فيدرال تاااانى 2014

[shereens2000]

الصحف المصرية والعربية

دلوقتي هم قايلين لازم معادلة الشهادات وانا شهاداتي لازم تتعادل من نقابة الاطباء الكندية.ولما فتحت عليها لقيتها تاخد وقت اكتر من 100 يوم.م عارفة اعمل ايه لو استنيت ال3 شهور دي اعتقد الاماكن المخصصة للهجرة لل noc بتاعتي هتكون خلصت .....ممكن تنصحوني اعمل اية.

 

 

[Dr.Raghda]

دعوه لموضوعي

صيادلة مستنين الفرج

اقتباس المشاركة الأصلية كتبت بواسطة shereens2000 دلوقتي هم قايلين لازم معادلة الشهادات وانا شهاداتي لازم تتعادل من نقابة الاطباء الكندية.ولما فتحت عليها لقيتها تاخد وقت اكتر من 100 يوم.م عارفة اعمل ايه لو استنيت ال3 شهور دي اعتقد الاماكن المخصصة للهجرة لل noc بتاعتي هتكون خلصت .....ممكن تنصحوني اعمل اية.

ده بالنسبة للاطباء بس وللا الصيادلة كمان ؟؟؟ انا صيدلانية وعاوزة اعرف اقيم شهاداتى فين

 

 

[M. Yousef]

اقتباس المشاركة الأصلية كتبت بواسطة stead walker يوسف باشا هو ايه اللي حصل 2008

فىى 2008 السيستم اتغير فيه حاجات... مش متأكد من التفاصيل هنا لأنى ماكنتش مهتم بالموضوع اوى ساعتها. بس كان الابلكيشن بياخد وقت طوييييييل على ما ربنا يكرمك و يطلبوا الباسبور. اكتر من 3 او 4 سنين تقريبا.

و كان فيه وايتنج لست طوييييييييييييييييييلة لناس مقدمة و لسا ما حدش رد عليها حتى بالقبول او الرفض

*

الخلاصة ان بقا فيه ناس مقدمة ابلكيشنز على السيستم الجديد*post-2008*و ناس مستنية من قبل كدا*Pre-2008

*

جم الباهوات ابتدوا يشتغلو فى الجديد و كل ما ربنا يكرمهم بشوية وقت فاضى يبقو يبصو على الناس القديمة المستنية دى بجانب الأبلكيشنز اللى بتوصل كل سايكل جديدة.

*

و مع طول فترة الانتظار و كتر الشكوى... جت الحكومة اخدت قرار عجيب كدا انها ترمى كل الأبلكيشنز اللى عندها و محدش فتحها ولا بص فيها حتى ف اقرب*waste disposal

*

ولا حتى رجعوا الورق للناس... اللى كان منهم ناس باعتة ال*Fees*و كدا.

جم الناس طبعاً وكلوا محاميين و رفعوا قواضى و كسبوها و اغلبهم (ان لم يكن كلهم على حسب علمى) استرد فلوسه تانى.

مش متأكد ان الورق رجع (و دى طبعا مصيبة تانية لأن كلنا عارفين الورق دا بنشوف المر على ما بنجمعه و بنصرف عليه وزنه دهب )

*

خلاصة القصة دى ان الناس اتبهدلت و ضاع من عمرها سنين و حرقة دم و انتظار و تعطيل مصالح و حياة واقفة فى انتظار جودو الذى لا يجئ!

*

*

العبرة دى انا اتعلمتها قبل كدا لما كنت بامتحن*GRE**و كنت باحلم آخدScholarship*و احضر ماجستير برا... الامتحان طلع منه نسخة جديدة فى السنة اللى كنت هامتحنها و قالوا ان اللى هيقدم بدرى على السيستم الجديد هياخد خصم و كدا. طبعاً الكل تخوف و قال لأ ... خلينا فى القديم اللى احنا عارفينه و صاميين اسئلته و نظامه و متدربين عليه و مذاكرين له شهور و سنين.

*

طبعاً مش محتاج اقول ان بعد 6 شهور من تطبيق النظام الجديد اصبحن كل الشهادات القديمة*Obsolete*و مافيش اى جامعة راضية بيها. و على احسن الأحوال بتطلب منك تجيب******alent Score Certificate**او تمتحن من جديد و تريح نفسك و تريحهم!

*

*

الخلاصة للى زهق من كتر القراية و عمل*Scroll down**عشان يشوف الجدع الرغاى دا آخرته ايه...

*

فى احتمال ان كل اللى يقدم عشان يلحق السنة الأخيرة فى النظام القديم يلبس فى الحيط! لا هيبقى عارف يقدم فى النظام الجديد (اللى لسا م نعرفش عنه كتير) ولا هو الأبلكيشن بتاعه ماشى. وقف حال من الآخر.

*

مش قصدى أخوف حد... يمكن السيستم الجديد يكون احسن و أسرع فى الوقت فعلاً زى ما بيقولو فى الميديا... يمكن دا يكون طريقة مستخبية لتقليل او اعادة تنظيم اعداد المهاجرين و توزيعهم الديموجرافى. يمكن تكون السيكل* دى 2014 آخر فرصة* ندخل بيها كندا مستريحين و اللى جاى بعد كدا عذاب!!!

الأحتمالات كتيرة .. و مفيش أى حد متأكد من أى حاجة.

الحاجة الوحيدة الأكيدة هى ان دى حالة متميزة و فريدة مش بتحصل الا نادراً. فلازم كل واحد يبقى عارف و حاسب ال*risk*اللى هياخده كويس اوى قبل ما يسلم ورقة واحدة و ياخد خطوة مفيش منها رجوع او يلحق فرصة عمرها ما هتتكرر.