ثروة مبارك وعائلته

[ana_3enady]

الصحف المصرية والعربية

دعوه لموضوعي

RobertInole

نقلت قناة "أي-بي-سي" الأمريكية مساء يوم الجمعة 11 فبراير/شباط عن مصادر في الاستخبارات الأمريكية أن ثروة الرئيس المصري المخلوع حسني مبارك وعائلته لا تتجاوز 5 ميارات دولار، بينما اشار بعض وسائل الإعلام في وقت سابق الى أن قيمة أموال عائلة مبارك في البنوك الأجنبية قد تتراوح بين 40 و70 مليار دولار.

ونقلت القناة عن مسؤول أمريكي رفيع المستوى انه لا يعرف من أين جاءت وسائل الإعلام بمثل هذه الارقام. لكن القناة اشارت الى أنه لا شك في أن عائلة مبارك انتهزت فترة رئاسته، حيث كانوا يعيشون في رفاهية لا مثيل لها في حياة المسؤولين الأمريكيين.

وذكرت القناة أن الحكومة الأمريكية خصصت 335 ميلون دولار لمساعدة مصر في شراء 9 طائرات فاخرة انضمت الى أسطول الطائرات الرئاسية. وذكرت القناة أن مبارك يملك أيضا قصرا فاخرا في شرم الشيخ وقصرا تبلغ قيمته ملايين الدولارات في لندن، مسجلا باسم نجله جمال.

هذا وكانت السلطات السويسرية قد أعلنت يوم الجمعة انها جمدت الأرصدة المحتملة لمبارك وزوجته ونجليه وعدد من أقاربهم وأعضاء حاشيته، بينهم رجل الأعمال أحمد عز أمين التنظيم السابق بالحزب الوطني الذي كان يكاد يسيطر على صناعة الصلب في مصر.

https://arabic.rt.com/news_all_news/63361

 

[كابلان]

hangeeb flosna mno isa

 

 

[سهل جدا]

خمسة مليار بس يا حرااام

يا راجل دول يعملو إيه في الزمن ده

دا الواحد بيدخل السوبر ماركت يشتري شوية جبن وبسكوتات بيدفع أدّ كدة


الله يكون في عينه


طبعا الكلام ده ما يدخلش دماغي بتلات تعريفة

حسنى مبارك ثروته هو وعائلته لا تقل عن خمسين مليار

دا من حوالي 15 سنة كانت هناك أخبار متسربة تقول إن ثروته قرابة الثلاثين مليار، فما بالك الآن ؟!!!

إن شاء الله تكون حسرة عليه في الدنيا وترجع لخزينة الدولة ويتحاسب عليها يوم القيامة مليم مليم

 

 

[Doudy]

يعنى خبر تضخيم ثروة الرئيس مبارك
كانت اشاعة
حسبى الله و نعم الوكيل
بغض النظر عن الاشاعة المغرضة دى
الرئيس مبارك قائد عظيم و انا بحترمه زى ناس كتير قوى فى مصر و برة مصر
و ربنا يسترها مع مصر من بعده

 

 

[يـوسف]

ياجماعة انتم عارفين عمليات شد الوجة ونفخ الشفايف والحاجات دى كلها اد اية مكلفة يعنى مايعملش حسابة ويحوش عشان العمليات واللي اللازم منة ويرجع بقى يبقى عايز يعملها علي حساب الدولة ويطلب من اللي يسوى واللي مايسواش عامل حسابة عشان ماياخدش حاجة من حد

 

 

[عنبو]

اقتباس المشاركة الأصلية كتبت بواسطة Doudy يعنى خبر تضخيم ثروة الرئيس مبارك كانت اشاعة حسبى الله و نعم الوكيل بغض النظر عن الاشاعة المغرضة دى الرئيس مبارك قائد عظيم و انا بحترمه زى ناس كتير قوى فى مصر و برة مصر و ربنا يسترها مع مصر من بعده

وهى 5 مليار دولار ده كده مش يعتبر تضخم

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة عنبو وهى 5 مليار دولار ده كده مش يعتبر تضخم

أهي أحسن من 70

 

 

[hend]

ليه الناس ديه بتضع فلوسها في بنوك سويسرا بالذات

 

 

[brain]

اقتباس المشاركة الأصلية كتبت بواسطة Doudy يعنى خبر تضخيم ثروة الرئيس مبارك كانت اشاعة حسبى الله و نعم الوكيل بغض النظر عن الاشاعة المغرضة دى الرئيس مبارك قائد عظيم و انا بحترمه زى ناس كتير قوى فى مصر و برة مصر و ربنا يسترها مع مصر من بعده

اشاعه مغرضه
حضرتك فاكره ال 5 مليار دول ايه ؟
فكه مثلا
مرتب رئيس الجمهوريه هاقول 100 الف جنيه مثلا - لا اعتقد ابدا انه حتى نصف هذا الرقم و لكن لنفترض
و الراجل حكم 30 سنه
يعني 360 شهر
يعني اجمالي ما قد يدخره هو 36 مليون جنيه
ال 5 مليار دول يعني 30 الف مليون جنيه
يعني تقريبا 1000 ضعف
يا ترى دول كانوا ايه ؟
حوافز و اوفر تايم ؟
طبعا لو اتكلمت عن ال 40 مليار هتبقى مصيبه تانيه
لكن خلينا في ال 5 مليار
يا ترى هل من الممكن ان كون هناك مجال لاحترام حرامي سارق اقوات الشعوب ؟
ال 30 مليار جنيه ثروه مبارك المفترضه - مش هنتكلم عن ال 70 مليار دولار - يكفوا لبناء 20 مستشفى مثل مستشفى سرطان الاطفال
يكفوا لاستصلاح 2 مليون فدان للزراعه
يكفوا لبناء نصف مليون وحده سكنيه
محمد لطفي منصور وزير النقل السابق كان عايز 8 مليار من ال 30 دول علشان يوقف نزيف المصريين على الطرق السريعه و حوادث القطارات
لسه برضه حد بيسميه قائد عظيم ؟
معقول حد يحترمه بعد كده ؟

 

 

[haya]

اقتباس المشاركة الأصلية كتبت بواسطة Doudy يعنى خبر تضخيم ثروة الرئيس مبارك كانت اشاعة حسبى الله و نعم الوكيل بغض النظر عن الاشاعة المغرضة دى الرئيس مبارك قائد عظيم و انا بحترمه زى ناس كتير قوى فى مصر و برة مصر و ربنا يسترها مع مصر من بعده

يعني الواحد يتعاطف معاه علشان طلع حرامي صغير مثلا
ماهو حرامي وخاين للأمانة برضه