مطبخ بنت البلد

[بنت البلد]

الصحف المصرية والعربية

دعوه لموضوعي

عدسة بنت البلد

صباح عضوات المطاريد ورد







اليوم أحببت أن أختلى بجزء من مطبخ الجبل

وأجيب عدتى وأقعد هنا


أنا ديماً بحب تكون فيه تربيزه فى المطبخ

لأن حلو أن جارتك تقعد على الطاوله ترغى وأنتى بتطبخى أو نتكلم ونم على حد ههههه

أو نولع السبرتايه ونشرب فنجانين قهوه على بال مايخلص الأكل على النار

ولأن طاولتى فاضيه مفيهاش صحبه قلت أنتو صحبتى

تقعدوا معايا فى المطبخ

مش حنم ( لكن ممكن مفيش مانع )

لكن حنتكلم فى الأصناف وطرق الأطباق الحلوه
وكمان فى الأسرار

يعنى أكيد لو بتعملى طبق حلو قوى يبقى أكيد فيه سر

أنتى بس اللى تعرفيه وهنا ياريت تقوليه

.. حماتى الله يرحمها كانت البسله بتاعتها حلوه قوى

ناكل ونقول كمان وأنا بينى وبين نفسي اقول بسلتها

مسكره بجد وبسلتى لا ليه

لغايه معرفت منها أنها بتحط معلقة صغيره سكر عليها

بس بعد أيه قالت ليا السر

عايزين هنا نعرف أسراركم وتعرفوا أسرارى

أيه رأيكم

مين هنا حيكون معايا

وأعمله أحلى فنجان قهوه الصبح

المهم يكون معايا صحبه فى المطبخ

صباحكم سعيد

 

[hend]

طب يا ريت أنا والله محتاجة اسرار الطبخ أنا دائماً جوزي يعلق علي اكلي خصوصا في العزومات يقولي انت مبتنوعيش يعني مش قصده علي عدد الأصناف لا قصده علي طريقة الطبخ دائماً اسلق اللحوم وبالشوربة اعمل نوع خضار ولو في عزومة اعمل صينية جلاش او مكرونة بالبشاميل ودائما مش بكون راضية عن المكرونة حتي لدرجة أني مش بحب اعزم حد بس بحب اتعزم

 

 

[مزاياإنسانة]

ياسلاااااام ياسلاااااااام

مطبخ جميل ونظيف وكل حاجة بتلمع

مشاء الله تبارك الله

أنا جاية وجايبة معايا ترمس القهوة العربية نشرب سوا إتفضلي ياهند دوقي قهوتي



أما الأسرار بصراحة بصراحة ماعنديش أسرار
ولاحاجة ويمكن يكون عندي حاجة بس أنا مش عارفة
أصلي لما حد بيسألني بتلخم وأبقى زي الهبلا
لأنو أتوقع أن اللي بنعمله عادي كل واحدة بتحب الطبيخ
أكيد حيكون لها نفسها المميز فيه
وإستنوا يمكن ينزل عليه إلهام من السماء ويطلع عندي أسرار
يضع سره في أضعف خلقه

 

 

[hend]

أنا نفسي اعمل الهامبورجر في البيت وكمان الفراخ المشوية بس الفراخ بدات ازهق منها عندكوا طعم جديد بس مش بانيه لاني محتاجاها في عزومة

 

 

[بنت البلد]

دعوه لموضوعي

عدسة بنت البلد

أعتذر عن التأخير

منورين المطبخ ياهند ومزايا

هند شئ طبيعى أن ساعات الأيد نفسها اللى بتطبخ بتكون واخده على حجات معينه بنعملها من غير تفكير
لكن لو أنتى عايزه تغيرى أعملى خريطه أكل

أكتبى الأصناف اللى ممكن تكون حاسه ان طريقتها كويسه

جربى أكلات جديده مننا هنا

حددى طبخاتك وأصنافك طول الأسبوع يعنى ممكن مرتين فى الاسبوع لحمه

ومره فراخ

ومرتين سمك

ومره حجات حلوه من اللى بنحبها ( مسقعه - قرنبيط مقلى - بطاطس بوريه - صنية عجه - عدس بأشكاله )

ويوم مفتوح تعملى فيه اللى بيحبوه الأولاد وزوجك

تحديد الخريطه حيخليكى تختارى وتجددى فى عمايل الأصناف

رجعالك بالفراخ المشويه بعد شويه

مزايا

صبى القهوه

أنا مدمنة قهوه عربية

كل وحده قهوتها حلوه عندى فى الشغل تقولى اصلى جيبها من السعوديه

ايه موضوع القهوه عندكم

وبتعمليها ازاى



عجبانى سنفوره قوى

 

 

[بنت البلد]

دعوه لموضوعي

عدسة بنت البلد

هند حديكى خلطة للفراخ اللى حتتشوي بتبقى حلوه جداً

الفراخ بعد ماتخليهامن العظم

ترشيها فلفل أسودوشويه فلفل حار


وتجهزى الخلطه اللى هيه

علبةزبادى راسين بصل

وكام فص توم - و3 ملاعق طحينه وليمونه كبيره

وزيت زيتون

ولو عندك صويا صوص حطى معندكيش مش ضرورى





وتتبليهافى الخلطه كويس من بالليل وتقفلى عليها

وحطى كام عود بقدونس فوقها ( بتفتح نفس اللى بيشوى ) وبتديله ريحة حلوه

طبعاً ممكن تدخلى السكينه من ظهرها وتفتحيها بدون ماتشيلى العظم وتتبليها

ولو حتخلى برضه لازم السكينه تشقى من الظهر

وتمشي ورا العظم شويه شويه تفصلى عن اللحم

 

 

[مودة]

دعوه لموضوعي

مدونة مودتي بلا حدود

بنت البلد مطبخ جميل ودافي
انا بجد زهقت من الطبيخ والمطبخ وكل الحاجات والمحتاجات
حاجي بس معاكم اسمع وادردش
ويمكن لما تتفتح نفسي اقولكم على شوية اسرار مطبخية
هاتوا بقى القهوة العربي والتمرة
اه






نفسي اتفتحت اقولكم على طريقة تمرة للقهوة جميله جدا وخفيفة
بتجيبي التمر وتشيلي منه النواة
وتعجيني بشوية زيت عافية صغيرين بس عشان يطريه ويلمع ويبقى سهل انه مايلزقش في الايد
وتحمصي شوية لوز بعد ماتسلقيه وتقشرية وتكسريه حتت كبيره بهون مش بالخلاط
وشوية كورن فليكس
وتعجنيهم مع التمر بس بالراحة عشان الكورن فليكس مايتفتفتش جامد
وتبداي تشكليه كور صغير
وتغطي الكور بسمسم محمص
وفي كل وحده حطي خلة اسنان ورصيها في طبق التقديم
وبالهنا والعافية
مشكلتي مش يحب اصور الاكل

 

 

[مزاياإنسانة]

كتبت رد طويل عريض وطااااار


المهم الآن دي طريقتي في القهوة العربية ومن مطبخي الخاص
يعني مش منقول
وهي قهوة بدون إضافات أخرى بقولكم على الإضافات بعدين


طريقتي دي طبعا برضه نزلتها في الواحة المصرية وكانت حصرية للواحة المصرية
بس كنت لسة مابعرف أكتب إسمي ببرنامج الرسام
مع أني لقيت منتديات عضوات كتير سارقين الصور بتاعتي وشايلين إسمي من عليها

نقول بسم الله

 

 

[مزاياإنسانة]

نبدأ بسم الله وعلى بركة الله


المقادير طبعا واضحة
فنجان قهوة بن
ملعقتين صغيرة هيل
5أعواد مسمار (قرنفل )
ممكن إضافة زعفران مع الهيل أو يطحن مع القهوة لو كان من النوع الأصلي


أولاً أنا أعيد تحميص القهوة في إبريق القهوة عالسريع عشان تاخذ ريحة من جديد وتبقى فريش




بعد كدة نضيف الماء المغلي
للقهوة ونحطها على النار وتكون نار متوسطة حتى تغلي القهوة بطريقة مناسبة من غير ما توسخي الفرن
ولأنه لو النار هادية القهوة لونها يبقى وحش




بعد كدا نخليها تغلي مدة 15دقيقة وفي أثناء الغليان نضيف أعواد القرنفل وممكن ملعقة حليب للي يحب أنا ماحطيت

ولما تخلص الربع ساعة غليان
حيكون شكل القهوة زي كدا ذهبي على بني مصفر




بعد كدا نضيف الهيل أو الحبهان زي ماتقولوا


ونخليه يغلي غلوتين ثلاث بسسسسسسس مش أكتر




بعد ين نطفي النار ونخلي الأبريق مدة 3دقائق عشان تنزل حبيات القهوة تحت من الفوران

وبعد كذا نصفيها بالمصفاية في ترمس القهوة (بديل الدلة حالياً)





يتبع باقي الطريقة

 

 

[مزاياإنسانة]

بعد كذا نحط الترمس في صينية التقديم ومعها أنواع الحلا المرغوب أنا بقى مش صديقة الحلويات<<إحلفي

أنواع من البقلاوة

صورة من قريب للقهوة

الكمية للقهوة واحد لتر وشوية زيادة عشان محطون القهوة حياخد مية مش نقدر نخلصها منه

وماعليش سامحوني التصوير بالليل ومش أد كده عشان الأضاءة سبوت لايت والمطبخ فيه ديكورات مظلمة على التصوير
طبعا هذي قهوتي أنا وأولادي التقديم بيختلف لما بيكون فيه ضيوف
وحسب الضيوف هل هم من العائلة اللي متعودين على البيت أو ضيوف رسميين
وبسسسس دي الطريقة المبسطة والأصلية للقهوة السعودية