Arabic Discussion Forum with a Special Interest in Travel and Immigration

znaty · 30th January 2011, 06:55 PM

كلام اوباما عايم اويييييييي
يؤيد الانتقال الى حكومة تلبي رغبة الشعب ..حكومة موش رئيس ..يعني ماعندوش اعتراض على مبارك ..بس غير الحكومة باسماء ترضي الناس

وبرده ممكن يتفهم انه ضد مبارك
يعني كلام ديلع كدة وناقص ملح

znaty · 30th January 2011, 06:58 PM

اقتباس

المشاركة الأصلية كتبت بواسطة Raouf


	يا عم سفارى اسمعوا من جهات كتير القوات المسلحة المصرية النهاردة دخلت بدبابات و عربات مصفحة و نص جنزير المنطقة المتفق بالا يتواجد فيها الاسلحة الثقيلة بحسب اتفاقية كامب ديفيد و الدخول كان مفاجىء للمحللين العسكريين لدرجة ان راديو بى بى سى العربية كلمت محلل عسكرى جامعى اسرائيلى للتعليق على الحدث الذى وصفته بالكبير فرد الرجل اننا نعلم ان الجيش يريد ان يحمى امن بلاده و لن نصعد الامور باحتجاج رسمى لكسر المعاهدة و دخول المناطق المحظورة و سكت و لم يكمل الكلام ده انا سمعته بودنى فى راديو البى بى سى النهاردة الساعو 5 مساء و تكتمت كل وكالات الانباء الاخرى على الحدث و تقريبا علشان كدة مبارك و عمر سليمان و طنطاوى و الاخريين كانوا فى غرفة العمليات لقيادة الجيش مش علشان المظاهرات خالص على العموم تقتنعوا او لأ براحتكم خالص المهم انى انا شايف انى بلغت و اللهم بلغت اللهم فاشهد و مستعد لكل التهم الممكن توجيهها ليا من عميل لخائن او اكتر كما تحبون مع تحياتى و امنياتى بحرية مسئولة و عقل حر

ربنا يستر...بس انت قلقان من ايه بالظبط فهمني ؟؟ ماهو الحدود لازم تتامن وطبيعي انه يبعت جيش بعد اللي حصل في العريش وسينا

znaty · 30th January 2011, 07:01 PM

الحمد لله ..ضبط 1189 سجين من الفارين من وادي النطرون

znaty · 30th January 2011, 07:06 PM

اقتباس

المشاركة الأصلية كتبت بواسطة ana_3enady

مين يا عندي مصلحته انه يضرب نار على الحرس الجمهوري ؟؟ مين في الشعب بيكره الجيش المصري علشان يضرب عليه نار دلوقتي ؟؟

..ده لو كان الخبر صح

znaty · 30th January 2011, 07:10 PM

اقتباس

المشاركة الأصلية كتبت بواسطة Raouf


	يا عم زناتى الكلام على مركبات ثقيلة مش سلاح حرس الحدود الكلام على سلاح المركبات

موش فاهم برضه

ايه المشكلة ان سلاح المركبات يامن الحدود في وسط القلق اللي احنا فيه ؟؟
ده الواد بتاع حماس هرب من ابو زعبل بعدها بشوية اتكلم من بيتهم في غزة ..يعني كانت سايبه ...والبدو انت فاهم مولعينها

znaty · 30th January 2011, 07:30 PM

اقتباس

المشاركة الأصلية كتبت بواسطة Raouf


	يا عم حماس ايه طيب اربطها مع ضرب الشرطة اول امبارح فى سيناء بالقنابل اليدوية و الهجوم على الحرس الجمهورى النهاردة طول عمرنا عارفين البدو معاهم سلاح لكن عمرك سمعت عن البدو بيشتبكوا بقنابل يدوية او حتى الشرطة دكتور يحى اين انت

كدة فهمت ..كدة وضحت ..وكدة فعلا قلق

ana_3enady · 30th January 2011, 08:50 PM

دعوه لموضوعي

RobertInole

ما شاء الله يا زناتي .. الموضوع كله مشاركاتك

شريف احمد · 31st January 2011, 02:06 PM

الجزيرة منذ ايقاف عملها بمصر بالامس وهى تبث سموم قذرة وليست مادة اعلامية

د. يحي الشاعر · 31st January 2011, 02:09 PM

اقتباس

المشاركة الأصلية كتبت بواسطة شريف احمد


	الجزيرة منذ ايقاف عملها بمصر بالامس وهى تبث سموم قذرة وليست مادة اعلامية

شكرا علي ملاحظتك الهامة ...

من أجل ذلك .. رجاء للجميع ... عندما ينشر خبر من الجزيرة ، أن نتبع إسلوب" نشر سطور الخبر كاملا .. ورابطته" .. حتي نقرأ السطور وما بينهم ... وما قد "يحتمل" وجوده ن "هدف سلبي" بين السطور ... من عدمه

د. يحي الشاعر

Raouf · 31st January 2011, 02:10 PM

اقتباس

المشاركة الأصلية كتبت بواسطة شريف احمد


	الجزيرة منذ ايقاف عملها بمصر بالامس وهى تبث سموم قذرة وليست مادة اعلامية

ده حقيقى
ثلاث ارباع اخبارها
مبنية على مكالمات من ناس فى الشارع لا نعرف من هم
و بياخدوا الكلام الى اتقال فى المكالمة
و يحطوها على شريط الاخبار بجانب كلمة عاجل

يا جماعة تحولوا الى البى بى سى
الوحيدة المحايدة تماما

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مداخلات خارجة عن موضوع موجات الغضب	دكتور مهندس جمال الشربيني	أدب وشعر وقراءات متنوعة	4	25th September 2011 07:28 PM
مداخلات خارجة عن موضوع إختفاء زوجة كاهن	اسكندراني	منقوووووووووووولات	68	16th August 2010 11:13 PM
مداخلات خارجة عن موضوع كترمايا	Mizo	شؤون عربية ودولية	149	5th June 2010 10:36 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

شؤون مصر الداخلية

مداخلات خارجة عن موضوع ثورة 25 يناير