Arabic Discussion Forum with a Special Interest in Travel and Immigration

FINETOUCH · 18th February 2009, 09:46 AM

هديه لكل المطاريد
طريقه عمل البيض المشوى

سهله جدا بس بتاخد وقت شويه زياده عن البيض المسلوق
عدد بيض حسب المطلوب وكسروله صغيره ويادوبك مياه تغطى البيض وتضعها على نار هاديه لانك مش مستعجل وحا تقعد شويه على النت على ما البيض يستوى
تفتح المنتدى او اى مواقع تعجبك وتشدك
تنسى البيض على النار
اول ما تسمع فرقعه وتشم ريحه شياط
يبقى كله تمام
تروح المطبخ تلاقى المياه نشفت والبيض اتشوى و انفجر والكسروله اسودت
ترمى محتويات الكسروله و تبقى مش عارف تخبيها من مراتك فين
وبالهنا والف شفا

بندق · 18th February 2009, 09:56 AM

:h ysterical:

بس فيه بيض مشوى فعلا .. زمان كان بيتحط فى الفرن من تحت (الفرن البلدى) دقايق يبقى مشوى

الكهربا مفصولة والدنيا ضلمة وبأكتب على حفظ مكان الحروف

Batman · 18th February 2009, 11:48 AM

اقتباس

المشاركة الأصلية كتبت بواسطة FINETOUCH


	هديه لكل المطاريد طريقه عمل البيض المشوى سهله جدا بس بتاخد وقت شويه زياده عن البيض المسلوق عدد بيض حسب المطلوب وكسروله صغيره ويادوبك مياه تغطى البيض وتضعها على نار هاديه لانك مش مستعجل وحا تقعد شويه على النت على ما البيض يستوى تفتح المنتدى او اى مواقع تعجبك وتشدك تنسى البيض على النار اول ما تسمع فرقعه وتشم ريحه شياط يبقى كله تمام تروح المطبخ تلاقى المياه نشفت والبيض اتشوى و انفجر والكسروله اسودت ترمى محتويات الكسروله و تبقى مش عارف تخبيها من مراتك فين وبالهنا والف شفا

بالهنا والشفا ايه بس ؟؟ .. مش هايلحق

دي طريقة عمل الزوج المشوي

toota · 18th February 2009, 01:04 PM

ياااااااااااااااااااااه ...دانا اكلت بيض مشوي لما اتهريت.....اول مره كانت لما كنت في بيت اهلي لسه....امي الله يرحمها حبكت تقومني عن المسلسل الا وراسها والف سيف اسلق بيض....قمت حطيت البيض على النار...شويه ونسمع فرقعه تقولش قنابل..قلنا بس فيه غارة....

وشويه نشوف ونشم ريحة شياط..جري ع المطبخ....اتارييني من صربعتي...محطتش نقطة مية توحد ربنا....ايييييه كانت ايام....

اما اليومين دول...فمتعدش...اشي ابريق يفضل يغلي لحد ماتنشف الميه سبع تمان ساعات..اشي بيض يفرقع...يعني من كله....الحمدلله ...مبقاش عندي كزرونات....

بفكر اعمل حملة تبرع اسمها اتبرع بكزرونة ...تكسب دعوة مجاني ممكن توديك مارينا

nash · 18th February 2009, 02:56 PM

أنتوا ماسمعتوش عن ماكينه سلق البيض ؟

toota · 18th February 2009, 02:57 PM

اقتباس

المشاركة الأصلية كتبت بواسطة nash


	أنتوا ماسمعتوش عن ماكينه سلق البيض ؟

بيقولك شوي البيض....مش سلق...

شينكاوي · 18th February 2009, 03:07 PM

جامدة يا ابوي تاتش

توتا وناش إرحمونا ورجعوا الصور الأصلية

nash · 18th February 2009, 03:12 PM

تؤ ماليش مزاج

طيب ممكن بعد أذنك تخليها تجيب حاجتي الأول ؟

شينكاوي · 18th February 2009, 03:14 PM

اقتباس

المشاركة الأصلية كتبت بواسطة nash


	تؤ ماليش مزاج طيب ممكن بعد أذنك تخليها تجيب حاجتي الأول ؟

طيب انتي مين فيهم الأول ؟؟؟؟؟؟؟؟؟؟؟؟؟؟

toota · 18th February 2009, 03:14 PM

اقتباس

المشاركة الأصلية كتبت بواسطة شينكاوي


	جامدة يا ابوي تاتش توتا وناش إرحمونا ورجعوا الصور الأصلية

وربي مانا مرجعة الحاجة الا ما ترجعلي حاجتي الاول......

حاخد بس 50 الف جنيه يورو اخضر

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
مرتضى فى الحج	خمسة فرفشة	ysma	1	1629	1st October 2014 12:08 AM
يبقى ايه معناه ده	إقتراحات ... مشاكل تقنية	NazeeH	9	2274	11th August 2014 01:52 AM
غاز غزه	فلسطين أرض الرباط	أسامة الكباريتي	4	3961	3rd August 2014 06:18 PM
نظام الامارات وصبيان بنى دحلان	المفسدون فى الأرض	خالة عواصف	5	2141	31st July 2014 08:23 PM
متى اضع البياده تعرفونى	أدب وشعر وقراءات متنوعة	طارق السعد	2	1128	10th June 2014 05:53 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رائحة البيض الفاسد "علاج" للعجز الجنسي	toronto	أخبار علمية واستشارات تخصصية	0	10th March 2009 07:16 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

شؤون المطبخ

طريقه عمل البيض المشوى