Arabic Discussion Forum with a Special Interest in Travel and Immigration

alaashabana · 27th June 2012, 01:55 PM

السلام عليكم
انا حبيت افتح الموضوع دة علشان نقدر نجيب اكبر قدر من المعلومات .
فيه توبيكات كتير عن الهجرة لكندا واستراليا ونيوزيلاندا . دى البلاد اللى يمكن معظم الناس تعرفها وبتدور عليها لان فرص المعيشة فيها كويسة اوى وخدمات الحكومة كمان كويسة

بس محدش بيفكر فى البلاد الاخرى واللى ممكن تكون كمان بنفس الكفاءة ونفس مستوى كندا وامريكا وغيرها من البلاد

عاوزين نقسم التوبيك دة على كذا قسم ويبقى بمعنى اصح توبيك مجمع لمعلومات الهجرة للبلاد الاخرى زى :

النمسا
السويد
الدنمارك
جمهورية التشيك
سويسرا
فرنسا
سنغافورة
اليونان
هولندا
المانيا
جنوب افريقيا

اكيد فية معلومات عن البلاد دى والهجرة لها .. لو جمعنا نفسنا وكل واحد يحط اللى عندنا هيبقى عندنا حصيلة لا بأس بها من المعلومات ويمكن تكون خير لينا جميع

تقبلوا تحياتى

دكتور مهندس جمال الشربيني · 27th June 2012, 03:11 PM

دعوه لموضوعي

مستر "عاوز" وأنـــــــــــــــــــــــــا

يادي الحوسة
دي هجرة جماعية من مصر
وأنا معرفشي

Dr.Taha · 27th June 2012, 03:43 PM

موضوع ممتاز و يفتح الفرص أمام الكثير لمن لم يجد فرصته فى كندا ولكن لا أعرف اى مصدر لمعلومات عن الهجرة الى هذة الاماكن حدوور شوية كداا ع النت و اقولكوا

Eng Hesham · 27th June 2012, 11:24 PM

اللى اعرفه ان سويسرا و اليونان و المانيا ملهومش هجره

وجنوب افريقيا دوله عالم ثالث و برضه مفيهاش هجره او بمعنى اصح سبب يدفع للهجره اليها

السويد الهجره اليها مرتبطه بوجود عمل خاص هناك تقدر تثبت من خلاله دخل معين شهريا

النسما مرتبطه بعقد عمل هناك و يكون فى مجالات محدده لا اكثر وبتاخد الاقامه بعد 3 سنين

باقى البلاد معرفش بقى

Eng Hesham · 28th June 2012, 12:06 AM

https://www.ilsgroup.com/arabic/dominica.html

شوفوا اللينك اللى فوق

اللى معاه فلوس يقدر ياخد الجنسيه بعد كام شهر

https://www.ilsgroup.com/arabic/st_kitts.html

Eng Hesham · 28th June 2012, 12:08 AM

https://www.ilsgroup.com/arabic/bulgaria.html

alaashabana · 28th June 2012, 05:21 AM

اقتباس

المشاركة الأصلية كتبت بواسطة Eng Hesham


	اللى اعرفه ان سويسرا و اليونان و المانيا ملهومش هجره وجنوب افريقيا دوله عالم ثالث و برضه مفيهاش هجره او بمعنى اصح سبب يدفع للهجره اليها السويد الهجره اليها مرتبطه بوجود عمل خاص هناك تقدر تثبت من خلاله دخل معين شهريا النسما مرتبطه بعقد عمل هناك و يكون فى مجالات محدده لا اكثر وبتاخد الاقامه بعد 3 سنين باقى البلاد معرفش بقى

جميل .. نشوف بقى باقى البلاد .. فية بلاد تانية كتير بس انا ناسيهم .. الفكرة ان ربنا خلق البلاد دى كلها واحنا بس مش شايفين غير كندا وكمان بيستهبلوا وكل يوم والتانى قوانين جديدة ولغات وشهادات زى ما يكون هنروح الجنة .. هما شبعوا مهاجرين علشان كدة بيقفلوا باب الهجرة..
يعنى مثلا من 20 سنة كانت الهجرة لامريكا وكندا من اسهل اسهل ما يمكن صح ولا انا غلطان .. لكن مع مرور السنين الناس كلها عرفتها وبدات اعداد مهولة للهجرة اليها وبكدة بقى فرص الشغل هناك صعبة شوية والهجرة اليها صعبة او بمعنى اصح اقرب ما يكون للصعوبة .. طيب لو من 20 سنة حد كان بيفكر فيها .. لا طبعا يعنى الوالد مثلا كان يفكر يهاجر ليها ولا كان يقولك يا ابنى دى بلد مفيهاش فلوس ولا حياة .. لكن دلوقتى شوف بقيت اية ..

هو دة اللى انا بتكلم فية .. نحاول نشوف بلد لسة فى الاول يعنى لسة بتينى نفسها او اقتصادها مش قوى للدرجة ولكن نكون حاسين انها مع مرور الوقت والزمن هتبقى من الدول الكبرى .. وفى نفس الوقت البلاد دى هتبقى قوانين الهجرة لها بسيطة علشان تقدر تجيب ناس والاقتصاد يقوم وبكدة مع مرور الزمن وبعد عمر طويل يبقى بنينا مستقبل وتعليم نظيف لاولادنا وكمان تبقى البلاد دى من الدول العظمى ويبقى كدة وصلنا للغرض اللى احنا عاوزينة ان ولادنا يتعلموا فى بلاد ذات اقتصاد قوى وتعليم عالمى ومحترم .. وصلت الفكرة

يعنى مثلا انا شايف ان سنغافورة دى بلد نظيفة جدا وبكرة تبقى من الدول العظمى رغم انها حاليا بدات فى السباق مع امريكا والصين واوربا

كمان بلد زى تركيا .. انا متأكد انها هتبقى من البلاد العظمى فى المستقبل ودة لما تشوف الاقتصاد بتاعها انتعش ازاى فى الفترة الاخيرة ونظم التعليم وخلافة

انا معنديش معلومات كافة عم الدول دى ومش بقول او بحدد دولة بعينها . بس اللى اقصدة ان ايد لوحدها متصقفش .. يعنى ملعومة منى على معلومة منك على معلومة من الباقى هيبقى عندنا الاختيارات المتعددة للهجرة وبكدة يبقى فتحتنا مجال للاختيار بدل من الدول اللى خلاص هتقفل على صباعنا عقبال ما نوصلها ..

تقبلوا تحياتى

ysma · 28th June 2012, 05:40 AM

محدش يعرف نظام الهجرة فى أمريكا اللاتينية؟

alaashabana · 28th June 2012, 09:30 AM

اقتباس

المشاركة الأصلية كتبت بواسطة ysma


	محدش يعرف نظام الهجرة فى أمريكا اللاتينية؟

مش معقول يا جماعه مفيش اى تفاعل خلاص .. الماس بتدخل تتفرج على الموضوع وتطلع تانى .. يبقى كدة هنفضل طول حياتنا فى مصر او متغربين فى الخليج

لازم يكون فية تفاعل بين الاعضاء
تعاطفك لوحدة مو كفاية

BenoCanada · 5th July 2012, 03:50 PM

اقتباس

المشاركة الأصلية كتبت بواسطة ysma


	محدش يعرف نظام الهجرة فى أمريكا اللاتينية؟

Alslam Alylom

ana 3andy shoayet ma3lomat 3an Mexico we Brazil we Costa Rica

Alhmd Allah ana ro7t Mexico keteeer ama el Brazil no
7adretak 3aoez ta3raf ahh?

Ahmad

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
يوميات مونترياليه	الهجرة إلى كندا	ابو حسن ومصطفى	30	8555	21st May 2017 11:11 PM
Montreal Handbook 2017	الهجرة إلى كندا	Osama albasha	9	2724	14th January 2017 12:36 PM
CSQ 2015 - لاندنج ان شاء الله 2016	الهجرة إلى كندا	alaafrench	32	6301	25th September 2015 03:51 PM
من له الحق فى ذلك	الهجرة إلى كندا	moonaa	10	2290	18th December 2012 06:49 AM
بلاد تفتح ابوابها للهجرة	الهجرة إلى أستراليا ونيوزيلاندا والسويد	Mr Issa	111	69744	27th June 2012 01:55 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بلاى ستيشن 2 او 3	سيدة مصر الاولى	الكمبيوتر والإنترنت	3	19th February 2012 11:21 AM
أفضل بلاد العالم	Sepia	موضوعات عامة ... موضوعات خفيفة ... منوعات	0	19th August 2010 02:50 PM
بلاد الكفر	msameh	شؤون إسلامية	29	13th November 2008 06:11 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

الهجرة إلى أستراليا ونيوزيلاندا والسويد

بلاد تفتح ابوابها للهجرة