زيارة لقرية فقيرة يوم السبت القادم

[toota]

يوم السبت القادم الموافق ل 16 اكتوبر الساعة 9 صباحا حيقوم بعض الاخوة بزيارة قرية في محافظة الفيوم اسمها سنورس

حيطلعوا بباصات مكيفة رايح راجع ومكان الالتقاء حيكون عند الميريلاند

حيكون التبرع كحد ادنى ب 85 جنيه لان التذكرة للباصات ب 100 جنيه منها 15 تمن التذكرة والباقي للتبرع ...

تم جمع مبلغ 20 الف جنيه و300 بطانية ...والي حابب يتواجد للذهاب مع الاخوة للقرية يقدر يبعتلي على الخاص لمزيد من التفاصيل

اي حد عايز يتبرع حتى بملابس قديمة او اي مبلغ رمزي...لو مش طالع وحابب يتواصل مع الاخوة ممكن يتواصل مع المسئول عنهم لمزيد من التفاصيل ايضا...

 

[أمل]

كنت نويت ان شاء الله اروح كفسحة مع عائلتى الى وادى الريان
ممكن عنوان القرية دى فين بالضبط لو الواحد عاوز يروحها لوحده

 

 

[toota]

لو حبيتي اعطيكي على الخاص بيانات الرحلة لاني طالعه بالباص مش حسوق لهناك ومعنديش فكره يتراح لها ازاي...وكلنا طالعين مع بعض

 

 

[أمل]

اقتباس المشاركة الأصلية كتبت بواسطة toota لو حبيتي اعطيكي على الخاص بيانات الرحلة لاني طالعه بالباص مش حسوق لهناك ومعنديش فكره يتراح لها ازاي...وكلنا طالعين مع بعض

معلش انا صعب عليه اوى الالتزام معاكم بالوقت
لو تأكد سفرى الى الفيوم (ان شاء الله) سارسل لك على الخاص لترتيب اللقاء
وجزاء الله خيراً

 

 

[سهل جدا]

كتب الله أجركم، وجعلكم على الخير أعواناً، وجعل ما تفعلون في موازين حسناتكم

 

 

[toota]

اقتباس المشاركة الأصلية كتبت بواسطة سهل جدا كتب الله أجركم، وجعلكم على الخير أعواناً، وجعل ما تفعلون في موازين حسناتكم

اللهم امين

 

 

[yasovinas]

الغاليه توتا
طبعا ربنا يكرم كل من يقوم بعمل خير
لكن اسمحي لي ومن غير زعل
موضوع الذهاب الى قرية فقيرة في الفيوم (سنورس ) في اتوبيس مكيف وننزل كولنا هاي شله ونوزع البطاطين على الفقرا هناك اظنها ثقيله - واخاف ان يكون فيها والعياذ بالله شبهة تفاخر او ادعاء - يعني لو الموضوع يبقى في الخفاء يكون افضل وال15 جنية اللي هتدفعوهم للباص الفقراء اولى بيهم

مجرد راي

 

 

[toota]

اقتباس المشاركة الأصلية كتبت بواسطة yasovinas الغاليه توتا طبعا ربنا يكرم كل من يقوم بعمل خير لكن اسمحي لي ومن غير زعل موضوع الذهاب الى قرية فقيرة في الفيوم (سنورس ) في اتوبيس مكيف وننزل كولنا هاي شله ونوزع البطاطين على الفقرا هناك اظنها ثقيله - واخاف ان يكون فيها والعياذ بالله شبهة تفاخر او ادعاء - يعني لو الموضوع يبقى في الخفاء يكون افضل وال15 جنية اللي هتدفعوهم للباص الفقراء اولى بيهم مجرد راي

مفيش زعل بينا يا ياسو...احنا زي مانت قلت زملاء قدام ويجمعنا المكان مش اكتر

الذهاب لهذه القرية مش عشان نتفاخر او ندعي ما ليس فينا..لان الفلوس اتجمعت والبطاطين والملابس.,,, وممكن المسؤل يروح بنفسه ويتصور وهو بيوصل الحاجات دي زي مابيحصل في اماكن كتير اوي....وغالبا ده العادي

..الذهاب لهذه القرية لاسباب زائدة عن هذه الامور .,,, منها ان كل متبرع بيشوف بعينه فلوسه رايحه فين ولو حابب يكفل تلميذ او يتكفل بسيدة ضريرة ملهاش عائل الخ...

وكمان بناخد اولادنا معانا وبيبقى تبرعهم من مصروفهم الشخصي عشان يكبروا ويعرفوا ان فيه ناس غلابه مش لاقية اللقمة....

تذكرة النفوس سواء بالموت او بالفقر والحوجة...بيبقى اكبر بكتير من فلوس رميتها في صندوق ودمتم لان اثر ماتراه بعينيك اكبر بكثير جدا مما نتصور.....

الموضوع مش هاي باي شلة يا ياسو....الموضوع كله تكافل اجتماعي بحت....اي تساؤل ثاني او استفسار انا مش حتضايق بالعكس انت بتديني فرصه اني اوضح اكتر طبيعة هذه الخدمات...

 

 

[yasovinas]

ماعرفتش اوصل فكرتي
انا مش معترض على الذهاب للقرية وزيارة الناس دي ابدا دا موضوع جميل جدا لكن انا كنت بتكلم على مبدأ نزول او دخول باص فاخر مكيف الى قريه معدمه هيؤدي بداية الى تجمع اهل القريه كلهم حوالين الباص يتفرجوا على الناس النظيفة اللى جايه تتفرج عليهم وطبعا دا راح يكون له تاثير سلبي في نفوسهم بالاضافه الى توزيع الصدقه او المعونه على الجميع جهاراً نهاراً في ناس فقراء تحسبهم من التعفف اغنياء مش هيقبلوا هذه المعونه
ارجوا ان تكون الفكرة وصلت

 

 

[suliman]

الاخوة الكرام اللة سبحانة وتعالى اوصى بالصدقة بالخفية وليس بالعلن ...وحتى المساعدة الانسانية حتى لا
يتحسس الشخص .... ارجو منكم تقديمها بالسر وليس بالعلن لاتها مباها بها