Arabic Discussion Forum with a Special Interest in Travel and Immigration

haya · 24th October 2009, 05:48 PM

أنا أقولكم بإختصار..
الولاد وهما صغيرين بيطلعوا عينيا علشان يعجبهم اكل أو يرضوا عنه
فالواحد بيضطر انه يفتكس حاجات يحاول بيها يرضيهم ويكسر حالة الملل من الاكل اليومي العادي
وفي نفس الوقت يحاول انها تكون حاجة مغذيه محتوية علي معظم العناصر الغذائية المطلوبة
وانظف وافيد من الجانك فود اللي علي قلبهم زي العسل

ياريت كل واحد افتكس أكله او جات معاه بمحض الصدفه وعجبت الولاد يشركنا معاه
لعل وعسي ربنا يقدرنا ان احنا نزيح غمامة الجانك فود من ادام عينيهم...

فيه حاجات شوفته في الغرب الشقيق
وفي حاجات بكل صراحه جات معايا بالصدفة

هابدأ النهارده بأول اكله
ماعرفش اسمها ايه
لكن نقدر نقول بطاطس في الفرن

اولا هيا بيستخدم لها برام صغير علي قدر الامكان ...ليه بقي
علشان الطفل يحس ان ده طبقه الخاص بيه فيحس انه مش صغير ولا حاجه وان له وجبه خاصة وطبق خاص
لو مافيش برام صغير عندكم ممكن تستخدموا البرامات اللي جيبتوا فيها أكل مرة ..رز او مكرونه من محلات المشويات ...باغسلها واشيلها ونفعت في الاكله ديه

ندخل في الموضوع
بطاطس مهروسه في الفرن

المكونات

بطاطس مسلوقه ومهروسه
ذرة حلو
لحمه مفرومه معصجه جاهزة ومستوية
جبنه موتزاريلا

الطريقه :

مش هاقول كميات لان ديه بتختلف مش شخص لأخر ..المهم الفكرة يعني
نسلق بطاطس كويس ونهرسها بمعلقه زبده او سمنه سايحه وشويه لبن دافي وملح وفلفل
نفرد المعجون ده في البرام طبقه معقولة مش سميكه ومش رفيعه وبعدين نحط في النص اللحمه المعصجه ومعاها الذره المسلوق وبعدين نغطي من فوق بطبقه تانيه من البطاطس المهروسة وفوق الوش نحط رشه جبنه موتزاريلا ..لو مافيش ممكن جنبه رومي او شيدر الموجود يعني
وبعدين ندخلها الفرن في نار متوسطه لمده ربع ساعه
هاتطلع ريحتها جميله وتفتح النفس ان شاء الله ومغذيه جدا
وبألف هنا وشفا لحبايبنا

O.S.A.M.A · 24th October 2009, 05:54 PM

اقتباس

المشاركة الأصلية كتبت بواسطة haya


	بطاطس مسلوقه ومهروسه ذرة حلو لحمه مفرومه معصجه جاهزة ومستوية جبنه موتزاريلا الطريقه : مش هاقول كميات لان ديه بتختلف مش شخص لأخر ..المهم الفكرة يعني نسلق بطاطس كويس ونهرسها بمعلقه زبده او سمنه سايحه وشويه لبن دافي وملح وفلفل

ده المفروض الحاجات دى هايكلها أطفال من ذوى الإثنين زينا يعنى كده !!؟؟

haya · 24th October 2009, 06:01 PM

اقتباس

المشاركة الأصلية كتبت بواسطة Abu Youssef


	ده المفروض الحاجات دى هايكلها أطفال من ذوى الإثنين زينا يعنى كده !!؟؟

يعني بتلوم عليا يا ابو يوسف معلقه زبده صوغنونه ولحمه معصجه وهما نازيلين طالعين ياكلوا في همبرجر ماكدونالد اللي ما انتش عارف معمول من اي مصيبة بالضبط

وفيه كميه دهون خرافيه في العجيبنه وبسبب القلي
ده غير الزيت اللي بيتقلي فيه الطاطس المحمرة اللي بتبقي جنب الوجبه

صدقني مهما عملت في البيت فانت متحكم في التفاصيل الصغيرة ديه
بالمناسبه ..انا باعمل اللحمه المفرومه لولادي بدون بصل ...يعني لحمه ملح فلفل وبسسسسس وباحمرها علي النار بدون زيت او سمنه
هما بيكرهوا البصل جدا
وانا باكرة السمنه والزيت جدا جدا
وصدقني النتيجه بتبقي حلوة

نصيحه اخيرة بقي
لو عايز فعلا الطفل ياكل حاول تخليه ( مش انت يعني ..اقصد المودام

) يشترك معاها في اعداد الاكل ...هايتشجع جدا وهاعجبه الفكرة

فين الورده صحيح ؟؟؟

O.S.A.M.A · 24th October 2009, 06:10 PM

اقتباس

المشاركة الأصلية كتبت بواسطة haya


	يعني بتلوم عليا يا ابو يوسف معلقه زبده صوغنونه ولحمه معصجه وهما نازيلين طالعين ياكلوا في همبرجر ماكدونالد اللي ما انتش عارف معمول من اي مصيبة بالضبط وفيه كميه دهون خرافيه في العجيبنه وبسبب القلي ده غير الزيت اللي بيتقلي فيه الطاطس المحمرة اللي بتبقي جنب الوجبه صدقني مهما عملت في البيت فانت متحكم في التفاصيل الصغيرة ديه بالمناسبه ..انا باعمل اللحمه المفرومه لولادي بدون بصل ...يعني لحمه ملح فلفل وبسسسسس وباحمرها علي النار بدون زيت او سمنه هما بيكرهوا البصل جدا وانا باكرة السمنه والزيت جدا جدا وصدقني النتيجه بتبقي حلوة نصيحه اخيرة بقي لو عايز فعلا الطفل ياكل حاول تخليه ( مش انت يعني ..اقصد المودام ) يشترك معاها في اعداد الاكل ...هايتشجع جدا وهاعجبه الفكرة فين الورده صحيح ؟؟؟

يا فندم أحلى وردة

لأ أنا فهمت غلط ...

أنا افتكرتك بتتكلمى عن أطفال السنة السنتين الناس الصوغننة دى

أنا قولت هايا حصلها حاجة .. لما نأكل طفل عنده سنة لحمة معصجة وسمنة أومال لما يبقى خمس ست سنين يجى ياكلنى أنا وأمه بقى

ومش الوحوش الأدمية اللى فوق خمس سنين

O.S.A.M.A · 24th October 2009, 06:12 PM

اقتباس

المشاركة الأصلية كتبت بواسطة haya


	لو عايز فعلا الطفل ياكل حاول تخليه ( مش انت يعني ..اقصد المودام ) يشترك معاها في اعداد الاكل ...هايتشجع جدا وهاعجبه الفكرة

عندى جو بيحب يساعد فى المطبخ وبمزاجه

haya · 24th October 2009, 06:21 PM

اقتباس

المشاركة الأصلية كتبت بواسطة Abu Youssef


	يا فندم أحلى وردة لأ أنا فهمت غلط ... أنا افتكرتك بتتكلمى عن أطفال السنة السنتين الناس الصوغننة دى أنا قولت هايا حصلها حاجة .. لما نأكل طفل عنده سنة لحمة معصجة وسمنة أومال لما يبقى خمس ست سنين يجى ياكلنى أنا وأمه بقى ومش الوحوش الأدمية اللى فوق خمس سنين

لا يصلح ما بعد 3 سنين وانت طالع

اقتباس

المشاركة الأصلية كتبت بواسطة Abu Youssef


	عندى جو بيحب يساعد فى المطبخ وبمزاجه

جو بقي هاينفعنا اوي

valantino348 · 25th October 2009, 08:01 AM

فعلا في وحوش آدمية بتطحن مش بتاكل وأنا أعرف الكثير منهم

والعندي كمان بيعرف الكثير

على العموم أنا برضه بحب المطبخ بس لوحدي وبمزاجي

لما بكون لوحدي في البيت

وبحاول أعمل أي أكل بالحاجات اللي موجودة في الثلاجة

وبتطلع حلوة جدا جدا

valantino348 · 25th October 2009, 08:04 AM

اخر مرة كانوا الجماعة مسافرين وأنا لوحدي
وحاولت أعمل كفتة بانيه

المهم بعد ما أكلت عرفت إني نسيت أحط البصل وبيضة مع اللحمة المفرومة وأنا بقلبها مع التوابل

دا بعد سؤال كذا زميلة طبعا

بس أكلتها برضه

ana_3enady · 25th October 2009, 08:51 AM

دعوه لموضوعي

RobertInole

اقتباس

المشاركة الأصلية كتبت بواسطة valantino348


	اخر مرة كانوا الجماعة مسافرين وأنا لوحدي وحاولت أعمل كفتة بانيه المهم بعد ما أكلت عرفت إني نسيت أحط البصل وبيضة مع اللحمة المفرومة وأنا بقلبها مع التوابل دا بعد سؤال كذا زميلة طبعا بس أكلتها برضه

ما هو مش كل مرة تعمل كفتة بانيه وتترمي

Farida · 25th October 2009, 09:16 AM

اقتباس

المشاركة الأصلية كتبت بواسطة haya


	أنا أقولكم بإختصار.. الولاد وهما صغيرين بيطلعوا عينيا علشان يعجبهم اكل أو يرضوا عنه فالواحد بيضطر انه يفتكس حاجات يحاول بيها يرضيهم ويكسر حالة الملل من الاكل اليومي العادي وفي نفس الوقت يحاول انها تكون حاجة مغذيه محتوية علي معظم العناصر الغذائية المطلوبة وانظف وافيد من الجانك فود اللي علي قلبهم زي العسل ياريت كل واحد افتكس أكله او جات معاه بمحض الصدفه وعجبت الولاد يشركنا معاه لعل وعسي ربنا يقدرنا ان احنا نزيح غمامة الجانك فود من ادام عينيهم... فيه حاجات شوفته في الغرب الشقيق وفي حاجات بكل صراحه جات معايا بالصدفة هابدأ النهارده بأول اكله ماعرفش اسمها ايه لكن نقدر نقول بطاطس في الفرن اولا هيا بيستخدم لها برام صغير علي قدر الامكان ...ليه بقي علشان الطفل يحس ان ده طبقه الخاص بيه فيحس انه مش صغير ولا حاجه وان له وجبه خاصة وطبق خاص لو مافيش برام صغير عندكم ممكن تستخدموا البرامات اللي جيبتوا فيها أكل مرة ..رز او مكرونه من محلات المشويات ...باغسلها واشيلها ونفعت في الاكله ديه ندخل في الموضوع بطاطس مهروسه في الفرن المكونات بطاطس مسلوقه ومهروسه ذرة حلو لحمه مفرومه معصجه جاهزة ومستوية جبنه موتزاريلا الطريقه : مش هاقول كميات لان ديه بتختلف مش شخص لأخر ..المهم الفكرة يعني نسلق بطاطس كويس ونهرسها بمعلقه زبده او سمنه سايحه وشويه لبن دافي وملح وفلفل نفرد المعجون ده في البرام طبقه معقولة مش سميكه ومش رفيعه وبعدين نحط في النص اللحمه المعصجه ومعاها الذره المسلوق وبعدين نغطي من فوق بطبقه تانيه من البطاطس المهروسة وفوق الوش نحط رشه جبنه موتزاريلا ..لو مافيش ممكن جنبه رومي او شيدر الموجود يعني وبعدين ندخلها الفرن في نار متوسطه لمده ربع ساعه هاتطلع ريحتها جميله وتفتح النفس ان شاء الله ومغذيه جدا وبألف هنا وشفا لحبايبنا

جميل الموضوع ...........انا باضيف لها بقسماط و بيضه مع البطاطس المهروسه
و ساعات باعملها من غير لحمه معصجه يعنى اهرس البطاطس و ازود عليها زبده و لبن لما يبقى قوامها خفيف شويه و اعملها فى سندوتشات - باعملها على طول-

- الزبادو البيتى :
مش مهم المقادير دى
- 2 علبة زبادى و ممكن واحده كفايه
- 2 كوب لبن
- سكر حسب الرغبه انا ممكن اضع 5 ملاعق سكر
- ثلج مقطع صغير
ثمرة مانجو او 2 ثمرة جوافة (خاليه من البذر) او 3 ثمرات موز
اضعهم كلهم مع بعض فى الخلاط و بيطلع احلى زبادو بيتى و يتشرب فى وقتها

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
المجلس العسكري يوصي بدراسة مشروع قانون النشر...	شؤون مصر الداخلية	AlexG	1	805	10th June 2011 06:28 PM
"الإخوان" تحقق مع صالح لإنقاذ سمعتها	شؤون مصر الداخلية	nash	15	1870	4th June 2011 08:58 AM
إهداء للسلفيين والأخوان المسلمين	منقوووووووووووولات	abo_hammad	8	2064	1st June 2011 08:55 AM
مصر للطيران بحبحتها على الأخررررر يا مسافرين	موضوعات عامة ... موضوعات خفيفة ... منوعات	sincere	4	1348	31st May 2011 12:49 PM
شهود عيان:هروب مبارك بطائرة حربية	ثورة مصر ... 25 يناير 2011	علوان البكري	31	4166	27th May 2011 09:13 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وصفات مميزة لتقديم الرنجة في شم النسيم	مودة	شؤون المطبخ	18	23rd April 2011 10:29 PM
فرصة لن تعوض ..شويه خدع و أسرار خرافية	عصام غازي	الكمبيوتر والإنترنت	4	20th May 2010 04:49 PM
عايز وصفات الكابتشينو و اللاتيه وكل المشروبات	KANE	شؤون المطبخ	68	31st March 2010 06:12 AM
مطلوب وصفات بلدى لنزلات البرد	حشيش	إستشارات صيدلانية ودوائية	23	22nd February 2010 01:06 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

شؤون المطبخ

وصفات خرافية لعيالنا المفترية