ويب سايت ببلاش

[msameh]

الصحف المصرية والعربية

نفسي اعمل لنفسي ويب سايت

يكون ببلاش

و مفيهوش اعلانات

و هنايلك يا فاعل الخير و الثواب

 

[حسام]

SIZE="5"]شوف يا دكتور مسامح
العبدلله لسة فى كي جي ون فى فيلم المواقع الاكترونية
لكن هقول اللى اعرفة وباقى الأخوة يصححوا لو كان فية غلط فى كلامى
عشان تعمل موقع هتتكلف فلوس عشان شوية حاجات
ولو عايز موقع ببلاش
يبقى هتاخد صفحة من مواقع تستضيف مواقع أو بتبقى بمعنى أصح الاخرين
زي مثال شهير وقديم
geocities.com
وجيران وغيرة
الموقع هيبقى ببلاش
لكن همة برضة ادولك موقع فهيبقى برضة هيحطوا اعلانات ليهم
أو لغيرهم على صفحة حضرتك
ودي حاجة مش لطيفة فى وجهة نظر العبد لله
طيب لو عدلنا السؤال
عايز اعمل موقع وبأقل فلوس ممكنة؟
لو كدة
أو لو تعديل السؤال يمشى مع حضرتك نقول الاتى
اية الفلوس المطلوبة وبنودها اية فى عمل موقع؟
أولا حجز اسم الموقع ع الشبكة
يعنى هتدفع تقريبا عشرة دولار سنويا حسب معلوماتى عشان تحجز موقع
www.msameh.com
بعد كدة هتحتاج لديزاينر وديفيلوبر
الديزاينر يعنى الشخص اللى هيعملة الشغل الفنى
شكل الموقع
الوانة
صورة
فريماتة
الحاجات دي
الديفلوبر بقى دة مين بالصلاتو ع النبى؟
دة الشخص المسئول عن الكتابة على موقع حضرتك
ودي بتبقى باستعمال نوعين من اللغات الخاصة ببرمجة المواقع
أو مايسمى ب
web development
نوع ثابت static
زي أى موقع لجريدة أو المهم موقع يكون مافيهوش أى تفاعل بين الموقع والزائر
فية خبر او مقال
تشوفة كزائر للموقع
وبس
لا تشارك
ولا تكتب تعليق
ولا أى حاجة
عشان كدة اسمهم
static
ودول تلات لغات
HTML ,CSS ,JAVA SCRIPT
وفية لغات تانية ديناميك DYNAMIC
زي ال
PHP ,SQL
دول زي موقع ياللا كورة لما تحط تعليق ان الأهلى امبارح فاز بظلم تحكيمي واضح لما ما اتحسبش أكتر من بنالتي للحرس
أو شبهة تسلل فلافيو
دول كدة لغات الكتابة على السايت اللى هيعملهم الباشمهندس
الويب ديفلوبر
WEB DEVELOPER
اسف لو كنت طولت عليك
بس حبيت أوضحلك انك هتحتاج اية عشان السايت
وعشان أوضحلك اهمية اختراع عظيم جدا ظهر اسمة

JOOMLA
[COLOR="Blue"]نظام جملا المجانى المفتوح للجميع يمكنك من الاستغناء التام عن الأخوة الديزاينرز والديفلوبرز
يعنى حاجة ببلاش كدة
جملا سهل لدرجة ان العبدلله بيتعلمة دلوقتى
(تخيل بقى)
جملا ممكن يتعمل بية كل حاجة
سايت للمنتدى
لجريدة -انظر جريدة البديل
لموقع خاص بهيئة أو جامعة
لموقع خاص بهيئة
سهل لدرجة انك مش بتصمم حاجة
دة فية كمية قوالب لا نهائية تختار منها شكل الموقع المطلوب
والكتابة؟
الديفلوبمنت يعنى؟
تكتب اللى انت عايزة على موقعك عادى كأنك بتكتب ع المنتدى المطاريدي بطريقة
WYSIWYG
يعنى
WHAT YOU SEE IS WHAT YOU GET
يعنى م الاخر
مع جملا
مش هتحتاج لديزاينرز أو ديفلبورز
وهتبقى بالتالى التكلفة والتحكم فى الموقع ومتابعتة أقل مايكون
أرجو أكون أفدت
وكتب جملا معايا لو حضرتك عايزها
والمايك مع حضرتك لأى استفسار
ومع الأخوة الأدرى منى برضة لانى لسة مبتدئ
تحياتى
ومبروك مقدما لموقعك

 

 

[Modest]

ربما يفيدك هذا الموضوع الذي وصل إلى إيميلي من مايكروسوفت .. و للأمانة لم أقم بتجربته بنفسي و لا أعلم إذا كان به إعلانات و مدى كثافتها في حال وجودها.

Create a website - without spending a cent‏

و للوصول إلى صفحة البداية إضغط هنـــــــــــا

 

 

[msameh]

اقتباس المشاركة الأصلية كتبت بواسطة حسام SIZE="5"] ومبروك مقدما لموقعك

ربنا يكرمك يا دكتور

لسه شايف ردك حالا بالا شكابالا

انا يا استاذنا مش عايز اكتر من صفحه معده سابقا و انا بس املاها

انما ديزاينر و الكلام الكبير ده ..... اخوك مالهوش فيه

 

 

[msameh]

اقتباس المشاركة الأصلية كتبت بواسطة Modest ربما يفيدك هذا الموضوع الذي وصل إلى إيميلي من مايكروسوفت .. و للأمانة لم أقم بتجربته بنفسي و لا أعلم إذا كان به إعلانات و مدى كثافتها في حال وجودها. Create a website - without spending a cent‏

الف شكر يا جنرال

هاجرب و ابلغك

 

 

[حسام]

انا لسة بذاكر يا دكتور مسامح
لما اخلص تعليم
ومش هتأخر ان شاءالله
كام شهر باذن الله
بروميس منى سايت مجانا منى هدية لحضرتك
تقبل تحياتي

 

 

[linux]

اقتباس المشاركة الأصلية كتبت بواسطة msameh نفسي اعمل لنفسي ويب سايت يكون ببلاش و مفيهوش اعلانات و هنايلك يا فاعل الخير و الثواب

ربنا يخلي لنا جوجل ... طلبك عندي يا زعيم:

https://www.google.com/sites/help/intl/en/overview.html

 

 

[msameh]

اقتباس المشاركة الأصلية كتبت بواسطة linux ربنا يخلي لنا جوجل ... طلبك عندي يا زعيم: https://www.google.com/sites/help/intl/en/overview.html

ربنا يخليك يا اخي العزيز


هاجربه ..... و لو ان شكله كويس و احلي ما فيه انك ممكن تتحكم مين يشوفه و مين لا

 

 

[الشامسي]

يعتمد انته عايز موقع ولا بلوج اذا بلوج روح ل blogspot.com حترم وتابع لجوجل بسسيط وسهل ومفيش دعايات

 

 

[$الامير المصرى$]

بص يا باشا
انا هااقولك على الطريقه وارنا على الله
اولا بخصوص عمل ويب سايت مجانى مش ممكن لازم تحطلك إعلانات واللى احسن واحدة بتعمل ويب سايت ببلاش هيه جيران

وممكن تعمل منتدى ببلاش
روح بس لجوجل واكتب كلمة احلى منتدى
او لو عايز تعمل مدونة عندك بردوا احلى منتدى وعندك بلوج اسبوت وعندك مدونات مكتوب
دا كل اللى تقدر تاخد من اللى عليه مجانى بس بصراحه لو عايز بصيح روح لاحلى منتدى بيدوك مميزات جميله جدا وبتختار اسم منتداك و إعلانات الخاصه بيها بسيطة ولما تشترك ابقى قولى وانا اقولك ازاى تكسب فلوس من وراء شغلانة النت دى اصل اخوك بقاله كتير اوى يعنى قديم شوية والحمد لله ليه منتدى مش لازم تعرفوا بس خلص وقولى وانا ادلك على الطريقه
واجرى واجرك على الله