حدي يرغي معاااااااااااااااياااااااااااا...

[أحمد فاروق]

الصحف المصرية والعربية

اقتباس المشاركة الأصلية كتبت بواسطة بنت شعنونة عرفت انو الغربة غربة طول الوقت..وقد ايه صعب عليا احمد في قعدته لوحده.. رغم اني طول الوقت كنت القي باللوم عليه "بيني وبين نفسي" انه ازاي يسيبنا لوحدنا في الظروف بتاعت مصر دي.. لكن فوجئت انه هوا كمان لوحده "اكتر مننا"..وخجلت من نفسي فعلا...( يارب ما يقرا الكلمتين دول :) )

الوحدة في الغربة شعور في منتهى الفظاعة والقسوة. جربته في بلد مش عربي والمدينة مفيهاش غير 5 مسلمين مثلا. كان بيعدي عليا الويك اند مابقولش فيه غير كلمة "بن تقيل" للبنت بتاعة الكافتيريا لما أروح أشرب قهوة. عرفت يعني ايه الإنسان مخلوق اجتماعي لأني ماكنتش بلاقي حد أكلمه. وقريت أياميها - بالصدفة - عن أد ايه جماعات حقوق الإنسان في العالم عايزة الحبس الإنفرادي يتلغي لفظاعة قسوته. ماكنتش بعرف أنام في الأيام دي. المهم ماستحملتش أكتر من 7 شهور ورجعت، وضربت الدنيا ستين صرمة

أنا كده عملت زي البنت اللي قالتلك عن موقف الطيارة
مش قصدي والله، بس افتكرت الوحدة.

ربنا يجمعكم على خير وبسرعة إن شاء الله، لم شمل الأسرة لا يقدر بمال.

وألف حمد الله على السلامة

 

 

[Remooo]

اقتباس المشاركة الأصلية كتبت بواسطة alex fox ماتخديش فى بالك... أعملى نفسك مش شايفاها...

حاضر

 

 

[مدى]

صباحكم جنة ..

 

 

[oskasan]

مدى حمدلله بسلامتك وربنا ما يسمحلكم بضيقه وزعل تاني

شانا انتي ازاي تيجي وتمشي من الكويت من غير ما تقولي؟
طب وربنا كنت عملتلك زفه اسكندراني في المطار

على فكره انتي على كلامك ده ما زورتيش غير القشطه في الكويت
ماروحتيش زنقة الستات ولا البواكي ولا قعدتي في قهاوي الشرق والكويت ولا حولي ولا الفروانيه
كنتي هاتحسي انك ما سبتيش مصر من الزحمه والتخبيط في الناس والباعه الجائلين والحان بدينار ونص تعالى بص

على الأقل كنتي سمعتي صوت صريخ مراتي في العيال وانتى معديه على حولي

هي كل الستات ماعندهاش وسيله تانيه للتواصل مع العيال غير الصريخ

عندك حق في الإبتسامه والذوق والنعومه في استقبال البائع الفلبيني والهندي واللبناني ليكي في المحل وكأن مفيش زبون عنده غيرك وبيتعامل معاكي وكأنه في صفك مش فريسه أو ضحيه لازم ياكلها

عرفتي بقى ليه مستحملين مراتتنا في الغربه
علشان هما كمان واقعين تحت ضغط الملل والرتابه

 

 

[dr-amira]

اقتباس المشاركة الأصلية كتبت بواسطة مدى صباحكم جنة ..

وحشنى صباح الجنة بتاعك يا مدى ...حمد لله على السلامة

 

 

[حسام]

حمدالله ع السلامة يا أغلى مدى

 

 

[sanaa]

اقتباس المشاركة الأصلية كتبت بواسطة مدى صباحكم جنة ..

مدى الحمد لله انك بخير منوره

 

 

[O.S.A.M.A]

حمد الله على السلامة يا سناء

حمد الله على السلامة يا مدى

ومحدش يقولى انت اللى كنت غايب خليها فى سركم

 

 

[دموع الورد]

مساء الخيررر عليكم
مدى حمدا لله على سلامتك ياحبيبتى وحشتينا أووى

 

 

[midomansour]