مدارس جدة العالمية

[ابو يوسف]

الصحف المصرية والعربية

بسم الله الرحمن الرحيم
انا لي ابن وحيد وأنا فى المملكه من سنتين فقط .. ولدي كان بمدرسة المحيط العالميه وكان فيها مشاكل اداريه وتعليميه وتأخير فى مواعيد الباص.
المهم ببحث له عن مدرسه معقوله بسعر معقول وكنت بفاضل بين المدارس التاليه :
1- مدرسة أشبيليه ( شارع خالد بن وليد ) ادارة باكستانيه - منهج بريطاني مصاريف شهريه 250
2- مدرسة ريف جده ( شارع خالد بن وليد ) ادارة هندية - منهج بريطاني مصاريف 3000 ريال ( 3 دفعات )
3- مدرسة عبق العلم ( شارع فلسطين ) سوق الجوالات -فى شارع مابين شركة رابيه والحدادفى طريقك للبحر - ادارة باكستانيه - منهج بريطاني مصاريف 400 ريال شهرياً.
" أمل من الاخوه المطاريد أنهم يساعدوني فى الاختيار وبسرعه ارجوكم الدراسه خلاص هاتبتدي السبت القادم 17/10/2009 ".

شـكــ وبارك الله فيكم ـــرا لكم ... لكم مني أجمل تحية .

 

 

[هناء@هناء]

شكرا لفالحة هانم على طرح الموضوع لان مهم جدا لان موضوع المدارس محير جدا
كنت حابة اسال عن مدرسة الهداية الى في الروضة ياريت الى ليه اولاد فيها يفيدنا
وعلى فكرة هما زودوا المصاريف السنادى ال kg كان السنة الى فاتت ب 6 السنادى خلوا ب 7200 فمش عارفه كل المدارس زودت ولا هما بس
مستنيا ردودكم هما منهج بريطانى على فكرة والادارة باكستانية

 

 

[دودو هانم]

بصو بقىانتوا دلوقتي دخلتو ولادكم خلاص احكولي بقى عن المدارس انا مطروده جديده بقالي يا دوب شهر وجيت على الدراسه او بعد ما ابتدت باسبوع دخلت ابني مدرسه كان باباه قدم له فيها قبل ما نيجي هي مدرسة الافاق العالميه ناس قالولو عليها المهم انا تايهه لدرجة اني حتى مش قادره احكم على مستوى المدرسه الملاحظ انه كان في عدم نظام في الاول بس بعد شويه الامور اتحسنت المهم عايزه تحكولي عن مدارس اولادكم الانترناشونال علشان اقدر احكم على المدرسه اذا كانت كويسه ولا في الاحسن علشان السنه اللي جايه

 

 

[هناء@هناء]

دودو هانم فين مكان مدرسة الافاق وبدرس اى منهج وكام مصروفاتها
وياريت فعلا الناس الى عندها خبرة هنا يفيدونا

 

 

[دودو هانم]

بصي يا هناء مدرسة الافاق في جده حي الحمرا شارع حائل امام القنصليه الايرانيه بدرس المنهج الامريكي بيخدوا عربي ودين منهج اللبناني انا ابني في grad 2 مصروفاته 13000 اكتر حاجه مديقاني ان في كتب لسه مستلمنهاش هي كتب التدريبات يعني الكتب الاساسيه اخدناها لكن الكتب اللي فيها تدريبات على الدروس لسه مش عارفه ده بيحصل في كل المدارس ولا لا, كمان الفصل في 28 تلميذ بالنسبه ليا العدد ده كبير ابني كان في مدرسه في مصر لغات العدد 20 او 22 بالكتير بردو مش عارفه باقي المدارس الانترناشونال هنا الاعداد فيها ايه لو في حد ولاده في مدارس انترناشونال يقولي الوضع عنده ازاي علشان اقدر اقيم المدرسه بالنسبه للوضع العام هنا.......والنبي حد يعبرني

 

 

[دودو هانم]

اه على فكره المصاريف دي شمله كل حاجه الباص و الكتب والدفاتر والادوات المدرسيه والزي المدرسي تفصيلا المصروفات 8500 الكتب والادوات 2100 الباص 2500

 

 

[Doudy]

اقتباس المشاركة الأصلية كتبت بواسطة دودو هانم والنبي حد يعبرني

انا جيت اهه
بصىيا دودو
انا فى الرياض مش فى جدة
وولادى فى مصرى و بيمتحنوا فى السفارة مش فى انتر ناشيونال
ممكن تدخلى اللينك دة
و هناك فى القسم التعليمى ممكن تسالى براحتك و باذن الله يجاوبوكى
https://www.egybox.org
ربنا معاكى و يوفقك

 

 

[عيون زومانسيه]

السلام عليكم ورحمة الله وبركاته

انا ابني في المدرسه المحيط انترناشونال ابني يعاني من ضغوط نفسسيه بسبب اهمال المدرسه في نواحي التعليم غير اهمال المديره الشديد في نظافة المدرسه لذا اطلب لمن يعرف مدرسه جيده يدلني عليا بسرعه.

وشكرا.

 

 

[Um Aya]

اقتباس المشاركة الأصلية كتبت بواسطة عيون زومانسيه السلام عليكم ورحمة الله وبركاته انا ابني في المدرسه المحيط انترناشونال ابني يعاني من ضغوط نفسسيه بسبب اهمال المدرسه في نواحي التعليم غير اهمال المديره الشديد في نظافة المدرسه لذا اطلب لمن يعرف مدرسه جيده يدلني عليا بسرعه. وشكرا.

طيب ابنك في اي صف.. وحضرتك ساكنه بأي حي؟

 

 

[ام عبد الله]

انا السنة دي كنت متورطة في مدرسة اشبيلية العالمية بس ربنا الحمد كرمنا بإدارة لبنانية بصراحة عاملين شغل ممتاز في المبانى والفصول وجايبين مدرسات ومدرسيين ممتازين يارب نرتاح من الادارات الباكستانية دي