باستا .. مع جمبرى .. افتكاسة سريعة .. ما كنتش عارف آكل ايه .. طلعت دى

[بندق]

الصحف المصرية والعربية

اليوم رجعت متأخر .. والمشكلة انه باحل امتحان ال MBA لصديق ليا .. هو فى الادارة بس فيه ادارة مالية .. وكنت مشغول جدا معاه .. ونسيت أتغدى .. ولا اتسوق حتى زى عادتى .. لفيت فى المطبخ .. فيه ايه؟

لقيت ده ..

تسلق المكرونة 7 - 10 دقائق ..

الجمبرى قشرته مع الاحتفاظ بالرأس والذيل .. يعنى بقى زى الكتكوت أبو رقبان .. وقطعت معاهم شوية بروكلى .. وقطعة زبدة .. وخل عنب وعصير ليمون .. وعالنار لمدة 7 دقايق كمان ..
الصوص ملعقة دقيق واحدة مع ملعقة زبدة نحمرهم حتى يصير ذهبى اللون ونضيف لهم الحليب بعيدا عن النار بالتدريج مع التقليب .. حتى يصير الخيلط متجانسا ويجب أن يكون سائل اكتر من البشاميل العادى .. ثم نضيف قليل من الكريمة وبعض الجنبة البارميزان .. ثم نختبر الملح .. أضفت قرن فلفل أحمر طلع حراق أوى .. زود شهية الأكل .. لكن أعتقد انه فكرة غير جيدة.. لأنه الأكلة شهية من غير حاجة

ونجمعهم فى طبق بالشكل ده ..

وبالهنا والعافية ليا طبعا

 

[Badroora]

تسلم ايدك يا شيف انا باحب الباستا قوى وطالما بالجمبرى هاعملها ان شاء الله
بس سؤال ايه خل العنب دا؟
وكمان يعنى ايه نختبر الملح ؟
وشكرا

 

 

[بندق]

اقتباس المشاركة الأصلية كتبت بواسطة Badria Mekkawy تسلم ايدك يا شيف انا باحب الباستا قوى وطالما بالجمبرى هاعملها ان شاء الله بس سؤال ايه خل العنب دا؟ وكمان يعنى ايه نختبر الملح ؟ وشكرا

والله هتفطسينى من الضحك

خل عنب هتلاقيه احمر فى السوبر ماركت ومكتوب عليه خل عنب .. مش ضرورى خل عنب ممكن أى خل تانى ..

نختبر الملح يعنى ندخله الامتحان .. ايه يا بدارة .. ندوقه يعنى .. عشان حطينا جبنة بارميزان ودى غالبا بتكون مالحة شوية .. نشوف محتاجة ملح ولا لأ

مالكيش حجة الأكلة كلها حوالى 20 دقيقة ..

 

 

[Badroora]

انتظر منى مفجعاة فى اقرب فرصة

 

 

[ابتسامــة]

افتكر انك نزلت الطريقة دي قبل كده
انا متأكدة إني جربتها

بالنسبة لخل العنب ده انت كنت نزلته
في طريقة صدور فراخ ومكرونة برضو
وانا كان أول مرة اسمع عنه كنت اعرف خل التفاح بس
ورحت السوبر ماركت وعينك ما تشوف إلا النور
دي كل حاجة ليها خل
لقيت خل العنب وخل الفراولة وخل الخشب وخل الفانيليا
وخلات كتيرة اوي مش فاكراها دلوقتي

 

 

[Excellence]

ياعيني على الافتكاسات ...


تسلم إيدك يا شيف...


بالمناسبة..


فيه محل شيك أوي في روكسي بيقدم كانيلوني بالجمبري.. تحفة..


يا ترى ممكن تعملهالنا...؟

 

 

[بندق]

اقتباس المشاركة الأصلية كتبت بواسطة ابتسامــة افتكر انك نزلت الطريقة دي قبل كده انا متأكدة إني جربتها بالنسبة لخل العنب ده انت كنت نزلته في طريقة صدور فراخ ومكرونة برضو وانا كان أول مرة اسمع عنه كنت اعرف خل التفاح بس ورحت السوبر ماركت وعينك ما تشوف إلا النور دي كل حاجة ليها خل لقيت خل العنب وخل الفراولة وخل الخشب وخل الفانيليا وخلات كتيرة اوي مش فاكراها دلوقتي

مرسيه ليكى يا ابتسامة .. المعين واحد بس كل مرة اصدار مختلف .. المرة دى فيها بروكلى .. ومعاها شوية شطة بس لا أنصح بيها .. لأنها بتشغل عن الطعم الأصلى للأكلة ..

الوصفة التانية كانت فوتتشينى وكانت فى الفرن (دى من حوالى 8 نسخ مختلفة بس الأساس هو الأكلة دى) وبالتأكيد الجمبرى هيكون متقشر بالكامل .. المشكلة الطبق ما قدرتش اخلصه وكل ما راوح المطبخ أخد معلقة

 

 

[بندق]

اقتباس المشاركة الأصلية كتبت بواسطة Excellence ياعيني على الافتكاسات ... تسلم إيدك يا شيف... بالمناسبة.. فيه محل شيك أوي في روكسي بيقدم كانيلوني بالجمبري.. تحفة.. يا ترى ممكن تعملهالنا...؟

وماله مش غلط .. أعدى عليه ادوق واقولك .. بس أبعت الفاتورة باسم مين؟




ان شاء الله فى أقرب فرصة

 

 

[ابتسامــة]

اقتباس المشاركة الأصلية كتبت بواسطة بندق وماله مش غلط .. أعدى عليه ادوق واقولك .. بس أبعت الفاتورة باسم مين؟ ان شاء الله فى أقرب فرصة

لأ كان مفروض تقول له يبعت لك عينه
إكسلانس ده تخصص عينات

 

 

[بندق]

اقتباس المشاركة الأصلية كتبت بواسطة ابتسامــة لأ كان مفروض تقول له يبعت لك عينه إكسلانس ده تخصص عينات :thumbsup:

وهو ينفع عينات .. لازم عشان أعمل تحليل للموضوع يبقى يه 100 اختبار وكل اختبار محتاج على الأقل معلقة . حتى على الأقل كانيولانياة محشية .. الحقيقة أغرب وأعجب أكلتها سى فوود كانت ممبار محشى لحم كابوريا وجمبرى واستاكوزا