اعتــــــــــــــــــذار

[MFaisal]

بسم الله الرحمن الرحيم



المجلس الأعلى للقوات المطاريدية
تنــــــــــــــــويه

الصراحة أنا اترددت جدا قبل ما اكتب الموضوع ده وهو موجه أساسا للأخوة المسيحيين فى المنتدى .

وايمانا من أبو الضبابيش بأهمية الحفاظ على النسيج الوطنى المطاريدى فأنا بعتذر لكل واحد شاف منى كلمة أو تعبير مش حلو فى حقه بسبب انفعالى الشديد أثناء الأحداث السابقة . وأنا معترف انى كتير بعك لما ببقى متنرفز . لكن برضه ما تنكروش ان فى حاجات كتير بتنرفز

الحقيقة الواحد عرف ناس محترمة جدا هنا زى أوسكا ورؤوف وغيرهم من الأعضاء بالأضافة لعدد من المسيحيين فى الحياة الواقعية ويعز عليا انى أزعل من حد أو حد يزعل منى بسبب أحداث أنا حاسس انها هتنتهى بأذن الله لما تبقى مصر دولة مستقرة وديموقراطية ( قريب ان شاء الله )

وباطلب من كل واحد شاف كلامى قاسى ( أو أى تعبير من وجهة نظره ) انه يسامحنى .


ولاااااااااااااااااااكن اعتذارى لا يعنى رجوعى عن رأيى بان من أهم أسباب الفتنة فى مصر :

1- عدد كبير من قساوسة الكنيسة الأرثوذكسية ( فلوباتير وأمثاله )
2- تنظيمات أقباط المهجر
3- معاونيهم من أقباط الداخل زى نجيب جبرائيل وأمثاله


وأوكد بأن رأيى السابق لا رجعة فيه بالنسبة لمن سبق علشان نبقى على مية بيضا

والله الموفق