إلى الزملاء الجدد مرتادى منتدى كندا

[Admin]

الصحف المصرية والعربية

بسم الله الرحمن الرحيم

الأخوة والأخوات الكرام مرتادى منتدى كندا

السلام عليكم ورحمة الله وبركاته

أولاً أنتهز هذه الفرصة بإسمى وإسم إدارة المنتدى للترحيب بكم جميعاً ونتمنى لكم قضاء وقتاً طيباً ومفيداً بين إخوتكم وأخواتكم هنا ... ثانياً بحسب علم إدارة المنتدى فقد قام العديد من الأعضاء الجدد بالتسجيل بمنتدي المطاريد خلال اليومين الماضيين وذلك بسبب إغلاق باب الهجرة إلى كندا بمنتدى محاورات المصريين الشقيق ولا علم لنا إن كان هذا الإغلاق دائم أم مؤقت ... فى كل الأحوال الجميع على الرحب والسعة وبالطبع يسعدنا تواجدكم ... السبب فى كتابة هذا الموضوع هو إمكانية تنصيب هاك خاص بآخر المواضيع المطروحة فى باب الهجرة إلى كندا بداخل الباب نفسه بحيث لا تطغى المواضيع المطروحة الخاصة بالهجرة على بقية المواضيع السياسية والإجتماعية والرياضية وخلافه الخاصة ببقية أعضاء المنتدى على شريط آخر المواضيع العام المتواجد بأعلى الصفحات ... فى حال تواجد الزملاء الجدد هنا لأيام قليلة لحين إعادة فتح باب كندا بالمحاورات فلن تكون هناك ضرورة لتنصيب هذا الهاك ويبقى الوضع على ما هو عليه ... فى كل الأحوال أود أن أكرر أن تواجدكم يسعدنا ويشرفنا سواء فى المطاريد أو فى المحاورات الذى تربطنا به وبالقائمين عليه علاقات طيبة ومتينة ... شكراً لكم

 

[No Body]

بيتهيألي يا Admin1 إن المحاورات كانوا شغلوا الهاك ده من حوالي سنة وشوية وكان مسبب مشكلة كبيرة

يا ريت تخليهولنا زي ما هو لأن مرتادي منتدى الهجرة كتييييييييير جداً والبحث داخل المنتدى بقى بيدوخ

كمان في إخوة سابوا المحاورات أول ما عملوا الهاك ده

صحيح إحنا هنا ما شاء الله علينا نمسك الخشب في ازديااااااااااد مستمر لكن برضه البحر يحب الزيادة



























حاسس إني بقيت بأقُر كتير اليومين دول ربنا يستر

 

 

[Admin]

اقتباس المشاركة الأصلية كتبت بواسطة No Body بيتهيألي يا Admin1 إن المحاورات كانوا شغلوا الهاك ده من حوالي سنة وشوية وكان مسبب مشكلة كبيرة يا ريت تخليهولنا زي ما هو لأن مرتادي منتدى الهجرة كتييييييييير جداً والبحث داخل المنتدى بقى بيدوخ كمان في إخوة سابوا المحاورات أول ما عملوا الهاك ده صحيح إحنا هنا ما شاء الله علينا نمسك الخشب في ازديااااااااااد مستمر لكن برضه البحر يحب الزيادة حاسس إني بقيت بأقُر كتير اليومين دول ربنا يستر

أخونا العزيز No Body

تحية طيبة وبعد

يبدو أننى لم أستطع توصيل المعلومة التى أردتها بشكل صحيح فمعذرة لذلك ... مفيش حد حيدور ولا حاجة ولن يكون هناك أى مشاكل بهذا الخصوص إن شاء الله ... الموضوع كله إنه حيكون فيه فى المنتدى عدد 2 شريط آخر موضوعات بدلاً من شريط واحد فى الوقت الحاضر ... شريط سيكون مخصص فقط لموضوعات كندا وشريط آخر سيكون مخصص لبقية موضوعات المنتدى العامة ... ما اسئل عنه هو: إن كان الزملاء الجدد ينوون العودة إلى باب كندا بالمحاورات بعد إعادة فتحه مجدداً إن شاء الله فلا داعى لتفعيل فكرة الشريطين ... أتمنى أن تكون الفكرة قد وصلت ... تحياتى

 

 

[somayasaleh]

انا من رأي الشخصي تفعيل موضع الشريطين دول....حتي لو المحاورات فتحت تاني....مفيش مانع ان الواحد يكتب هنا وهناك....اللي عايز يفيد الناس ..... ...بيفدهم في اي مكان...ابتغاء وجه الله تعالي

واعتقد ان الناس الكتير اللي سجلوا هنا بعد اغلاق باب الهجرة في المحاورات .....ممكن يتواصلوا هنا وهناك مفيش اي مشكلة

وناخد رأي باقي الاعضاء المهتمين بالهجرة.......... يلا مين ح يقول رأيه؟

 

 

[Robin Hood]

فضلا و رجاء بلاش تخصيص باب كندا بمعاملة مختلفة عن بقية الابواب ....باب زي أي باب تاني ..... ما ينفعش يتعاقب بذنب إن نشاط مرتاديه كبير .....شريط منفصل لباب كندا يعني ٣ شرايط متحركة في مقدمة المنتدي ....متهيألي كتير .... و لا الشريط حيبقى في داخل صفحة كندا ؟

بالنسبة للاعضاء الجدد فممكن أأكد لحضرتك إن فيه ناس مش حيعتبوا هناك تاني و فيه ناس حيكملوا هنا و هناك و فيه ناس حيمشوا من هنا و يروحوا هناك

رأيي الشخصي المتواضع تنظيم المنتدي ما يبقاش ليه أي علاقة بحد و يمشي علي أسس ثابتة ما تتغيرش

تحياتي و تقديري يا باشا

 

 

[Robin Hood]

نسيت أقول حاجة مهمة جدا ....اشراك الاعضاء ..... أو الشعب يعني ..... في اتخاذ الأجراءات التنظيميية يدل علي فكر راقي و أسلوب ادارة متقدم نفتقده في كتير من جوانب الحياة المصرية مش بس المنتديات ..... كامل التقدير و الأحترام و دعوات بمواصلة نفس النهج

 

 

[الأهلاوي الأصيل]

من رأيي تفعيل فكرة الشريطين...شريط لمنتدى كندا وشريط لباقي الموضوعات
وده مش عقاب لمنتدى كندا عشان نشاطه كبير بالعكس ده تمييز وتكريم ليه وفي نفس الوقت عشان ما يحصلش جور على باقي موضوعات المنتدى
ثاني حاجة تنظيم المنتدى يجب ألا يكون له أي علاقة بأي منتديات أخرى...
ثالث حاجة ودي أمنية شخصية مش ملزمة لحد...أتمنى إن الناس اللي سجلت هنا بعد المشكلة اللي حصلت في المنتدى التاني تكمل هنا ، مش عايز أقول ما ترجعش هناك عشان ده أمر يرجع لكل عضو على حدة ، بس يفضلوا على تواصل هنا ، وأكيد الكل حاسس وشايف الفرق بين مستوى التعامل هنا وهناك.

 

 

[O.S.A.M.A]

حوشحوش

وحشانى كتير افتكاساتك

انا من رأيى تخلى الشريط ده فى باب كندا لأنى ملاحظ أن مواضيع كندا زادت جداً وحسيت أن الجبل بتاعنا اتنقل فى تورنتو وانا مش واخد بالي

 

 

[Robin Hood]

اقتباس المشاركة الأصلية كتبت بواسطة الأهلاوي الأصيل من رأيي تفعيل فكرة الشريطين...شريط لمنتدى كندا وشريط لباقي الموضوعات وده مش عقاب لمنتدى كندا عشان نشاطه كبير بالعكس ده تمييز وتكريم ليه وفي نفس الوقت عشان ما يحصلش جور على باقي موضوعات المنتدى ..........أتمنى إن الناس اللي سجلت هنا بعد المشكلة اللي حصلت في المنتدى التاني تكمل هنا ، ..........

موافق علي رأي الاغلبية حتي لو مش متفق مع رأيي .....

متفهم تماما لضيق البعض من طغيان مواضيع كندا علي شريط المواضيع الجديدة و لو كان الحل شريط منفصل لباب كندا يبقي و نعم الأختيار اللي ما يزعلش حد

بالنسبة لكلام حضرتك عن الاستمرار ....كفاية ذوقك و أدبك الجم يا باشا ..... أنا عن نفسي مستمر هنا و هناك إلي ما شاء الله

 

 

[Hiema]

اتفق تماما مع تلك الفكرة و كما ذكر د / هشام ان فعلا في ناس مش حيعتبوا المحاورات مرة اخري