عايز/ة أهاجر......أبدأ منين؟؟؟؟؟

[biopasha]

الصحف المصرية والعربية

لا يسعني إلا أن أُبدي إعجابي بالموضوع القيّم والمفيد جدا ..
الحقيقة انا معجب بكمية حب الخير والمساعدة للناس من اعضاء كتير بباب الهجرة حيث كثرة المواضيع الإرشادية والخدمية ..
خصوصا المُتألقتان م/ سُمية صالح وم/ عبير صالح وكأنهم يحملون جينات خاصه بالكرم وحب الخير للجميع ..
خالص تحياتي

 

 

[ehabtaher]

الملفات ممكن تملاها ع الكمبيوتر لكن للأسف لا يمكن حفظها

لا ممكن بعد استعمال برنامجين
pdf password remover
foxit pdf editor

https://ifile.it/sw7dv5g/pdf%20tools.rar

استخدم برنامج password remover لرفع السيكيوريتى عن ملفات الابليكاشن

و بعدين

استخدم البرنامج المذكور foxit pdf editor لملء الفورمز وحفظها
ولكن بعد حفظها الى اخر مرحله وملء كل الخانات يجب ان تطبع نسختين واحده للارسال وواحده للمراجعه

 

 

[abysaleh]

وانت بتملا اللأبليكيشن وعندك أي سؤال أو استفسار يبقى تجري بسرعة على مييييين؟؟؟؟؟
طبعا الدكتور قناوى: المستشار المجاني
او مغارة الأسئلة
أو مغارة النظام الجديد بعد 26 يوليو

وهناك ان شاء الله تحط استفسارك وأسئلتك وح تلاقي الإجابة بإذن الله

 

 

[abysaleh]

دلوقتي التقديم بيكون في مكتب الهجرة في نوفا سكوتشيا في كندا

ووالتقديم بيكون بكامل الأوراق اللي هي الأبليكيشن والأوراق اللي بتطلبها السفارة اللي ح تتابع حالتك بعد كدا

علشان كدا زي ما تفضل دكتور إيهاب وقال بنعمل نسختين من الفورمز بعد ما نملاهم علشان النسخة التانية ح نقدمها للسفارة (لما تيجي الموافقة ويطلبوها مع الفيش)
ولو فيه أي تغيير حصل في البيانات بنغير الفورم اللي فيها التغيير دا بس

شكرا د/ إيهاب على التذكير وعلى البرنامج

اللي بيقدموا من مصر بيقدمو تبع سفارة كندا في مصر ودا لينك الأوراق المطلوبة
https://www.almatareed.org/vb/showthread.php?t=26842

اللي بيقدمو من خارج مصر( دول الخليج) بتكون تبع سفارة لندن
دا لينك الأوراق المطلوبة لسفارة لندن
https://www.cic.gc.ca/english/pdf/kits/guides/E37023.pdf

كل دولة ليها سفارة تتابع حالة الهجرةبعد الموافقة المبدئية من مكتب CIO (مكتب الهجرة بكندا)
لو كنت ف بلد غير مصر وغير دول الخليج
وعلشان تعرف بلدك تبع أي سفارة
دا اللينك اللي بيحدد
https://www.cic.gc.ca/english/informa...pply-where.asp

ملخص سريع للأوراق المطلوبة:

(كل ما يستخدم كإثبات لحساب درجاتك)

-الفورمز بتاعت الأبليكيشن اللي قلنا عليهم قبل كدا

-المقدمين تبع سفارة لندن مطلوب منهم ترافيل دوكيمنت عن الرحلات اللي عملوها (لا تتضمن بلد الاقامة ولا بلد الموطن)
يعني رحلات عمل او فسحة وبيكتب المدة والغرض

-شهادة اجتياز اختبار الأيلتس

-شهادات الميلاد للمقدم ولكل فرد من أفراد الأسرة وقسيمة الزواج.... مترجمة ومختومةمن جهة معتمدة

-شهادات الكلية وبيان درجات للمقدم وللزوجة مترجمين ومختومين من الكلية

-شهادة خبرة من مكان عملك بعدد سنوات الخبرة والمهام الوظيفية ( زي ما موجود في النوك)وموقع من رئيسك ف العمل او صاحب العمل نفسه.... مترجم طبعا ولو ينفع يطلع بالانجليش من جهة العمل يكون أفضل...وترفق معاه بيزنس كارد لصاحب التوقيع

-لو عندك أقارب في كندا تقدم ما يثبت صلة القرابة (شهادة ميلاد القريب مترجمة ) وما يثبت اقامته (صورة كارت البي آر)
او جنسيته (صورة الباسبور الكندي) وما يثبت استمرار اقامته في البلد(مش يكون اخد الباسبور وخلع وما بيدفعش ضرايب)

-لو عندك عرض عمل بتقدم ما يثبت ذلك من أوراق

-شهادة من البنك بما يثبت المبلغ المطلوب يكون في حسابك للاستقرار (بما يعادله بالدولار الكندي )حسب عدد أفراد الأسرة(بروف اوف فاند)

-صور الباسبورات لكل فرد من أفراد الأسرة توضح رقم الباسبور والبيانات والصورة
ولو مقيم بالخارج تصور كمان الورقة اللي فيها التأشيرة

-الفيش والتشبيه مش مطلوب دلوقتي خالص... لو اتقبلت ح يبعتو لك من السفارة اللي انت تبعها يطلبوه.... (الفيش له صلاحية وممكن تخلص قبل ما يجيلك الرد وتعمله تاني + انه مش مطلوب في الاوراق المقدمة لل CIO )

-الصور الشخصية ..... ودي ليها مواصفات خاصة موجودة في اللينك اللي فوق ... تطبع الورقة اللي فيها المعلومات بتاعت التصوير وتاخدها معاك الأستوديو تديها للمصور وتأكد عليه يطلعها زي التعليمات بالظبط

فيه مصارف تدفع عند إرسال الطلب ل سي آي او ....والدفع يكون بواسطة:

- بنك درافت وترفق الأصل طبعا وتصوره وتخلي معاك انت الصورة
أو
-الفيزا كارد (تكون سارية وماينفعش كارت الدفع الآمن بتاع الإنترنت)

وفي الحالتين ح تملا الفورم بتاع الدفع وترفقه مع الشيك او مع بيانات كارت الفيزا

كدا انت جهزت الأوراق مش فاضل غير انك تبعتها ع العنوان الموجود في الدليل

المرة الجاية ان شاء الله اقولكم أفضل الأماكن لترجمة الأوراق

 

 

[abysaleh]

ترجمة الأوراق


أهم حاجة
في ترجمة الأوراق انها تكون من مكتب معتمد عنده ختم يثبت ان الترجمة طبق الأصل

قبل الترجمة تكتب الأسامي كلها بالانجليش
(الإسم بالكامل واسم الأم بالكامل لكل فرد من أفراد الأسرة ) في ورقة خارجية حسب ماهي مكتوبة في الباسبور وفي الفورمز بتاعت الهجرة

شهادات الميلاد:
من وزارة الصحة بميدان لاظوغلي(بيترجموها عندهم وبيراجعوها ويختموها)

بتروح بشهادة ميلاد الكمبيوتر وتكون معاك ورقة الأسامي اللي بالإنجليش بيدوك وصل تدفعه وتقوم رايح مبنى الكمبيوترعلشان الترجمة وتديهم ورقة الاسامي وشهادات الميلاد المطلوب ترجمتها
خلي بالك
وانت في مبني الكمبيوتر بتاع الترجمة راجع الورق كله كويس جدا
الاسامي والتواريخ وكل كلمة وكل حرف لانهم بيغلطو كتير وبعدين وهم بيراجعو قبل الختم يرجعوك تاني لمبنى الكمبيوتر وتدور على اللي ترجمتلك (هما كل واحد مالوش دعوة بشغل التاني)

الورق بيخلص في نفس اليوم ان شاء الله بس روح بدري علشان ما يبعتوك لتاني يوم

قسيمة الزواج:
في وزارة العدل... (بعد وزارة الصحة بشوية __ ممكن تاخدهم في مشوار واحد)

بتاخد قسيمة الزواج وتروح طالع الدور ال 13 (فيه اسانسير ماتترعبش كدا)
تدخل مكتب الترجمة وتديهم برضه ورقة فيها ترجمة الأسامي زي ما قلنا قبل كدا

ح ياخدها منك ويديك وصل تدفع بيه ولما ترجع له ح يقولك كمان اسبوع

لما ترجع له كمان اسبوع ح يقولك روح اختمها من المحكمة وبعدين من الخارجية ....كووول دا مالهوش لازمة
ختم وزارة العدل كافي بإذن الله

شهادات الكلية وبيان بالدرجات وبعدد ساعات دراسة كل مادة(ترانسكريبت):

دا بتطلبه من كليتك بالانجليش على طول
بتقدم الطلب في شئون الخريجين وتدفع الفلوس وبتروح تاخده ف الميعاد اللي يحدده لك الموظف
مفروض انك بتستلمه في ظرف مغلق ...ماتفتحهوش مش لازم الفضول في كل حاجة
فيه كليات بتسلم الشهادات من غير ظرف(ح نعمل ايه نصيبنا كدا)....مافيش مشكلة المهم ختم الكلية وطبعا ختم النسر

شهادة الخبرة
بتطلعها من مكان عملك بالانجليش ... ولو ما امكنش ممكن بالعربي وبعدين تترجمها في أي مكتب معتمد

شهادة بحسابك في البنك
فيه المبلغ المطلوب للاستقرار حسب عدد أفراد الأسرة ... تعرف المبلغ المطلوب من هنا
بتطلبه بالانجليش من البنك ويكتب لك ما يعادله بالدولار الكندي

الفيش
بتترجمه في وزارة العدل لكن سمعت انك ممكن تطلبه يطلع بالأنجليش من الأول(وطبعا الفيش مش مطلوب دلوقتي )

 

 

[abysaleh]

المشاركة دي مهمة جدا

فيها توضيح لكيفية الاجابات لعدد من أسئلة الأبليكيشن فورمز

المشاركة الأصلية لل د/ قناوي
واحضرها لنا اكسيلانس

https://www.almatareed.org/vb/showpos...postcount=1233

الأسئلة ماتغيرتش كتير... ممكن تكون زادت سؤال واللا اتنين

والمشاركة دي كمان ل إكسيلانس ردا على أحد الأسئلة موجزة وفيها معلومات مهمة

https://www.almatareed.org/vb/showpos...postcount=1221

مع مراعاة الرجوع للموقع لان عنوان ارسال الفورمز زاد عليه تفاصيل

تحية حارة لد/ قناوي ومستر اكسيلانس

د/ قناوي بعد إذن حضرتك.....
ممكن تجيب لنا مشاركة حضرتك اللي فيها صور الابليكيشن

ولك مني جزيل الشكر

 

 

[abysaleh]

ياريت يا جماعة لو حد عنده أي إضافة أو تعديل ما يترددش ويكتبها

زي ما تفضل د/إيهاب وعمل من قبل

انا باكتب من الذاكرة وفاتحة موقع الهجرة امامي ولكن جل من لا يسهو

 

 

[abysaleh]

الآن وبعد تقديم الأوراق
وانتظار الفايل نمبر

بدأت المخاوف وبدأ القلق من المستقبل المجهول


هل قراري كان صائبا؟؟؟ام انني تسرعت؟؟؟

ماذا سافعل في بلاد المهجر؟؟؟

هل سينتهي بي الأمر بدون عمل ام انني ساجد عمل مناسب؟؟؟أم سأشد الرحال عائدا حيث أتيت حتى أوفر لعائلتي ما يحتاجونه من مال لينعموا برغد العيش؟؟؟

هل سأعيش على الكفالة الاجتماعية ما تبقى من عمري؟؟؟

هل كندا فعلا جنة وخالية من المساوئ والعيوب ام انها برغم مساوئها لا تضاهي ما ببلدي من مساوئ؟؟وما هي تلك المساوئ؟؟؟

أسئلة كثيرة.....حيرة......استفسارات

لا تقلق
كل ما تحتاجه المزيد من المعلومات للإطمنان

اين تجد تلك المعلومات وكيف تجدها؟

في المطاريد تجد الإجابات بإذن الله

تابعونا....

 

 

[abysaleh]

الفترة دي محتاج تقرا كتير
وتعرف أكتر

من خلال المواضيع المتعددة في منتدانا الجميل

معلومات حقيقية ....من أرض الواقع لا الأحلام .... ينقلها لكم السادة الأفاضل من خلال تجاربهم المتنوعة في الهجرة

هنا تجارب الأعضاء الأفاضل

وروايات مستوحاة من الواقع .... بل هي وقائع روائية.... يرويها لنا باسلوب سلس ممتع وشيق ولا يخلو من الحيادية
أستاذنا الفاضل
م/ياسر

طولت الغيبة....ارجع لنا ....في انتظارك لتمتعنا وتسعدنا كدائم عهدنا بسيادتكم

من مسرح الحياة...حكايات البشر بتورونتو

 

 

[abysaleh]

ايه رأيك تستغل وقتك في شئ مفيد ينفعك لما تهاجر؟؟؟

تبدأ في المعادلة مثلا وتختصر الوقت
أو استكمال الدراسة
الدراســـــــــــــــــــــــ فى كندا ــــــــــــــــة

أو تفكر في مشاريع ممكن تعملها

ما هو المشروع اللي ممكن يجيبلك 3000 دولار دخل صافي شهريا في كندا؟ للمقيمين حاليا هناك

أو حتى البحث عن عمل من الآن على النت وكيفية عمل السي في اللي بيسموها هناك ريزمي لانها مختلفة عن السي في اللي نعرفها

كنـــــــــــ العمل في ـــــــــــدا ( سوق العماله والمشاريع )

كيفية عمل السى فى على الطريقة الكندية

أو كورسات تاخدها وتساعدك على ايجاد عمل بسهولة
الكورسات التي يمكن للمهاجر الجديد الحصول عليها لترفع فرص الحصول على عمل مناسب