المنزل الصينى ...!! هل سيحل مشكلة اسكان الشباب ؟

[أحمد باشــا]

الصحف المصرية والعربية

قد تدهشون لو عرفتم ان صناعة المنازل الجاهزة كانت موجودة في مصر من فترة طويلة جدا و أشهرها كانت منازل خشبية سابقة التجهيز تنفذها شركة البنا و هي نفسها شركة صناعة اعواد الثقاب ( الكبريت ) بمحرم بك التي أممت بعد الثورة .. و لم تكن هي الوحيدة في مصر

و في السبعينات بدأت صناعة المباني سابقة التجهيز و تم إنشاء مناطق سكنية كاملة بدأت بإسكان ضباط القوات المسلحة بمناطق عديدة حول القاهرة و الأسكندرية و غيرها و أولى الشركات كانت شركة حسن علام بالأسكندرية تلتها شركة أيوبكو

النموذج اللي موجود في الكليب ده اصلا بتاع شركة ألمانية كانت بتسوقه في الخليج ... الظاهر الصين قلدته

المباني سابقة التجهيز انواع و طرق كثيرة جدا ... اذدهرت صناعتها جدا بعد الحرب العالمية الثانية حيث كان الطلب ملحا للتعمير على مستوى واسع في وقت قليل و تكلفة معقولة

و من أفضل ما تم في هذا المجال هو إعادة بناء موسكو بعد الحرب و هو يعتبر مثال ناجح جدا في هذا المضمار

و ربما لهذا ارتبط نظام الإنشاء سابق التجهيز بالفكر الشيوعي أو الإشتراكي و لم يلق رواجا مماثلا في دول الغرب الرأسمالية

من المعماريون المتميزون في هذا المجال المعماري الإسرائيلي موشيه صفدي الذي صمم و نفذ مساكن بكندا و أمريكا و مستوطنات عديدة بإسرائيل و آسيا



حاليا هناك مساكن تباع في أمريكا بنظام " إصنعها بنفسك " حيث يمكن شراء منزل مفكك و يتم تركيبه ... و هناك منازل كاملة تورد محملة على سيارات يتم رفعها و وضعها بالموقع

من المشاكل التي تعوق إنتشار هذه الصناعة بمصر عدة أسباب ... أولها ان مصر غير منتجة للأخشاب و تكلفة استيراده اصبحت كبيرة و المساكن الخشبية الجاهزة هي النوع الأكثر ملائمة لمصر من حيث المناخ ... فاللدائن مثل النموذج الموجود بالفيديو و نظام الساندويتش بانلز غير ملائمان للمناخ بمصر و يتطلب وجود أجهزة تكييف باهظة الثمن و التكلفة بالإضافة لعدم ملائمة الطابع المعماري

لكن فكرة إقامة مدن سكنية كاملة بمصر بنظام سبق النجهيز ممكن جدا بإستنباط طرق تلائم مصر من حيث المناخ و التكلفة و الطابع و الخامات المتوفرة .... و أعتقد أنه يمكن المزج بين نظريات حسن فتحي في عمارة الفقراء و تكنولوجيا سبق التجهيز في تنفيذ هذا ... و كان هناك موضوع عن ذلك في منتدى الواحة قطعنا به شوطا و لم يستكمل للأسف

 

 

[أحمد باشــا]

نظام الساندويتش بانلز اللي موجود بمصر و اعتقد ان اول شركة انتجته في السبعينات و ما تزال كانت شركة آيكون و هي احدى شركات المقاولون العرب لا يعتبر مساكن سابقة التجهيز ... لكنه صناعة عناصر معمارية سابقة التجهيز ... لأن المساكن سابقة التجهيز تصنع شبه كاملة بالمصنع و يتم فقط التركيب و التشطيب بالموقع و هذا يحقق أقصى جودة و أقل تكلفة

هناك طرق أخرى في الإنشاء توفر في الوقت و تحقق جودة أعلا و تم استخدامها على إستحياء في مصر و لم تنجح تقريبا منها طريقة الليفت سلاب و طريقة التانل فورم و تصلحان اساسا لبناء ابراج معمارية عالية

الليفت سلاب يتم فيها إنشاء كور " قلب " إنشائي مثل السلالم و المصاعد و الخدمات بوسط المبنى بطريقة الصب المستمر التي تستعمل في إنشاء الصوامع ثم يتم صب كل الأسقف على الأرض الواحد فوق الآخر يفصل بينهما عازل من البولي إيثلين ثم يتم رفعهم بواسطة مكابس هيدروليكية عملاقة ليتم تركيب أعمدة كل دور و يثبت عليه سقفه و هكذا

اما طريقة النانل فورم فهي تعتمد على تصميم يسمح بتصنيع قوالب صب خرسانة الأسقف و الحوائط معا و تكون على شكل نفقي و يتم سحب الشدة أفقيا ( جانبيا ) و تنظم بحيث يكون هناك طقمان للشدة احدهما تم الصب فوقه و يركب الثاني مباشرة بعد الصب فوقهم ليصب السقف الذي يعلوه ثم يسحب السفلي ليستخدم اعلا و هكذا

 

 

[تصحيح]

دعوه لموضوعي

مصر المستقبل - الرؤيا

البريكاست precast هي مباني خرسانية سابقة الصب بالمصنع و يتم تركيبها بالموقع

البريفابprefabricated هي مباني ليس بالضرورة ان تكون من الخرسانة و ربما تكون من الأخشاب او القوم المضغوط أو أي مواد أخري يتم تصنيعها وفقا للتصميم بالمصنع ثم يتم تركيبها بالموقع

المنزل الصيني بالفيديو يبدو انه انه من النوع الثاني بريفاب واضح من الكليب أن المواد المستخدمة بالحوائط و الأسقف خفيفة للغاية و ربما تكون من مادة شبيهة بالطوب الخفاف و قد تكون مسلحة تسليح خفيف لمنع التشققات و حسب ما يتوصل اليه المهندس المصمم

و يجب ان يتم التصميم و البناء وفقا لمعايير السلامة و المتانة و مقاومة الرياح و العوامل الجوية و الا فقد البناء اهم جزء من مكونات العمل المعماري

اتفق المعماريون علي ان العمل المعماري يجب ان يلبي :

1. لوظيفة

2. المتانة

3. الجمال

4. الاقتصاد

المسكن الصيني و حسب ما رأيناه بالكليب ناجح تماما و حتي جزئية المتانة و الاستدامة يمكن مراجعتها من خبراء المواد و المهندس الإنشائي و معالجة العيوب لتناسب بيئة موقع العمل

 

 

[Remooo]

اقتباس المشاركة الأصلية كتبت بواسطة ehabtaher يعنى ايه سوء المصنعيه المفروض الشركه تعمل دورات لتعليم الناس هذا النظام مجانا مثلا فى شركه مقاولات التى تتبنى هذا النظام ... ويكون واحد من الشركه يشرف على الانشاءات لضمان التركيب بالمواصفات المطلوبه والموضوع ده حا يخلى النظام ينتشر وبالتالى الشركه تكسب تقريبا الشركه تسويقيا غير ناجحه لان ما سمعتش عن الشركه كتير

ومين قال ان الشركة ما بتعملش كده ؟
لكن هو السيستم هايتركب وخلاص على كده
الشركة هاتقولك ده بيتعمل من ايه.. و بيتركب ازاى.. وايه الوحدات الموجودة..مقاساتها.. واستخداماتها وتضمنلك خواصه باختبارات كذا وكذا ..طبقا للكود الفلانى..وتدربك على التركيب
طبيعى وخاصة لو السيستم مش منتشر بدرجة كبيرة
الله...هو فيه حد بيدفع تمن حاجة هو مش عارف هايستعملها ازاى
بس الشركة مش هاتقف على ايد بتاع المحارة ولا بتاع الشوت كريت اللى المقاول جايبه فى كل مشروع ولا مقاولين الكهربا ولا الصحى
اللى بيشتغل بغشامة اهو يفتت الفوم، يكسر الشبك الحديد
شبك الحديد وارد يتكسر فى مكان ما فى الحائط مثلا والناس تطرطش على الفوم عادى ولا كأن حاجة حصلت
انا شفت حائط بعد ما اتركب اتفتت الفوم بتاعة راحه جايبين كسر فوم من بقايا وحدة تانية وحشوها والله زى ما بحشى حاجة بورق جرايد
ويللا ها تتساوى مع البياض...طب ده عيب شركة مصنعة او موردة؟
هاتقولى ما العيب على التنفيذ ...هاقولك ماشى ...
على الاستشارى.. تمام
ومن هنا يفضل سوء المصنعية اللى انا بقول عليه...

اقولك على حاجة تانية
الناس عندنا شغالة خرسانات ومبانى من امتى
مواد تقليدية اهى ومع ذلك لحد النهاردة اخطاء ملهاش اخر
يبقى اذن العيب مش ان المنتج جديد او انه مش بيستعمل بكثرة زى الخرسانات التقليدية
الفهلوة والضمير عليهم عامل كبير


بس انا معلوماتى يا دكتور ايهاب انك طبيب ولا انا غلطانة
لكن لو حضرتك دكتور مهندس يبقى تمام اوى
نحب ان حضرتك تقولنا على كل الشركات والمنتجات اللى حضرتك تعرفها وسمعت عنها
بحكم خبرتك الهندسية لاننا هانستفاد منها كتير جدا
لان زى ماحضرتك عارف فى مجالنا اللى يشتغل حاجة واللى يقرا من على النت حاجة تانية
ومشكور جدا على الرد

 

 

[bond]

قاعده لوحدك ليه ياريم انتى مستخبيه فى البيت الصينى ليه

 

 

[Remooo]

اقتباس المشاركة الأصلية كتبت بواسطة bond قاعده لوحدك ليه ياريم انتى مستخبيه فى البيت الصينى ليه

ازيك ياباشا
فين الابداعات

 

 

[bond]

شوفى المشاركات الجديده حتلاقى خير
منوره يا ريم

 

 

[Remooo]

اقتباس المشاركة الأصلية كتبت بواسطة أحمد باشــا نظام الساندويتش بانلز اللي موجود بمصر و اعتقد ان اول شركة انتجته في السبعينات و ما تزال كانت شركة آيكون و هي احدى شركات المقاولون العرب لا يعتبر مساكن سابقة التجهيز ... لكنه صناعة عناصر معمارية سابقة التجهيز ... لأن المساكن سابقة التجهيز تصنع شبه كاملة بالمصنع و يتم فقط التركيب و التشطيب بالموقع و هذا يحقق أقصى جودة و أقل تكلفة

تمام هى وحدات سابقة التجهيز بالمصنع
تركب وتشطب بالموقع
ولكن لايقتصر دورها على كونها وحدات معمارية فقط
لانه يتم بها انشاء عناصر انشائية كالاسقف والارضيات وانظمة الدرج كاملة
للمبانى متعددة الادوار
بالاضافة للعناصر الاخرى المعمارية مثل كرانيش الواجهات
والحوائط طبعا
حتى بيارة الصرف رايتها منفذة من هذا النظام باحد المواقع
تقبل تحياتى

 

 

[Remooo]

اقتباس المشاركة الأصلية كتبت بواسطة bond شوفى المشاركات الجديده حتلاقى خير منوره يا ريم

استر يارب

 

 

[ehabtaher]

اقتباس المشاركة الأصلية كتبت بواسطة ريم رجب ومين قال ان الشركة ما بتعملش كده ؟ لكن هو السيستم هايتركب وخلاص على كده الشركة هاتقولك ده بيتعمل من ايه.. و بيتركب ازاى.. وايه الوحدات الموجودة..مقاساتها.. واستخداماتها وتضمنلك خواصه باختبارات كذا وكذا ..طبقا للكود الفلانى..وتدربك على التركيب طبيعى وخاصة لو السيستم مش منتشر بدرجة كبيرة الله...هو فيه حد بيدفع تمن حاجة هو مش عارف هايستعملها ازاى بس الشركة مش هاتقف على ايد بتاع المحارة ولا بتاع الشوت كريت اللى المقاول جايبه فى كل مشروع ولا مقاولين الكهربا ولا الصحى اللى بيشتغل بغشامة اهو يفتت الفوم، يكسر الشبك الحديد شبك الحديد وارد يتكسر فى مكان ما فى الحائط مثلا والناس تطرطش على الفوم عادى ولا كأن حاجة حصلت انا شفت حائط بعد ما اتركب اتفتت الفوم بتاعة راحه جايبين كسر فوم من بقايا وحدة تانية وحشوها والله زى ما بحشى حاجة بورق جرايد ويللا ها تتساوى مع البياض...طب ده عيب شركة مصنعة او موردة؟ هاتقولى ما العيب على التنفيذ ...هاقولك ماشى ... على الاستشارى.. تمام ومن هنا يفضل سوء المصنعية اللى انا بقول عليه... اقولك على حاجة تانية الناس عندنا شغالة خرسانات ومبانى من امتى مواد تقليدية اهى ومع ذلك لحد النهاردة اخطاء ملهاش اخر يبقى اذن العيب مش ان المنتج جديد او انه مش بيستعمل بكثرة زى الخرسانات التقليدية الفهلوة والضمير عليهم عامل كبير بس انا معلوماتى يا دكتور ايهاب انك طبيب ولا انا غلطانة لكن لو حضرتك دكتور مهندس يبقى تمام اوى نحب ان حضرتك تقولنا على كل الشركات والمنتجات اللى حضرتك تعرفها وسمعت عنها بحكم خبرتك الهندسية لاننا هانستفاد منها كتير جدا لان زى ماحضرتك عارف فى مجالنا اللى يشتغل حاجة واللى يقرا من على النت حاجة تانية ومشكور جدا على الرد

مش عارف ليه انا حاسس بنبره نرفزه او حده فى الرد
علشان كده الشركه الصينى ماعملتهاش على مرحلتين .. مرحله الحديد الشبك ومرحله الحشو
راحت عامله الحائط بالكامل انت تركبه فى مكانه وخلاص .. سمك مختلف وانت تقص وتركب وتحط فوق بعضه وهى بتدافع عن صناعتها وتقول انها متينه ومش محتاجه حديد وخلافه .. طيب انا بس عايز اعرف حاجه ... فى الاطراف .. ايه اللى بيحكم ربط الحوائط ببعضها بحيث مثلا الزلزال ما يأثرش فى البيت سابق التجهيز ويروح موقعه كأنه بيت من الكوتشينه