بدون تعليق

[Eng.Fathy Elbanna]

الصحف المصرية والعربية

زمن السكات ... ولى وفات
ولسة برده ياناس ياهوه .... مستنين المعجزات ؟
انا مش هحلل .... انا وسط كل الزيطة دى ومش هـــهلل
أنا مش هبيع فكرى بلاش .... ومش عليه انا راح ادلل
__________________________________

شايف حاجات ومن كتر ما يأس الكلام أنا مش هعلق
هحفظ لسانى واقعد واراقب وسط الميدان ومش هفلّق
انا مش محيرنى الكلام ومش معنى سكوتى انى مقلّق
____________________________________

كل الحكاية ان الزمان بيعيد ويحكى نفس الحدث
بس السيناريو ويا الحوار فيه اختلاف
على ومعاوية .. القصاص ولا الخلافة ؟ سؤال عويص .... المهم ..دار الخلاف
لعبة يهود ..... حرب الفتن تكسب أكيد من غير مواجهة م العدو شغل احتراف
_______________________________________________

وزمان كمان .... فرعون وأجناده ..... وسطوة هامان
وبيستخف بكل شعبه ......وخضوع وطاعة وسط العذاب وسط الهوان
بيستبيح عرض النساء .... دم الولاد إلحقنا يا موسى .... عاوزين أمل طالبين امان
يقف نبينا موقف شجاع ضد الطاغوت ... رب العباد أيد نبيه بالمعجزات والنصر كان
خرجت حشود عبرت وراه بحر الأمل ... غرق الطاغوت والحق بان
طلع النبى فوق الجبل عشان الصحف .... مفيش حكم مفيش رقيب غير الضمير ويا الإيمان
غاب الضمير .... مات الايمان ...ظهر الشيطان وعبدوا العجل وكان اللى كان
__________________________________________________ _____

انا كنت مش عاوز أعلق
بس الكلام غلب السكات
اعذرونى ....
أصل مش متعود أشوف .... واكبر دماغى
و مش طبعى انا أسيب الميدان وأجرى وافلق

يارب ..أكون عرفت أعلق

 

[م الغزالى]

جميل ياباشمهندس تحياتى

 

 

[Eng.Fathy Elbanna]

اقتباس المشاركة الأصلية كتبت بواسطة م الغزالى جميل ياباشمهندس تحياتى

يسعدنى مرورك أخى الفاضل : م الغزالى
_______________________

على فكرة انا من عشاق الشيخين أبو حامد الغزالى ومحمد الغزالى مجددان لم يسبق لهما مثيل

أنا بس وسط زحام الأفكار واللغط والتخبط السياسى والشعب التايه فى زحام الشتات
حسيت فجأة انى فى سوق الخضار ومش عارف الكوسة من الخيار ..... وماليش خيار
تعرف
أنا مشفق جدا على أى حد محترم هيمسك البلد وهى فى الوضع ده ..................... هيتحرق
سهل جدا نلاقى واحد محترم يحكمنا ....لكن صعب جدا نلاقى شعب يساعده على الحكم بما يرضى الله
ربنا يستر.............. أملنا فى ربنا كبير