريت تفيدوني برايكم يعني انا كنت سمعت عن مدرسة الافاق والمنارات ياريت تقولولي رايكم .وبالمناسبه انا قرات رايك يا موديست اني ادخلها مدرسه قريبه من البيت ومش هتفرق الkg بس انا عايزه استقر من الاول وخلاصوبعدين انا المفروض لو عايزه اقدم لها في مدرسه اروح اقدم لها امتي لاني سمعت ان بيمتحنوهم في الاول واني مفروض اروح في شهر خمسه اقدم لها مش بدري ده اقوي ولا ايه .معلش مطروده جديده بقي

ياسمينه · 29th April 2009, 12:57 AM

اقتباس


	بسيطة خالص انتى بس جهزى سى فى نزحلقها للبواب يعمل عليكى ريكومنديشن) وتتحطى فى المستهدفين للعام القادم .. طبعا هو أى حد شغال فيها بيبلط مش مفيش بقى الا هترجع شغلها فى مصر ولا لبنان ولا أى حتة قوم ايه المكان يفضى .. طبعا لو مهنتك التدريس هيكون كويس .. هى أصحابها مصريين على فكرة .. بنت عدلى لملوم باشا ..

معلشي معلشي نسيت اسالكو حاجه كمان هي مصاريف الkg كام في الافاق او الوادي او اي مدرسه تعرفوها................وياريت كمان لو حد يعرف مرتبات المدرسات في المدارس الانترناشونال كام؟؟؟ولو انا يعني بكالوريوس علوم ينفع اقدم في المدارس دي ولا بلاش احرج نفسي .انا سمعت ان فيه مدارس المدرسين فيها امريكان فياريت نعرف المدارس اللي ممكن نقدم فيها يا سي بندق ويبقي كده ليكو علبتين حلاوه واحده من فالحه هانم وواحده مني.......هو المفروض اودي ليهم السي في امتي دلوقتي ولا في الصيف ولا اول الدراسه وشكرا مقدما

Muslim4ever · 29th April 2009, 09:59 AM

السلام عليكم ورحمة الله وبركاته

بالنسبة لمدارس جده حيث لا اقيم فيها ... تعد افضل مدرسة على مستوى الشرق الاوسط مدارس
المنارات لها فرع في جده وتعتمد برنامجي IG , SAT مع برنامج Islamic International School ويحتوي على 4 كورسات اجبارية تبداء من Grade 1 الي Grade 12
(Qur'an - Islamic Studies - Islamic Stories - Islamic Culture
بخلاف ان المنارات بجانب الرواد (توجد في الرياض فقط) هما المدرستين الوحيدتين داخل المملكة المعترف بهما كئية تدريس ومعامل ومناهج من قبل IG center

يتبقى المصاريف ... من KG 1,2,3 = 15000 ريال
primary 18000
intermediate 22000
secondary 26000
A level 7000 per course

المنارات لها فروع في مصر (م.نصر و التجمع الخامس )

ياسمينه · 30th April 2009, 04:01 AM

جزاك الله اخيرا بس يا تري المنارات دي اللي في شارع الاربعين وياتري اقدر اروح اقدم امتي

دودو هانم · 17th November 2009, 08:09 PM

بصو بقىانتوا دلوقتي دخلتو ولادكم خلاص احكولي بقى عن المدارس انا مطروده جديده بقالي يا دوب شهر وجيت على الدراسه او بعد ما ابتدت باسبوع دخلت ابني مدرسه كان باباه قدم له فيها قبل ما نيجي هي مدرسة الافاق العالميه ناس قالولو عليها المهم انا تايهه لدرجة اني حتى مش قادره احكم على مستوى المدرسه الملاحظ انه كان في عدم نظام في الاول بس بعد شويه الامور اتحسنت المهم عايزه تحكولي عن مدارس اولادكم الانترناشونال علشان اقدر احكم على المدرسه اذا كانت كويسه ولا في الاحسن علشان السنه اللي جايه

مغتربه جديده · 30th April 2009, 11:02 AM

السلام عليكم و رحمه الله و بركاته
موقع مدرسه المنارات
https://manaratschools.net

Modest · 3rd May 2009, 08:43 AM

في الصورة التالية مصاريف أحد المدارس الانترناشيونال في جدة للعام الدراسي القادم (2009 - 2010) و يمكن الاسترشاد بها حيث أن مصاريف معظم المدارس الانترناشيونال متقاربة إلى حد ما.

Modest · 3rd May 2009, 08:49 AM

و الجدول التالي لنفس المدرسة يحدد جميع التواريخ الهامة من بدء و انتهاء الدراسة و مواعيد الاختبارات و حتى الأجازات خلال العام الدراسي و توزيع الشهادات و خلافه.

Doudy · 3rd June 2009, 10:02 AM

يا جماعة لو حد من مطاريدنا الجدعان فى جدة

و عنده فكرة اكتر عن المدارس المنهج الامريكى و تكون مصاريفها يعنى فى حدود

6000 و الباص 2000 كدة يكون معقولو يا ريت يكون مستواها كويس

لو مفيش المواصفات دى

يبقى خلينا فى المصرى بقى احسن و تعرفوا مدرسة مصرى و عنوانها فين

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مدارس الأحد	متفائل	منقوووووووووووولات	0	23rd May 2011 12:18 PM
مدارس جده للغات	توتى الدلوعه	التعليم ماقبل الجامعي والجامعي	2	9th July 2010 06:40 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

أبناؤنا فى الخارج

مدارس جدة العالمية