♥♥♥♥ عمار يا كندا ♥♥♥♥

[samurad]

الصحف المصرية والعربية

اقتباس المشاركة الأصلية كتبت بواسطة mhelmi "مستحميين"

دول شكلهم بيستحموا بالبرفان كمان ... مش بالصابونة والليفة

 

 

[moheltohamy]

صباح الفل يا هوبا...
مش شوية كنت باتفرج على فيلم مصري قديم شوية ع اليوتيوب... بعد فترة لقيت بنت داخلة اللوكيشن بتاعنا سايقة عربية بيك اب ، قلت إيه ده ، بنت أجنبية عندنا؟!
بعدين فقت من تقمّص الروح المصرية اللي كانت راكباني م الفيلم العربي ده!
الواحد ساعات بيفصل يا جدع ، زي ما ألاقي نفسي باكلم واحد صاحبي في إدمونتون إني إشتريت مش عارف إيه بكام جنيه!
الواحد مش عارف يطلع من جلباب أبيه ده خالص يا هوبا!

 

 

[Ehab Salem]

يا قهلا يا قهلا

كابتن تومي هيلفجر عندنا .... يا مرحبا يا مرحبا

بأقولك أيه ..... إغتسلت و إتوضيت قبل ما تكتب مشاركتك اللي فاتت دي و ألا لأ

الموضوع ده طاهر

و هيفضل طول عمره طاهر

و يا أم المطاهر رشي الملح سبع مرات ....... تمن مرات ....... تسع مرات

يالااااااااااااا




(اللي مشافش فيلم عسكر في المعسكر ميحاولش يفهم المشاركه دي )

 

 

[Ehab Salem]

نتكلم جد شويه

اقتباس المشاركة الأصلية كتبت بواسطة moheltohamy صباح الفل يا هوبا... مش شوية كنت باتفرج على فيلم مصري قديم شوية ع اليوتيوب... وده فيلم أيه يا سيدي بعد فترة لقيت بنت داخلة اللوكيشن بتاعنا سايقة عربية بيك اب ، قلت إيه ده ، بنت أجنبية عندنا؟! بنت و سايقه بيك أب كمان .... دول شياطين الإنس يا تهامي ... النساء ... دول اللي خيريبو بيوتنا و بوظو أولادنا بعدين فقت من تقمّص الروح المصرية اللي كانت راكباني م الفيلم العربي ده! الواحد ساعات بيفصل يا جدع ، زي ما ألاقي نفسي باكلم واحد صاحبي في إدمونتون إني إشتريت مش عارف إيه بكام جنيه! وحياتك بأعملها يا تهامي بس بأقول ريال ... على أساس قطر و كدهوت و دوكهمه و برضك الواحد مش عارف يطلع من جلباب أبيه ده خالص يا هوبا! أنا طلعت من جلباب أبويا و الحمد لله و حاليا عايش في جلباب مراتي

 

 

[Dr.Samo]

كل كريسماس وانت طيب يا باشمهندس
مشاركات وصور رائعة
تحياتى

 

 

[Ehab Salem]

هنا هتلاقوه صور حفلة السنه اللي فاتت ....

واحد يقولي ..

يا كابتن لطيف ..... و دي وصلت لها إزاي ... كنت حافظ رقم المشاركه مثلا أو تاريخها ... أو رقم الصفحه

لو نظرنا فوق أول مشاركه في كل صفحه ... هنلاقي خير اللهم أجعله خير إختيار إسمه "إبحث في الموضوع"

وضعت فيه كلمة "حفلت منك" قصدي "حفلة الكريسماس" و بعدين قلت له روح يا شيخ ..........و تعال بسرعه

 

 

[Ehab Salem]

صدر أمس القرار بمنع إرتداء النقاب في جلسة أداء قسم الحصول على الجنسيه الكنديه

https://www.cbc.ca/video/#/News/1221258968/ID=2176084019

https://www.cbc.ca/video/#/News/1221258968/ID=2176036568

 

 

[Ehab Salem]

لما انتقلت لبيتي الجديد من سنتين كنت محتاج اعمل upgrades كتير مرضتيش اعملها مع ال builder عشان أوفر فلوس لأن ال builder دايما أغلى..... عامل زي ما تصلح عربيتك في التوكيل أو تصلحها بره عند ميكانيكي
اصدقائي نصحوني نصيحه... قالولي متشغلش عندك صنايعي مهاجر... هتلاقيهم بنفس أخلاق الصنايعيه المصريين مهما كانت جنسيتهم
شغل بس الصنايعيه بتوع هنا هتشوف الفرق
عملت كذا project عندي في البيت و كانوا كلهم مش مهاجرين.... لم اتعمد ده ولكن كنت بأسأل و أتقصى و كان بالصدفه الإختيار بيقع على مقاول مش مهاجر
لحد مشروع تشطيب الباسمنت
اتفقت مع مقاول باكستاني و السبب إنه الوحيد اللي رضي بنظام إني أنزل أشتري المواد معاه و أحاسبه على مصنعيته فقط
النظام المصري
كل المقاولين contractors بتوع هنا كانوا عايزين المشروع مقاوله وأنا طبعا مش متعود على كده
أنا عايز الطريقه المصريه


يتبع
Posted via Mobile Device

 

 

[Ehab Salem]

نكمل حكاية الفرق بين الصنايعي المهاجر و
بتاع هنا

إتفقت مع المقاول الباكستاني على مبلغ محدد للمقاوله و هو يحاسب عماله بمعرفته.. زي النظام المصري
روحنا إشترينا المواد الخام و حسيت إنه بيشتري بزياده شويه
قال لي عشان لو إحتجنا زياده الشغل ما يتعطلش لحد ما نشتري و في النهايه أي حاجه زياده هنرجعها
فعلا إحنا رجعنا حاجات بس أنا عندي إحساس إنه ممكن يكون خنصر حاجات.... مش متأكد.. بس أنا كنت بأكون في الشغل و هو شغال في البيت و لا يوجد ما يمنع إنه يحط أي مواد خام في الفان بتاعته

دي أول مشكله
تاني مشكله إنه لم يحترم إتفاقه المادي
بعد ما إبتدى شغل و قلب البيسمنت و ضمن إنه لازم يكمل الشغلانه إبتدى يقول إن الفلوس اللي إتفقنا عليها مش كفايه
وإن الشغلانه طلعت أكبر من حساباته وإنه لازم يشغل عمال أكتر و ده هيخسره و العمال بتطلب فلوس زياده و إلا مش هييجوا و هكذا
طبعا هو عارف كويس انه فتح بطن البيسمنت خلاص و حفر الأرض عشان يعمل توصيلات مواسير الصرف و الدنيا مقلوبه... يعني ماسكني من إيدي اللي بتوجعني
وعدته بزياده عشان أخلص.. بس لم أحددها و فعلا إديته مبلغ زياده في الأخر بس أقل من اللي كان متوقعه لكن أنا صممت
يبقى كده ده تاني عيب... تغيير الإتفاق المادي
الأول كان الخنصره من المواد الخام.... بس ده أنا مش متأكد منه عشان مظلموش

يتبع
Posted via Mobile Device

 

 

[Ehab Salem]

تالت عيب كان إنه مسك مقاولات تانيه و هو شغال عندي
إحنا كنا إتفقنا إنه هيشتغل كل يوم عشان يلحق يخلص قبل ما الأسره ترجع من مصر الصيف اللي فات
أول كام يوم جه فعلا و إشتغل كل يوم و بعدين بعد ما قلب كيان البيسمنت إبتدى يغيب و يطلع بحجج فارغه
يشتغل يوم و يغيب يومين و أحيانا ييجي يشتغل ساعتين و يمشي... عشان يبقى إسمه جه و خلاص
أنا عرفت على طول إنه ماسك شغلانه تانيه و الدليل إنه في أول كام يوم كان بيسيب عدته في مكان الشغل. بعد كده لاحظت إنه بقى ياخدها معاه

المشكله الأخرى هي جودة الشغل.... عايز يطلسق الشغل... لو أنا مخدتش بالي يعمل الحاجه أي كلام... لو أخدت بالي و نبهته يعملها ميه ميه
طب ليه متعملش شغلك صح من الأول
و عشان كده بقيت أرجع كل يوم من الشغل بالليل أراجع على الشغل و أضع له علامات على الحاجات اللي عايزه يعيدها و أتصل بيه تاني يوم و هو شغال عشان أفكره و أتابع
أرجع بالليل الاقيه عملها مظبوط... طب ما كان من الأول


النظافه
عدم المحافظه على نظافة المكان

آخر حاجه بقى حاجه غريبه
إكتشفت إنه بيخزن قات... آنا كنت كذا مره آجي أكلمه الاقي حاجه محشوره في بقه... في الاول قلت يمكن كان بياكل و انا دخلت عليه فجآه ة بعدين عرفت من واحد زميلي في الشغل باكستاني زيه إنه قات

كل العيوب دي هتلاقوها بالظبط عند الصنايعيه المصريين
الظاهر صنايعية العالم التالت كلهم زي بعض

طب أنا أيه اللي فكرني بموضوع من الصيف
السبب إني لسه جايب واحد يركب لي موتور لفتح باب الجراج بالريمووت

Garage Door Opener

وكان أمامي إختيارين للتركيب.... واحد مهاجر و التاني بتاع هنا
و إخترت بتاع هنا رغم إنه كان الأغلى أجرا ...... لكن فعلا شتان

وده كان نفس إنطباعي في كل الشغلانات اللي عملتها قبل مقاولة البيسمنت مع عمال غير مهاجرين


عشان كده........... لا ذرات بعد اليوم

قصدي لا صنايعيه مهاجرين بعد اليوم
Posted via Mobile Device