مكان و له مكانة

[مهندسة ريهام]

الصحف المصرية والعربية

بسم الله الرحمن الرحيم

لكلِ منا ذكرياته التي يحتفظ بها و يستدعيها من حين لآخر كي يتذكرها و ينعم بما فيها

و تلك الذكريات دوماً ترتبط بالزمان و المكان و الأشخاص المحيطين بنا في عالمنا ........

معاً نبحث في المكان و ذكرياتنا التي ترتبط به

نرجع بذاكرتنا إلي الأماكن التي لها مكانة و قيمة لدينا و حُفِرت في أذهاننا

أماكن تملأ قلوبنا نتذكرها و البسمة ترتسم علي وجوهنا نسرح فيها و نتمنى

لو يعود بنا الزمان كي نستمتع بأحلى الأيام و الأوقات التي جمعتنا فيها ....

فلنتشارك الأماكن التي لها مكانة لدينا و نتعرف على ذكرياتنا فيها

في إنتظاركم و دمتم بكل خير

في رعاية الله ،،،

 

[مهندسة ريهام]

بسم الله الرحمن الرحيم

من الأماكن التي لها مكانة كبيرة في قلبي المتحف الزراعي..
ففيه قضيت أجمل ذكريات طفولتي، اعتدت الذهاب هناك أنا و أختي و جارتي و أخيها
منذ كنا صغار كان والدي او والدهما يوصلانا هناك ثم يأتيا بعد ثلاث ساعات لإصطحابنا ..
كانت به مساحات شاسعة من الخضرة و بحيرة تذكرني بأفلام ألف ليلة و ليلة مازلت
أتذكر منظر أوراق الشجر و الورود المتساقطة و هي تطفوا علي وجه البحيرة،،
كان خط سيرنا الذي لا يتغير هو الدخول لبيت النبات و هو مكان به نماذج من كل النباتات
التي كانت موجودة وقتها و تزرع في مصر مع عرض ماكيتات للآلات الزراعية مصغرة
تعمل بالكهرباء حتي نتعرف علي فكرتها و كيفية عملها..أتذكر القناطر الخيرية و الأضواء
التي حولها و منظر المياه فيها ، أما الجولة الثانية فكانت في بيت الحيوان الذي يحوي
الحيوانات المحنطة و متحف الشمع الذي كان يصور زفة العروسة و هي محمولة علي
الهودج و الباعة في الاسواق و المقاهي ..ياااه كانت فعلاً ايام و نختتم جولتنا دوماً في
المتحف بالكافيتريا التي اعتدنا نأكل فيها آيس كريم الكاساتا ....
عندما رزقت أختي بطفلها ما أن أتم 4 سنوات حتي قررت أن أصطحبه إلي هناك مكان
الطفولة عندما دخلته كنت أبحث فيه عن أماكن طفولتي للأسف أختفي جزء كبير منها
فكوبري أكتوبر قسم المتحف و هدمت الكافيتريا -دوام الحال من المحال- معالم كثيرة
تغيرت فيه لم أجد البحيرة التي اعتدنا اللعب عندها ..برغم كل ذلك ظللت و أنا في بيت
النبات و الحيوان أقف عند كل ركن و اتأمل و أتذكر و من ثم .... ابتسم فرغم كل شئ
لا يزال المتحف الزراعي يحتل مكانة كبيرة في قلبي.
في إنتظار أماكنكم المفضلة و انا كمان سأروي لكم ذكرياتي مع مكان آخر له مكانة كبيرة لدي.

دمتم بكل خير
في رعاية الله ،،،

 

 

[حلم جميل]

السلام عليكم

موضوع جميل ريهام

انا لو حبيت افتكر مكان له ذكرى عندي و مكانة في قلبي

هقولك على المكتبة اللي كنت بشتري منها أعداد رجل المستحيل و ملف المستقبل

سنيييييين

من و انا في ابتدائي

و لغايط وقت قريب..و لما السلسة خلصت مبقتش اشتري

لكن لو هشتري

اكيييد هروحلها مخصوص

من كتر فرحتي باليوم اللي كنت هنزل اشتري فيه رواية جديدة او قصة

كان بيبقى ليا تصرفات عبيطة جدا

يعني افتكر اني مرة و انا في ثانوي

و بعد ما اشتريت عدد رجل المستحيل

من فرحتي كنت ماشية في الشارع و ابتسامتي من الودن للودن..تقوليش ماشية جنب ادهم صبري نفسه!!!!!!!!

المهم

افتكر باة ان في شخص ابن حلال افتكر اني ببتسم له هو

اكيد يعني مجاش في باله ان الابتسامة دي سببها الرئيسي هم السطرين اللي هقراهم ادهم فيها بيقول كلام حب لمنى

طبعا افتكرها ابتسامة تشجيعية للتعارف

و الحمد لله كان محل بابا الله يرحمه قريب جدا

رحت له و فتنت له بمنتهى الندالة ان الشاب ده بيمشي ورااااايا

و عينك ما تشوفي الا النور

ههههههههههههه

و الله يا ريهام الذكري دي خلتني فعلا ابتسم من قلبي

جزاك الله كل خير

و لي عودة ان شاء الله

تحياتي

 

 

[ana_3enady]

دعوه لموضوعي

RobertInole

ايييييييييييه فين أيام زمان

أيام العيد .. كان لازم في العيد الكبير كل سنة العيلة وعيال العيلة .. نروح بيت جد أبويا .. لازم نفطر كلنا هناك الأول .. دلوقتي بقى اللي مات مات واللي اتلهى في حياته اتلهى والبيت طبعا اتقفل .. لكن كل ما كنت أعدي من أدامه .. يدور شريط الذاكرة في مخيلتي بكل حاجة ..

برضه من الأماكن اللي ليها ذكريات ظريفة .. جبل موسي (جبل دير سانت كاثرين)

كنت في رحلة .. المهم طالعين كلنا سوا من مدق مخصوص .. طبعا أخوكم وهو نازل اتفذلك .. أخد طريق غير الطريق .. فضلت أنزل في سلالم أربع ساعات على ما وصلت للأرض .. طبعا طوال فترة النزول وأنا عمال أتبصص على أي بشر .. المهم جروب أجنبي لاقيته ورايا .. قولت الحمد لله مش ماشي لوحدي .. لكن ..

كل ما أخد منحنى .. لا أشوفهم ولا أسمع صوتهم ..

قبل ما أوصل للسلالم المنحوتة في باطن الجبل .. كنت وصلت لمفترق طرق .. واحد يمين وواحد شمال .. وماشي أدامي اتنين سواح .. واحد وواحدة .. الناحية الشمال كان عليها يافطة ولد وبنت .. طبعا أخوكم مش فاهم حاجة .. المهم انا ماشي ورا الجوز من فترة قولت يمكن عارفين الطريق .. لحد ما وصلنا لمفترق الطرق ولقيتهم لفوا وبصولي .. أفندينا تقريبا ما يعرفش انزليجي .. فالأخت الفاضلة اللي معاه راحت بصالي .. طبعا وشي جاب ألوان وروحت سائلها بكل براءة .. الاستيرز منين يا حاجة .. الله يباركلها شاورتلي اني أدخل يمين .. لكن لحد دلوقتي مش عارف الشمال ده كان بيودي على فيييييييييين ..

طبعا وانا نازل .. لا هممني توهان ولا نيله .. عجبني منظر الدير من على بعد .. روحت واقف في بطن الجبل ولاقط صورة .. وكانت آخر صورة في الكاميرا معايا .. أهي :-



ودي الشروق من فوق الجبل

 

 

[RMG]

باتا الموسكي
وانا طفل صغير كنت اعشق هذا المكان لأنه يرتبط عندي بالفرحة
فرحة شراء حذاء العيد
وحذاء المدرسة
وكلما مررت بهذه المنطقة ينتابني احساس بفرحة طفولية لازلت اذكر مذاقها الى يومنا هذا

 

 

[زورو]

شكرا على الموضوع الجميل دة
وانا احب اشارك
الزكى الجميله وهية احسن لحظة قضيتها فى حياتى واللحظة التى لم انساها ابدا وهية فى اسكندرية
انا كنت بصيف وبعديين حصل مشكله رحت خارج قلت اروق شوية رحت على الشط لقييت شوية صخور داخلة جوة المية لمسافة مش بعيدة قوى بس كبيرة شوية
فدنيتنى امشى لاخر الصخور ووصلت لاخر الصخور والمنظر الذى لن انساه قط

قدامى مية وفراغ وهوا طلق
وعن شماللى مية وهوا
وعن يمينى مية وهوا

والعالم كله خلفى
كنت حاسس انى مالك العالم كله

بجد اجمل لحظة فى حياتى

لدرجة انى نمت 6 ساعات على الصخور

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة RMG باتا الموسكي وانا طفل صغير كنت اعشق هذا المكان لأنه يرتبط عندي بالفرحة فرحة شراء حذاء العيد وحذاء المدرسة وكلما مررت بهذه المنطقة ينتابني احساس بفرحة طفولية لازلت اذكر مذاقها الى يومنا هذا

باتا باتا .. متانة وخياطة

ربنا يديك طول العمر

 

 

[ana_3enady]

دعوه لموضوعي

RobertInole

يا خبر أبيض

ريهام .. نسيت أشكرك على الموضوع

أنا آسف

ألف شكر على الموضوع

 

 

[toota]

بيت جدتي ومسقط رأسي على البحر بينه وبين البحر عشرين او تلاتين متر بالكتير قبل ما يتعمل كورنيش المنارة حاليا.....ومش بنسى شجرة التين المورفة على البيت.....ولا المرجيحه الحديد ...لما كنت ببات عندها ايام المدارس مكنتش بخرج الا لما تقطفلي ورود من الي جدي زارعهم في الجنينه....من يومها احببت البحر...... الورد....التين....القطط...

 

 

[حشيش]

كان رؤيتى الكعبة لأول مرة فى حياتى حين ذهبت لأداء العمرة لحظة لا تنسى ... وصلت إلى مكة قرب الفجر وكنت فى غاية الإرهاق والتعب من السفر الطويل ... سبحان الله تبدل تعب وعناء الرحلة إلى حالة جميلة لا تنسى من مشاعر روحانية لا يمكن وصفها وشعرت أننى فى غاية النشاط ولم أصدق نفسى وأنا أقف أمام الكعبة المشرفة وجهاً لوجه وتلمس أصابعى كسوتها الشريفة ... شكراً ريهام على الموضوع الجميل