ما هو المشروع اللي ممكن يجيبلك 3000 دولار دخل صافي شهريا في كندا؟ للمقيمين حاليا هناك

[Mzohairy]

الصحف المصرية والعربية

اخواني الأعزاء المقيمين حاليا في كندا

و خصوصا القدامى منهم

عندي سؤالين و محتاج اجابتين من فضلكم

1- ما هو في رأيكم المشروع المضمون اللي ممكن يجيبلك دخل صافي (بعد كل مصاريفه و ضرائبه) 3000 دولار على الأقل؟

2- و ما هو رأس المال المطلوب لمثل هذا المشروع؟

- يعني سمعت عن الفرانشايز كتير بس ماعرفتش معلومات دقيقه تخليني آخد قرار و حسيت انه اونطه شويه (معرفش انا صح ولا غلط)
- و ايضا فكرة انك تشتري تراك (العربيه التيريلا المقطوره) و تشغله و خصوصا لو تقدر تطلع رخصه قياده تقيل و تسوقه بنفسك
- و ايضا فكرة الدولار ستور
- و ايضا فكرة أخذ كورسات في مجالات معينه (ذات تكلفة غير قليله) لمده اقل من سنه مثلا بشرط وجود وظيفه مضمونه ذات دخل عالي بعد حصولك على الشهاده (يعني نوع من انواع الاستثمار)

ارجوا من اصحاب الخبره افادتي بالتفصيل ان امكن

و كل سنه و انتم طيبين

 

[د/بطوط]

الموضوع هايل ارجو من ذوى الخبره المشاركه على فكره احنا برده كنا بندور فى حاجات زى كده يا زهيرى
تسجيل متابعه

 

 

[Mzohairy]

التخطيط السليم هو من أهم عوامل النجاح يا دكتور

و اذا عرف المهاجر هدف معين و عرف تكلفته كام و استعد لهذا فنسبة نجاحه سترتفع بشده بإذن الله

و كتير من المهاجرين بيكونوا محوشين مبالغ معينه و بتتصرف على مصاريف المعيشه كلها غالبا اول سنه

بينما لو كان عنده تارجت معين و درسه كويس كان ممكن يستثمر المبلغ ده او جزء منه لتوليد دخل لاحقا

 

 

[المصرى أفندى]

موضوع أكثر من ممتاز أستاذ زهيرى و بضم صوتى معاك و أتمنى أن الموضوع يخصص عن تأسيس المشروعات الصغيرة فى كندا و ياريت الأخوة المصريين المقيمين فى كندا لو يمدونا بأى معلومات بخصوص تلك المشروعات مثل التراخيص و الضرائب طرق التمويل و هل توجد بنوك أو مؤسسات تمويل أسلامية هناك وهل توجد جمعيات لرجال أعمال عرب بتساعد الشباب هناك فى أقامة المشاريع الصغيرة على غرار جمعية رجال أعمال أسكندرية عندنا و لو يعرفوا حد عربى أسس مشروع هناك ينضم لينا ويمدنا بالمعلومات

 

 

[snow]

هههههههههههه
هو فيه حد حيعطيك سر صنعته ,,,,,,,

بس بما انى خلاص زهقت من الغربة و اللى فيها ممكن اسلم الرايه

اعملك شركة بويات ,,,, و العب بالشيكات
اعملك محل و سجل النص و زوغ بالنص
اعملك محل هدوم محجبات و اكتب عليه حلال
روح عند دار الرهن فى بلدك و اشتغل على المزادات (شقق, عقارات, سيارات , ذهب )
المهم تكون راجل و ادارجى و خفيف و صياد ,,,,,,, انما لو كنت بتاع بدله يبقى مش لونك

 

 

[ياسر جعفر]

معرفش غير سكتين
الأولانيه .. تيم هورتنز .. بس لازم حتشتغل فى منتجات الخنزير
التانيه .. عربيات ليموزين و تحديداً فى تورونتو
و معظم الشغلانات ديه الكاش فيها عالى
و الله أعلم

 

 

[3omda To]

بروتين ابناء تورونتو

 

 

[arora]

برافو عليك استاذ زهيرى انك طرحت الموضوع ده للنقاش
كان هناك من يقول ان المشروع الناجح فى كندا هو الاكل ثم الاكل
فماهى المشروعات الغذائية الصغيرة الممكن البداية بها
وماهى امكانية التمويل من البنوك وما هو دور الخبرة فى المجال ؟؟
نرجو مشاركة الافاضل المقيمين

 

 

[ehabtaher]

اوعى تكون خلصت فلوسك يا عمده علشان كده مش عارف تجيب تلاجه.. والا باين انك مش حاتحتاج فى كندا لتلاجه علشان البروتين

ايه حكايه زهيرى هو فلس والا ايه .. مش المفروض يقو لنا عمل ايه فى السنه اللى فاتت

 

 

[سيف الدولة]

عزيزي دكتور ايهاب...زوهيري ..ميتخافش عليه..حنفية الخليج لسه شغالة معاه ..هو بس بيفكر بالغلابة اللي زيي ..اللي يا دوب حياخدوا معاهم مصروف لكام شهر...ربنا يجزيه الخير .. وهنا بيحضرني سؤال ..ليش لما الشباب بيكونوا بالخليج ..وبيرحوا وييجوا على كندا ..تلاقيهم بيكتبوا وكأنهم مستقرين بكندا ..ولما بيستقروا تماما ..بيختفوا ..!!