مكاتب الترجمة المعتمدة

[kebkawy]

الصحف المصرية والعربية

اقتباس المشاركة الأصلية كتبت بواسطة الأهلاوي الأصيل كلامك سليم يا حمودي باشا...لا يفتى ومالك في المدينة ورق كيبيك اللي كان محتاج ترجمة انا اللي ترجمته بنفسي وما روحتش لأي مكتب ترجمة والورق مشي وكل حاجة زي الفل من غير أي مشكلة

ده حسب كلام الاهلاوى الاصيل وده راجل خبرة ، طيب انا مترجم الورق عند دكتور بكلية الالسن ومختوم بختم الكلية ، يبقي كده ينفع ولا رايكم ايه.. وشكرا

 

 

[samaa raof]

انا جوزى ترجم ورقنا عند ايهاب اسكندر والورق كان كويس جدا واحسن من مكتب فؤادنعمة لاننا ترجمنا ورق عنده قبل كدة والفرق فى السعر كمان كبير الورقة عند ايهاب اسكندر بعد الفصال وقفت بحوالى 40 جنيه لكن فؤاد نعمة الورقة من 5 سنين ب 75الله اعلم دلوقتى بكام
(احنا مقدمين فيدرال والحمد لله فلوسنا اتسحبت يبقى الترجمة اتقبلت والحمد لله)

 

 

[حسبى الله ونعم الوكيل]

الاسعار غالية جدا والخوف يكون الناس دى بترجم عن طريق مواقع ترجمة تبقى مصيبة بس الاسعار بجد مولعة بس يفضل فعلا تكون من مكان عشان الختم وحتى لو فيها غلط يبقى مسئولية المترجم مش انتا
لكن فى معلومة هل شرط اللى مقدم كيبك يترجم فرنساوى ولا ممكن انجليزى
واسعار الترجمة الانجليزى معقولة لكن الفرنساوى واضح انها اغلى
هل فى مكاتب بترجم لغة فرنسية ومعتمدة واسعارها مناسبة
ومحدش يقولى فواد نعمة ولا ايهاب اسكندر لانه مش فرنساوى وشكرا

 

 

[dr_mohamedimam]

حد يعرف مكاتب ترجمة معتمدة في السعودية(بريدة-أو الرياض أو المدينة)؟؟و ازاي أعرف انه مكتب ترجمة معتمد..
أنا أعرف مكتب هنا في الرس كان لية زميل ترجم عنده ورقه عشان بعثة لبريطانيا.. هل كدا يكون مكتب معتمد؟؟ مع العلم اني حقدم ان شاءالله فيدرال .. من السعودية..

 

 

[ashraf_ram]

يا جماعة انا ترجمت ورقي عند مكتب فؤاد نعمة و انا دلوقتي مش في مصر يا تري ممكن ابعت صور منه او حتي اصور الاوراق الوان بتكون شبه الورق الاصلي يا تري ممكن يقبلوه ؟ و يا تري لازم اعمل امتحانات تحديد المستوي في اللغة و لا ممكن يحددوه اثناء الانترفيو ؟ انا مقدم كيبك
ياريت اللي يعرف الاجابة يبعتلي علي الايميل

 

 

[alisasa]

إلى الأخوة الذين يسألون عن مكاتب الترجمة المعتمدة في مصر

يوجد مكتب E&H في ميدان التحرير معتمد من سفارة كندا وقد قمت بترجمة جميع أوراقي عنده
وقد تقاضى 35 جنيه على ترجمة الورقة الواحدة وقبلت الأوراق في السفارة الكندية من غير اي مشاكل

وعنوان المكتب هو:

للترجمة (E&H)
11 ميدان التحرير
ويوجد فرع آخر في سيتي ستارز

تليفون 25757331
محمول 0127370841

والعطلة الأسبوعية يوم الجمعة

باب المكتب يقع بجوار قهوة وادي النيل مباشرة والموجودة في ميدان التحرير ما بين شارع طلعت حرب وقصر النيل




وربنا يوفق الجميع

 

 

[HanyMan]

اقتباس المشاركة الأصلية كتبت بواسطة alisasa إلى الأخوة الذين يسألون عن مكاتب الترجمة المعتمدة في مصر يوجد مكتب E&H في ميدان التحرير معتمد من سفارة كندا وقد قمت بترجمة جميع أوراقي عنده وقد تقاضى 35 جنيه على ترجمة الورقة الواحدة وقبلت الأوراق في السفارة الكندية من غير اي مشاكل وعنوان المكتب هو: للترجمة (E&H) 11 ميدان التحرير ويوجد فرع آخر في سيتي ستارز تليفون 25757331 محمول 0127370841 والعطلة الأسبوعية يوم الجمعة باب المكتب يقع بجوار قهوة وادي النيل مباشرة والموجودة في ميدان التحرير ما بين شارع طلعت حرب وقصر النيل وربنا يوفق الجميع

أهو بالمرة الواحد يعتصملة يومين....

ياريت لو حد يعرف مكتب ترجمة معتمد فى الكويت ويكون كويس

 

 

[noozzaa]

السلام عليكم ورحمة الله
انا قرئت كتير هنا فى المنتدى وخاصة فى قسم شئون المغتربين عن اخوة بيسألوا عن مكاتب ترجمة فى السعودية أو فى مصر وغيرها من البلاد العربية لاحتياجهم لترجمة بعض الوثائق والشهادات الخاصة بالهجرة والتقديم فى الجامعات. ياجماعة مش يشترط مكان المكتب لان ممكن اى مكتب فى اى مكان او حتى اى مترجم حر من اى بلد يترجملك الورق وده عن طريق انك تسحبه سكنر وتبعته بالايميل والمترجم او المكتب بيترجمه ويبعته برده لحضرتك على الايميل. ده اولا ثانيا، بالنسبة للمكاتب المعتمدة والكلام ده وان اسعارها غالية علشان تبقى الترجمة ادق معلش دى شوية نصباية. لان انا مترجمة حرة وبشتغل مع اكثر من مكتب من المكاتب المعتمدة دى فى مصر وفى السعودية والامارات وده من خلال ان المكتب بيبعت الشغل بلايميل وابعته مترجم برده بلايمل وده الحال فى جميع المكاتب ومع غيرى من المترجمين وعلى فكرة المكاتب زى ما بتستغلكوا جامد وتغلى الاسعار هى بتستغلنا بردة لانها مش بتحسبنا حتى ولا بربع السعر الى بتحسبكوا عليه.الفكرة الى عاوزة اوصلها انك ممكن توفر على نفسك التكاليف دى وتوفر تعب انك تروح لحد المكتب مرة واتنين علشان تخلص الورق وتتعامل مباشرة مع اى مترجم حر مش شرط مكتب. وده هيوفر وقت وتكاليف وسهل جدا انك تلاقى المترجمين من خلال النت. كمان الى مش يعرف يوصل لمترجم ممكن يراسلنى وانا لو فاضية فى الوقت ده ومش شغالة فى مشروع ترجمه هخلصله ورقه بنفسى او انى اديله ايمالات عدد من الزملة الموثوق فيهم والى بيخلصوا شغل المكاتب المعتمدة دى.

يارب مش اكون طولت عليكم وخصوصا ان دى اول مشاركة
مترجمة مصرية

 

 

[moumenh]

فى مكتب اسمة العربية لخدمات الترجمة ممتاز لانه له فروع فى مصر كلها ومعتمد من السفارة الكندية ودى تفاصيلة
من افضل مكاتب الترجمة المعتمدة فى السفارات والخارجية فى مصر التى تعاملت معها وهو ممتاز بالفعل عن تجربة شخصيةالمكتب يعمل فى جميع انواع الترجمة وله فروع فى مصر كافة يستاهل لقب افضل مكتب ترجمة فى مصر والوطن العربى وباين طبعا من اسم الموقع واسم المكتب " العربية لخدمات الترجمة "Tel: 0111 300 70 74
01004554331
E-Mail: [email protected]
website: www.arabictranslation.tk
تحياتى بالتوفيق انشاء الله

 

 

[Elamir]

السلام عليكم ورحمة الله وبركاته

هو أنا ناوي أقدم فيديرال إن شاء الله

إيه هي المستندات إللي لازم أترجمها

و هل ينفع أترجمها بنفسي ...

طبعا الفيش هترجمه في وزارة العدل ... و شهادة الجامعة هجيب نسخة إنجليزي من الجامعة ..