الدراسات العليا في كندا ( افضل موضوع لشهر اغسطس 2010)

[دونتير]

الصحف المصرية والعربية

لا أحد يرد على الأسئلة :( من فضلكم عندنا أسئلة فهل من مجيب جزاكم الله خيرا
انا أرغب في دراسة تخصص أو ماستر أو دكتوراه لها علاقة بطب الأسنان
انا بكالوريوس طب أسنان من أين أبدأ
posted via mobile device

 

 

[shaymaa]

السلام عليكم
انا عضوة جديدة معاكم وبشكركم جدا على كل مجهوداتكم الرائعة
وكنت حابة استفسر منكم عن اجراءات الدراسة فى كندا ان شاء الله
عمرى 35 سنة ومعى بكالوريوس تجارة وكنت حابة اعرف اجراءات الدراسة فى كندا لو حبيت اقدم على ماجستير من جامعه هناك التكاليف هتبقى كام ؟ والاجراءات هتمشى ازاى
وياريت لو فى لينكات حديثة لمواقع جامعات ترشحوها لى تكون كويسة وتكاليفها منخفضة
وفرص قبول الفيزا معتمدة على ايه ؟
اسفة للاطالة واتمنى تفيدونى

 

 

[shaymaa]

يا ريت تردوا على ارجوكم للضرورة
دلوقتى زى ما قلت فى تعليقى اللى فات انى عايزة ادرس فى كندا ان شاء الله
انا خريجة تجارة 2001 بتقدير جيد وحابة اخد ماجستير ادراى الاعمال MBA بس لما دخلت على موقع الجامعات لقيت مطلوب سنتين خبرة عمل بدوام كامل بس انا للاسف معنديش خبرة عمل انا اخدت دبلومة فى HR من 6 شهور فمش عارفة هل كدة مش هينفع اقدم على الدراسة فى كندا لعدم وجود خبرة عمل
وهل انا كخريجة تجارة ممكن اقدم على مجال تانى غير تخصصى وميشترطش خبرة عمل
ارجوكم افيدونى للاهمية وشكرا

 

 

[dena]

ممكن حد يفيدني اذا في جامعات في كندا بتعطي ماستر عن طريق distance learning أو اونلاين؟؟؟؟؟؟

 

 

[ايوب يوسف]

مشكورين يا شباب عالمجهود الكبير

الذي معدله 61% (جيد) هل له امل بالماجستير في كندا بطريقة ما ؟

التخصص جيولوجيا
الجنسية سوريا

 

 

[dena]

اقتباس المشاركة الأصلية كتبت بواسطة salamatarek للاسف صعب انك تلحق منح ال fall semester اللى هيبدأ فى سبتمبر الجاى, بس ممكن تبدأ تدور فى منح ال winter semester اللى هيبدأ شهر يناير القادم وربنا يوفقك ان شاء الله فرصتك كويسة لو جايب امتياز.

السلام عليكم
استاذ طارق اخويا حابب يكمل ماجستير صيدلة في كندا ممكن تدلني على الجامعات الي بتسمح له بدراسة الماجستير علما بأنه متخرج من الأردن وايه هيا الخطوات الي يبدا فيها؟؟؟؟؟؟

 

 

[Remon.soliman]

دعوه لموضوعي

مطاريد الكويت

اقتباس المشاركة الأصلية كتبت بواسطة Bikatsho موضوع اكثر من رائع يا دكتور. انا كنت عايز اعرف معلومات عن ترشيح اونتاريو فعلا لاني صيدلي ونفس حالتك بالظبط فيا ريت تشرحلنا بالتفصيل الله يكرمك ولو في امكانيه للتواصل علي الخاص تبعتلي ايميلك لاني لسه متفتحتش عندي الرسائل بالمنتدي

فيه حل بسيط وسهل جداً لمشكلة المسجلين الجدد والزملاء الذين ليس لديهم عدد كافى من المداخلات للتواصل على الخاص يتلخص فى خطوتين مش حياخدوا منك نصف دقيقة

1- إذهب إلى لوحة التحكم الخاصة بك ومنها إلى (تعديل الخيارات) ... ثم ضع علامة صح على الصندوق الخاص بـ (إستلام بريد إلكترونى من الأعضاء) كما يظهر فى الصورة المرفقة:



2- عندما يريد أحد الزملاء القدامى التواصل معك عبر البريد الإلكترونى فكل ما عليه هو الضغط على إسمك ويختار (إرسال رسالة بريد الكترونى إلى) كما يظهر فى الصورة المرفقة:



إضغط على الصور لعرضها بالحجم الطبيعى

سبب تقييد خاصية الرسائل الخاصة للمسجلين الجدد سبق أن وضحته الإدارة فى عدة موضوعات سابقة بغرض حماية خصوصية الأعضاء القدامى من بعض العضويات الجديدة ... كذلك يتم حجب البريد الإلكترونى الخاص بجميع الأعضاء إلا لو إختار العضو إظهاره كما ورد فى الشرح أعلاه ... تحياتى

 

 

[amiranita]

موضوع مميز للغاية
شكرا جزيلا

 

 

[ozoz]

سؤال يا أهل الخبرة في كندا
هل فعلاً ممكن تحصل مشكلة لو قدمت على هجرة و طلب دراسة في وقت واحد بحيث اللي يجيلي قبل التاني أدوس فيه و خلاص و ما اضيعش وقت ( بمعنى ان ممكن الحكومة هناك تفهم أني عاوز اروح هناك و خلاص فيقولوا لأ مش هنقبله لا هجرة و لا دراسة ) وللا الكلام دوت عادي ممكن أعمله و اقدم في الاتنين مع بعض

 

 

[Zonfol]

اقتباس المشاركة الأصلية كتبت بواسطة ozoz سؤال يا أهل الخبرة في كندا هل فعلاً ممكن تحصل مشكلة لو قدمت على هجرة و طلب دراسة في وقت واحد بحيث اللي يجيلي قبل التاني أدوس فيه و خلاص و ما اضيعش وقت ( بمعنى ان ممكن الحكومة هناك تفهم أني عاوز اروح هناك و خلاص فيقولوا لأ مش هنقبله لا هجرة و لا دراسة ) وللا الكلام دوت عادي ممكن أعمله و اقدم في الاتنين مع بعض

رد مكرر لصلته بالموضوع:
لو مشيت في الاتنين في نفس الوقت، طلب الدراسة غالبا (99.99%) هيترفض لأن المفروض وانت بتقدم على تأشيرة الدراسة بتقدم ما يثبت إنك أكيد أكيد راجع ومش ناوي على هجرة بتاتا. طب منين بقى وانت مقدم على هجرة أهو؟ اتفضل يا أوساذ ما تعطلناش.

نفس الكلام لو كنت قدمت على هجرة في الماضي والموضوع ما مشيش، وجيت بعدين تقدم على تأشيرة دراسة (أو سياحة). يمكن نسبة الرفض بتقل لـ 90%، لأنه من الصعب -وإن لم يكن مستحيل- انك تقنعهم ان انت المرة دي بجد بجد مش عايز تهاجر.

طلب الهجرة لا يتأثر بأي طلبات أو تأشيرات سابقة أو حالية من أي نوع، سواء مقبولة أو مرفوضة (ما لم يكن الرفض أمني أو طبي)، وبيمشي في طريقه عادي جدا لا يهتز.