طبق كشري

[waleedelrefiey]

الصحف المصرية والعربية

علي رأي أخوانا
لو انت بتاكل طبق كشري و واحد أخد منك ملعقة
طبعا هتحس بيه

زي الفيلم بالضبط

الخبر يبتدي بالصدفة

ضبط سارق خاتم ألماظ بملايين الدولارات ملك زوجة فريد الديب

المحامى فريد الديب و ارشيفية لخاتم الماظ

3/17/2012 5:39:00 PM
كتب - محمد مهدى :
تمكنت الأجهزة الأمنية بأمن القاهرة من ضبط عاطل يحاول بيع خاتم ألماظ حر يزن 900 قيراط، بأحد محلات الصاغة بعابدين، تم ضبط المتهم والذى اعترف بحصوله عليه من أحد الأصدقاء لبيعه.
وتبين أن الخاتم ملك زوجة المحامى فريد الديب - رئيس هيئة الدفاع عن الرئيس السابق، وأنها قامت بالإبلاغ عن سرقته منذ فترة، تم إخطار النيابة التى تولت التحقيق.
وقد تلقى اللواء أسامة الصغير مدير مباحث العاصمة إخطارآ بالواقعة، وتبين أن صاحب محل مجوهرات بعابدين أبلغ الرائد وائل الشموطى رئيس مباحث عابدين بقيام أحد الأشخاص بعرض بيع خاتم ألماظ غالى الثمن، وتم القبض على المتهم ياسر رمضان و اعترف بحصوله على الخاتم من أحد أصدقائه الى أرشد عنه، وتبين أن الخاتم ملك حرم فريد الديب المحامى.

و بعده
تنكشف القصة
سرقة 4 ملايين جنيه و ألماظ من منزل الديب

كتب- محمد صلاح : منذ 12 ساعة 1 دقيقة
تمكنت الأجهزة الأمنية بمديرية أمن القاهرة من ضبط خادمة فريد الديب "المحامى" رئيس هيئة الدفاع عن الرئيس المخلوع عقب سرقتها مبلغ 480 ألف دولار و675 ألفا و150 جنيها وكمية كبيرة من المشغولات الذهبية المرصعة بالألماظ.
جاءت عملية القبض عقب قيام المتهمة بسرقة تلك المضبوطات من داخل مسكنه الكائن بالمنيل – مصر القديمة وعرضها للمشغولات الذهبية للبيع على أحد تجار الذهب .
وبضبط الخادمة، تبين أنها شيماء عادل أبو العلا 24 سنة خادمة زوجة فريد الديب "المجني عليها".
وبمواجهتها اعترفت بارتكابها للواقعة وأنها قامت بسرقة تلك المضبوطات على فترات من مسكن مخدومتها وأرشدت عن باقي المسروقات .
تلقى اللواء أسامة الصغير مدير مباحث العاصمة بلاغا بالقبض على شاب يبيع خاتم ألماظ وكشف خلال التحقيقات، عن علاقته بخادمة فريد الديب وأن الأخيرة قامت بسرقة الخاتم.
وبتكثيف التحريات أكدت سرقة مبالغ مالية تصل إلى 4 ملايين جنيه مصرى، وكمية من المشغولات الذهبية، على فترات من المنزل. تم القبض على المتهمة وتولت النيابة التحقيق.

ضبط خادمة ''الديب'' بعد سرقة 15 مليون جنيه ومجوهرات ثمينة (الأجمالي)

السؤال الواحد لم يضيع منه 100 ج بياخد باله
واحد اتاخد منه ما يعادل 15 مليون
يبق معاه كام ؟
طبعا ربنا يزيد و يبارك بالحلال
الراجل محامي كبير و هنفترض حسن النية طبعا
بس القصة بأه
دفع ضرايب كااااااااام ؟

طبعا
معروف دفع كام ضرايب

 

[مصري سكندري]

هو احنا متغربين ليه ما الناس معاها فلوس اهو في مصر و الأشية معدن.
ياللا يامطاريد ارجعوا بلدكوا " وادخلوها آمنين ... ادخلوها سالمين" يا اولاد مصر

بس للأمانة الشرطة شايفة شغلها كويس أهو
و الناس كلها متبلغة بالمسروقات
و أي واحد مسروق منه حاجة بترجع
آه ما هو المال الحلال لازم يرجع لاصحابه!!!! (وش عبد الوارث عسر)

 

 

[مزاياإنسانة]

استاذ وليد انا عجبتني السجادة اللي في الصورة
تتوقع تمنها كم ؟؟

بصراحة مش أعلق على الخبر
لأني لابعرف الرجل ولا مراته
بس فعلا نفس السؤال لما المبالغ دي كلها تختفي
معقولة ماحسوش بيها
وفي الآخر الخاتم يفضح الحرامية

تذكرت أحد معارفنا لما بيتهم إنسرق
كانت الزوجة غنية جداً ولسة جايبة المجوهرات بتاعتها
من صندوق الأمانات بتاعها في البنك وكانت قيمتها تقارب المليون ريال
تخيل أسبوع واحد فقط خرجت من البيت مدة ساعة واحدة أوأكتر شوياعشان تعمل رياضة المشي
ترجع تلاقي المجوهرات مسروقة
بس إيه الناس المحظوظة غير حالتنا المتنيلة
هو ظرف أسبوع والحرامي في إيد الشرطة
لأنو إتقفش وهو بيبيعه ومش عارف قيمته الحقيقية
لأن الحرامي كان فاكر الطقم والساعة من سوق البطحا
وهما من أشهر محلات الذهب السعودية
زي محلات معوض وبركات وفتيحي

على فكرة الذهب في السعودية حتى لو سارق غويشتين و رحت تبيعهم حتتكشف على طول
لأنو لازم تسجل بطاقة الأحوال المدنية في فاتورة البيع
ومع ذلك قريبتي الثانية إتسرقت ذهب وألماس وأجهزة

لسة مارجعش لهم أي حاجة شكل اللي سرقوهم طلعوا
المسروقات برا البلد

 

 

[waleedelrefiey]

اقتباس المشاركة الأصلية كتبت بواسطة مصري سكندري هو احنا متغربين ليه ما الناس معاها فلوس اهو في مصر و الأشية معدن. ياللا يامطاريد ارجعوا بلدكوا " وادخلوها آمنين ... ادخلوها سالمين" يا اولاد مصر بس للأمانة الشرطة شايفة شغلها كويس أهو و الناس كلها متبلغة بالمسروقات و أي واحد مسروق منه حاجة بترجع آه ما هو المال الحلال لازم يرجع لاصحابه!!!! (وش عبد الوارث عسر)

بالصدفة
شرطة ايه

كشفو صاحبها و هو بيبيع خاتم تمنه مليون جنيه و هو مش عارف قيمته الجواهرجي شك
بلغ الشرطة

يا باشا غربة أيه و كلام يجب المرض أيه
أنت نسيت نصباية أراضي المغتربين ؟
المتر في القاهرة الجديدة 500 دولار
و الشيخ زايد تقريبا 650 دولار
و كانت الأرضي متوسط 800 م2

الناس الي جوه فاكرين الناس الي بره بيطبعوا فلوس في البيت (عدينا مرحلة أننا بنلاقي الفلوس في الشرع)

تحياتي مصري سكندري

 

 

[waleedelrefiey]

اقتباس المشاركة الأصلية كتبت بواسطة مزاياإنسانة استاذ وليد انا عجبتني السجادة اللي في الصورة تتوقع تمنها كم ؟؟

و الله يا أخت مزايا .... السجادة دي .... سجادة حكومة
يعن تلقيها حاجة من أتنين
يا سحت
يا مليون ج (بعد العمولات)

اقتباس المشاركة الأصلية كتبت بواسطة مزاياإنسانة تذكرت رقم (1) أحد معارفنا لما بيتهم إنسرق كانت الزوجة غنية جداً ولسة جايبة المجوهرات بتاعتها من صندوق الأمانات بتاعها في البنك وكانت قيمتها تقارب المليون ريال تخيل أسبوع واحد فقط خرجت من البيت مدة ساعة واحدة أوأكتر شوياعشان تعمل رياضة المشي ترجع تلاقي المجوهرات مسروقة بس إيه الناس المحظوظة غير حالتنا المتنيلة هو ظرف أسبوع والحرامي في إيد الشرطة لأنو إتقفش وهو بيبيعه ومش عارف قيمته الحقيقية لأن الحرامي كان فاكر الطقم والساعة من سوق البطحا وهما من أشهر محلات الذهب السعودية زي محلات معوض وبركات وفتيحي على فكرة الذهب في السعودية حتى لو سارق غويشتين و رحت تبيعهم حتتكشف على طول لأنو لازم تسجل بطاقة الأحوال المدنية في فاتورة البيع ومع ذلك رقم (2) قريبتي الثانية إتسرقت ذهب وألماس وأجهزة لسة مارجعش لهم أي حاجة شكل اللي سرقوهم طلعوا المسروقات برا البلد

مش عارف أقولك أيه أخت مزايا
سيدتك جايه تحسريني يعني

يا رب يجعلنا من معارفك يا مزايا

أنا أخري الشهر الي فات روحت أشتري أنسيال 32.50 جم تحت ضغوووووووط شديدة و أساليب أرهابية ... و ده هدية لزوجتي الحبيبة ..... و عمال أحوش فلوسه قبلها بسنة و دفعت فيه 6700 ريال ......

هااااااااااااااااا
دنيا
تذكروا الموت
هنعمل ايه بالمجوهرات و الذهب
الله جب الله خد الله عليه العوض

فلو عندك حاجة زيادة (ذهب أو مثله ) متنسيش أخوكي الغلبان و اتخلصي منها
و أديهالي

و كل ده عشان تذهدي الدنيا


تحياتي لمروركم الكريم مزايا هانم

 

 

[زعلان]

دهب ليه بس يا وليد
خليك رومانسي وجيبة باقة من الزهور

وبعدين 23 جرام ونص كتير قوي علاقة 5 جرام حلو قوي وبالكثير عيار 21 بلاش 24 وحش بيجيب حساسية

 

 

[waleedelrefiey]

اقتباس المشاركة الأصلية كتبت بواسطة زعلان دهب ليه بس يا وليد خليك رومانسي وجيبة باقة من الزهور وبعدين 23 جرام ونص كتير قوي علاقة 5 جرام حلو قوي وبالكثير عيار 21 بلاش 24 وحش بيجيب حساسية

حكم القوي يا عمنا
مهو عيار 21 بحريني و بعدين قلتلك 32.50 مش 23 جرام .... أنا ناقص تقلل فيه كمان

ورد مين يا باشا
أنت عاوزني أترمي في الشارع

ايوه الورد من الكماليات
مش الأساسيات
يعن أنسيال و معاه ورد يمشي
ورد من غير أنسيال .... بالجزمـــــــــــ؟

 

 

[Abo yasser]

طب ليه الحرامية يبيعوا ياوليد خاتم الالماظ و هم عندهم ملايين بين ايديهم مسبقا

 

 

[waleedelrefiey]

اقتباس المشاركة الأصلية كتبت بواسطة Abo yasser طب ليه الحرامية يبيعوا ياوليد خاتم الالماظ و هم عندهم ملايين بين ايديهم مسبقا

يا هلا يا أبو ياسر
الخاتم الي الجواهرجي بلغ عنه ده بمليون ج
الي بيبيعه ميعرفش قيمته ... ناس عبيطه
لو أنا طبعا الحرامي ..... مش هبيعه أبداااااااااا

بس أغلب الحرامية طماعين

مش كنا طلعنا خدامين عند الديب أحسن

 

 

[بنت البلد]

دعوه لموضوعي

عدسة بنت البلد

أيه الجمال دا


ياااااااااااااااااااااااااه

فظيع

شنيع

لما دا كان خاتم مرات الديب

أمال خاتم سوزان عامل ازاى .. أكيد حطه فيه فلوس البلد كلها