شرم الشيخ....فضيحة عالمية

[toota]

الصحف المصرية والعربية

ازيدكم من الشعر بيت...العرض الي حصلنا علينا كان يعتبر ممتاز جدا....كنا جروب كبير.... والاوتيل 4 نجوم.....المهم كان العرض يشتمل الثلاث وجبات ووجبات خفيفه ومشروبات مجانيه طول اليوم لحد 1 الفجر...

البوفيه المفتوح كان عبارة عن اكل حتى قططي مش حترضى تاكل منه بدون مبالغه....

الفطار

اللانشون الاحمر الفاقع ابو 5 جنيه الكيلو...

لانشون الفراخ من النوع الردىء جدااااا..

الاجبان هم نوعين...رومي ....وجبنه بيضا فقط

وشويه دانيش تعبان...على عيش فينو مشكل...وشويه فول بسوسه...والفاكهه عبارة عن يوستفندي ولا برتقال او كنتلوب....فقط....

الغدا...نفس نوع الفاكهه....وشويه رز على شويه مكرونة على خس وطماطم وخيار وحركات


الاكل كتير...اوي...بس فعلا لا طعم ولا لون ولا ريحة....

الغريب في ده كله...ان السواح كانوا بياكلوا اكل...عمري في حياتي ماشفت حد بياكل كده,,,,, بجد والله حاجة مستفزة...ان الاكل يكون بالرداءة دي...والشهية تكون مفتوحه بالشكل ده...

وكل شويه ييجي الويتر يقولي ايه الاخبار...الاكل تمام..اقوله لا....

مرة من كتر ما استفزني...شفته من بعيد جاي مبتسم قلت بس حيسأل نفس السؤال....ررحت من بعيد...قلتله اوعى تسأل السؤال ده تااااااااااااااااااني...قام ضحك ومشي...

واحد تاني...قلتله انت دقت الكركديه.؟.

قالي لا ليه..قلتله روح املا كبايه ودوقها حالا...

شويه ورجع تاني....قالي وحش يا فندم....قلتله بالظبط...العصائر كانت عبارة عن البتاعة البلاستك الي بتلف دي...طول اليوم بيملوها من عصير البرتقان( التانج طبعا) والكركديه...مصيبتهم ان العصير لما بيوقفوه المكينه بيحمض...بس على مين...والله ماهم مغيرينه ولا غاسلينه...وحط ده على ده وعيش...

ياساتر...الواحد فعلا فعلا...نفسه اشمنأطت من العيشه والي عايشينها هناك

 

 

[Farida]

اصلك مش عارفه يا توتا السياح الى بيجوا لنا دول السياح الوقيع الكسر انا اعرف ان فيه طائرات بتيجى على شرم و ترجه من شرم يعنى مش بيشوف من مصر غير شرم ده غير انهم بيعملوا لهم تخفيضات تجنن و تغيظ مش عارفه الpackage على بعضها شامله الطيران و الأكل و كله بالف يورو حاجه ببلاش كده ..........لكن السياح الى بيفهموا فى الأكل و الشرب بيروحوا اماكن تانيه بجد

 

 

[toota]

اقتباس المشاركة الأصلية كتبت بواسطة Farida اصلك مش عارفه يا توتا السياح الى بيجوا لنا دول السياح الوقيع الكسر انا اعرف ان فيه طائرات بتيجى على شرم و ترجه من شرم يعنى مش بيشوف من مصر غير شرم ده غير انهم بيعملوا لهم تخفيضات تجنن و تغيظ مش عارفه الpackage على بعضها شامله الطيران و الأكل و كله بالف يورو حاجه ببلاش كده ..........لكن السياح الى بيفهموا فى الأكل و الشرب بيروحوا اماكن تانيه بجد

فعلا ده الي لاحظته....سالت واحدة من الروسيات هناك عن الباكاج اخدوه بكام...طلع الاسبوع كله على بعضه بتذاكر الطيارة ب 800 $ ...يعني يا بلاش....

 

 

[حشيش]

فعلاً ما يحدث فى شرم الشيخ والغردقة أكثر إباحية من اوروبا نفسها! ... كنت مره نازل فى اوتيل فى خليج نعمة وعلى البلاج شفت العجب العجاب! ... ليس فقط العرى وحمامات الشمس التوبليس ولكن ما أثار إستغرابى بالفعل هو شباب مصرى (صعايدة) بيعملوا تدليك للسيدات وهن يرتدين البكينى ... تنام السيدة على بطنها والهلف من دول يقوم بوضع زيت أو كريم التدليك على ظهرها وفخذيها وهاتك يا دعك! ... بعد كده تنام على ضهرها ويبدأ بتدليك فخذيها من الأمام!!! ... والله شيئ لم أكن لأصدقه أنه ممكن أن يحدث فى مصر لولا أنى رأيته بعينى! ... المهم المدلكاتيه دول شغالين الله ينور ومش ملاحقين على الشغل كمان يعنى يخلص تدليك زبونه ويبتدى فى اللى بعدها على طول! ... هوه الشيخ طنطاوى معندوش علم باللى بيحصل هناك ده ولا إيه! ... أنا بقول نبعت له فاكس نفطمه

 

 

[س ص]

التكلفه صفر ازاى يا استاذ حرم برم ؟


وشاطىء غزه ده فين يا استاذ بندق؟

 

 

[toota]

اقتباس المشاركة الأصلية كتبت بواسطة حشيش فعلاً ما يحدث فى شرم الشيخ والغردقة أكثر إباحية من اوروبا نفسها! ... كنت مره نازل فى اوتيل فى خليج نعمة وعلى البلاج شفت العجب العجاب! ... ليس فقط العرى وحمامات الشمس التوبليس ولكن ما أثار إستغرابى بالفعل هو شباب مصرى (صعايدة) بيعملوا تدليك للسيدات وهن يرتدين البكينى ... تنام السيدة على بطنها والهلف من دول يقوم بوضع زيت أو كريم التدليك على ظهرها وفخذيها وهاتك يا دعك! ... بعد كده تنام على ضهرها ويبدأ بتدليك فخذيها من الأمام!!! ... والله شيئ لم أكن لأصدقه أنه ممكن أن يحدث فى مصر لولا أنى رأيته بعينى! ... المهم المدلكاتيه دول شغالين الله ينور ومش ملاحقين على الشغل كمان يعنى يخلص تدليك زبونه ويبتدى فى اللى بعدها على طول! ... هوه الشيخ طنطاوى معندوش علم باللى بيحصل هناك ده ولا إيه! ... أنا بقول نبعت له فاكس نفطمه

ابعتله يا حشيش يا خويا...عشان يروح يشوف بنفسه المهازل دي...

 

 

[oskasan]

انتو بتتكلموا على اللى شفتوه
اومال لو عرفتوا اللى ماشوفتهوش ومش هاتشفوه ... هاتقولوا ايه

تعرفى يا توته ان فيه فى مصر
شاطئ للعراه
برضه فى سينا
بس فى جزيرة ممنوع دخولها ولا الاقتراب منها للمصريين ؟

اللى انتى بتحكيه ده ياتوتا عن شرم والغردقه فعلا موجود بشكل صعب جدا فى فترة الشتاء
لكن فى شهور الصيف من أواخر يونيو الى اوائل سبتمبر بيخف كتير ويكاد ينعدم فى الغردقة
وده لانها شهور التصييف بالنسبة للمصريين
والأجانب لما يلاقوا كمية المصريين كبيره .. الستات والرجاله المصريين يسيبوا البحر والهوا والعيال تغرق ويفضلوا يبصوا عليهم
تلاقيهم انسحبوا فى هدوء

من كام شهر حصل الكلام ده فى شاطئ من شواطئ دبى بين شاب وفتاه أجانب
واتمسكوا واترحلوا
لكن عندنا بيتمنوا يحصل كده علشان سمعتنا السياحية تفضل فوق .. فوق

 

 

[toota]

اقتباس المشاركة الأصلية كتبت بواسطة oskasan انتو بتتكلموا على اللى شفتوه

اقتباس المشاركة الأصلية كتبت بواسطة oskasan اومال لو عرفتوا اللى ماشوفتهوش ومش هاتشفوه ... هاتقولوا ايه تعرفى يا توته ان فيه فى مصر شاطئ للعراه برضه فى سينا بس فى جزيرة ممنوع دخولها ولا الاقتراب منها للمصريين ؟ اللى انتى بتحكيه ده ياتوتا عن شرم والغردقه فعلا موجود بشكل صعب جدا فى فترة الشتاء لكن فى شهور الصيف من أواخر يونيو الى اوائل سبتمبر بيخف كتير ويكاد ينعدم فى الغردقة وده لانها شهور التصييف بالنسبة للمصريين والأجانب لما يلاقوا كمية المصريين كبيره .. الستات والرجاله المصريين يسيبوا البحر والهوا والعيال تغرق ويفضلوا يبصوا عليهم تلاقيهم انسحبوا فى هدوء من كام شهر حصل الكلام ده فى شاطئ من شواطئ دبى بين شاب وفتاه أجانب واتمسكوا واترحلوا لكن عندنا بيتمنوا يحصل كده علشان سمعتنا السياحية تفضل فوق .. فوق

شاطىء عراة رسمي يعني

طب مانا الي شفته في شرم مش فارق كتير عن الشاطىء ده ....بجد ايه الناس دي...وليه ؟؟؟؟؟؟؟؟


وبعدين انت اتأكدت بنفسك ولا حد قالك...هه

 

 

[oskasan]

انا عرفت الموضوع ده من اكتر من عشرين سنة
ولما سألت عليه من ناس شغالة فى السياحة
كانوا بيقولوا .. آه .. موجود وبتحرسه شرطة السياحه كمان

 

 

[انكوجنيتو]

الحقيقة أنا رحت شرم مرة واحدة بس من حوالي ٤ سنين و كنت نازل في فندق ٥ نجوم في منطقة اسمها شارك باي Shark Bay حوالي ٢٠ دقيقة من خليج نعمة .....الفندق تحفة معمارية و الخدمة كانت هايلة ....الفندق كان أغلبه طلاينة و روس و ما كانش فيه مناظر مؤذية زي الناس هنا ما حكت عنها ..... بالعكس التجربة كلها كانت مرضية إلي حد كبير ..... ما نزلناش خليج نعمة غير مرة واحدة أو مرتين و رحنا وسط البلد مرة غير كده الاجازة كلها كانت في الفندق .....الفندق ضخم جدا و فيه مطاعم و أسواق و ملاعب و أنشطة ترفيهية غير شاطيء خاص و كذا حمام سباحة منهم واحد للاطفال .....قعدنا أسبوع و لحد ما مشينا ما كناش لحقنا نستكشف الفندق كله .....الاكل كان حلو جدا ده غير إن الفندق كان فيه كذا مطعم عالمي ...ايطالي و يوناني و شرق أسيوي و غربي و كان فيه شاتل باص في مواعيد ثابتة للي عايز ينزل البلد أو نعمة باي

أكبر نقطتين سلبيين في الاجازة ديه كان مطار شرم الشيخ و مصر للطيران لكن غير كده كانت كويسة ..... الحق برضه أنا أصحاب ليا كتير نصحوني لو رحت شرم ما أنزلش في خليج نعمة و ما كانوش بيقولوا سبب معين متهيألي دلوقتي فهمت ليه