Arabic Discussion Forum with a Special Interest in Travel and Immigration

samaa raof · 7th August 2011, 01:58 AM

الف مبروك على اللاندنج وبالتوفيق ان شاء الله

bongeorge · 14th August 2011, 04:49 AM

أنا باشكر كل الناس هنا على التمنيات الطيبة و الرقيقة ... و انا أسف الفترة اللى فاتت كنت مشغول جدا" و مفيش وقت خالص .. المهم هارد على بعض الاجابات هنا

1- الترانسفورمر :
السيد ميدو : ده زى المشترك كدة ... الداخل أتنين و الخارج 3 ( علشان الفيش اللى هنا 3 ) بالعربى
بييجى مع اللاب توب فى الشنطة لو لسة شارى لاب جديد .... كبيره هايطلع ب 10-15 جنيه
هنا من 10-30 دولار
تأكد أن شاحن الموبايل و اللاب توب مكتوب عليه 110-220 V

2- بالنسبة للاندنج :
أنا كنت كيبكاوى قديم ! و عملت لاندنج فى تورونتو وش ... مفيش حاجة أسمها حد يغلس عليك .. أحنا مش فى مصر ..لو معاك فيزا أصدارها من الحكومة الفيدرالية وميثاق الحقوق يكفل للفرد أن يتنقل من أى مكان لاى مكان بغض النظر عن أى شىء ( مش زى أستراليا مثلا" لو روحت Adelaide او Area of low population تمضى انك تقعد فيها سنتين !

- كل اللى عمله أنه مضانى على شوية فلوس أكتر من اللى معايا بحاجة بسيطة جدا"علشان ماتعرفش تطلب اعناة بعد كدة .... ودى ليها حل لو طلبت معونة مالية

شكرا: أستاذ محمد منجى .... هو حضرتك فى ماركهام ؟ يا ريت نتعرف على بعض

-----------------------
كنت عايز أقولكم أن اللاندنج كله ماخدش حاجة و ظريف جدا ... و الناس لطاف و لذاذ .... مش ده اللى تقلق منه !
ماركهام جميلة جدا كبلد ..... كطبيعة كندا و North America
الصينيين هنا كتير ...... بس دى حاجة ماتضايقش ..... أنا بس حاسس أنى نزلت بكين
-----------

فى حاجات لازم تعملها أول ماتيجى كندا
1- SIN من SERVICE CANADA بس تاخد معاك الباسبور و ال COPR (المكربنة )
2- تشترى خط تليفون ( أنا جبت شاتر ) Chatrwireless.com ب 35 فى الشهر UNLIMITED مكالمات لكندا كلها و TEXT فرى لامريكا و كندا
3- PR card ده هاييجى أوتوماتيكى بعد 6 أسابيع

4- رخصة القيادة : سؤالى هنا لأصحاب الخبرة .... أنا مش معايا الرخصة المصرى و مش هاعرف اجيبها لان القسم اتحرق! بس جيبت شهادة خبرة من المرور مختومة من وزارة الخارجية ... روحت و حاولت أدخل على ال G على طول ... بس البنت اللى هناك مفيش فايدة .. حد يعرف حل بديل ؟!!!

5- OHIP= ontario health insurance plan
دى لسة برضه ( زى الرخصة ) هو أقدم عليها دلوقتى ولا بعد 3 شهور ؟!!!

6- تفتح حساب فى البنك
أنا أخترت TD Canada Trust و فتحت Debit and cheq هو لازم كريديت كارد ؟
طيب لو هاطلع كريديت من نفس البنك و لا أغير البنك ؟

7- أنا بادور على شغل دلوقتى .... حد فى GTA يعرف طبيب بيطرى عايز يشغل ناس معاه ؟ و لو فى طبيب بيطرى هنا يا ريت يقوللى سكة المعادلة هنا ....

بالنسبة لل Security guard : هو الكورسات بتاعتها من فين ؟!!

amr_safey · 14th August 2011, 08:13 AM

"- SIN من SERVICE CANADA بس تاخد معاك الباسبور و ال COPR (المكربنة ) "

د- bongeorge

* كنت عايز افهم اكتر موضوع ال SIN يريت تشرحة بالتفصيل و هل هو التامين الصحى ؟؟

* حضرتك سافرت على اى طيران و سعرة اية ؟؟؟

* و ياترى فى مشكلة فى المبلغ اللى معايا و كان $ وانا داخل المطار ؟؟؟؟

شكرا يا فندم و حمدا للة على سلامة الوصول

حلم بعييد · 14th August 2011, 11:23 AM

كان عندي سؤال لو تسمحلي في المطار اديتهم اي عنوان علشان ال PR لاني مش عارفه اي حد في كندا و المفروض اني هأجر شقه مفروشه لمدة شهرين هل عنوانها مقبول في المطار؟ كمان في واحد صاحب شقه قاللي ماينفعش تستخدمي العنوان ...ياتر هو بيشتغلني ولا ايه؟!

أكسيلانس · 14th August 2011, 12:28 PM

الف مبروك للزملاء الافاضل - أ جورج و العندليب علي سلامة الوصول و اللاندج و نتمني لكم التوفيق

خالص تحياتي

bongeorge · 24th October 2011, 10:10 PM

تقريبا" المغارة هنا بقت مهجورة من بعد ماسبت الجبل ده ! بس بجد بكرر أسفى .... كنت عايز أوضح نقطة مهمة جدا" فى ناس كتير بتلوم على الناس هنا أول ماينزلوا كندا بيختفوا ... طبعا" ظروف الشغل هنا و الحياة مختلفة عن مصر و تقريبا" مابيبقاش عندك وقت ... انت هنا بتحاول تستفيد من كل ثانية شغل .. كورسات أنجليزى ... كورسات دراسية ... أمتحانات ..... أكشن بس طعمه حلو .... غير أكشن بتاع مصر المدرعات و مصر مسيحى ولا مسلم .... هنا الناس بيهتموا بحاجات كتير زى عمل مشاريع جديدة ... بزنس .... كوميونيتى سنتر لمساعدة الففقراء .... ****ter houses for homeless ... كورسات أنجليزى و كمبيوتر لمساعدة المهاجرين الجدد ..... حاجاااااات كتييييير أوى غير أنت مسيحى أو بوذى و لا كونفوشيوسى

فى كلام كتير أوى عايز أقولهولكم .... بس أنا سمعت أن فى أستفتاء أو حاجة زى كدة .... بس قعدت أدور عليه كالعادة و توهت ..... طبعا" بشكر كل الناس اللى مردوش على أسئلتى !

ihlamylar · 25th October 2011, 12:48 AM

حمد الله على سلامة الوصول منتظرين التفاصيل

Dr. Ahmad · 25th October 2011, 01:39 AM

اقتباس

المشاركة الأصلية كتبت بواسطة bongeorge


	أنا باشكر كل الناس هنا على التمنيات الطيبة و الرقيقة ... و انا أسف الفترة اللى فاتت كنت مشغول جدا" و مفيش وقت خالص .. المهم هارد على بعض الاجابات هنا 1- الترانسفورمر : السيد ميدو : ده زى المشترك كدة ... الداخل أتنين و الخارج 3 ( علشان الفيش اللى هنا 3 ) بالعربى بييجى مع اللاب توب فى الشنطة لو لسة شارى لاب جديد .... كبيره هايطلع ب 10-15 جنيه هنا من 10-30 دولار تأكد أن شاحن الموبايل و اللاب توب مكتوب عليه 110-220 V 2- بالنسبة للاندنج : أنا كنت كيبكاوى قديم ! و عملت لاندنج فى تورونتو وش ... مفيش حاجة أسمها حد يغلس عليك .. أحنا مش فى مصر ..لو معاك فيزا أصدارها من الحكومة الفيدرالية وميثاق الحقوق يكفل للفرد أن يتنقل من أى مكان لاى مكان بغض النظر عن أى شىء ( مش زى أستراليا مثلا" لو روحت Adelaide او Area of low population تمضى انك تقعد فيها سنتين ! - كل اللى عمله أنه مضانى على شوية فلوس أكتر من اللى معايا بحاجة بسيطة جدا"علشان ماتعرفش تطلب اعناة بعد كدة .... ودى ليها حل لو طلبت معونة مالية شكرا: أستاذ محمد منجى .... هو حضرتك فى ماركهام ؟ يا ريت نتعرف على بعض ----------------------- كنت عايز أقولكم أن اللاندنج كله ماخدش حاجة و ظريف جدا ... و الناس لطاف و لذاذ .... مش ده اللى تقلق منه ! ماركهام جميلة جدا كبلد ..... كطبيعة كندا و North America الصينيين هنا كتير ...... بس دى حاجة ماتضايقش ..... أنا بس حاسس أنى نزلت بكين ----------- فى حاجات لازم تعملها أول ماتيجى كندا 1- SIN من SERVICE CANADA بس تاخد معاك الباسبور و ال COPR (المكربنة ) 2- تشترى خط تليفون ( أنا جبت شاتر ) Chatrwireless.com ب 35 فى الشهر UNLIMITED مكالمات لكندا كلها و TEXT فرى لامريكا و كندا 3- PR card ده هاييجى أوتوماتيكى بعد 6 أسابيع 4- رخصة القيادة : سؤالى هنا لأصحاب الخبرة .... أنا مش معايا الرخصة المصرى و مش هاعرف اجيبها لان القسم اتحرق! بس جيبت شهادة خبرة من المرور مختومة من وزارة الخارجية ... روحت و حاولت أدخل على ال G على طول ... بس البنت اللى هناك مفيش فايدة .. حد يعرف حل بديل ؟!!! 5- OHIP= ontario health insurance plan دى لسة برضه ( زى الرخصة ) هو أقدم عليها دلوقتى ولا بعد 3 شهور ؟!!! 6- تفتح حساب فى البنك أنا أخترت TD Canada Trust و فتحت Debit and cheq هو لازم كريديت كارد ؟ طيب لو هاطلع كريديت من نفس البنك و لا أغير البنك ؟ 7- أنا بادور على شغل دلوقتى .... حد فى GTA يعرف طبيب بيطرى عايز يشغل ناس معاه ؟ و لو فى طبيب بيطرى هنا يا ريت يقوللى سكة المعادلة هنا .... بالنسبة لل Security guard : هو الكورسات بتاعتها من فين ؟!!

1) الترانسفورمر غير الادابتور يا نجم ... الترانسفورمر ده لو عايز تحول الفولت من 220 الى 110 او عكس وبرضه بيطلق عليه converter ... اما اللي حضرتك تقصده ده اسمه adaptor ... وده بيتباع في دولاراما ب دولار وربع .... والله اعلم

2) ال ohip بييجي بعد 3 شهور من الاندنج ... فحضرتك تقدم عليه دلوقتي عشان ما يتأخرش عليك

3) الكريديت كارد : بنك TD .. بنك حقير في معاملاته مع ال newcommers ... انا اتعمل فيا نفس المقلب ... بس في ناس ربنا سهلها معاها وأخدت كارت الكريديت ...ال credit card مهم عشان تعمل ال history بتاعك ... فحضرتك يا أما تسحب فلوسك وتحطها في RBC .. او تقدم في شركات الكريديت الخاصة زي capital one مثلا .... بس الحل الاول افضل ...

4) بالنسبة لموضوع الرخصة ... ممكن تحاول تترجم شهادة المرور عند مترجم معتمد ... زي مدام " مها تكلا " ...وهما ان شاء الله في مركز drive test .. هيقبلوها

5) بالنسبة لموضوع الأمن ... الشركات كتير جدا ... دور في الجوجل او في اي جريدة من جرايد التوظيف اللي موجودة جنب محطة المترو .... هتلاقي فيها اسماء شركات بالهبل ...
6) بالنسبة لموضوع الدكتور البيطري ... ما تعرفش انت دكتور بشري عايز يشغل عنده مساعديين ...

bongeorge · 25th October 2011, 04:39 AM

اقتباس

المشاركة الأصلية كتبت بواسطة Dr. Ahmad


	1) الترانسفورمر غير الادابتور يا نجم ... الترانسفورمر ده لو عايز تحول الفولت من 220 الى 110 او عكس وبرضه بيطلق عليه converter ... اما اللي حضرتك تقصده ده اسمه adaptor ... وده بيتباع في دولاراما ب دولار وربع .... والله اعلم 2) ال ohip بييجي بعد 3 شهور من الاندنج ... فحضرتك تقدم عليه دلوقتي عشان ما يتأخرش عليك 3) الكريديت كارد : بنك TD .. بنك حقير في معاملاته مع ال newcommers ... انا اتعمل فيا نفس المقلب ... بس في ناس ربنا سهلها معاها وأخدت كارت الكريديت ...ال credit card مهم عشان تعمل ال history بتاعك ... فحضرتك يا أما تسحب فلوسك وتحطها في RBC .. او تقدم في شركات الكريديت الخاصة زي capital one مثلا .... بس الحل الاول افضل ... 4) بالنسبة لموضوع الرخصة ... ممكن تحاول تترجم شهادة المرور عند مترجم معتمد ... زي مدام " مها تكلا " ...وهما ان شاء الله في مركز drive test .. هيقبلوها 5) بالنسبة لموضوع الأمن ... الشركات كتير جدا ... دور في الجوجل او في اي جريدة من جرايد التوظيف اللي موجودة جنب محطة المترو .... هتلاقي فيها اسماء شركات بالهبل ... 6) بالنسبة لموضوع الدكتور البيطري ... ما تعرفش انت دكتور بشري عايز يشغل عنده مساعديين ...

متشكر جدا" يا د أحمد على الاجابا ت..لكن للاسف جت متأخرة اوى ....يا راجل دا انا سألت الاسئلة دى من شهرين ... انا طبعا" خلاص اتخيط مع تى دى كندا و اتعملى بلوك على الف علشان الكريديت كارد .... خلصت كورس السيكيوريتى و امتحنت و نجحت ! - بالنسبة للرخصة برضه دخلت G1 من الاول خالص لان مفيش اصل الرخصة المصرى ( ضاعت و القسم اتحرق )... متشكر جدا" على السرعة الرهيبة فى الرد من المنتدى !

أمل · 25th October 2011, 07:51 AM

اقتباس

المشاركة الأصلية كتبت بواسطة bongeorge


	فى كلام كتير أوى عايز أقولهولكم .... بس أنا سمعت أن فى أستفتاء أو حاجة زى كدة .... بس قعدت أدور عليه كالعادة و توهت ..... طبعا" بشكر كل الناس اللى مردوش على أسئلتى !

ا لحمد لله على السلامه
هو فى تصويت على اختيار مشرف عام للمنتدى

https://www.almatareed.org/vb/showthread.php?t=104563

*

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بدون محامى الحياة أفضل جدا جدا جدا	فدائى النبى	الهجرة إلى كندا	97	31st July 2013 11:27 AM
جديد لانج في مونتريال	midomansour	الهجرة إلى كندا	384	6th November 2011 01:07 PM
فيديو جديد للكعبة المشرفة من الداخل تصوير واضح جدا	moka	شؤون إسلامية	4	1st February 2009 10:32 AM
ترحيب حااااااااااااار جدا جدا "دكتور يحيي الشاعر"نورت المطاريد.	Badroora	ترحيبات ... مناسبات ... علاقات عامة	12	12th August 2008 01:32 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

الهجرة إلى كندا

لاندنج جديد لانج جدا !