الزميل الفاضل زناتى

[Doudy]

الصحف المصرية والعربية

ربنا يرجعك بالف سلامة يا بشمهندس زناتى

 

 

[Ahmed Osman]

قلبك كبير يا بو العربي

 

 

[znaty]

سوهاجي بيدعوا لمظاهرة سلمية هنا كمان
اولا اعتذر عن التاخير في الردود يا شباب ..ويك ايند بقه كل سنة وانتوا طيبين وكنت مسافر امبارح ورجعت الفجر ..عزيزي سامو كلمني بالتليفون عرفني ..وفعلا العشرة حتى ولو الكترونية ماتهونش على حد ابدا

اشكركم جميعا بلا اي استثناء على سؤالكم ..مافيش اي مشكلة ولا زعل ابدا ..المكان كله بتاعنا وفيه عملنا ووثقنا احلى صداقات ومعارف ..لكن فعلا الفترة دي والفترة اللي جاية موش هلاقي وقت خالص ..للمشاركة بكثافة زي زمان ..لان امتحان المعادلة قرب جدا ..وخلاص كل محاولاتي لتاجيله اكتر من كدة ستبوء بالفشل..ومافيش فرصة تانية خلاص ..هما قالوا احنا دلعناك كتير علشان انت عايش بره كندا ..لاما تيجي تمتحن في شهر ابريل لاما تن تن علطول ..و تن تن دي معناها امتحن 4 امتحانات لا قبل لي بهم حاليا..
شاكر جدا جدا حبكم واهتمامكم ..واطلب منكم الدعاء بالتوفيق والسداد

 

 

[د. يحي الشاعر]

اقتباس المشاركة الأصلية كتبت بواسطة ELSOHAGY اخى و صديقى الفاضل زناتى تحيه طيبه و بعد اود ان اعلم سيادتكم ان غيابكم قد طال و افتقدت بشده مناقشتنا المفيده المثمره و مواضيعك الرائعه و مقالاتك الممتعه. ارجوا ان لا يطول غيابك عنا اكثر من كده....خاصة ان هذا رأى الكثير من الاعضاء و الذين يريدون ان يقولوا لك بعض الكلمات فى هذا التوبيك...الذى هو.... من اجلك انت و تفضلوا بقبول فائق الاحترام مقدمه لسيادتكم السوهاجى

إبن بلدي "الورسعيدي" العزيز باشمهندس "زناتي"

جري إيه يا باشمهندس .... ؟؟؟؟؟

كنا منتظرين تعليقاتك علي "موضوع حرق مبني محافظة بورسعيد" ... ومحاولة "حرق مقر إقامة المحافظ" .... ؟؟؟؟

إنت عارف أنه لم يحدث في بورسعيد إطلاقا ، أن هوجمت "المحافظة" وأحرقت .... سوي أيام العدوان الإنجليزي .... لكا ضربوها بالصواريخ زحطموا جزء من المبني

شباب وشابات البلد ثارت ومبارك "تنحي" أو بمعني أدق وأصح تم "عــزله" .....

يالله شد حيلك ... ولإظهر وبان وعليك الأمان إن شاء الله

وحشتنا يا باشمهندس




د. يحي الشاعر

 

 

[znaty]

اقتباس المشاركة الأصلية كتبت بواسطة ana_3enady لما الناس تقبل الرأي الآخر يبقى يرجع زناتي

موش عارف ليه موش مستغرب لما شوفت علامة باننج على اسمك يا تامر ..والله كويس انهم صبروا عليك كل ده

اقتباس المشاركة الأصلية كتبت بواسطة Hobgoblin زناتي بك فينك طال عمرك؟ واحشنا يالطيب... إذا كنت بتحاول تتهرب من العزومة اللي عليك...أنا مسامح فيها يا حاج ومشيها أي ساندويشت من بابا هاباس تحياتي يا هندزة

واحشني يا هوب والله ..ان نزلت سقف مطالبك كدة ليه ..ده احنا في موسم المطالب يا حج ..تنزل من مندي بابا هباس ؟؟؟ انت ماشي عكس التيار السائد في البلد

اقتباس المشاركة الأصلية كتبت بواسطة ALEXANDER نحترمك ونقدرك ونعتز بوجودك

اقتباس المشاركة الأصلية كتبت بواسطة Raouf زناتى باشا كتابتك استثنائية و افكارك استثنائية و اسلوبك استثنائى يعنى باختصار انت حالة استثنائية و بجد فى رأى ناقص بغيابك منتظرينك

روقا حبيب قلبي ..انت بتتكلم عن نفسك والا انا موش واخد بالي ؟؟

اقتباس المشاركة الأصلية كتبت بواسطة Dr.Samo أرجع يا أبو Z الناس كلها مفتقداك ... أرجع يا سيادة المحلل العسكرى لا أسكت الله لك حسا .... دا المنتدى مظلم من غيرك

والله يا ابو سامو ..مشغول حاليا بتحليل موقف ساحل العاج العسكري والسياسي ..الراجل هناك سقط في الانتخابات من بتاع 4 شهور ولسه موش عايز يسلم السلطة ..ومحدش حاسس بيه في الزحمة اللي احنا فيها ..قلت استغلها فرصة وابقى اول واحد يكتب عنه كتاب

 

 

[great expectations]

عليا النعمة

اه

انت عارف

بس خلاص

 

 

[znaty]

اقتباس المشاركة الأصلية كتبت بواسطة black knight أستاذي الموقر زناتي عن نفسي كنت أحد من يستمتعون بقراءة آراءك . كثيرا كثيرا إتفقت معك وكثيرا أيضا أختلفت معك في بعض الأراء بمنتهى الود والإحترام أقدر قرارك ولكن أطالبك بشدة بالرجوع عنه فالخلاف في الرأي دائما يعطي النقاش حلاوة ويجعله مفيدا تحياتي لك وقتما قرأت كلماتي ودائما

شكرا اخي الفاضل ...كلامك اثلج صدري جدا ..مفيش اي مشكلة والله بس فعلا مشغول الفترة دي جدا وربنا يعدي الايام الجاية على خير ..اهتمامك للتعليق شرفني واسعدني جدا

اقتباس المشاركة الأصلية كتبت بواسطة Tornado وحشتنا يا بشمهندس بجد يا رب يكون غيابك خير وتكون بصحة وافضل حال ومتغيبش علينا

انت اكتر يا تورنادو ..مفتقد كلامك اللي على نيته وبدون اي حسابات مسبقة ..زي ما بيقولوا اللي في قلبك على طراطريف صوابعك وكيبوردك

اقتباس المشاركة الأصلية كتبت بواسطة Eng Hesham اخويا و حبيبى زناتى مستنييك يا ريس ترجع تنورنا ولا احنا ملناش خاطر عندك يا هندسه

خاطرك غالي اوي يا هندسة..طبعا انت هايص زي ماقلتلك ..بدل ماتروح الجيش ..الجيش شخصيا جالك لغاية عندك ..نفسك في ايه تاني ؟

اقتباس المشاركة الأصلية كتبت بواسطة ELSOHAGY عارف يا زناتى.. احلى حاجه حلوه فيك انك فى عز ما كنا بنتخانق كنا بنعز بعض.... يعنى.. الاختلاف فى البط لا يفسد للوز صنيه.. مستنينك يا صديقى

بط ؟؟ ووز ؟؟ تصدق يا سو ..من ساعة ما بدات الاحداث لغاية دلوقتي ..وزوجتي ممتنعة تماما عن الطبيخ ..علشان موش وطنية خالص تسيب اللي احنا فيه وتطبخ طبعا ..وبعدين مين اللي ليه نفس ياكل دلوقتي ..تفتكر عين مين دي يا سو ؟؟
شكرا على اهتمامك يا صاحبي..مع انك كاتب خطاب حكومي سعادتك..كان كفاية اوي انت فين ياض ..وانا هاعترف علطول

 

 

[znaty]

اقتباس المشاركة الأصلية كتبت بواسطة نهر النيل يا كودو المسأله عن الرأي والرأي الآخر والباشمهندس رافض المشاركة برغبته الحقيقه هو كان خايف على الناس في مصر جدا بسبب الاحداث ايام المظاهرات لكن الحمد لله ربنا اراد لنا الخير والحمد لله بلدنا رجعت لنا اتمنى الباشمهندس يرجعلنا هو كمان عشان يفرح معانا ويفكر معانا في مستقبل بلدنا اللي لسه مش واضح معالمه انا عارفه انه وطني جدا وروحة في مصر منتظرينك يا باشمهندس

لسة احنا في اول السلم يا نهر النيل ..لسة بدري اوي علبال ..( انا شخصيا ) ما اتطمن وافرح ..الموضوع عندي موش مجرد فرح بالتغيير او شماته في مبارك او فرح بقدرة الشعل على التغيير
انا حاليا مخاوفي اكبر من الاول بكتير ..وفي كل النواحي ..موش بس الامنية او سلامة المواطن او حتى الاختراقات الامنية اللي حصلت واللي حاليا بتحصل...ولا عن التصور المتوقع للخطوات الجاية ..اللي ممكن تحمي مستقبل مصر من اطماع الطامعين ..وفي نفس الوقت تحقق طموحات الملايين دي في حياة ديمقراطية كريمة امنه ...موش وقته ولا مكانه ولا حتى الواحد في المود اللي يتكلم عنه الوقت..بس فعلا فعلا ..احنا في اخطر مراحل مصر على الاطلاق ..واخطر كمان من 67 ..67 كانت معروفة ديتها ..عموما ..ثقتي في الله عز وجل ..بانه لن يضيع هذا الشعب الطيب البسيط ..وثقتي في القوات المسلحة انها هاتكون صمام الامان والحاجز ..مابين طموحات الشعب ..واطماع البعض..الشعب ده مايستهلش الا الخير ..واكيد ربنا هايقف جنبة في المرحلة الصعبة اوي اوي دي ..اتمنى من الله ان كل مخاوفي بالكامل تكون غلط او تكون مبالغ فيها

اقتباس المشاركة الأصلية كتبت بواسطة الأهلاوي الأصيل

وعليكم ال ورحمة الله وبركاته يا عم

اقتباس المشاركة الأصلية كتبت بواسطة kodo دايما عندك الاخبار الاكيدة يا نهـــــــــــــر يا حبيبتي الله ينور طب يا باشمهندس اللي قبلنا قالوا الفرحة نصها مسامحة طبعا كلنا عارفين قد ايه حضرتك قلبك ابيض واحنا اكيد لازم نختلف عشان نعرف بعض وبعدين نرجع نتفق احنا كلنا دلوقتي في مركب واحدة متفقين او مختلفين لازم نسمع بعض عشان مصلحتنا ده حضرتك اللي معلمنا نسمع بعض ونسامح بعض ولا الزعل نساك حبيباك في انتظار الاخ الكبير يرجع لبيته ولمكانه بيننا

مساء الفل يا فاكهة المنتدى .. ..مسامحة على ايه بس يا كودو ..هو انا اصلا حد غلط فيا علشان اسامحه ؟؟ شكرا على كلامك الرقيق جدا جدا ..واتمنى اسمع منك اخبار حلوة ان شاء الله

اقتباس المشاركة الأصلية كتبت بواسطة somayasaleh يا خبر ابيض...كل الناس بتنادي عليك يا زناتي يا اخويا......وانت مش بترد عليهم يا عم صبح.....يا عم طل....... في انتظار مشاركاتك القيمة يا هندسة.......

والله يا هندسة انا ماكنت اعرف ..انا كنت في الخبر لغاية 5 الفجر ..وسامو كلمني بالليل قاللي وحتى الخط قطع قبل ما نكمل كلامنا ..انا ماقدرش سعادتك ..دول اصحابي واهلي وحبايبي
انا تحت الامر في اي لحظة سعادتك يا فندم

 

 

[znaty]

اقتباس المشاركة الأصلية كتبت بواسطة ALEXANDER نحترمك ونقدرك ونعتز بوجودك

كل التقدير والمحبة والاحترام لشخصك وللمنتدى كله يا صديقي ..بجد شكرا للظروف اللي سمحتلي اتعرف بناس زيكم

اقتباس المشاركة الأصلية كتبت بواسطة Doudy ربنا يرجعك بالف سلامة يا بشمهندس زناتى

الله يسلمك يا رب يا مدام دودي ..انا موجود والله بس انتوا اللي مابتجوش

اقتباس المشاركة الأصلية كتبت بواسطة Ahmed Osman قلبك كبير يا بو العربي

قشطة عليك يا برنس

اقتباس المشاركة الأصلية كتبت بواسطة qenawy عليا النعمة اه انت عارف بس خلاص

خير الكلام ..ما قل ..ولب

 

 

[znaty]

اقتباس المشاركة الأصلية كتبت بواسطة ramyfathalla أنا طبعا من أول الناس اللى تتمنى رجوع م / زناتى و مش كده و بس أنا كمان يشرفنى أكون موجود فى أى مكان يتواجد فيه حبيب قلبى الزناتى و شكرا صديقى سوهاجى على فتح الموضوع ده ربنا يبارك لك دائما سباق بالخير بس مشكلة الزناتى يا جماعة انه وطنى قوى و متدين قوى و بيخاف قوى على مصر بلده مثله مثلنا كلنا بس هو دقيق و محترس جدا و بيخاف جدا جدا لأحسن يقول رأى و الناس تأخذ به و يكون غلط و يترتب على رأيه ما لا يحمد عقباه أنا فاهمه كده و عارفه من زمان و لذلك دائما بيتفهم غلط بيبان على أنه متمسك برأيه و على فكره قلبه أبيض قوى و اجتماعى قوى و خدوم قوى قوى قوى و ممكن ينسى و يسامح بسرعة قوى قوى أنا مش عارف المشكلة اللى حصلت و لكن عندما سألته عن قلة مشاركته قال لى موضوع تافه و لا يستحق التكلم عنه يعنى ان شاء الله طالما الموضوع بسيط يبقى حايرجع و ينورنا من تانى و أضم صوتى لصوتكم من هنا و أدعوه من أجل كل محبينك و أصدقائك فى المطاريد شارك من جديد و عفا الله عما سلف

والله يا رامي ..انا موش عارف ليه ..كل ما اشوف صورتك والا اقرا اسمك ..احس كاني شايف كوباية لبن حليب نقي للغاية ..كلامك كتير اوي وكبير اوي عليا ..هو فعلا مافيش اي حاجة تستحق الذكر او الاهتمام ..بس سامحني لو غطست تاني ..لاني فعلا مشغول جدا المرحلة الجاية اوي ..وربنا يستر على مصر وشعبها اولا .. ..وعلى امتحانات المعادلة ثانيا