حناكل ايه النهاردة

[مودة]

الصحف المصرية والعربية

دعوه لموضوعي

مدونة مودتي بلا حدود

اقتباس المشاركة الأصلية كتبت بواسطة مزاياإنسانة إيه صيتية دي آه صينية هههههههههههه أنا عاملة صينية بطاطس بس بالفراخ ينفع الرز المعمر من كتر ما سألت عنه نسيته سلطة الكول سلو سهلة جداً وبيتمعل بعدة طرق هاتي الملفوف (الكرمب أو الكرم) الأبيض حسب ماتسموه وشرحيه شرائح طولية ناعمة زي شرائح بصل الكشري أو أفرميه ناعم زي ماتحبي بعد كده أغسليه ورشي عليه سكر وخليه في سبت عشان تنزل منه المية بتاعته قد يحتاج ساعتين على الأقل وممكن أكثر جهزي ملعقتين مايونيز مع فنجان حليب سائل وحتة صوغننة من بصل مفروم نااااااااااعم ورشة ملح ورشة خل رشة يعني رشة مش تكتري وأخلطيهم مع بعض وبعد كده أغسلي الملفوف مخليه ينشف وبعدين صبي الخلطة على الملفوف وممكن تزينيه بالجزر والزبيب أو الأناناس وألف هنا وشفاء طريقة ثانية تنفع مع المشاوي والسمك برضه شرحي الملفوف ورشي عليه سكر وخليه ينزل المية وأغسليه ونشفيه كويس بعدين هاتي علبتين زبادي وملعقتين مايونيز وفصين ثوم رشة خل وملح وعصير نص ليمونة حطيهم على الملفوف وأخلطيهم كويس وزيني الطبق بالبقدونس أو الجزر أو كلهم مع بعض صينية البطاطس بالفراخ حتلاقيها في المرفقات أنا حطيت بصل وتوم وشوحتهم شوية بالصينية وطفيت النار وقطعت البطاطس وحطيته فوق البصل وقطعت الفراخ وتبلتها وحطيتها فوق البطاطس وذوبت 3ملاعق معجون طماطم في كوب مية مع شوية ملح وصويا صوص ورشة بهارات مشكل وصبيتهم على الفراخ اللي بالصينية وغلفتهم بالفويل وخرمته كم خرم كده عشان البخار يطلع وطبعا كان الفرن مولع ناااااااااار درجة الحرارة 200 وحطيت الصينة في أسفل الفرن في الآخر يعني وخليتها يجي ساعة وبعدها فتحت الفويل وولعت الفرن من فوق لحد ماإتحمرت الفراخ

تسلم الايادي ياقمر
الكول سلو زي مابعمله بس انا بضيف عصير البرتقال بدل الخل
اما صينية البطاطس بالهنا والعافيه ان شاء الله
انا بعملها بطريقة تانية
بصي ياقمر
توضع اللحمة الريش البتلو في صينيةوعليها البصل يفرم يبشر وعليه الملح والفلفل الاسود والبطاطس شرايح وابشر طماطميتين واقطع حبة فلفل رومي مكعبات صغيرة جدا
واضيف ملعقة زبدة صغيرة
وعليهم الميه وعلى نار هادية في الفرن بالفويل اتركيهم لمدة ساعة الا ربع ريحتهم تجننن
وحمريهم بالشواية وبالهنا والعافية

 

 

[nash]

بصي طريقتي في البطاطس

بقطعها زي الشيبسي بس اسمك حاجه بسيطه واحمرها عادي واللحمه بكون سلقاها وبعد ماتستري في المرقه برمي شويه صلصه وفلفل رومي مبشور ومقطع زيك كده صغنتت ومكعبه ماجي واقوم حاطه اللحمه وفوقها البطاطس وشرايح بصل وفلفل رومي وطماطم بس المرقه ماتكونش كتير واحطها عالشوايه بتطلع مقرمشه ولذيذه جدا

 

 

[مودة]

دعوه لموضوعي

مدونة مودتي بلا حدود

اقتباس المشاركة الأصلية كتبت بواسطة nash بصي طريقتي في البطاطس بقطعها زي الشيبسي بس اسمك حاجه بسيطه واحمرها عادي واللحمه بكون سلقاها وبعد ماتستري في المرقه برمي شويه صلصه وفلفل رومي مبشور ومقطع زيك كده صغنتت ومكعبه ماجي واقوم حاطه اللحمه وفوقها البطاطس وشرايح بصل وفلفل رومي وطماطم بس المرقه ماتكونش كتير واحطها عالشوايه بتطلع مقرمشه ولذيذه جدا

والله فوكيييرة حيييلوة
انا بحمرها للمسقعة
بيبقى طعمها لذيذ جدا
ممكن اجرب طريقتك

 

 

[مزاياإنسانة]

اقتباس المشاركة الأصلية كتبت بواسطة ana_3enady يعني أفهم من كدة انك بتعزميني العيد الجاي عندكم

إنت تشرررررف وتعالى بدري عشان تشارك في الدبح والسلخ مع العائلة
هههههههههه
اصل عندنا ييجي 18خروف

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة مزاياإنسانة إنت تشرررررف وتعالى بدري عشان تشارك في الدبح والسلخ مع العائلة هههههههههه اصل عندنا ييجي 18خروف

بسم الله ما شاء الله .. الله أكبر

انتم عازمين الحي بحاله

 

 

[مزاياإنسانة]

اقتباس المشاركة الأصلية كتبت بواسطة ana_3enady بسم الله ما شاء الله .. الله أكبر انتم عازمين الحي بحاله

هههههههههه وهو يوم العيد أحد فاضي للعزومات
ده كله دبح وسلخ ودم وقررررررف وتعب
خصوصا توزيع اللحمة عشان دي مسؤليتي
طبعا مافيش عزايم ولاحاجة غير أخواتي الشباب المتزوجين وغير المتزوجين وعددهم 7
كل واحد عنده أضحية واللي متزوج منهم عنده 2 واحدة ليه وواحدة صدقة منه لوالدتي رحمها الله
ووالدي عنده 6 لأمه وأبوه 4 وبيته ولوالدتي
ومرات ابويا بتضحي لأبوها
وعمي الدلوع عنده 3

وأنا خروف غصب أبوهم بيجيبه عشان ولاده ناقصة تعب أنا يعني

هو يوم جميل بس متععععععععععععب ومهلك جداً
لأنه لازم نكون مخلصين العدد ده قبل العصر
الحمدلله غالباً الساعة 2يكونوا خلصوا


هاه حتيجي تساعد ولا غيرت رأيك

 

 

[O.S.A.M.A]

اقتباس المشاركة الأصلية كتبت بواسطة nash بكرة نفسي كل يوم وانا بتذلل للغجر يقولولي ياكلوا ايه ... ولسه لما ياسر يخلص إمتحانات تقريبا مابشوفهمش ... هاتتصدمي يا دودو من كميه الفراخ البانيه اللي بعملها في الاسبوع .. اصلا بحبها جدا ومش فارق معايا بأة الولاد... فالنهارده قررت أعمل حاجه جديده إن شاء الله اسباجيتي بالصلصه والفلفل الرومي ومعاها فراخ بانيه

ابقى تعالى اعملى بانيه بارتي مع ولادى

 

 

[الغرييب]

الله يكرمكم حد يكتب طريقة الملوخية بالجمبري ، بس على السريع من غير ما تحطوني في الجدول وآخد دور والكلام ده

 

 

[مودة]

دعوه لموضوعي

مدونة مودتي بلا حدود

ماشي ياغرييب عالسريع كده
دي طريقتي الخاصة
المقادير
نصف كيلو جمبري وسط
ك ملوخية خضراء
بصلة
توم
كزبرة ناشفة
طمطماية
ملح
عصير ليمونتين
وفلفل اسود او
فلفاية خضرا
الطريقة
تقطف اوراق الملوخية وتغسل جيدا وتترك على مصفاة واسعه في مكان هاو او مشمس حتى يجف الماء منها وتخرط ناعم جدا بمخرطة الملوخية ضروري بلاش استخدام الخلاط ويخرط معها الفلفل الحامي مقطع صغير جدا ( حسب الرغية)
ينظف الجمبري ويزال كل الزوائد والامعاء ويغسل جيدا
يرش قليل من الملح ويفرم قليل من التوم مع الكمون وعصير الليمون ويتبل الجمبري ويترك لمدة نصف ساعة او ساعة حسب وقتك
في حلة تقلب البصلة مع زيت العافية وقبل ان تتحمر يضاف الجمبري ويقلب جيد وتضاف اليه الطمطماية المبشورة
ويضاف اليها الماء وتترك حتى نضج الجمبري تقريبا من عشر دقايق الى ربع ساعة

تعمل طشة الملوخية من التوم وقليل من السمن او زيت العافية مع الكزبرة الناشفة على نار هادية وفي نفس الوقت

في حلة اخرى توضع الملوخية المخروطة ويضاف اليها الجمبري وتصفى شوربته وتضاف تدريجيا مع التقليب حتى الحصول على السمك المطلوب
توضع على النار وتقلب برفع المعلقة الى اعلى وبمجرد البدء بالغليان ترفع من على النار
ويضاف اليها التقلية وتشهق كده زي شهقة جدتي
وتغطى
وبالهناء والعافية وتقدم مع الارز بالشعرية

مستنية منابي

 

 

[مزاياإنسانة]

مودة ياقمر
الطماطم مش بتفسد الملوخية وتخلي أخلاقها حادئة هههههههههههههه
بصي أنا مش بحب الطماطم في حاجات كتير زي الرز والملوخية والخضار والكبدة
بس بحبها مع اللحوم ووالفول والفاصولياء



عندي سؤال مالو الخلاط ليه ضروري المخرطة
طيب تنفع الفرامة بتاعة مولينكس الوغننة اللي بتعمل بزبز زبزززززز :)

شوفي أنا مريحة دماغي وبفرم الملوخية بطريقة جهنمية
وهي أني بقطف الملوخية وأنظفها وأغسلها كويس واجففها
وبعدين أعبيها في أكياس في الفريزر
ولما أحتاج أعملها بطلع الكيس وأهبشه كم هبشة بإيدي وتلاقي الملوخية بقت نااااااااااااعمة

وبعمل نفس الحركة مع الكنافة