إفتتاح باب الدراسة فى كندا واستراليا واوروبا

[Admin]

الصحف المصرية والعربية

بسم الله الرحمن الرحيم

الأخوة والأخوات أعضاء وزوار المنتدى الكرام

السلام عليكم ورحمة الله وبركاته

على بركة الله نفتتح الباب الجديد (الدراسة فى كندا واستراليا واوروبا) والذى سيتم تخصيصه لمناقشة كل ما يتعلق بالدراسة بتلك البلدان سواء كانت دراسات أساسية أو دراسات عليا فى كافة التخصصات بدلاً من تفرق تلك الموضوعات فى عدة أبواب كما كان عليه الحال وذلك بغرض تسهيل الحصول على المعلومات اللازمة فى هذا المجال ... الموضوعات التى تتعلق بالدراسة فى الخارج بالمنتدى كثيرة ومتنوعة وسيتم نقلها تباعاً إلى هذا الباب بمعرفة الزملاء فى الإدارة ... نرجو أن يحوز الباب الجديد على رضاكم وأن ينفع الله به الجميع ... شكراً لكم

 

[arandas]

فكره سيئه جدا بالشكل ده كل المواضيع اللي عن الدراسه سوف تهجر خصوصا ان اغلب الناس داخله الموضوع كخطوه للهجره فالكل بيدخل على موضوع الهجره لكندا و بعد كده بيدور داخل الموضوع على التجارب الناس و الانسب له للهجره ولو انتوا ملاحظين حتلاقوا ان اغلب اعضاء المنتدى اللي بيتصفحوا موضوعات الهجره لكندا نادرا ما بيكتبوا في باقي صفحات المنتدى.
و لو كان الهدف هو التنظيم و ضم موضوعات الدراسه فممكن ضم كل موضوعات الدراسه في كندا داخل موضوع واحد لكن داخل الموضوع الاساسي الهجره لكندا و نفس الطريقه مع الدراسه في استراليا تكون داخل الهجره لاستراليا في موضوع واحد.لان زي ما قلت في الاول الناس في الاول بتفكر في الهجره الي كندا و بعد كده بتفكر في الطريقه اللي ممكن تكون الدراسه لكن مفيش حد اول ما بيفكر بيفكر في الدراسه.

مره تانيه انا اسجل اعتراضي على النقل والاولى انكم كنتم تعملوا استفتاء على الفكره لان المنتدى ليس ملك الاداره ولكنه ملك الاعضاء اللي بيشاركوا فيه.

 

 

[Admin]

اقتباس المشاركة الأصلية كتبت بواسطة arandas فكره سيئه جدا بالشكل ده كل المواضيع اللي عن الدراسه سوف تهجر خصوصا ان اغلب الناس داخله الموضوع كخطوه للهجره فالكل بيدخل على موضوع الهجره لكندا و بعد كده بيدور داخل الموضوع على التجارب الناس و الانسب له للهجره ولو انتوا ملاحظين حتلاقوا ان اغلب اعضاء المنتدى اللي بيتصفحوا موضوعات الهجره لكندا نادرا ما بيكتبوا في باقي صفحات المنتدى. و لو كان الهدف هو التنظيم و ضم موضوعات الدراسه فممكن ضم كل موضوعات الدراسه في كندا داخل موضوع واحد لكن داخل الموضوع الاساسي الهجره لكندا و نفس الطريقه مع الدراسه في استراليا تكون داخل الهجره لاستراليا في موضوع واحد.لان زي ما قلت في الاول الناس في الاول بتفكر في الهجره الي كندا و بعد كده بتفكر في الطريقه اللي ممكن تكون الدراسه لكن مفيش حد اول ما بيفكر بيفكر في الدراسه. مره تانيه انا اسجل اعتراضي على النقل والاولى انكم كنتم تعملوا استفتاء على الفكره لان المنتدى ليس ملك الاداره ولكنه ملك الاعضاء اللي بيشاركوا فيه.

شكراً لك على التعقيب ... الباب الجديد بداخل أبواب الهجرة بالمنتدى والذى يضم أبواب الهجرة لكندا واستراليا ونيوزيلاندا وغيرها من بلاد المهجر ... الغرض من إنشاء هذا الباب كما تقدم هو تجميع كافة الموضوعات المتعلقة بالدراسة فى مكان واحد حتى يسهل على الراغب فى الدراسة بالخارج الإلمام بها فى وقت قصير بدلاً من وجودها مبعثرة حالياً وسط مئات الموضوعات ... تحياتى

 

 

[paolo]

اقتباس المشاركة الأصلية كتبت بواسطة Admin شكراً لك على التعقيب ... الباب الجديد بداخل أبواب الهجرة بالمنتدى والذى يضم أبواب الهجرة لكندا واستراليا ونيوزيلاندا وغيرها من بلاد المهجر ... الغرض من إنشاء هذا الباب كما تقدم هو تجميع كافة الموضوعات المتعلقة بالدراسة فى مكان واحد حتى يسهل على الراغب فى الدراسة بالخارج الإلمام بها فى وقت قصير بدلاً من وجودها مبعثرة حالياً وسط مئات الموضوعات ... تحياتى

الفكرة أكثر من رائعة . خاصة انها تهم قطاع كبير من أعضاء المنتدى . و أتوقع نجاح كبير لهذا لباب الجديد

أقترح أن يكون متخصصا لكل بلد على حدى . (كندا - أستراليا - نيوزلندا).
التعليم الجامعى وقبل الجامعى . و افضل المدارس فى كل مقاطعة لكندا على سيل المثال.

 

 

[monylife]

فكرة جميله ومفيدة يا ادمن
ربنا يوفقك المنتدى وكل اعضاءة لما يحبه ويرضاه

 

 

[راجي الخير]

فكرة جميلة جدا
لإنها بتهم ناس كتير جدا بما فيهم الراغبين في الهجرة
والواحد كان بيتوه جوة أقسام الهجرة عشان يجمع معلومات عن الدراسة
وياريت محدش يبخل علينا بأي معلومات يعرفها عن الموضوع ده ..

 

 

[Matrix]

دعوه لموضوعي

أطلق العنان لمشاعرك ، كن إنسان.

I like it provided that it will be as busy as Canada forum

 

 

[CAPTAIN_MOHAMED]

أنا طالب بحري خريج الاكاديمة البحرية قسم الملاحة البحرية كنت ناوي ان شاء الله اكمل دراسة بأكاديمة بحرية بكندا بس مش عارف ابدأ منين تاية خالص ياريت لو حد يقدر يساعدني ان اعرف اكاديمية للدراسات البحرية في كندا تكون معترف بيها

 

 

[عصفور الجنه علي]

انا خريجه تجاره وعايزة اغير الكاريير بتاعي واكون مدرسه انجلش عايزة ادرس في كندا واخد شهاده تفيد باني مدرسه انجلش وفي نفس الوقت عايزة تكون دي خطوة للهجرة وزوجي واولادي يكوني معايا
ياريت اللي عندهم خبره في الموضع ده يفيدوني ربنا يجازيكم كل خير
وياريت تفيدوني ايه ارخص الجامعات اللي ممكن ادرس فيها وهل زوجي ممكن يشتغل بما انه مرافق ليا واولادي يدخلوا المدرسه هناك وحضانه ؟؟؟؟؟؟؟؟هل بتكون المدارس والحضانات برسوم عاليه؟؟؟؟؟؟

 

 

[hanipal]

موضوع جميل ربنا يوفقكم