تطبيق أوبر بديل للتاكسى

[bongeorge]

رسالة لسواقين التاكسي، عايزين تعرفوا ليه الناس بتحب تركب مع اوبر وكريم حقولكم!!

١_ السعر ارخص من التاكسي .
٢_ سواق اوبر وكريم مش بيتكلمو غير لو سئلتهم.
٢_ خدمه واي فاي وانت جو العربيه.
٣_ بتعرف اسم السواق وشكل العربيه ونوعها ولونها ورقمها قبل متركب.
٤_ بيوصلك للمكان الي انت عايزه بالظبط.
٥_ سواق اوبر وكريم مش بيعاكس ولا بيزاول .
٦_ سواق اوبر وكريم بيديك بنبوني اول لما تركب.
٧_ بعد متنزل بيتبعتلك علي موبايلك المسافه الي قطعتها بالمتر وبيحاسبك بالظبط .
٨_ سواق اوبر وكريم بيشغلو تكيف عادي.
٩_ سواق اوبر بيلبس الحزام ومش بيمشي غلط ومش بيجري بسرعه.
١٠_ بعد متخلص المشوار بيبعتلك تقيم للسواق والعربيه وانت بتقيمهم ولو وحش بيمشوه .
١١_ سواق اوبر لو عمل حادثه مش بينزل يشتم وانت معاه وببقلع الجاكيت ويطلع كوريك من شنطة العربيه .
١٢_ عربيات اوبر من ٢٠١٤ لي ٢٠١٦ مش لادا ولا ستافا طلع كفرانها.
١٣_مستحيل يشرب سيجاره جوا العربيه .
١٤_ مستحيل يشغل مزيكا غير لو طلبت منه.
15_ مش بيشيل اوكرة الازاز بتاع الشباك .
١٦_ بيمشي من الطريق الي يريحك مش بيقولك انا عارف سكتي كويس .
17 - اماااان كامل وبالاخص للسيدات لان معروف للشركة مين السواق الي ركبت معاه وايه هو خط سير العربية وبالتالى محدش يقدر يفكر يعمل حاجة لانه حيتجاب.

بنصح كل سواق اجره متعملش مظاهره ولاتقطع الطريق عشان كده كده مش هنركب معاكم تاني .
الحل بسيط ،، نظام اوبر وكريم يطبقو علي تاكسيات الاجره وندفع فلوس زي ما الكتاب مقال وتشغلو ام العداد الي بقا مومياء اثريه تحت التبلوه ،،،

__ ((((عايزين نوعي الناس لو سمحتو ومحدش منكم يركب تاكسي تاني ولو جربته مره مش هتركب غيره،، خلي سواقين الاجره يتعلموا ))))

شير يمكن توصلهم ويفهموا