أنا اتصدمت في كالجاري

[khaled_sabry]

اقتباس المشاركة الأصلية كتبت بواسطة Moe يعني أعمله إيه ؟؟ من النهاردة في شغل ، سكن ، أنسي أسلوب دير سير ، استعمل الأسلوب ده . دي ثقافتهم ، دي الطريقه الي ما يعرفوش غيرها .. 1- dress nice لو رايح انترفيو شغل ، شغلانه كبيره أو صغيره ألبس ألي علي الحبل ..من أكتر الشعوب في العالم المصرين عندهم ذوق في اللبس هما المصريين علي فكره فعلا ..ألبس كويس جدا ..حتي لو أنت عرف أنك مش حتاخد الشقه بس ألبس كويس . سيب انطباع كويس و الباقي والرزق علي الله 2- ابتدي كلامك بشيء يفتح كلام ، يفك أسارير ألي قدمك شويه You guys have a nice country You guys have a nice city Ohh it is too cold today It is too hot today This place is not easy to find , then Hi, my name is ……, I have talked to you early on the phone . The renter:- (smiling) Hiiii yes I have talked to you my name is

انا لسه مكتشف الموضوع الرهيب ده قريب و قاعد اقراه اهه منالاول ووصلت للمشاركه دى
ماتتخيلش المشاركه دى تحديدا اثرت فيا قد ايه
لانى انا بطبعى بهزر و بدحك مع اى شخص جديد اعرفه - و فى بداية حياتى العمليه كنت كتير اوى باقابل بالتحفظ الشديد و القفش احيانا لما اتبع الاسلوب ده مع اى حد
و كنت كتير اوى اسمع "ايه العبط اللى بتعمله ده يابنى - واحد اول مره تشوفه ازاى تهزر معاه كده "
و بالتبعيه ابتديت اتعامل زى باقى الناس - لما اتعرف على حد جديد اقابله بتحفظ شديد و ابتسامه صفراء باهته و ما ابتديش افك معاه غير لو لاقيته هو كمان بداء يفك علشان مايقولشى عليا "اهبل" زى ما كان بيتقال زمان
واضح ان الطريقه دى ماتنفعشى فى كندا و الواحد يستعيد طريقته الاولى افضل
كانت فين كندا من زمان - اللهم ارزقنا الهجره قريبا و نعدى ال Background check بقى