مشكلة تقنية ارجو المساعدة

[nash]

الصحف المصرية والعربية

رااااابت أخي الكبير

انا بستعمل فاير فوكس ... تفتكر اكون دوست علي حاجه ولعت فيا؟

 

 

[O.S.A.M.A]

اقتباس المشاركة الأصلية كتبت بواسطة nash صندوق الرد السريع عندي عطلان يا جماعه الخير مش عارفه المشكله دي عندي لوحدي؟ ماحدش يقولي أحذفي الكوكيز أحسنلكم أهو

صندوق ؟؟؟ ماشى ...

انتى يابنتى مش هاتبطلى تلعبى فى حاجة الناس كده ؟

ماهو شغال أهو وزى الفل إنترنت أكسبلورر وفاير فوكس وروك ميلت ورايح جاى ومافيهوش حاجة وبيقول بابا وماما أهو

 

 

[O.S.A.M.A]

واحد اتنين تلاتة ... تيست تيست تيست ...

شغال وحياة خالة ياسو نزاكة

 

 

[nash]

ابو يوسف خد بالك اللي بيفرح في حد بتلف تلف وتركب علي جهاز صاحبها

تفتكر انا دوست علي حاجه عمل كده؟ يعني علي تحرير أو عرض أو تأريخ ... البتاعات دي المحطوطه في الشاشه

الله يكرمك ترد لو كنت محطوط لسه

 

 

[O.S.A.M.A]

محطوط ؟؟؟

لسه محطوط أهو ...

طيب قولى ايه اللى بيحصل بالزبط أو اعملى برنت سكرين وارفعى أم الصورة علشان نبوص معاكى

 

 

[Remooo]

اقتباس المشاركة الأصلية كتبت بواسطة O.S.A.M.A صندوق ؟؟؟ ماشى ... انتى يابنتى مش هاتبطلى تلعبى فى حاجة الناس كده ؟ ماهو شغال أهو وزى الفل إنترنت أكسبلورر وفاير فوكس وروك ميلت ورايح جاى ومافيهوش حاجة وبيقول بابا وماما أهو

ده يطلع ايه الروك اومليت ده يا اسامة ياخويا؟؟

يااسامه...يا اسامة ميت مرة قلتلك ونبهتك
مش كل حاجة على بقك
الدنيا فيها حاجات تانية كتيرة حلوة غير الاكل
مش ممكن

 

 

[O.S.A.M.A]

اقتباس المشاركة الأصلية كتبت بواسطة Remooo ده يطلع ايه الروك اومليت ده يا اسامة ياخويا؟؟ يااسامه...يا اسامة ميت مرة قلتلك ونبهتك مش كل حاجة على بقك الدنيا فيها حاجات تانية كتيرة حلوة غير الاكل مش ممكن

أومليت ؟؟؟؟؟

ده يا ريم يا ختى فضلة خيرك بيضتين كنت شاحتهم من الطنط ناش ...

بوصى هنا وانتى تعرفى كل حاجة وما تبوصليش فى اللقمة

 

 

[nash]

اخرتها تغلط فيا يا بوسيف وتقولي اعملي برنت اسكرين؟

انا اخري في الموضوع اصلا كوبي بيست لصورة وبالعافيه

 

 

[oskasan]

دي آخرة الحفيظه بتوع الأدبي

ابو يوسف
خلي عنك انت الطلعه دي
انت عندك المراره ومش ناقص يا كبدي

افهمك انا يا أم ياسر
مش انتي مره صورتي الطيارة بتاعة حسني من الروف بتاع بيتكم؟
انتي كده عملتي برنت اسكرين للسما
حلو كده؟
عظيم
الكيبورد ( لوحة المفاتيح اللى بتكتبي منها ) فيه زرار فوق في أول صف من على اليمين ( جنب ال إفهات الكتير اللى غالبا مالهاش لازمه معاكي ) هاتلاقي مكتوب عليه PrScn
دوسي عليه بالراحه ( كده بتصوري الشاشه )
وبعدين روحي لأي برنامج صور عندك
وتروحي لطعاها بيست

وتحفظي الصوره وتشليها في حته تكوني رجلك فيها على طول وحافظه مكانها ... مثلا مثلا على الديسك توب ( اللي هو بيظهرلك اول ما تفتحي الكومبيوتر وتلاقي عليه ملفات وبرامج ومناديل كلينكس مرميه في كل حته )

نيجي بقى للصعب اللى محتاج تفتيح ودان وعنين ومراخير

تيجي تزورينا هنا في المنتدى ومعاكي حلة محشي وبومبار
وتنزلي الصوره عادى وكده يعني




لول لا قدر الله .... لا قدر الله يعني
ماعرفتيش

هاتي الكاميرا بتاعتك
وهاتي كرسي ب 3 رجول واقعدي عليه
واقفي قدام الكومبيوتر بعد ما تقعدي على الكرسي ولا قدر الله .....لا قدر الله قدرتي تقي تاني يعني
وأول ما تظهرلك المشكله
صوريه .. ( بعد ما تقوليله تشييييييييييييييييز طبعا )
وتيجي تزورينا هنا في المنتدى ومعاكي حلة محشي وبومبار
وتنزلي الصوره عادى وكده يعني

 

 

[O.S.A.M.A]

اقتباس المشاركة الأصلية كتبت بواسطة oskasan دي آخرة الحفيظه بتوع الأدبي ابو يوسف خلي عنك انت الطلعه دي انت عندك المراره ومش ناقص يا كبدي افهمك انا يا أم ياسر مش انتي مره صورتي الطيارة بتاعة حسني من الروف بتاع بيتكم؟ انتي كده عملتي برنت اسكرين للسما حلو كده؟ عظيم الكيبورد ( لوحة المفاتيح اللى بتكتبي منها ) فيه زرار فوق في أول صف من على اليمين ( جنب ال إفهات الكتير اللى غالبا مالهاش لازمه معاكي ) هاتلاقي مكتوب عليه PrScn دوسي عليه بالراحه ( كده بتصوري الشاشه ) وبعدين روحي لأي برنامج صور عندك وتروحي لطعاها بيست وتحفظي الصوره وتشليها في حته تكوني رجلك فيها على طول وحافظه مكانها ... مثلا مثلا على الديسك توب ( اللي هو بيظهرلك اول ما تفتحي الكومبيوتر وتلاقي عليه ملفات وبرامج ومناديل كلينكس مرميه في كل حته ) نيجي بقى للصعب اللى محتاج تفتيح ودان وعنين ومراخير تيجي تزورينا هنا في المنتدى ومعاكي حلة محشي وبومبار وتنزلي الصوره عادى وكده يعني لول لا قدر الله .... لا قدر الله يعني ماعرفتيش هاتي الكاميرا بتاعتك وهاتي كرسي ب 3 رجول واقعدي عليه واقفي قدام الكومبيوتر بعد ما تقعدي على الكرسي ولا قدر الله .....لا قدر الله قدرتي تقي تاني يعني وأول ما تظهرلك المشكله صوريه .. ( بعد ما تقوليله تشييييييييييييييييز طبعا ) وتيجي تزورينا هنا في المنتدى ومعاكي حلة محشي وبومبار وتنزلي الصوره عادى وكده يعني

شايفة الناس الكومل يا تانت ؟

حبيبى يابو نسمة

من يومك يا اوسكا وانت ساندنى مع الناس اللى جايبالنا الكافية دول

انت عارف يابنى العضمة كبرت والواحد مابقاش يعرف يقاوح مع الناس الأدبي دول

واحدة تقولى البتاعة والتانية تقولى أومليت

يا خرابي ...

ده المفروض التسجيل يزيد فيه الشعبة فى المرحلة الثانوية "فضلاً أدخل أنت كنت فى انهى شعبة علمي/ولا تيييييت أدبي"

اسمعى كلام عمو أوسكا وهاتى كاميرا وصوريها وهيا بتقول تشيييييز وبعدين اهبديها هنا