شاشة و غسالة زيرو للبيع !

[Bahy]

الصحف المصرية والعربية

شركة هايسنس كانت عاملة مسابقة عالفيس بوك عبارة عن تصوير اعلان للموبايل الجديد بتاعها وكنت عملت موضوع هنا عالمنتدى اخد راى الناس وده لينك الموضوع

https://www.almatareed.org/vb/showthr...8#.UZfitMsaySM

المهم انا صورت الاعلان وبعته فالمسابقة وكسبت المركز الاول وده لينك اعلان النتيجة

https://www.facebook.com/HisenseEgypt...03066759746709

والجايزة شاشة هايسنس LED خمسين بوصة ،
فكنت عايز اسال لو فى مكان بيشترى الحاجات دى ولو ممكن ابادلها باجهزة تانية لانى مش محتاجها وعندنا شاشة

وفى حاجة كمان بس من غير حسد :)
كسبت بردو غسالة يونيفيرسال فول اوتوماتيك 5 كيلو من برسيل وده لينك اعلان النتيجة

https://www.facebook.com/photo.php?fb...levant_count=1

وعايز ابدلها بغسالة فوق اوتوماتيك مسحوقها عادى عشان هديها مساعدة لحد محتاج ومش هيقدر عالمسحوق الاوتوماتيك

 

[كيكو]

دا انت حظك نار

الحق قدم فى مسابقة المليون بتاعة الام بى سى

 

 

[حشيش]

مبروك يا باهى ... صبرت ونلت ... بس يعنى إيه تصوير إعلان للموبايل الجديد لهايسنس؟

 

 

[Bahy]

الله يبارك فيك ^_^
شركة هايسنس نزلت موبايل جديد والمسابقة كانت انك تعمل اعلان للموبايل ده
ده اعلانى اهو ،، هو مش قد كدا بس اهو خد المركز الاول D:

 

 

[NazeeH]

فنان فعلاً يا باهي وتستحق المركز الأول عن جدارة .. إعلان بسيط وهادف في نفس الوقت .. واختيارك للكاسيت القديم ليتماشي مع الحوار كان اختيار موفق ..
الإعلان قصير لكن مركز وده سبب حصولك على المركز الأول ..
بالتوفيق دائماً ..

 

 

[Lee Lee]

ممتاز يا باهى اعلان بسيط ومعبر جدا

انا عجبنى اوى

بس كان لى ملاحظة لو يعنى يكون فيه وقت زيادة كان حيخدم الاعلان اكتر

مبروك الجايزة وانشالله تلاقى حد يبادل معاك او يشتريها



الى الامام

 

 

[Bahy]

^_^ الله يبارك فيكو والله انا قعدت اتفرج عالاعلان بعد كلامكم ده اكتر من مرة ، والسبب الرئيسى ان الاعلان قصير هو ان كان لازم حجم الفيديو يبقي اقل من 5 ميجا والامتداد .MP4 والموبايل بتاعى ماشاء الله عليه حجم الفيديو بيعدى جامد فيه وده سبب ان جودة الفيديو اللى عاليوتيوب قليلة لانى بعد ما خلصت الفيديو والمونتاج كان حجمه حوالى 15 ميجا واضطريت اقلل الجودة علشان الحجم يقل ،،
***
بس بجد اللى اهم من الجايزة هما اليومين اللى عشتهم من اول البحث عن فكرة وبعدين الكلام اللى هقوله والتسجيل اكتر من اربعين مرة والتصوير واصور من هنا ولا من هنا والمزيكا وبعدين دورت عالنت على برامج مونتاج واشوفها بتشتغل ازاى وبرامج مكس للصوت واخيرا برنامج تحويل الامتداد ،،، متعة وشغف من غير نوم ولا اكل وسعادة احساس ما حسيتوش من ساعة ما كنت بركب صور عالفوتوشوب وانا فالاعدادى من تمن سنين وزى لما كنت اقعد طول الليل افكر فمسألة هندسة من برة المنهج الاستاذ بيتحدانا بيها :) ،،وتقريبا الفيديو ده اول انجاز ليه من زمن ،، من ساعة ما دخلت الكلية وخلاص هتخرج كمان سنة اهو ومش لاقى نفسي فحاجة وعمر بيعدى خلاص ،،،،، بجد يا بخت اللي لاقي نفسه وبيعمل اللي بيحبه ،،، ويا رب الاقى الحاجة اللي بحبها او اعرف ايه هى عالاقل D:

 

 

[حشيش]

اقتباس المشاركة الأصلية كتبت بواسطة Bahy الله يبارك فيك ^_^ شركة هايسنس نزلت موبايل جديد والمسابقة كانت انك تعمل اعلان للموبايل ده ده اعلانى اهو ،، هو مش قد كدا بس اهو خد المركز الاول D:

أكتر حاجة عجبتنى في الإعلان كوباية الشاى بالنعناع ... لأ بجد الإعلان كأول تجربة ليك ممتاز ... سر على بركة الله يا باهى

 

 

[Lee Lee]

اقتباس المشاركة الأصلية كتبت بواسطة حشيش أكتر حاجة عجبتنى في الإعلان كوباية الشاى بالنعناع ... لأ بجد الإعلان كأول تجربة ليك ممتاز ... سر على بركة الله يا باهى

عجبك الشاى ولا النعناع

انا بقى بجد عجبنى الاعلان كله بشكل عام وزعلت ان وقته قليل كنت حابة انه يكون اطول شوية

لكن اكتر حاجة لفتت انتباهى ( كتاب The Secret )
والكتاب وحده نجاح كبير

كمان عجبنى زاراير الكاسيت اصلها بتفكرنى بكاست اعرفه زمان



بجد يا باهى الاعلان مقنع . . . . مقنع جدا

 

 

[Bahy]

شكراً علي كلامكم الحلو ده :) اخجلتم تواضعنا ^_^
انا لقيت مكتوب تحت ان ممنوع عمل اعلانات عالمنتدي وعلي العموم انا لقيت صاحب معرض هياخدهم فلو فيها حرج ممكن تمسحوا الموضوع بقي خلاص او تغيرو العنوان لو عايزين :))