Arabic Discussion Forum with a Special Interest in Travel and Immigration

mirofawzy · 9th November 2019, 09:41 AM

مساء الخير جميعا

معايا ماجستير MBA من جامعة اسلسكا - مصر وهي معترف بيها من المجلس الاعلي للجامعات .. لما دورت في WES علي اسم الجامعة عشان اعمل المعادلة ملقتش اسمها مكتوب وسط الجامعات الخاصة او الحكومية ... كلمت WES بالتليفون قالولي مفيش مشكلة انت ممكن تكتب اسم الجامعة يدوي ولما تبعت الورق نرد عليك .... هل في حد من الاعضاء من اسلسكا او وجهته نفس المشكلة ؟ وهل الشهادة اتعادلت ولا هتكون بلا جدوي ؟

اشكركم جميعا

mirofawzy · 9th November 2019, 09:46 AM

كل فرد لوحده ... انا عارف ان تكاليف الشحن كتير... بس يفضل كل ظرف لوحده

Mohamedmarghany · 11th November 2019, 12:17 PM

السلام عليكم ابو حمزة
برجاء اعطائي تفاصيل عن شهادات الزوجة
انا نفس وضعك متهيالي
انا بعت شهاداتي و شهادات مراتي لل WES
و جالي تقيين للاثنين
بس عرفت ان الدكاترة ليهم اعتماد تاني لو تقدر تساعدني تقولي ايه هو و خطواته و مصاريفه

اقتباس

المشاركة الأصلية كتبت بواسطة Abo-Hamza


	السلام عليكم ورحمة الله وبركاته تسلم جدا على المجهود الرائع ربنا يجعله فى ميزان حسناتك كان عندى استفسار دلوقتى انا هبعت ظرف ل WES علشان تقييم شهادتى وبيان الدرجات بالنسبة لزوجتى فهى طبيبة واوراقها بنبعتها لهيئة تانية خاصة بالاطباء فى كندا هل فيه مجال انى ابعت الظرفين مع بعض ظرف خاص بيا ل WES وظرف خاص بيها للهيئة اللى بتقيم شهادات الاطباء فى شحنة واحدة ولا لازم افصلهم وجزاكم الله خيرا

posted via mobile device

محمد أبوشعبان · 10th January 2020, 02:46 PM

جزاكم الله خير جميعا على الك الهائل من المعلومات المفيدة في المنتدى

انا عايز اقدم على EOI لساسكاتشوانً
ارسل اوراقي ل WES واليوم وصلني رسالة من شركة التوصيل انها وصلتهم اليوم

في طلب ال EOI في موقع الهجرة تبع ساسكاتشوان فيه سوال هل عملت التقيم : نعم/لا

انا عايز احط نعم عشان اقدم الطلب واكسب وقت وهما كده كده لو باذن الله حصلت على دعوة بيدوني 60 يوم ارسل الاوراق بيكون غالبا الاعتماد صار عندي خاصة واني طلبتهم بالـUPS

هل فيه مشكلة لو عملت هيك ؟
posted via mobile device

amahboub · 4th July 2020, 08:51 AM

السلام عليكم:
أولاً شكرا جزيلا على المحتوى الرائع
ثانياً أنا عندي أكتر من استفسار لو سمحتلي
1- بالنسبه لبيان الدجات الصادر من الجامعه، هو بالعربي، هل لازم أترجمه من مكتب ترجمه معتمد وأضيفه جوا الظرف هو كمن، وا مش لازم الترجمه تعتمد، لأن ده موضوع مش سهل خالص؟
2- بيان الدرجات ملهوش كريديت اورز (نظام قديم) وكمان مفيش درجات لكل ماده، الموجود تقدير كل ماده بس (ممتاز، جد، جيد جداً، مقبول، ضعيف ......). ينفع ده، وأحلها ازاي لو مينفعشي؟
3- اسمي عالباسبور ALY ، وفي الشهاده الانجليش ALI. زي ما شرحت لحضرتك، العقليات التعبانه مش مخليه موضوع التغيير سهل للأسف. الويس بيتفهموا ولا لازم أعدلها زي الباسبور؟
4- لازم اظرف يتختم ختم النسر؟ ولا كفايه ختم الكليه بس؟
5- السؤال الاخير بقى، ممكن ابعت لويس قبل ما افتح ابلكيشن فالاكسبريس انتري؟ لأن طرقة تقييم شهاداتي أنا وزوجتي حيحدد مين فينا اللي حيقدم الابلكيشن كأساسي والثاني مرافق ليه.
شكرا جدا للتعاون

هدوء الليل · 20th October 2020, 03:19 PM

مساء الخير يا جماعة
اولا احب اشكر القائم علي البوست علي المجهود المحترم ده
ثانيا
و انا باقدم علي ال WES ظهرت التكلفة كالاتي
Fee Summary
Standard Delivery $10.00
Educational Credential Assessment Package $220.00
Harmonized Sales Tax (HST) 13% Edit $0.00
Total Cost: $230.00

انا عرفت من كل البوستات ان التكلفة المفروض تكون 233.91$
فأنا كده صح و لا فيه حاجة غلط

شكرا ليكم كلكم مقدما

shawi · 27th April 2021, 06:33 PM

فيديو يشرح برامج WESالعادي وجيتواي الخاص بسبعة بلدان فيها حروب وقلاقل

muhannadsy · 23rd December 2021, 09:54 AM

اخي الكريم , انا واقفه معاملتي الويس من 6 شهور بسبب اني مو قادر انزل سوريا وانا مقيم برا سوريا . بعتت
ايميل لويس شرحتلهم انو ما فيني انزل عسوريا والجامعة غير متجاوبة وانو عندي مصدقات طبق الاصل ومختومة بس مافيها بالانكليزي وكان رد ويس انو ما فيهم يقبلوا
.الورق هيك . وعلى هالاساس معاملتي واقفة لحد اليوم
الفيديو فيو لغط قليلا . بالنسبة للدول اللي فيها حروب . وانت حابب تقدم للهجرة . لازم حصرا يجي ظرف مختوم من الجامعة جواته كشف علامات ومصدقة مترجمة بالانكليزي . غير هيك ما حتمشي المعاملة

AyahT · 20th May 2022, 08:54 PM

سلام عليكم
طبعا بشكركم علي المجهود الرائع الي فادني كتير
انا خريجه صيدلة بس بشتغل HR و معايا دبلومة من الجامعه الامريكيه.
هل كدة wes مناسبة للشهادتين؟
احنا بنعمل application واحد و بنبعت ظرفين واحد من كل جامعه؟
هما كاتبين علي الموقع بتاع wes عايزين صور الشهادات؟
قصدهم ايه .. صور ملونة و الا ابيض واسود وهل ممكن ابعت الاصل والا لازم صورة؟
وهل reference number بيتكتب برة علي الظرف بس والا علي اشلهادات كمان و الا احطه علي الظرف واحط كمان ورقه مطبوعه بيه جوة الظرف.
شكرا جزيلا
posted via mobile device

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

الهجرة إلى كندا

المختصر المفيد بخصوص تقييم الشهادات التعليمية من أجل الهجرة إلى كندا عبر موقع WES