لا تقم بالتحديث لويندوز 10 الآن

[NazeeH]

الصحف المصرية والعربية

الصبر جميل ..

 

 

[KANE]

اقتباس المشاركة الأصلية كتبت بواسطة حشيش يعنى نرقى ولا ما نرقيش؟ وافرض ما رقيناش إيه اللى ممكن يحصل لنا؟

شوف لسه عندك سنة كاملة علشان ترقي من ويندوز 7 و 8 ببلاش

لو عندك برامج كتير افضل انتظر شوية

لو البرامج المعتاده ممكن ترقي

لو عندك جيمز كتير -وخصوصا على ويندوز 7 - يبقى تصبر لأنها وبنسبة كبيرة مش هتشتغل لا على ويندوز 8 ولا على ويندوز 10 بالتبعية

 

 

[KANE]

طيب خلاصة القول بعد كذا تجربة

ماتحاولش ابداً انك تحدث من نسخة (7 أو 8) مضروبة ، ليه؟

اقولك مايكروسوفت لعبتها صح

بعد تركيب ويندوز 10 هيبدأ حاجة جديدة في مايكروسوفت اسمها ان الجهاز ده مرخص ، بمعنى السستم لو اتمسح او باظ او حبيت ترجعه من اول وجديد وحضرتك عامل upgrade من ويندوز 7 أو 8

عادي جداً كل اللي هتعمله اسطونة 10 جديدة وركب السستم تاني وهتتفعل زي الفل

لأنه عمل ريكورد بالجهاز بتاعك

طيب طلعت خلبوص وضارب النسخة



هنا هتعملك بلوك يامعلم -للهارد وير بتاعك-

ومش هتقدر تركب ويندوز 10 تاني الا بترخيص سليم


واحد ناصح هيقولي ارجع ل 7 أو 8 اقوله هي دي ال catch

جهازك دخل بلاك ليست

سيرفر التفعيل اتكشفت وغالباً مش هتقدر تفعلها تاني من نفس المصدر

لو مستخدم سيريل مضروب السيريل اتحط بلاك ليست



يعني موت وخراب ديار



يبقى تستنى لما نعرف راسنا من رجلينا




لو معاك نسخة اوفيس مضروبة برضه نفس القصة بس مش عارف هتدخل في نفس التفاصيل ولا فيه تجديد


وده اللي حصل معايا جربت احدث من نسخة ويندوز 7 شرعية بس الأوفيس كان مضروب
مع اول تشغيل لأوفيس اتقفش



خلاصة القول تاني


معاك نسخة ويندوز واوفيس اصلي حدث بحسب البوست السابق ده

اقتباس لو عندك برامج كتير افضل انتظر شوية ( علشان تعرف ايه اللي هيشتغل وايه اللي مش هيشتغل مع ويندوز 10) لو البرامج المعتاده ممكن ترقي مباشرة لو عايز

لو برامجك متكركة وقف اللعب يامعلمي لغاية اما يبان لها صاحب

 

 

[KANE]

الله دي هتحلو أوي

اقتباس Windows 10 can disable pirated games and unauthorised hardware

 

 

[bambi]

انا عملات التحديث بس هاشوف إلى قولت عليه. شكرا