البورد الكندي للعلاج الطبيعى

[مدام حاتم]

الصحف المصرية والعربية

اقتباس المشاركة الأصلية كتبت بواسطة eaglsson مدام حاتم شكرا جزيلا لك على فتح الموضوع . انا اخصائي عظام مقدم على الهجره انا وزوجتي وهي كمان علاج طبيعي(بكالوريوس 2004 جامعة 6 اكتوبر) وعلى فكره الدكاتره كانوا بيقولوا لهم في الكليه ان منهجهم متوافق مع المنهج الامريكي والكندي. والحقيقه برضه احنا في نفس الحيره لاننا مش عارفين تبدأ منين عموما انا نزلت الجايد من الويب سايت https://www.alliancept.org/exams_resources.shtml بس الحقيقه لسه لم اقراه عموما لو عنك اي معلومه وصلتي لها ياريت نفيد بعض وانا كمان طبعا مره تانيه شكرا لك

اهلا وسهلا بيك وبالدكتورة زوجة حضرتك وان شاء الله هنستفيد كلنا واحنا بنشارك الافكار والآراء سوا

 

 

[مدام حاتم]

https://www.alliancept.org/credential...gibility.shtml
ده موقع بيقول ان لا بد انهم يعملو تقييم لاللى ناوي يمتحن المعادلة والتقييم ده للكل سواء كندي او بره كندا
https://www.alliancept.org/credential_resources.shtml
اما الموقع ده فهو المطتلبات اللازمة والاوراق المطلوبة علشان التقييم بعد كده لما يوافقوا تقوم تخش على الموقع ده
https://www.alliancept.org/exams_resources.shtml
علشان طلب الامتحان
بعدين تدور على كتب واسئلة الامتحان (نظري وعملي )
لو فيه غلط في الكلام ياريت حد يصصححه
دي المعلوامت اللى اعرفها في الوقت الحالي بس انا مستنية امتحن الايلتس يوم 20 الشهرده واركز اكتر واكتر ولحد ما اخلص الامتحان ممكن يبقى فيه اراء احسن ومعلومات جديدة

 

 

[ehabtaher]

اقتباس المشاركة الأصلية كتبت بواسطة مدام حاتم انا ماقدرش ازعل من الناس المحترمة اللى فبفرضوا على الواحد اننا نحترمهم ونكن لهم كل وافر التقدير اما بقى بالنسبة للسبوبة ففى مثل بيقول عض قلبى ولا تعض رغيفى

على راى ليون من زبال فى كندا
الناس هنا بالها رايق ومش حاملين هم زينا

عارفه ليه

لان لما واحد فيهم بيدخل فى السيستم .. مش بيطلع منه الا بمجهوده الشخصى فى عدم الالتزام وعدم العمل بجديه ولكن لو دخل السيستم وكان مقبول علميا وعمليا فلن يحمل هم ان حد يعمل فيه زنبه ويزيحه من شغله لان كل واحد شغله متوفر وياريت يكون ده اسلوب تعامل المصريين فى الغربه .. مش يكون تعاملهم باخلاق الاسانسير على راى انيس منصور (اخلاق المصريين فى مصر حاليا مثل اخلاق المنتظرين امام الاسانسير ) لما بيوصل الكل بيزق علشان يركب (انا ومن بعدى الطوفان)

مش عايزين الروح دى تبقى بيننا فى كندا

الكل بيساعد الكل

 

 

[Dr-Alrefa3y]

اقتباس المشاركة الأصلية كتبت بواسطة مدام حاتم السلام عليكم ورحمة الله وبركاته باين ان الناس اتفتحت نفسها للشغل في مجالنا وبعدين احب انوه عن شئ احنا بنحاول نعرف المعادلة الكندية للعلاج الطبيعي ككل مش تخصص فيه وبعدين في حاجة انتم مش واخدين بالكم فيه لو بصيتوا على اليستة بتاعة الوظائف هتلاقوا انهم طالبين physiotherapist occupitional therapists (مش عارفة موجودة ولا لا)prosthetcs & orthotics واحنا اللى هنا بكالوريوس علاج طبيعي يعني الاولى بس ,بس المواد اللى بندرسها في الباكلوريوس والماجيستير والدكتوراه فيها الاتنين التانين يعني في مصر مافيش التلاتة دول فيه الشامل والاعم اللى هو الاول وداخل فيه التانى والتالت يعني الخريج في مصر يقدر يشتغل الاتنين التانين بس جزء من المهنة مش مهنة لوحدها يا ترى المعادلة في الحالة دي واحدة للتلاتة ولا لا؟

physiotherapist او معروفة بإختصار PT معروفين باسم اخصائى علاج طبيعى وحدود علمى ان المعادلة الكندية بتختصر على امتحان تعادل المواد المدروسة

occupitional therapists واختصار المسمى OT اخصائى علاج وظيفى وهم بيختصو بعلاج حالات شلل الزراع من علاج طبيعى واجهزة للطرف العلوى والبورد اعتقد انه امتحان ايضا

دول الوظيفتين موجودين فى اللسته

اما prosthetcs & orthotics وبيختصرو PO اخصائيين الاطراف الصناعية والاجهزة التعويضية
اما دول فلابد ان يعملو تحت اشراف اخصائى اطراف معه البورد الكندى مدة معينه حتى يتمكنو من دخول امتحان البورد الكندى ولابد ان يكون على الاراضى الكندية

ده حدود علمى بالموضوع وفى انتظار اراء المختصين

 

 

[مدام حاتم]

اقتباس المشاركة الأصلية كتبت بواسطة ehabtaher على راى ليون من زبال فى كندا الناس هنا بالها رايق ومش حاملين هم زينا عارفه ليه لان لما واحد فيهم بيدخل فى السيستم .. مش بيطلع منه الا بمجهوده الشخصى فى عدم الالتزام وعدم العمل بجديه ولكن لو دخل السيستم وكان مقبول علميا وعمليا فلن يحمل هم ان حد يعمل فيه زنبه ويزيحه من شغله لان كل واحد شغله متوفر وياريت يكون ده اسلوب تعامل المصريين فى الغربه .. مش يكون تعاملهم باخلاق الاسانسير على راى انيس منصور (اخلاق المصريين فى مصر حاليا مثل اخلاق المنتظرين امام الاسانسير ) لما بيوصل الكل بيزق علشان يركب (انا ومن بعدى الطوفان) مش عايزين الروح دى تبقى بيننا فى كندا الكل بيساعد الكل

شكلك يا دكتور زعلت منى المرة دي
انا حبيت اوريك انى روحى مرحة ومش بزعل من حد فقولت المثل ده على سبيل الهزار
وانا مؤمنة 100% ان كل واحد بياخد نصيبه ورزقه وماحدش بياخد رزق حد ابدا وده الحمد لله بيريحنى في تعاملي مع الناس
خلاص عض رغيفي وابقى ادور على رغيف تانى وهجيبه كايزر بقى مش بلدي
اصل حضرتك مش واخد بالك ان حمدي السيد تابعنا هنا في مصر قوي مش عاوز يسبنا في حالنا كل سنة لازم يعمله شبورة علينا ومش عاوز يفهم ان الرزق ده بتاع ربنا

 

 

[مدام حاتم]

اقتباس المشاركة الأصلية كتبت بواسطة pharma prince physiotherapist او معروفة بإختصار PT معروفين باسم اخصائى علاج طبيعى وحدود علمى ان المعادلة الكندية بتختصر على امتحان تعادل المواد المدروسة occupitional therapists واختصار المسمى OT اخصائى علاج وظيفى وهم بيختصو بعلاج حالات شلل الزراع من علاج طبيعى واجهزة للطرف العلوى والبورد اعتقد انه امتحان ايضا دول الوظيفتين موجودين فى اللسته اما prosthetcs & orthotics وبيختصرو PO اخصائيين الاطراف الصناعية والاجهزة التعويضية اما دول فلابد ان يعملو تحت اشراف اخصائى اطراف معه البورد الكندى مدة معينه حتى يتمكنو من دخول امتحان البورد الكندى ولابد ان يكون على الاراضى الكندية ده حدود علمى بالموضوع وفى انتظار اراء المختصين

بكلامك ده بتاكد ان كل تخصص من التلاتة دول له امتحان معادلة لوحده والمواقع اللى نزلت دي بتاعة التخصص الاول على كده
ها يا جماعة رايكم ايه

 

 

[مدام حاتم]

مااعتقدش ان المنتدى ده وبالاخص الجزء بتاع الهجرة الى كندا حد عنده اخلاق الاسانسير لان والحمد لله الكل بيساعد بعضه وده مفرحنى قوي ومحسسني ان الدنيا لسة بخير وفيه ناس ممتازة اخلاقيا وبالدرجة الاولى
لا تقلق يا دكتور ايهاب معاك صفوة الصفوة

 

 

[عربيه]

ده صحيح كل تخصص له معادلته والتخصصات التلاته منفصليين تماما في كندا
احنا في مصر الدنيا عندنا سداح مداح شويه

 

 

[مدام حاتم]

اقتباس المشاركة الأصلية كتبت بواسطة عربيه ده صحيح كل تخصص له معادلته والتخصصات التلاته منفصليين تماما في كندا احنا في مصر الدنيا عندنا سداح مداح شويه

بس تعرفي انا الماجيستير بتاعى مدخلة العلاج عبارة عن التخصصين الاولين لان تخصصى اطفال فمش عارفة في الحالة دي ابقى ايه

 

 

[عربيه]

شوفوا الويب ده كده

https://www.physiobob.com/forum/worki...rapist-canada/