.
منقول من سيساوية
"واحدة كاتبة :
حاسه اني غلطت في الرئيس السيسي وحبيت اكتب البوست دة عشان اكفر عن ذنبي..
بص يا ريس انا عارفه انك مكنتش طمعان في الحكم ولا كنت بتتآمر انت والمجلس العسكري ولا خلعت مرسي وواثقه تماما إن يوم 30/6 كانت مظاهرات عفوية ضدد الاخوان ومش مدبرة زي ما انا واثقه ان 3/7 عودة دولة مبارك ومكنتش ثورة شعبية وانت قائدها وأنك حميت البلد وانك زي ما قلت اننا نور عينيك ومصر اوووم الدنيا وهتبقي ااااد الدنيا بس اللي حصل ان الشعب طلع غبي ومش فاهمك ولا يستاهلك تحكمة ياريت بقي يا ريس لو سمحت يعني تسلمنا البلد تاني بس بالدولار ابو 6 جنية ونص وبالجزرتين تيران وصنافير وبالديون الخارجية اللي كانت 25 مليار دولار مش 60 مليار وبالدين الداخلي اللي كان ترليون مش 4 ترليون وبالشباب اللي ماتو سواء مدنين او عساكر وظباط وياريت كمان يا برنس تلغي اتفاقية #عنتيبي مع اثيوبيا احنا عاوزين نعطش متشغلش بالك وبالمرة كمان تلغي اتفاقية ترسيم الحدود البحرية اللي طار فيها حقول البترول المصرية وراحت لقبرص وخلي حدودنا البحرية سداح مداح احنا هنعرف نرسمها متخفش علينا وياريت بالمرة ترجع لفرنسا الكم طيارة منزوعة القدرات القتالية اللي اسمها رافال وكفاية علينا ال 16 F احنا ناس دقة قديمة و مش وش نعمة
اة وبالمرة كدة تفكنا من القناة الجديدة وتردمها تاني وترجعلنا 8 مليار دولار وكفاية علينا القناة القديمة والقرشين اللي بتجيبهم احنا اصلا شعب غاوي فقر.
اما بالنسبة بقي لمشاريعك الجهنمية اللي بتخاف عليها من الاشرار زي مشروع المزارع السمكية بتاعة الجمبري ياريت تلغيها احنا شعب معدتة واخدة ع الفول والطعمية والكشري ومنعرفش شكل الجمبري كتر الف خيرك ونوفر الكم مليار بتوعهم يا برنس .
اما بالنسبة للمفاعل النووي اللي روسيا هتعملة بقرض طويل الاجل 25 مليار ياريت يا برنس يتلغي هو كمان احنا شعب بتغرق محافظاتة من شوية مطر والناس بتموت في الشوارع غرقانة او متكهربة من تهالك البنية التحتية مش ناقصنا مفاعل نووي يمحينا من ع الخريطة
اة وبالمرة يا ريس وانت ماشي تبقي تروح البنك هنرجعلك تحويشة عمرك اللي كنت اتبرعت بيها اول اسبوع مسكت البلد خليهم معاك تصرف منهم. وبالنسبة لقرض صندوق النقد تبقي رجع للناس فلوسها دي حتي فلوس منظورة ومش محتاجينها
وحاجة اخيرة يا ريس ياريت كمان وانت ماشي تبقي تاخد معاك الارهاب المحتمل في ايدك عشان ملهوش مكان في مصر بعدك ...."
.
آخر 10 مشاركات
28th December 2016, 02:48 PM
العرض العادي
