الدراسات العليا في كندا ( افضل موضوع لشهر اغسطس 2010)

[Moe]

الصحف المصرية والعربية

طيب تحط فلوس إزاي؟

طبعا هتستخدم الفيزا كالعادة بس المرة دي الطريقة مقرفة شوية

هتعمل أكونت في موقع اسمه

https://www.moneybooker.com/app/

بعد كدة تدخل الأكونت و تدخل رقم الفيزا



الموقع فيه سكيوريتي عشان يتأكد إنها الفيزا بتاعتك و إنك مش سارقها

هيقولك أنا هسحب من الفيزا بين دولار و 2 دولار

و دخل اتسحب منك كام

تخليه يسحب من هنا و تقوم تتصل باللبنك تعرف اتسحب منك كام بالضبط بالدولار

تدخل الرقم و ليكن
1.62
متقلقش الفلوس دي مش هيكلوها عليك لأنها دخلت حسابك

تسحب بقى 10 دولار أو 8.48 لو عايز يكون في الأكونت بتاعك 10 دولار بالضبط

و هما بياخدو نسبة صغيرة زيادة حوالي 50 سنت على ما أتذكر

تدخل على سكايب و تختار من أكونت إنك عايز تشتري كردت هتختار عن طريق موني بوكر

بتتنقل أتوماتك للموقع و تدخل اليوسرنيم و الباسوورد و هتلاقي الموضوع مشي سلس

هتيجي تبص على برنامج سكايب هتلاقي بقى عندك 10 دولار

أسعار المكالمات لدول العالم موجودة هنا


https://www.skype.com/prices/ca llrates/
-----------------------------------------------------
طيب نيجي للحاجات اللي ممكن تطلبها منك أي جامعة هتقدم لها

لو فيه وثيقة بتصدر بالانجليزي مش محتاج تبعت معاها الأصل العربي

أما لو مكتوب على الوثيقة إنها مترجمة من العربي لازم تبعت الوثيقة العربي كمان

هيطلب منك الآتي
1-
بيان درجاتك طبعا هتبعت بالانجليزي أفتكر بيكون مكتوب إنه مصدر مش مترجم فمش محتاج تبعت العربي


2-
الشهادة المؤقتة

جامعات أمريكا بتطلب إن الجامعة تبعت الوثيقتين اللي فاتوا و طبعا ده مبيحصلش عندنا

فبعد أما بتستخرجهم تروح لمكتب العميد و تخليهم يطبعوا على ظرف (عليه بيانات جامعتك كأنه جواب رسمي مبعوت من الجامعة) اسم و عنوان الجامعة اللي عتبعت عليها و تدخل الوثيقتين و تخلي العميد يختم على قفلة الظرف

كأن الظرف مبعوت من الجامعة اللي انت كنت بتدرس فيها بس فعليا إن حتحط الظرف المختوم ده في ظرف تاني كبير مع الجاجات التانية اللي انت هتبعتها


recommendation letters
3-من 2 إلى 3 جوابات توصية من دكاترة تعرفهم و يعرفوك لأن في بعض الأحيان الجامعة بتتصل بواحد منهم عشان يتأكدوا إنك مش ضارب الشهادات

إما إنك تكتب الجواب بنفسك+يكون فيه نمرة موبايلهم و إميلاتهم و هما يقروا اللي انت كتبته و يمضوا يا إما هم بيكتبوه و يمضوا (طبعا يتكتب على الكمبيوتر
)
يكون في الورقة شعار الجامعة أو الكلية و كدة بحيث تبان إنها ورقة رسمية

و تكتب عن نفسك كلمتين حلوين و ازاي ان الدكتور كان شايفك انك متفوق و متمكن من المجال اللي انت بتحبه و كلمتين حلوين كدة و متزودش عن صفحة

و بعد أما الدكتور يمضي على الورقة تحطها في ظرف و تخليه يمضي على قفلة الظرف عشان يبان إنه هو اللي قفل الظرف بإيده

فيه جامعات بتكون عندها فورمة لازم تستخدمها فممكن تملاها مع الدكتور أو لوحدك و ترفق جواب التوصية اللي فات بيها أو تنقل

الكلام اللي في جواب التوصية و تحطه في الفورمة
فيه جامعات كتير في أمريكا بتطلب إن الدكتور يملا جواب التوصية من النت و فيه جامعات بتديك الاختيار؛ في حالة النت فيه إيميل

بيتبعت على إيميل الدكتور. الدكتور عن طريق الميل ده بيدخل على موقع تبع الجامعة و بيكتب جواب التوصية ممكن تقعد معاه أو تخليه هو يملاه بنفسه لما يجيله الإيميل



Syllabus

فيه بعض الجامعات بتطلب نسخة من المناهج اللي درستها بالتفصيل دي بتجبها من كليتك


شهادة الثانوية


فيه جامعات بالذات في أوربا بتطلب شهادة تثبت انتهاء المرحلة الثانوية زي شهادة الثانوية العامة أو

ال أو الدبلومة الأمريكية
.
أنا هتكلم عن شهادة الثانوية العامة عشان دي أنا اللي عملتها

لازم تكون عارف رقم جلوسك و اسمك و سنة التخرج و مدرستك

بتركب لمحطة مترو أنفاق السيدة زينب و تمشي كأنك رايح للنقابة ؛ متقفش عند دار الحكمة لأ كمل في الطريق كدة بتاع 200 متر و

اسأل فين عمارة العرايس (اللي هي بتاعت شهادات الثانوية العامة)
هناك بتطلب بيان نجاح عربي و انجليزي و بيان درجات عربي و انجليزي

(بتطلب العربي لأن الانجليزي مكتوب عليه إنه مترجم من العربي) مش زي شهادة الكلية مكتوب عليها مصدر بالانجليزي(مش مترجم)
بعد كدة بتملا شوية ورق

الراجل هيرجعك تشتري 4 حوالات ثمنهم بين 8 إلى 8.5 جنيه غير الدمغات و تروحله تاني ياخد منك الحاجات دي .

الشهادات العربي ممكن تاخدها في نفس اليوم بس هتتلطع كتير و الانجليزي بعد أسبوع.فروح خدهم كلهم بعد أسبوع

6-فيه جامعات بالذات في كوريا و اليابان بيطلبوا يتأكدوا إنك من أب و أم غير كوريين أو يبانيين عشان حاجات ليها علاقة بالمنح

البيانات دي هتلاقيها في شهادة الميلاد المترجمة من العربي؛تجيبها إزاي؟

تروح لوزارة الصحة بشهادة الميلاد الأصل الكمبيوتر اللي طلعتها أكيد من القسم و أروح فين عشان أترجم الشهادة.لما توصل هناك

هيدوك ورقة زي الفورمة تاخدها و تروح عند مكان اسمه الطبجي صعب أوصفلك هو فين بس هو 10 دقايق مشي من الوزارة

و اللي يسأل ميتوهش هتدفع فلوس هناك عن عدد نسخ الشهادات اللي عايز تترجمها.هتدخل عند الراجل اللي قاعد على المكنة و تراجع البيانات معاه بعد أما يملاها

.
من البيانات اللي بتتملي؛ جنسية الأب و الأم و بكدة تكون أثبت بوثيقة رسمية جنسية الأب و الأم
7
-لازم هيطلب منك تكتب حاجة إسمها

Motivation letter

Or personal statement
دي بتكتب فيها صفحة عن نفسك و عن طموحاتك في المستقبل و ليه اخترت الجامعة اللي مقدم عليها بالذات و ليه التخصص ده بالذات...إلخ

8-فيه بعض الجامعات في أمريكا و أستراليا و نيوزيلندا بيطلبوا تعادل شهادتك و المواد اللي درستها بالشهادة الأمريكية أكتر مكانين بيطلب تعمل معادلة الشهادة عندهم هم



https://www.wes.org/

https://www.ece.org/
ادخل المواقع دي هتعرف الورق اللي بيطلبوه عشان تعادل شهادتك عندهم

لما تحب تبعت ورقك للجامعات وقت أما هتراسل يستحسن تبعت عن طريق الشركات المحترمة زي aramex,fedex,dhl,tnt
و أرخصهم أرامكس و خدمتهم حلوة

فيه بردو البريد المصري السريع كويس بردو و أرخص من كل اللي فاتوا
و فيه


middle east courier
الفرع اللي أعرفه في سفير في مصر الجديدة

حلو بردو و رخيص

لو هتبعت لكذا جامعة في أمريكا و عندك حد هناك ممكن تبعتلو كل الأظرف على مرة واحدة و هو يبعتها داخلي بالبريد المسجل في أمريكا و بكدة هتكون التكلفة قليلة جدا جدا

لأن انت المفروض تبعت لكل جامعة في أمريكا بعتتين

واحد للكلية اللي مقدم عليها و واحدة لكلية الدراسات العليا اللي في نفس الجامعة اللي انت مقدم عليها(كل جامعة في أمريكا عندها كلية دراسات عليها
)

--------------------------------------------------------------------------------------------نيجي بقى للوقت اللي تراسل فيه
أحسن معاد تراسل فيه هو في آخر السنة من أكتوبر كدة يعني مثلا انت بتراسل من أول أكتوبر

2009(كل جامعة ليها معاد بس تقريبا


لهم في حدود ال3 أشهر اللي في آخر السنة) عشان لو اتقبلت تبدأ الدراسة على سبتمبر 2010
فطبعا لازم تكون ممتحن التوفل و ممتحن الجي أر إي(لو عايز تقدم في أمريكا) قبل الوقت ده بفترة كافيه و مجهز ورقك

تقريبا كل جامعة تراسلها هتكلفك حوالي 500 جنيه

--------------------------------------------------------------------------------------------
طيب هتراسل أنهي كليات

ده حسب التخصص اللي انت عايزه

Biochemistry and organic chemistry and analytical chemistry and microbiology are in the

faculty of science
يعني هتراسل كليات العلوم لو عايز تخصص من دول

Also there are biochemistry and microbiology and pharmacology in medical schools
ممكن في طب

medicinal chemistry,pharmaceutics,clinic al pharmacy,pharmacology in pharmacy
و طبعا صيدلة


biotechnology in biotechnology or faculty of science
الكلام اللي فات ممكن يكون فيه اختلاف في التقسيمات من جامعة لجامعة و من بلد لبلد

أنا بس اللي عايز أوصله إن المراسلة مش مع كليات صيدلة بس
--------------------------------------------------------------------------------------------
لو هتراسل أمريكا

https://consusrankings.com/2008/ 05/04/us-news-best-graduate-pharmacy-programs-2008/
اللنك اللي فات ده فيه ترتيب كليات الصيدلة في أمريكا

قدم بقى حسب تقديرك و حسب درجاتك في التوفل

معظم فرص الدكتوراة بتكون بمنحة يعني بتشتغل زي معيد كدة و بتاخد فلوس على الشغل ده بس طبعا لازم تجيب درجة عالية في الجي


أر إي و درجة عالية في التوفل و بالذات في جزء التحدث عشان إنت هتتكلم مع الطلبة الأمريكان

تقريبا الحد الأدنى إنك تجيب 23 من 30 في جزء التحدث هيختلف شوية من جامعة لجامعة


فيه جامعات أمريكية قليلة بتدي منح في الماجستير فلو درجتك في الجي أر إي مش قد كدة ممكن تقدم فيها

فيه ناس بتروح في الماجستير في جامعة أمريكية عادية يعني مثلا في الثلاثينات أو الأربعينات في الترتيب و يثبت نفسه



و ييجي في الدكتوراة يروح جامعة في أول خمسة أو عشرة
طبعا أنا هنا اتكلمت على كليات صيدلة أنا معرفش بقى ترتيب كليات العلوم في أمريكا مع الأسف بس أكيد مش هيكون

مختلف كتير عن كليات الصيدلة

للتقديم في باقي جامعات العالم ممكن تستعينوا بالترتيب العالمي للجامعات اللي موجود في الموقع ده



https://www.arwu.org/rank2008/E N2008.htm

و فيه كمان ترتيب حسب التخصص هنا


https://www.arwu.org/ARWU-FIELD2008.htm

اللي عايز يقدم ماجستير في أوربا ممكن يستعين بالموقع ده؛ لأنه فعلا موقع مفيد جدا


https://www.mastersportal.eu/

فيه جامعات كتير في أوربا بتدي الماجستير بالانجليزي زي ألمانيا و السويد و هولندا و فنلندا و الدنمارك و انجلترا و سويسرا
ده غير إن فيه بعض برامج الماجستير بيكون فيها منح


فيه دول زي ألمانيا و السويد و سويسرا الدراسة فيها ببلاش يعني كل التكلفة هتكون تكلفة السكن و الأكل و الشرب فلو حد قادر ماديا


على التكلفة لمدة الدراسة (سواء سنتين أو سنة) ممكن يقدم في البرامج اللي مش بتقدم منح للي بيتقبلوا
فيه بردو بعض الجامعات في أستراليا و نيوزيلندا بتقدم منح في الماجستيرو الدكتوراة على ما أتذكر


في كوريا الجنوبية إذا اتقبلت بتاخد منحة و المصاريف بتتشال و الدراسة بالانجليزي
في اليابان فيه منح بردو

فيه منح بتقدمها مصر زي


https://www.fulbright...rg/defaultF.asp

كل سنة بينزل اعلان عنها بس دي لأمريكا بس و بتقدم ورقك كله عن طريقها و هي بتقدملك في جامعات أمريكا كلها على ما أتذكر

وفيه موقع البعثات المصري ممكن ينفعكم بردو

https://www.mohe-casm...n_menu/Grants/G rants.jsp
فيه حاجات حلوة


و فيه بردو مؤسسة القلعة عشان لو حد اتقبل في جامعة و مجتلوش منحة هي بتديك منحة طوال فترة الدراسة بس لازم تكون مقبول
في جامعة ترتيبها عالي



https://www.citadelscholarships .org/

* ودي بعض الجامعات في بريطانيا بتدي منح ماجستير
*


http:/www.ed.ac.uk/schools-departments/medicine-vet-medicine


http:/www.gla.ac.uk/medicine

http:/www.dundee.ac.uk/medschool

http:/www.upol.cz

المصدر https://klmty.blogspot.com

 

 

[أحمد سيف]

يا سلام عليك يا دكتور محمد ... أستاذ ورئيس قسم فعلا ... أنا كنت لسه داخل أتكلم عن ال TOEFL والـ GRE لقيت حضرتك قدمت شرح مفصّل وشامل عنهم

أنا بعد إذنكم يا جماعه هغيب كام يوم لإن عندي سفرية لحضور مؤتمر علمي ... مفتاح المغارة عند شريكي وصديقي الأستاذ سلامه والبركة طبعا في دكاترتنا الأفاضل اللي مشرفينا

 

 

[Amro Elsayed]

اقتباس المشاركة الأصلية كتبت بواسطة أحمد سيف يا سلام عليك يا دكتور محمد ... أستاذ ورئيس قسم فعلا ... أنا كنت لسه داخل أتكلم عن ال TOEFL والـ GRE لقيت حضرتك قدمت شرح مفصّل وشامل عنهم أنا بعد إذنكم يا جماعه هغيب كام يوم لإن عندي سفرية لحضور مؤتمر علمي ... مفتاح المغارة عند شريكي وصديقي الأستاذ سلامه والبركة طبعا في دكاترتنا الأفاضل اللي مشرفينا

تروح و ترجع بالسلامع يا استاذ احمد

و منتظرين المزيد منك و من الاستاذ سلامه

عمرو

 

 

[أحمد سيف]

هستكمل النقطة اللي كنت بدأتها والخاصة بمراسلة الدكاترة والتقديم ... لكن قبل كده حبيت أدعو كل من شارك في الموضوع لإضافة نسخة من مشاركته الناحية الثانية حتى نحافظ على ترابط الموضوع في الناحيتين ... طبعا المسألة اختيارية تماما لكنها فرصة لمزيد من الإفادة والثواب لمن يرغب

نقطة مهمة في تحديد الجامعات والمشرفين المحتملين هي العلاقات ... إذا كان مشرفك الحالي أو السابق لديه علاقات مع دكاترة في جامعات غربية سواء عن طريق الدراسة السابقة أو العمل المشترك ووافق على الاتصال بهم لتزكية طلبك فإن ذلك يعطيك دفعة إضافية ويسهل قبولك ... هذا الاتصال اللي غالبا بيكون شخصي ومباشر ويختلف عن رسائل التوصية الرسمية وله غالبا مفعول أقوى ... لذلك يفضل أن تتصل بأساتذتك من أيام البكالوريوس والماجستير (اللي علاقتك كويسه بيهم طبعا) وتطلب منهم ترشيح مشرفين محتملين لك في الدكتوراه والاتصال بهم إن أمكن.

دلوقت حضرتك عملك Shortlisting لـ 10 أو 15 دكتور في جامعات أو أقسام مختلفة ... الخطوة التالية هي مراسلتهم للاستفسار عن امكانية قبولك كطالب في فريقهم البحثي ... ولإنه زي ما بيقولوا الانطباعات الأولى تدوووووم فلازم تكون مركز جدا في الخطوة دي ... يفضل إنك تكتب رسالة رسمية ( 10-12 سطر) تتضمن التالي:
- تعريف مختصر بنفسك (الاسم - المهنة الحالية - أعلى مؤهل)
- الغرض من الرسالة
- تبدي اطلاعك على واهتمامك بالمجالات اللي الدكتور شغال فيها ... وممكن تذكر له إنك قرأت له ورقة بحثية مثلا للتدليل على أهتمامك بعمله (وتكون قرأتها فعلا !!)
- تذكر له نبذة مختصرة عن خلفيتك الأكاديمية والبحثية... ممكن مثلا تذكر عنواين بعض الأوراق البحثية التي نشرتها أو عنوان رسالة الماجستير
- أيضا نبذة عن اهتماماتك والمجال اللي حابب تشتغل فيه وعلاقته بما درسته
- تعرض عليه تزويده بأية معلومات إضافية يحتاجها

مش محتاج أقول إن الرسالة لازم تكون خالية من الأخطاء الإملائية والنحوية ومكتوبة بأسلوب منظم واحترافي وجذاب ... ومافيش مانع ترفق معاها CV مختصرة أو نسخة من ورقة بحثية نشرتها لإبراز قدراتك في البحث والكتابة العلمية ... هتتبعث الرسالة على ايميل الدكتور مع title مناسب وتنتظر الرد

هناك عدة احتمالات :
- ممكن الدكتور يتجاهل رسالتك تماما وده أسوأ شئ ممكن يحصل لإنك في هذه الحالة مش هتعرف هل ده بسبب إنك ما عجبتهوش ولا لإنه لم يفتح الرسالة أساسا ... لذلك إذا مرت مدة كبيرة (شهر مثلا) دون أن تتلقى منه رد ممكن تستعبط وتقوم باعث نفس الرسالة مرة ثانية لكن تجنب الإلحاح
- ممكن يرد عليك ويقولك إنه مش مستعد يقبل طلاب جدد أو إنه ماعندهوش funds كافية أو إن المجال اللي اقترحته جديد عليه ومش عايز يدخل فيه أو إنه مش مقتنع بالـ Background بتاعتك ... في الحالة دي ممكن تستبعده وتبدأ تدور على حد ثاني في القسم لو مصمم تقدم على الجامعة دي
- ممكن يقولك ماشي قدم عادي زي أي طالب والقرار هياخذه القسم بناء على المعايير والتنافس بين الطلاب ... ويبقى كده ما قفلش الباب لكن مش متحمس أوي ليك.
- وممكن يبدي اهتمامه بطلبك وغالبا هيطلب منك معلومات ومستندات ثانيه ويتناقش معاك في النقطة اللي اقترحتها وفي الحالة دي تبقى السناره غمزت ويبقى في احتمال لابأس به إنه ياخذك ... ويتبقى بعد ذلك إجراءات القبول الروتينية ومسألة الـ funding لإنه هيبقى عايز يتأكد إنك استنفذت جميع الوسائل المتاحة أمامك قبل أن يمولك من ميزانيته.

عموما لا تتوقع انبهارا بمؤهلاتك وقدراتك وعودا بالقبول الفوري إلا إذا كنت معجزة ونزلت عليهم من السماء.

باقي نقطة مهمة وهي أنك يجب أن تقرأ جيدا سياسة كل قسم فيما يتعلق بالاتصال بالدكاترة ... هناك أقسام تشجعك على ذلك وأخرى تطلب منك صراحة عدم الاتصال المباشر بالدكاترة فيما يخص القبول ... وهناك زي ما ذكرت قبل كده أقسام عاملة آلية معينة للتقييم المبدئي فلازم تخلي بالك من الحتة دي.

الحلقة الجاية هتكون بإذن الله عن تقديم الطلبات والـ Statement of Objectives

أراكم على خير

 

 

[biopasha]

اقتباس المشاركة الأصلية كتبت بواسطة Moe الموضوع ده ممكن يكون اكبر قاعدة لكل أي شخص بيبحث عن دراسات عليا في كندا..منتظرين مداخلتك يا بيو باشا و تقولنا تجربتك .. ربنا يوفقكم جميعا الي ما يحب ويرضي

الله يكرمك يا دوكتورنا
وشكر خاص للموضوع الجميل الرائع دا ولك د/محمد وللافاضل اصحاب الموضوع احمد سيف وسلامة طارق مع حفظ الالقاب ..

طبعا في وجود د . جادوللي والاهلاوي الاصيل الواحد مش هينفع يقول بعدهم خصوصا في جامعات كيبك ..


واكيد ان شاء الله هيكون لي موضوع خاص لما تكتمل التجربة ..
لكن هحاول اتكلم عن الخطوط العريضة للتقديم والتعامل مع جامعة لافال :


وخصوصا انها حازت علي الترتيب الـ 110 في Ranking of World Universities

https://www.webometrics.info/top12000.asp?offset=100

.. بالاضافة انها اقدم جامعات كندا والجامعة الاولي الناطقة بالفرنسية في امريكا الشمالية ..


- التعامل معاهم كان عن طريق الايميل .. بصراحة التعامل غاية في الذوق والرقي ومحاولة المساعدة والخدمة قدر الامكان ..
- عجبني جدا فيهم المرونة في التعامل والسهولة والبساطة , يعني مش محتاجين توقيعك علي كل ورقة وتبعتلهم الورق ويرجع وتبعت تاني وهكذا .. لأ مفيش عندهم كدا, فقط يكفي ان تتعامل معهم عن طريق الايميل وتؤكد اختياراتك وتراسل الجميع ..



- شهادة بيان الدرجات وشهادة التخرج ( الورق وليست الكرتون ) وشهادة الميلاد مترجمة من وزارة الصحة وبنك درافت بـ 42 دولار كندي .. فقط هي كل طلباتهم وترسلها بالبريد السريع او اي شركة زي ارامكس مثلا وفي ظرف عادي كمان وليس ظرف مختوم من جامعة تخرجك ولا اي حاجة من كدة ..



- بمجرد استلامهم لورقك وقبول التقديم ( بيعملولك ايميل خاص بيك وكمان الدوسية بتاعك علي موقعهم تقدر تدخله وتتابع ملفك بنفسك - وبعد الاوفر اوف ادمشن بتدخل الـ كابسول ودي تقدر تتابع فيها بدقة كل حاجة عن ملفك ) ..
- اكتر حاجة تلفت نظرك انهم غايه في الذوق ومش بيطنشوا الايميلات وبيردوا عليها فورا قدر الامكان وفيه كمان حاجة مميزة لهم جدا تلفت نظرك فورا عند التعامل معاهم ...
دي بقي خلوها بعد الفاصل ..
عشان انا في الشغل دلوقتي هروح البيت واكمل من هناك ..

فاصل ونكمل

 

 

[salamatarek]

اقتباس المشاركة الأصلية كتبت بواسطة biopasha الله يكرمك يا دوكتورنا وشكر خاص للموضوع الجميل الرائع دا ولك د/محمد وللافاضل اصحاب الموضوع احمد سيف وسلامة طارق مع حفظ الالقاب ..

شكرا ليك يا بيو باشا وشكرا للدكتور محمد على معلوماتكم التى تثرى الموضوع حتى تعم الفائدةعلى الجميع ان شاء الله
مع تحياتى

اقتباس المشاركة الأصلية كتبت بواسطة أحمد سيف أنا بعد إذنكم يا جماعه هغيب كام يوم لإن عندي سفرية لحضور مؤتمر علمي ... مفتاح المغارة عند شريكي وصديقي الأستاذ سلامه والبركة طبعا في دكاترتنا الأفاضل اللي مشرفينا

تروح وترجع بالسلامة يا صديقى, وابقى احكيلنا بقى عن المؤامرة العلمية اللى انت هتشترك فيها لما ترجع باذن الله واهو كله بثوابه برضه

 

 

[biopasha]

تعامل معظمهم باللغة الفرنسية وفقط رغم اني احيانا اراسلهم بالانجليزية لأني متعود عليها اكتر لكن بيكون ردهم فرنسي وفيه منهم بيرد انجليزي وهو مكتب التسجيل اللي ارفع له القبعة تحية علي مجهودة معايا في الرد علي ايميلاتي الكتير اللي زهقتهم ومع ذلك بيستمروا في عملهم بنشاط وبيجابوا علي اسئلتك بالتفصيل مهما كانت ولو السؤال مش واضح بيستفسروا منك ..

احيانا بقول لو ليا اخويا هو الموظف المسؤل عن التقديم هناك مش هيتفاني في خدمتي اكتر من كدة .. تحية كبيرة لهم الحقيقة


نرجع تاني للغة بصراحة انا كنت براسلهم بالفرنسي في الاول , لكن لقيت الدكتور المشرف بيراسلهم بالانجليزي والمفاجأة انهم بيردوا عليه بالفرنساوي وهو يرد بالانجليزي ويردوا فرنساوي وهكذا ..


قولت اشمعنا انا يعني وبدأت اراسلهم انجليزي وبس
ولكن الموظفين في الاقسام الدراسية لازالوا يصروا تماما علي استخدام الفرنسية بخلاف الدكاترة ومكتب التسجيل اللي بيستعملوا الانجليزي والفرنسي حسب لغة رسالتك .

موضوع اللغة دا بالذات خلاني اتأمل كتييير في حال بلادنا هنا .. انه في بلادنا لايشترط اللغة العربية للوافدين للعمل في البلاد العربية ودول الخليج بالتحديد مثل الوافدين من دول شرق اسيا وبيتكلموا انجليزي واحيانا بيفرضوا مصطلحات من لغاتهم علي اللغة العربية حتي اصبحت مسخ لغة ( الي الامام = سيدا , كم السعر = كتنا ... وهكذا ) ..
وغيرهم حتي من الغربيين عند زيارتهم للبلاد العربية يفترضوا ان الانجليزية هي اللغة الام حتي في عُقر الديار العربية .

المهم نرجع تاني للجامعة ..

اهم حاجة بعد تقديم الورق انك تبحث علي دكتور.. يعني تراسل الدكاترة في كل الكليات ذات الصلة بمجالك قدر الامكان وبيكون في صفحة للاعلان عن الوظايف او الامكان الخالية في معامل الدكاترة لعمل الماستر او الدكتوراة او غيره .. الصفحة دي تحت عنوان
Trouvez votre projet de recherche .. في الصفحة دي الدكاترة بيكتبوا اعلاناتهم عن احتياجهم لطلبة للدراسة في مراحل معينة خصوصا الماستر او الدكتوراة كما ذكرت ..

بالنسبة لجامعة لافال الصفحة دي هنا ..

https://www.futursetudiants.ulaval.ca..._de_recherche/


طولت عليكم .. اسيبكم دلوقتي عشان متزهقوش وان شاء الله هعمل موضوع خاص عند الوصول لكيبك والاستقرار تكون التجربة اكتملت ونضجت كمان

في حفظ الله

 

 

[salamatarek]

انا عارف ان فى ناس وقعت مننا فى النص وفيه كلام مش مترابط مع بعضه, علشان كده احب الخص الموضوع فى كام نقطة وبعد كده هنكمل المشوار:

1- التعرف على الجامعات الكندية والمقارنة بينها بواسطة الرابط الذى وضعته من قبل والبدء فى البحث عن القسم العلمى المطلوب الدراسة فى اى جامعة وعلى اسماء الدكاترة اللى لهم نفس التخصص بتاعى, ومعرفة مواعيد اخر توقيتات ممكنة لاستلام اوراق التقديم فى كل جامعة.

2- وعلى التوازى يلزم معرفة الاختبارت المطلوبة من اى جامعة او تخصص مثل اختبارات اللغة وخلافه للبدء فى كورسات لها والبدء فى الدخول لهذه الامتحانات للحصول على الدرجات المطلوبة.

3- التعرف على التقدير المطلوب لكل جامعة وكل تخصص والبدء فى استبعاد الجامعات التى تطلب تقديرات اكبر من تقديرى سواء فى البكالريوس او الماجستير ( والنقطة دى هتكلم عنها بالتفصيل لاحقا)

4- حصر الجامعات اللى ممكن الواحد يقدم فيها وحصر الدكاترة اللى شغلهم قريب من مجالى , والجامعات اللى اقدر اوفى متطلباتها من التقديرات والامتحانات المختلفة.

5- البدء فى ارسال ايميلات الى الدكاترة المعنيين واحنا بنشرح باختصار مؤهلاتنا وخبراتنا ونوايانا فى الدراسة وتقديراتنا فى الكلية والدكاترة اللى اشرفوا علينا فى الماجستير مثلا , ودرجاتنا فى امتحانات اللغة, واوراقنا البحثية المنشورة.

6- انتظار رد الدكاترة حتى يوافق احدهم او بعضهم على انك تكمل دراستك العليا معاه.

7- ارسال الابليكاشن الى الجامعة مع كل المرفقات المطلوبة.

8- انتظار ال letter of acceptance من الجامعة وده غالبا ببيبقى قبل شهرين او ثلاثة من بداية الفصل الدراسى لاعطاء بعض الوقت للحصول على فيزا الطلبة من السفارة الكندية اللى غالبا بتاخد شهر وساعات اقل من كده او اكتر ولكن ينصح دائما بالتقديم قبل موعد الدراسة بشهرين لتلافى حدوث اى تاخير.

9- التقديم على فيزا الطلبة فى السفارة مدعمة بجواب موافقة الجامعة وموضحة لحالة المتقدم المادية سواء فى حصوله على منحة او خلافه.

10 – الحصول على الفيزا والسفر.

طبعا احنا اتكلمنا شوية عن اول نقطتين وممكن اكمل كلام فيهم شوية وسنستعرض كل نقطة من النقاط العشرة لاكمال الدراسات العليا فى الجامعات الكندية سواء الماجستير او الدكتوراه بالتفصيل , ولكنى هبدأ اتكلم من النقطة الثالثة لان اول نقطتين اتكلمنا عنهم وفى النص ممكن ازود كلام عنهم ان شاء الله.

مع تحياتى

 

 

[salamatarek]

اقتباس المشاركة الأصلية كتبت بواسطة biopasha طولت عليكم .. اسيبكم دلوقتي عشان متزهقوش وان شاء الله هعمل موضوع خاص عند الوصول لكيبك والاستقرار تكون التجربة اكتملت ونضجت كمان في حفظ الله

واحنا نقدر نزهق منك برضه يا بايو باشا, بس لو سمحت انا فى نقطة عايز حضرتك لو تكرمت تركز لنا عليها لاهميتها و لتجربة حضرتك فى جامعات كيبك على وجه التحديد مع العلم انى اعرف قدر من المعلومات فى هذا الخصوص ولكن تجربة حضرتك فى كيبك ممكن تساعد فى النقطة دى وهى كما يلى:

ما هى الجامعات الموجودة فى كيبك والتى تسمح للطلبة بالدراسة فى الدراسات العليا فيها باللغة الانجليزية ؟

مع تحياتى

 

 

[Amro Elsayed]

ما شاء الله والله الموضوع فعلا مهم و التفاصيل كلها موجوده و مفيده شكرا ليكم جميعا

عمرو