الخليج vs كندا .. لماذا يترك الكثيرون العمل بالخليج و يغامرون بالهجرة الى كندا

[mezo]

الصحف المصرية والعربية

انا بقى ربنا خلانى اشوف بعينى ازاى عدم الامان بالخليج لما مشيت من الكويت علشان اشتغل فى دبى استقالت وطبعا الشركة بتعملك خروج نهائى بتلاقيهم فى الكويت ادولك مهلة تسيب البلد فى خلال 15 يوم بس واى يوم بعد كدة مخالفة ليك وللشركة وفيها غرامة يعنى لو شركتك مشيتك فجأءة انسى انك تعرف تصفى حالك ولو عندك حاجات هتبيعها ممكن تسيبها ببلاش ونفس الكلام شفته فى دبى كنت شغال فى شركة عالمية واول لما بدأت الازمة الاقتصادية واتسرح عدد كبير جدا من دبى بقينا كل شهر قاعدين مستنيين انهم يمشونا وفعلا بدوا كل شهر يمشوا شوية وانا فضلت على الحال ده اكتر من سنة عايش فى قلق ومش عايز امشى من نفسى علشان مكونش قطعت رزقى بايدى وفعلا جه عليا الدور لان خلاص مبقاش فاضل حد وايوة الحمد لله لاقيت شغل فى الامارت وفى السعودية بس اخترت السعودية علشان مفيهاش ازمة زى دبى وقلت استحمل شوية نظام العبودية فى السعودية الى جربته سنتين فى الرياض مع انى رايح شركة كبيرة ومفيش كفيل سعودى مباشر وكفالتى على شركة وفعلا لما لغيت نقل الكفالة فى الامارت وقلتلهم يطلعولى نهائى لاقيتهم بردك زى الكويت ادونى ورقة من وزارة العمل متحدد فيها انى لازم امشى خلال 20 يوم واى يوم زيادة غرامة عليا وعلى الشركة نفس نظام العبودية فى كل الخليج مع اختلاف نظام الحرية جوة البلد لكن كلنا عايشيين على لحظة ممكن يمشونا فى فيها حتى لو بقالك 100 سنة والكلام ده فعلا شوفته حصل لناس بقالها سنين هناك ولحظة لازم يسيب البلد وعلشان يصفى احواله محدش لو دعوة وانا بالنسبة ليا مش عايز احوش بس عايز اعيش عيشة كويسة ليا ولاسرتى ويا فرحتى حوشت فى الخليج وفجأءة مشيت هتقعد فى مصر تصرف الى حوشته ده غير لاقدر الله لو الواحد حصلتله مشكلة صحية ممكن الى حوشوا يصرفوا على العلاج فى مصر الى مفيهاش طب اساسا من تجاربى فيها وربنا ييسر الصالح لينا كلنا

 

 

[nour alhudah]

اقتباس المشاركة الأصلية كتبت بواسطة راحله الى المجهول تخيلوا ان فيه مواطنيين خليجيين وعلى درجه عاليه من المهنيه والمستوى الاجتماعى هما نفسهم بيتمنوا يبقى عندهم الجنسيه الكنديه ... !!

فعلا صحيح
لكن هنا السعودييين مش من حقهم يهاجروا زينا ويقدمو هجرة لأي دولة
لانوا حكومة السعودية بتمنعهم
ودي برضو نقطة سودة تضاف للسعودية

 

 

[um omar]

وحنا في كندا صاحب معرض معرض تأجير السيارات اللي اجرنا منه باكستاني مسلم قالنا انه كان عايش في ابوظبي اكتر من 17 سنه بس في الوقت اللي الخليج فيه أحسن من الوضع الحالي وكان شغال في هيئه الطرق والمواصلات ومن المعروف طبعا ان ابوظبي هيه افضل اماره
قالي احنا قدمنا علي الهجره واول ما حتلي الفيزا مترددتش للحظه
صحيح انا تعبت هنا كتيييييييييير في الاول بس الحمد لله
وقاللي عمري ما ندمت لحظه اني سبت الخليج ولا فكرت حتي ارجعله تاني
وكفايه ان السيمستر في افضل الجامعات موصلش لل 3000 دولار ده علي كلامه
اي واحد عايش في الخليج هيجيله لحظه واسرته هتتفرق لأننا في النهايه صعب اننا نعلم ولادنا ب 60000 درهم في السنه لكل واحد ولو اصلا هقدر طب انزل ادخلهم جامعه اميريكيه
وقاللي توقعي اصعب 3 او 4 سنين في الاول دول بيكونوا صعبين في الول وبعد كده كله هيبقي تمام
وكمان في المطار قابلت فلسطنيه كنديه قالتلي ان جواز كندا احسسسسسسسسسسسسن جواز في العالم أحسن من الامريكاني حتي !كفايه الرعايه الصحيه!
وقالتلي حتي العيون والاسنان اللي هما مش جوا التأمين لو رايحه في حاله طارئه عادي يغطوه

 

 

[Kingstone]

اقتباس المشاركة الأصلية كتبت بواسطة Ehab Salem بدون معادلات ووجع قلب .. نعم لكن مش أفضل من الناحيه المهنيه .. من ناحيه ال Technicality.. ال Professionality ... الخبره المكتسبه في كندا أثقل و أقيم إلا إذا كنت هتشتغل في شركه عالميه في الخليج بصفه عامه صح .... بس طبعا خلي بالك إنت في الخليج قدرتك محدوده على رفع راتبك بصوره دوريه مع تقدم العمر في ظل نظام الكفاله معندكش حاجه تناور بيها غير التهديد برجوع بلدك أو الإنتقال لبلد خليجي أخر وناس كتير مبتقدرش تهدد بكده مخافة الإستجابه لهم في ظل الإقبال الكبير على العمل في الخليج بأجور صغيره أنا شفت ناس في قطر شغالين بنفس الراتب لسنين طويله و بح صوتهم بالمطالبه بالزياده نظرا لزيادة أعبائهم و كل اللي سمعوه "يصير خير " على الجانب الأخر ... في كندا .. إنت حر ... من حقك تسيب جهة عملك و تروح مكان تاني براتب أكثر في أي وقت بعد إخطارهم قبل المده المحدده في العقد و اللي هيا تتراوح من شهر لشهرين وده اللي بيخلي الشركات بتحاول إستبقاء الموظفين بتطبيق retention policy جيده ... زيادات رواتب دوريه مجزيه (حسب إجتهاد كل موظف) ... أنشطه إجتماعيه .... benefits أخرى غير الراتب .. وهكذا وبعدين إنت بتقارن حاجتين مختلفتين إنت في الخليج ... ضيف ... تعمل مقابل أجر ... في كندا إنت مواطن ... صاحب البيت .. زيك زي كل الناس لك كل الحقوق أنا جربت الإتنين ... صدقني شتا كندا أهون بكتيييير من حر الخليج هنعتبر الإتنين متساويين في الأماكن المغلقه .. فرضا (برضه كندا أحسن في دي) .... هنا تدفئه ... هناك تكييف و الناس عايشين بس في الأماكن المفتوحه .... البرد له حل .... الحر و الرطوبه ملهمش صحيح ... بس الموضوع في إيدك إنت برضه و الإنترنت و الفضائيات قللت من المشكله دي كتير إحنا عايشين في المنطقه العربيه فعليا ... من ناحية الميديا معندكش حق في دي خالص عنصرية الخليج ملهاش مثيل ... عنصريه بالقانون .. عنصريه تشمها في الهوا ماليش دعوه بالغرب ... يعني فرنسا ... هولندا ... و النماذج دي أنا عايش في كندا بقالي 3 سنين و مشفتش عنصريه لا ظاهره و لا خفيه و لا بفيونكه حتى

الفاضل م/ ايهـــــــــــاب
أنت بصراحة بالكلمتين دول أوجزت فأنجزت وجبت من بعد الآخر بــ 10 كيلو
الخليج -------------> مقبرة الحريات والكفاءات والكرامة
لندع الخليج لأهله وهنيئاً لهم به وهنيئاً له بهم

 

 

[doctor farouk]

اقتباس المشاركة الأصلية كتبت بواسطة شهاب فعلا مايدفع الناس اكثر واكثر الان هو قله العائد المادي في الخليج حاليا بمقارنته بمصر انا كل سنه لما بنزل مصر باندهش من كم سيارات اقاربي الحديثه والتي لا اركبها في الخليج !!!! وكل هذا حدث في الخمس سنوات الاخيره فقط وبالتحديد من بعد 2007 لا اجد تفسير لهذا الموضوع

تفسيري الشخصي هو انتشار التقسيط
90% من العربيات الفارهه في مصر هي تقسيط
يعني صوره زائفه لازدهار الاقتصاد وامتلاك المواطنين للمال

 

 

[شهاب]

اقتباس المشاركة الأصلية كتبت بواسطة doctor farouk تفسيري الشخصي هو انتشار التقسيط 90% من العربيات الفارهه في مصر هي تقسيط يعني صوره زائفه لازدهار الاقتصاد وامتلاك المواطنين للمال

فعلا اخي الفاضل

ان هذا ما دار بخلدي عندما وجدت اقاربي وهم صغار السن ورواتبهم اعتقد ايضا كذلك ولكنهم يركبون سيارات موديلات حديث وتقسيط
لكن حتى التقسيط معظمهم دافع اكثر من 60% من ثمن السياره؟؟

 

 

[Akram Group]

اقتباس المشاركة الأصلية كتبت بواسطة Amro Elsayed اتفق مع الكل فى كل شئ ماعدا حاجه واحده بس انتوا لسه شايفين ان السعوديه لسه فيها فلوس لو عايز تعيش عيشه كويسه معتقدش انك هتوفر المبلغ اللي يخليك متهاجرش .... انا مثلا لسه صغير مش كبير و اسرتي صغيرة الحمد لله قررت اني اهاجر و انا ابني لسه عمرة اقل من سنه عشان يطلع و يتربي فى بيئه انضف بيئه مش المقياس فيها الفلوس انما المقياس فيها الاخلاق و الاحترام يا جماعه الخليج مبقاش زي زمان دلوقتي فعلا الفلوس اقل بكتير طيب ليه البهدله بقي طيب منعيش بكرامتنا طالما احنا كده كده مش عارفين نحوش .... عمرو

واللهى ياعمور انت جيبت الفايدة

اصل فى ناس كتير بتتكلم على الخليج وهيا معاشتش فيه او كانوا موجودين هنا من فترة كبيرة

ومش واخدين بالهم من الغلاء اللى فى الخليج ومقابل كده زيادة الطلب وقلة العرض وان نظام

السعودة ادى الى تقليص فرص العمل وانخفاض الرواتب .


تحياتى

أكرم,,,

 

 

[Morial]

اقتباس المشاركة الأصلية كتبت بواسطة mohamed rabee الى بيهاجر ميعرفش ان الخليج افضل..ماديا

لاء انا عارفه وحسباها بالورقة و القلم بس الفلوس مش كل حاجة
في الخليج الواحد بيتحول لحصالة علي حساب ادميته

 

 

[m.farrag]

اقتباس المشاركة الأصلية كتبت بواسطة Morial لاء انا عارفه وحسباها بالورقة و القلم بس الفلوس مش كل حاجة في الخليج الواحد بيتحول لحصالة علي حساب ادميته

ده فعلا احسن تعبير لخص اللي احنا بنعمله في الخليج ..مع احترامي لكل الردود اللي قبل كده..
لان ده هوه اللي وصله تفكيري مع اني ماليش في السعوديه غير سنه ونص بس حسيت اني مش هاعرف اطور نفسي في اي حاجه هفضل زي ما انا محلك سر باكل وبانام وبحوش فلوس وبس
مفيش اي نوع من الحياه زي البني ادمين ...

 

 

[ehabtaher]

دكتور زميلى من الفئه النادره يعنى بياخد 50% زياده كبدل ندره ويعمل بالسعوديه عنده طفلين فقط فى المدارس قرر انه يدخلهم مدارس تدرس الدبلومه الامريكيه ويدفع اربع شهور من مرتبه كمصاريف لهم ويصرف بالسنه مرتب 3 شهور للاكل والمعيشه يتبقى له 4 شهور يصرف منهم شهرين عند نزوله اجازه سنويه وعلى هذا يبقى له شهرين فقط للزمن والطوارئ والمعاش بعد عمر طويل