المستشار المجاني.....الهجرة فيدرالي

[great expectations]

الصحف المصرية والعربية

خطا شائع

وهو
بتخزن طلب الهجرة علي الكومبيوتر او بتنزله من المنتدي من المرفقات وبعديت تملاه

لا يا حبيبي
نزله من موقع الهجرة الكندي fresh
ليه بقي كثيرا ما بيغيروا في تنسيق الطلبات داخليا ويحطوا خانات ويشيلوا خانات ويوزدوا ابلكاشانات احيانا

فما ينفعش تخزن طلب او تنزله من قاعدة بيانات قديمة في الكومبيوتر بتاعك او مع احترامي حتي من اي منتدي
لازم تكون عارف الابليكشن ايه وتنزل الاحدث من الموقع الرسمي للهجرة الكندي


الغلطة دي حصلت ورجعوا ورق ناس فاحترسوا منها فهي لا تستحق التوتر

 

 

[الأهلاوي الأصيل]

ألف شكر لك يا دكتور قناوي على موضوعك...ربنا يجعله في ميزان حسناتك
شكلي هاحتاجك قريب لما آجي أقدم على الهجرة للمرة الثالثة إن شاء الله

 

 

[great expectations]

اقتباس المشاركة الأصلية كتبت بواسطة الأهلاوي الأصيل ألف شكر لك يا دكتور قناوي على موضوعك...ربنا يجعله في ميزان حسناتك شكلي هاحتاجك قريب لما آجي أقدم على الهجرة للمرة الثالثة إن شاء الله

العفو يا بروفيسور
وحضرتك في كندا تقدم علي
canadian experience class
وتريح دماغك
وربنا يوفقك

 

 

[great expectations]

خطا شائع
وهو

وسيلة الدفع لنوفا سكوتشيا حاجة من اتنين
فيزا شغالة رصيدها يكفي السحب وما تكونش اقل من 6 شهور صلاحيتها لقدام
الخطا انك فاكر ان الفيزا الكترون تنفع او بطاقة الصرف الالي
لا يا عم فيزا كرديت وليس ديبت

مش شرط تكون بتاعتك علي فكرة
ممكن تكون بتاعة حد ثقة او معرفة
زناتي مثلا بس هما هيتصلوا بيه ويقولوا نسحب ؟ طبعا زناتي بورسعيدي كريم هيقول والجمرك مين يدفعه؟

الخلاصة كن دقيقا في وسيلة الدفع
ولو بعت حوالة وانت في مصر ابعتها من بنك نوفا سكوتشيا جنب جنينة الحيوانات وسفارة زفت اسرائيل لانهم عارفين النظام وما بيغلطوش

 

 

[الأهلاوي الأصيل]

لا ...canadian experience class
دي للي متخرج من جامعة أو معهد في كندا وعنده سنة خبرة على الأقل...إنما بالنسبة لي أقدر أقدم federal skilled worker بعد مرور سنة في كندا إن شاء الله
يعني لو مشكلتي مع الجماعة بتوع كيبك فضلت قائمة لغاية يناير الجاي هاقدم فيدرال تبع القانون الجديد، وساعتها بقى استلم مني أسئلة كل شوية عشان معنديش فكرة عن البروسيس الجديدة دي خالص.

اقتباس المشاركة الأصلية كتبت بواسطة qenawy العفو يا بروفيسور وحضرتك في كندا تقدم علي canadian experience class وتريح دماغك وربنا يوفقك

 

 

[great expectations]

ما هو حضرتك هتاخد دكتوراه من عندهم
ادي شهادة

اوكي

هادور ونشوف سوا

 

 

[ehabtaher]

يعنى الخلاصه
ابعت الورق لما استلف من زناتى واكمل البروف اوف فند من غير الفيش
وبعدين ابعت الفيش بعدين مع المديكال

 

 

[الأهلاوي الأصيل]

دكتور قناوي...لو ممكن تكتب البروسيس الجديدة بتاعت نوفا سكوتيا كده في نقط مختصرة وقدام كل نقطة المدة الزمنية التقريبية بتاعتها.
يعني على سبيل المثال:
1- نوفا سكوتيا...أبليكشن عبارة عن كذا وبيردوا في خلال كذا.
وهكذا..........
حلو السجع ده

 

 

[CANADIAN]

شكرأ للفنان عيسوى عيسوى
انا قصدت اخاطب الفنان عيسوى لانة انسان لة حس مرهف لاحتياجات المطاريد اخواتة
و الف الف مبروك لافتتاح المغارة الجديدة
شكرا و يجعلة فى ميزان حساناتك

 

 

[hamed75]

شكرا دكتور قناوى
والمديكال عن قريب ان شاء الله