اللاصقة السحرية العجيبة

[Le Roi]

الصحف المصرية والعربية

عرض اللاصقه السحريه حقيقة أم كذب واحتيال






انتشرت فى الفتره الاخيرة عرض اللاصقه السحريه لازاله السموم بدعايه مغريه لافته للنظر لقدراتها على :

ازاله السموم من الجسم ، التخلص من التوتر و الاجهاد ، علاج الام الروماتيزميه والصداع ، علاج مرض السكر ،ارتفاع ضغط الدم، تقويه الجهاز المناعى للجسم ، التخلص من الاحباط و الاكتئاب، تعيد التوازن للجسم، تحسن الدورة الدمويه ، تزيد من قوة التركيز الذهنى . على اعتبار انها تعمل عن طريق المسارات العاكسه و فك الممرات الليمفاويه !!

يااااه كل ده فى منتج واحد !!


شىء مذهل ..!

وحرصا منا على عدم تعرضكم لاستخدام منتجات لا نفع منها و لا تعالج الامراض بالفعل بقدر ما تعمل على الوهم والايحاء

مثل هذا المنتج !!



و قد تبين ان:


1- عند استخدام هذة اللاصقات على باطن القدم ليلا ، حدث فعلا تغير فى لون اللاصقه
للون البنى او الاسود ..لكن وجودا ان تعريض هذة اللاصقه لبخار الماء المغلى او اضافه قطرات من الماء المقطر عليها يحدث ايضا نفس الاثر !!


وهذا معناه ان هذة اللاصقات تحتوى على ماده كيميائيه يتغير لونها عند التعرض للرطوبه ..و ليس بسبب امتصاصها للسموم من الجسم !


2-معروف تماما ان الجسم يتخلص من المواد السامه ونواتج التمثيل الغذائى عن طريق الكبد الذى يقوم بتحويل تركيبه هذة السموم الكيميائيه الى تركيبه اخرى يسهل التخلص منها بواسطه الكليتين التى تقوم بترشيحها من الدم لتخرج من الجسم من خلال البول ، اما الجلد فمن احدى وظائفه اخراج الماء الزائد فى شكل عرق وبه بعض الاملاح الذائبه ، و لم يسجل ان سموم الجسم و المعادن الثقيله يمكن ان تخرج من خلال الجلد عن طريق العرق !


3- اثبتت التحاليل و الاختبارات المعمليه التى اجريت على اللاصقات التى استعمله 8 من المتطوعين ،قبل وبعد استخدامها ، انه لا يوجد فيها اى دليل على وجود اى معادن ثقيله استخرجت من الجسم فيها ....او اى تغير فى مستوى المعادن الموجوده فيها اصلا ....مما يدل على انها لم تمتص شيئا من الجسم من خلال الجلد .



4 - عند سؤال االشركات المصنعه لهذة اللاصقات ، لم تقدم اى دليل على قيامها بابحاث او دراسات علميه عن جدواها وفعاليتها قبل انتاجها .

5- فى عام 2009 ،تم ايقاف هذة الشركات عن انتاج هذة النوعيه من المنتجات او منتجات بدائل الريجيم ، او الاغذيه ، او الادويه او الادوات الطبيه او مساعده الاخرين فى انتاجها ، وتغريم هذة الشركات مبالغ طائله تعادل الارباح التى جنوها من بيع هذا المنتج الوهمى .


ونحذركم من التعرض لهذة المنتجات الوهميه التى لافائده او نفع من استخدامها

وعلى من يعانى من مشكله صحيه ان تلجا للطبيب المختص لبحث الاعراض و تحديد السبب بدقه ، ووضع خطه لعلاجه جذريا
ونرجوا منكم الا تنساقوا وراء هذة النوعيه من المنتجات.

 

[nash]

انا كنت متأكده انها وهم والمقرف في الموضوع عرضها بطريقه دينيه للعزف علي المشاعر وأول ما شوفت إعلاناتها اللي مغرقه الدنيا أفتكرت ورقه عباد الشمس اللي بتتحول للون الأحمر والأزرق وكانت اول تجربه ناخدها في الحضانه وللأسف ناس كتير بيصدقوا فيها

 

 

[Le Roi]

اقتباس المشاركة الأصلية كتبت بواسطة nash انا كنت متأكده انها وهم والمقرف في الموضوع عرضها بطريقه دينيه للعزف علي المشاعر وأول ما شوفت إعلاناتها اللي مغرقه الدنيا أفتكرت ورقه عباد الشمس اللي بتتحول للون الأحمر والأزرق وكانت اول تجربه ناخدها في الحضانه وللأسف ناس كتير بيصدقوا فيها

فعلا زي ما حضرتك بتقوي بالضبط هم شوية نصابين بيلعبوا علي مشاعر الناس وحوائجهم وللاسف مافيش اي تعليق ن وزارة الصحة مثلا .
تحياتي لحضرتك وشكرا لمرورك

 

 

[سهى يافا]

هي ورايا في كل حته بكرهه الاعلان ده زهقونا
كل نصب في نصب ولا باقي الاعلانات الوهمية
اربعة لحاف 285 جنية زائد مصاتريف الشحن
اشياء لا تصدق وجع راس على الفاضي

 

 

[مزاياإنسانة]

هههههههههه
تصدقوا أنا إشتريتها ولسه ماجربتهاش
أنا سمعت عنها سنين وعمري مافكرت أجربها
بس أنا شفتها فأشتريتها من محل أعرف صاحبة متخصص أعشاب
وقلت خليني أجرب مش خسرانة
بس يا سهى العلبة عندنا بستين ريال فيها عشر لصقات
المشكلة بقى من ساعة ما أشتريتها ماعدتش أحس بوجع
فقلت خلاص خلي الوجع كده هربان أكيد خايف من اللصقات

 

 

[Le Roi]

اقتباس المشاركة الأصلية كتبت بواسطة مزاياإنسانة هههههههههه تصدقوا أنا إشتريتها ولسه ماجربتهاش أنا سمعت عنها سنين وعمري مافكرت أجربها بس أنا شفتها فأشتريتها من محل أعرف صاحبة متخصص أعشاب وقلت خليني أجرب مش خسرانة بس يا سهى العلبة عندنا بستين ريال فيها عشر لصقات المشكلة بقى من ساعة ما أشتريتها ماعدتش أحس بوجع فقلت خلاص خلي الوجع كده هربان أكيد خايف من اللصقات

طب كويس ان حضرتك ما جربتهاش وخلي الوجع كدة مخدوع واوعي بقي تجربيها لحسن الوجع يتصدم وياخد مناعة منها ويرجع تاني

 

 

[Le Roi]

اقتباس المشاركة الأصلية كتبت بواسطة سهى يافا هي ورايا في كل حته بكرهه الاعلان ده زهقونا كل نصب في نصب ولا باقي الاعلانات الوهمية اربعة لحاف 285 جنية زائد مصاتريف الشحن اشياء لا تصدق وجع راس على الفاضي

ست الكل مدام سهى
اي حاجة يتقدر عليها وممكن لو ما عجبتكيش ترجعيها الا الصحة
هم بيلعبوا علي الموضوع ده كويس جدا ينزلوا حاجات للسكر والام الظهر والركب ولا ليها اي تأثير طبي ولكن الوهم هو دة الي بيلعبوا علية
تحياتي لحضرتك وتمنياتي بدوام الصحة

 

 

[SindBad]

شكرا جزيلاً لي روي

طبعاً الاعلان ده هراني وكرهني في عيشتي
ومن كتر الزهق قررت أشتري الملصق ده
وكل مرة مع زحمة الشغل انسى
لحد ما النهاردة الصبح زميلي في الشغل
بيقوللي شكلك مرهق جدا، هاتلك لصاقات
من بتاعت السموم، قولتله انت تعرفها
قللي جربتها انا واخويا، ومفيدة جداً
لما بحطها على رجلي، بتتحول تبقي سودة طين
انا صدقت ما قاللي كده، وما سألتهوش، عن نتيجة تأثيرها
لأن الزن بالاعلان كان هيئني تماماً للاعتماد على هذه اللاصقة
والثقة فيها، كنت محتاج بس تكة صغيرة وأتت عن طريق زميلي
لكن سبحان الله، ومن توكل على الله كفاه، أدخل المنتدى
آلاقي الموضوع ده في وشي

مييييييييييييييرسيييييييي
من هنا لشرم

 

 

[dr-amira]

الظريف بقى ان سعر اللصقة 99 جنيه +50 جنيه مصاريف شحن ده لو جبتها عن طريق اعلان التليفزيون اما لو جبتها عن طريق شركات المستلزمات فهتلاقيها ب 30 جنيه بس

 

 

[مزاياإنسانة]

اقتباس المشاركة الأصلية كتبت بواسطة SindBad شكرا جزيلاً لي روي طبعاً الاعلان ده هراني وكرهني في عيشتي ومن كتر الزهق قررت أشتري الملصق ده وكل مرة مع زحمة الشغل انسى لحد ما النهاردة الصبح زميلي في الشغل بيقوللي شكلك مرهق جدا، هاتلك لصاقات من بتاعت السموم، قولتله انت تعرفها قللي جربتها انا واخويا، ومفيدة جداً لما بحطها على رجلي، بتتحول تبقي سودة طين انا صدقت ما قاللي كده، وما سألتهوش، عن نتيجة تأثيرها لأن الزن بالاعلان كان هيئني تماماً للاعتماد على هذه اللاصقة والثقة فيها، كنت محتاج بس تكة صغيرة وأتت عن طريق زميلي لكن سبحان الله، ومن توكل على الله كفاه، أدخل المنتدى آلاقي الموضوع ده في وشي مييييييييييييييرسيييييييي من هنا لشرم

طب هاه جربت ولا لسه ؟؟!
وقولنا على النتيجة بسرعة