مطلوب شوية ترتيب

[bongeorge]

ألى أحبائى المطاريد : تحية طيبة و بعد ,,

مطلوب فى منتدى كندا ترتيب كثيف لأنه أبتدأ يتجه فى أتجاه محاورات المصريين من حيث البعثرة و اللخبطة ...صعوبة أيجاد موضوع مهم , توهان , زغللة , أحساس يالضياع!, و حتى لا يتحول الموضوع الى دردشة و Chit chat و بناء على ما تقدم فنصائحى كالتالى :

1- تقسيم منتدى كندا ألى 3 أقسام فى الشاشة الرئيسية لصفحة ( الهجرة ألى كندا )

هذه الأقسام هى 4 مراحل زمنية كلنا مرينا بيها

1- الأعداد للهجرة : وبها توبيكس ترتيب الملفات و حساب الدرجات ( أرسال الملف حتى الحصول على رقم الملف )
2- قسم دراسة اللغات : و يشمل توبيكس دراسة الفرنسية , أمتحان الايلتس , كل ما يهم أنترفيو كيبيك من أسئلة ............

3- بعد الحصول على السى أس كيو : كيفية تقديم الفيدرال ,, المطلوب عمله فى الميديكال.....ألخ

4- مرحلة مابعد الفيزا و قبل السفر: و تشمل خبرات اللاندنج , كورسات تهم المهاجر الجدبد , قررت تستقر فين فى كندا و ليه.....ألخ


لو تم هذا التقسيم لتحول منتدى المطاريد ألى جنة و بعدين ممكن نقول زى ماحمد السقا قال فى فيلم الجزيرة ! أنا الحكومة !

 

[Amro Elsayed]

والله احنا بنحاول نرتب المواضيع بس المشكله في ان بعض الاعضاء بيقوموا بانشاء مةاضيع قبل قراءه المواضيع القديمه

انا شاكر اهتمام حضرتك ان شاء الله هنحاول نظبط و نفلتر المواضيع المهمه لسهوله الوصول للمواضيع

بالنسبه لنقطه التقسيم اعتقد ان المواضيع مقسمه زي كده بس حضرتك عايز تقسم الباب نفسه اعتقد ده هيكون صعب شويه في الفتره دي بس ممكن نتفق و نشوف الاداره و ان شاء الله يحصل ما يريده كل رواد هذا المنتدي العظيم

 

 

[bongeorge]

اقتباس المشاركة الأصلية كتبت بواسطة Amro Elsayed والله احنا بنحاول نرتب المواضيع بس المشكله في ان بعض الاعضاء بيقوموا بانشاء مةاضيع قبل قراءه المواضيع القديمه انا شاكر اهتمام حضرتك ان شاء الله هنحاول نظبط و نفلتر المواضيع المهمه لسهوله الوصول للمواضيع بالنسبه لنقطه التقسيم اعتقد ان المواضيع مقسمه زي كده بس حضرتك عايز تقسم الباب نفسه اعتقد ده هيكون صعب شويه في الفتره دي بس ممكن نتفق و نشوف الاداره و ان شاء الله يحصل ما يريده كل رواد هذا المنتدي العظيم

من فهد ألى نمر ! تم أكتشاف أول زبون
https://www.almatareed.org/vb/showthread.php?t=63493

ماترحموش يا بااشاا ! خليه يطلع الرخص :)

 

 

[helwa]

كلامك رائع لانى بيحصلى التوهـان ده فعلا تصويت بالموافقة

 

 

[Dr.Samo]

اقتباس المشاركة الأصلية كتبت بواسطة helwa كلامك رائع لانى بيحصلى التوهـان ده فعلا تصويت بالموافقة

https://www.almatareed.org/vb/showthread.php?t=40166

 

 

[kodo]

دعوه لموضوعي

Canada way أخبار يومية مباشرة

اقتباس المشاركة الأصلية كتبت بواسطة helwa كلامك رائع لانى بيحصلى التوهـان ده فعلا تصويت بالموافقة

ده لان حضرتك جديدة واكيد مدخلتيش التوبيك ده بتاع الباشمهندسة سمية ربنا يجزيها خير

اهلا وسهلا بالعضو الجديد.. "دليلك إلى الهجرة لكندا"

اتمني يكون عند حضرتك الوقت الكافي عشان تزوري كل التوبيكات اللي مذكورة في الموضوع

ربنا يوفقك

 

 

[Dr.Samo]

https://www.almatareed.org/vb/showthread.php?t=36276

 

 

[kodo]

دعوه لموضوعي

Canada way أخبار يومية مباشرة

في كمان موضوع بتاع الباشمهندسة ابي صالح

عايز/ة أهاجر......أبدأ منين؟؟؟؟؟

وهنا كمان في كنوز الموضوع عايز شوية تعب في البحث مش اكتر

و معظم المواضيع واضح محتواها من عناوينها

ولكن منقدرش نقول للاعضاء بلاش شكر بلاش تهاني علي نجاح او فايل نمبر او ميديكال او.....

لان ده هيخلي الموضوع منفعي بدرجة كبيرة و هيلغي التواصل الانساني ( و احنا شعب عاطفي من الدرجة الاولي )
اللي هو في الحقيقة سبب الكتابة و مشاركة المعلومات و النصيحة

صحيح ان ده بيزود عدد الصفحات الغير مثمرة لكنه
في نفس الوقت بيقوي العلاقات وبيسمح في استمرار الافادة و النصيحة

بصراحة المتضرر الوحيد في موضوع التهاني والشكر هم السادة المشرفين
لانهم حاليا بيقرا كل المواضيع الموجودة من صفحتها الاولي
حتي يقوموا بحذف وتنقيه لمشاركات التهنئة والشكر القديمة
وذلك لكي يساعدوا من يريد ان يصل الي المعلومة بسرعة ويسر

اما بالنسبة لاقتراح تقسيم باب كندا لعدد من الاقسام ده بيخضع لتصميم المنتدي الحالي
وهل يقبل التصميم لي امكانية التصنيف و التجزئه ام لا يعني الموضوع تقني ليس اكتر

رائ في الاستطلاع ان النظام يبدا من التزام الفرد به

بمعني ان اذا انا بدات بوضع مشاركاتي في مكانها المخصص
وليس في كل توبيك اكيد هنبدا التنظيم
ومش هنغير من مجري الحديث في الموضوع الاساسي لكل توبيك

والف شكر لحضرتك أ/ bongeorge علي اهتمامك و حبك للمنتدي و محاولة تطويره
و ده بيعكس الروح المصرية الجديدة ( روح 25 يناير ) اللي اصبحت عاشقة للنظام والتنظيم في كل شئ

ربنا يوفقك في مشوار الهجرة و ان شاء الله توصل بالسلامة
وتفتح موضوع جديد عن الاستقرار وتفيد بيه باقي الاعضاء
زي اللي سبقونا ما علمونا

 

 

[bongeorge]

اقتباس المشاركة الأصلية كتبت بواسطة kodo في كمان موضوع بتاع الباشمهندسة ابي صالح عايز/ة أهاجر......أبدأ منين؟؟؟؟؟ وهنا كمان في كنوز الموضوع عايز شوية تعب في البحث مش اكتر و معظم المواضيع واضح محتواها من عناوينها ولكن منقدرش نقول للاعضاء بلاش شكر بلاش تهاني علي نجاح او فايل نمبر او ميديكال او..... لان ده هيخلي الموضوع منفعي بدرجة كبيرة و هيلغي التواصل الانساني ( و احنا شعب عاطفي من الدرجة الاولي ) اللي هو في الحقيقة سبب الكتابة و مشاركة المعلومات و النصيحة أنا معاك أن فكرة التواصل دى مهمة مية فى المية ( مش بجاملك ) لا دى الحقيقة فعلا" و لولا التواصل الجميل فى المنتدى ده بالزات ماكنتش فكرت أنى أرجع له تانى . لأن الحاجة الوحيدة اللى بتخلى الفرد يرد و يساعد أنه يلاقى تقدير من اللى حواليه ( طبعا" أنا عارف ان فى ناس جبارة و نفسى أبقى زيهم بيعمل الخير و يرميه البحر و مش مستنى شكر و لا رد من حد ) لكن دى حقيقة واقعة لكن فى حل للمشكلة دى : 1- من الممكن ان يتم أرسال رسالة على الخاص و يتم شكر الشخص الذى قام بالمساعدة لكن دون ان يشاهد الكل هذا الشكر 2- من الممكن أيضا" تطوير المنتدى ليصبح مثل معظم المنتديات الأجنبية و هى تتميز بوجود كلمة أشكرنى (Thank me ) بجوار أى مشاركة و يظهر تجميع الشكورات ! بجوار أسم الشخص مثلا" عمرو موسى : تم شكره 500 مرة عبد العزيز عبد الشكور : تم شكره 20 مرة الراجل اللى ورا ..... : تم توبيخه 30 مرة ! صحيح ان ده بيزود عدد الصفحات الغير مثمرة لكنه في نفس الوقت بيقوي العلاقات وبيسمح في استمرار الافادة و النصيحة بصراحة المتضرر الوحيد في موضوع التهاني والشكر هم السادة المشرفين لأ و الله مش المشرفين بس , كل الناس الجديدة اللى داخلة المنتدى , و بعض الناس القديمة و أنا ! و على رأى واحد فى مسرحية تخاريف ( عمر الناس مكانت مبسوطة ) لانهم حاليا بيقرا كل المواضيع الموجودة من صفحتها الاولي حتي يقوموا بحذف وتنقيه لمشاركات التهنئة والشكر القديمة وذلك لكي يساعدوا من يريد ان يصل الي المعلومة بسرعة ويسر اما بالنسبة لاقتراح تقسيم باب كندا لعدد من الاقسام ده بيخضع لتصميم المنتدي الحالي وهل يقبل التصميم لي امكانية التصنيف و التجزئه ام لا يعني الموضوع تقني ليس اكتر رائ في الاستطلاع ان النظام يبدا من التزام الفرد به صدقنى قالوا كدة بعد الثورة : أبدأ بنفسك و الكلام ده و مع أحترامى الشديد ليه و أن كل واحد فعلا" لازم يصلح جواه ليه هو قبل أى حد تانى لكن فوجئت أن سلوك سائقى الميكروباظ و النص نقل زى ماهم و بيكسروا على 5 مرات فى اليوم على الاقل !, لكن نحن فى بلد تحتاج القانون و التنظيم مثل أحتياج العطشان للماء الزلال فى الصحراء. بمعني ان اذا انا بدات بوضع مشاركاتي في مكانها المخصص وليس في كل توبيك اكيد هنبدا التنظيم ومش هنغير من مجري الحديث في الموضوع الاساسي لكل توبيك والف شكر لحضرتك أ/ bongeorge علي اهتمامك و حبك للمنتدي و محاولة تطويره و ده بيعكس الروح المصرية الجديدة ( روح 25 يناير ) اللي اصبحت عاشقة للنظام والتنظيم في كل شئ العفو يا فندم , كلك زوق ربنا يوفقك في مشوار الهجرة و ان شاء الله توصل بالسلامة وتفتح موضوع جديد عن الاستقرار وتفيد بيه باقي الاعضاء زي اللي سبقونا ما علمونا

متشكر جدا على ذوقك

 

 

[helwa]

السلام عليكم ورحمة الله وبركاته

شكرا للتوضيح جزاكم الله خيرا و اللينكات دى انا كنت قريت منها ولكن مش كلها قبل ما اسجل بالمنتدى

وسأكمل باقى المواضيع ولكن رجائى دائما ان تجددوا المواضيع بالنسبة للاعضاء الجدد اللى ناويين على

الهجرة فى السنة القادمة لان فى مواضيع انا كنت دخلتها لقيت فى لينكات مش شغالة

واشكركم على مجهودكم ...................