Arabic Discussion Forum with a Special Interest in Travel and Immigration

Farida · 17th June 2009, 12:25 PM

عندى كل المكونات ..... و نسيت الطريقه ...........عندى دجاج, زبادى ،ثوم, عيش شامى، أنا فاكره اننا بنسقى العيش الشامى المحمص بالشوربه و نقطع الدجاج و فوقه الأرز و بعدين الزبادى بالتوم بس متهيألى فيه حاجه ناقصه ..........................

toota · 17th June 2009, 04:08 PM

لها اكتر من طريقة يا فريدة.....ممكن تخلي الزبادي وممكن تعمليه بالطحينه مع عصرة نص لمونه وفص ثوم مدشوش وملح.....وممكن تشيلي اللمون والطحينه لو مش عايزه

كمان حمص مسلوق تحطيه في الاول خالص...تحطي عليه رز ابيض مسلوق.... وتسقيه بشويه شوربه بسيط وبعدها الفراخ اختياري يا فوق الرز يا فوق الزبادي من فوق خالص....وبعدين عيش شامي محمر بالزيت ومقطع...وبالاخر الخلطه بتاعة الزبادي....وترشي عليه شويه زبده دايبه...أو تخرطي بقدونس...او ترشي قرفة بس انا مش بحبها.....

جربي اي طريقه من دول وقوليلي ايه الاخبار

Farida · 17th June 2009, 10:42 PM

اقتباس

المشاركة الأصلية كتبت بواسطة toota


	لها اكتر من طريقة يا فريدة.....ممكن تخلي الزبادي وممكن تعمليه بالطحينه مع عصرة نص لمونه وفص ثوم مدشوش وملح.....وممكن تشيلي اللمون والطحينه لو مش عايزه كمان حمص مسلوق تحطيه في الاول خالص...تحطي عليه رز ابيض مسلوق.... وتسقيه بشويه شوربه بسيط وبعدها الفراخ اختياري يا فوق الرز يا فوق الزبادي من فوق خالص....وبعدين عيش شامي محمر بالزيت ومقطع...وبالاخر الخلطه بتاعة الزبادي....وترشي عليه شويه زبده دايبه...أو تخرطي بقدونس...او ترشي قرفة بس انا مش بحبها..... جربي اي طريقه من دول وقوليلي ايه الاخبار

بعد ايه يا توتا

ما خلاص اللى كان كان

و فضلت قاعده و حاطه ايدى على خدى

ان حد يعبرنى و لما أن الأوان دخلت على النت و شوفت طريقه و طلعت جميله ..............
قطعت العيش الشامى بعد ما حمصته فى الفرن و سقيته بالشوربه و فوقهم رز ابيض و الفراخ المسلوقه مقطعه و بعدين عملت زبادى بالتوم و الفلفل و الملح و عصير ليمونه و خففته شويه بمعلقتين شوربه و ووضعته فوق الفراخ و بعدين قدحت معلقه سمن بالفلفل و الملح و طشيتها فوق الزبادى ........طلعت جميله و اتأكلت و و خلاص

toota · 18th June 2009, 02:04 AM

المفروض تسالي قبلها بيوم او الصبح مثلا...مش على العصر وتقولي لوقتي لوقتي...العرق التركي ده ورايا ورايا

Sepia · 19th June 2009, 06:49 AM

احم,
طيب يا جماعة ممكن الطريقة من الأول للأخر بالترتيب بالصور النهائية للمنتج..اهه الواحد يضيف حاجة جديدة على المينو احسن أنا هاريتهم هنا
.. مسقعة دكتورة فريدة" و "فراخ مدام توتا" المحشية بالرز "

toota · 19th June 2009, 11:06 AM

اقتباس

المشاركة الأصلية كتبت بواسطة Sepia


	احم, طيب يا جماعة ممكن الطريقة من الأول للأخر بالترتيب بالصور النهائية للمنتج..اهه الواحد يضيف حاجة جديدة على المينو احسن أنا هاريتهم هنا .. مسقعة دكتورة فريدة" و "فراخ مدام توتا" المحشية بالرز "

يا نهار ابيض....مع انه مش باين عليكي انك متابعة

بيعجبني شعار نحن نعمل في صمت

بصي ياستي انا نشرت قبل كدة صورة الفتة بس القرديحي لاني بحبها بدون رز او لحوم.....

ده شكلها النهائي وحقولك الاختيارات بتاعتها وانتي ممكن تختاري الي يعجبك منها

وده اللينك بتاع الفتة القرديحي
https://www.almatareed.org/vb/showthread.php?t=6544

نرجع بقى لفتة الفراخ او اللحمة المفرومة....او الكوارع ودي اصل الفتة ....

المقادير وانا مش شاطره في المقادير بالظبط وبطبخ بالبركة:

2 كيس عيش شامي او اكتر مقلي بالزيت ومقطع
علبة حمص جاهزة او اقل من ربع كيلو حمص مسلوق وجاهز للاكل...
كيلو او كيلو الا ربع زبادي
تلات ملاعق طحينة
نص لمونة او اكتر حسب الذوق
فص ثوم مدشوش
معلقة زبدة
ولو فيه صنوبر يبقى مية فل

دي الاساسيات بتاعتها

لو بتحبي الفراخ ....تضيفي الفراخ بعد ماتسلقيها وتفصصيها ودي بيتحط معاها رز ابيض برضو ورشة قرفة فوق الوش

تخلطي الزبادي مع الطحينة مع اللمون مع الثوم المدشوش والملح وتخففيهم بشويه ميه لحد ماتلاقي المزيج بقى مش تقيل اوي ولا خفيف مية....وتحطيهم شويه في التلاجه عشان تنفخ شويه ويبقى طعمها احلى....
و
الطريقه تحطي في صينيه قزاز الحمص اول طبقة....وبعدين الرز وبعدها الفراخ او اي لحوم تحبيها الا لو كوارع لازم تتفصص قبل ما تتحط....وبعدين العيش المحمر بالزيت....

وبعدها قبل الاكل بثواني ترشي صوص الزبادي فوق العيش وتحمري الصنوبر بالزبده او لو مفيش صنوبر ترشي شويه حمص وتقدحي الزبدة وممكن ترشي قرن فلفل حراق مع شويه بقدونس....ودي اختيارات كل واحد وذوقه....

Sepia · 20th June 2009, 05:05 AM

اقتباس


	اقتباس: المشاركة الأصلية كتبت بواسطة toota يا نهار ابيض....مع انه مش باين عليكي انك متابعة بيعجبني شعار نحن نعمل في صمت ...

أنا متابعة و عن كثب كمان,,و عندي كراسة باكتب فيها,, من وصفاتك و وصفات د.فريدة ووصفات مدام مصرية الواحة, و أجمل حاجة في الوصفات دي المصداقية التي افتدقها في أى موقع طبيخ. و أنها مليئة بمعلومات أجهلها تجىئ ذكرها على الماشي كده في وسط الوصفة (عن طريقة تنظيف
الفراخ مثلا),,و انها وصفات صادرة من القلب و تثق في قائلها,,,ربنا يكرمكن جميعا

بخصوص الفتة نفذتها النهارده ,,و الناس بتشكركم جامد يعني

اقتباس


	اقتباس Farida: سيبيا انا افتكرت بتكتبى فى مواضيع كندا و بس ............

أيوه صح طيب ما الموضوع ده كندا برضه لأن الأكلة أكلها ناس من أبناء كندا الأبرار
شكرا لك و الله يبارك فيك مرة أخرى

Farida · 20th June 2009, 08:09 AM

اقتباس

المشاركة الأصلية كتبت بواسطة Sepia


	بخصوص الفتة نفذتها النهارده ,,و الناس بتشكركم جامد يعني

طيب كويس .............المهم ما تغيبيش علينا تانى و اى أكله شاورى عليها و احنا فى الخدمه

toota · 20th June 2009, 01:12 PM

اقتباس

المشاركة الأصلية كتبت بواسطة Sepia


	أنا متابعة و عن كثب كمان,,و عندي كراسة باكتب فيها,, من وصفاتك و وصفات د.فريدة ووصفات مدام مصرية الواحة, و أجمل حاجة في الوصفات دي المصداقية التي افتدقها في أى موقع طبيخ. و أنها مليئة بمعلومات أجهلها تجىئ ذكرها على الماشي كده في وسط الوصفة (عن طريقة تنظيف الفراخ مثلا),,و انها وصفات صادرة من القلب و تثق في قائلها,,,ربنا يكرمكن جميعا بخصوص الفتة نفذتها النهارده ,,و الناس بتشكركم جامد يعني

شفتي موضوع اسرار المطبخ الي عملته هنا من فترة.....؟

ابقى بصي عليه حيعجبك باذن الله

رفعتي معنوياتي يا سيبيا....ربنا يكرمك...وخليكي متابعة... اوعي تغيري المحطة

Farida · 19th June 2009, 06:42 PM

سيبيا انا افتكرت بتكتبى فى مواضيع كندا و بس ............وحشانى جدا و مبروك على وصول ولى العهد - ذكرتى ده فى موضوع افضل المدن الكنديه ....ماعلينا طبعا بعد توتا ما قالت طريقه الفته اللبنانى ما أقدرش اقول غير انى باعملها بطريقتى انا يعنى من غير حمص و الحبشتكانات اللبنانى دى .انا كمان مش باعرف اصور قوى بس
انا حأقولك الطريقه بالتفصيل الممل لأنى قلت لها بسرعه فوق
المقادير :
- فرخه مسلوقه مع بصله و حبهان و مستكه و ملح و فلفل و اخرجها من الشوربه و اقطعها و افصصها ...انا استخدمت 3/4 فرخه ....
-4 ارغفه عيش شامى حمصتهم فى الفرن من غير اى اضافه علشان يبقوا خفاف
- علبه زبادى و عليها عصير ليمونه و ملعقه شاى صغيره توم مفروم ناعم و ملح و فلفل و اضربهم كويس لما يتجانسوا و اخففهم بملعقتين شوربه
- 2 كوب ارز ابيض مفلفل
- ملعقتين سمن بلدى اقدحهم و اضع معاهم رشه ملح و فلفل
الطريقه :
اضع العيش و افتته فى طبق غويط و اسقيه بالشوربه و لما يتشرب اضع طبقه ارز ابيض يغطيه و اديها شوربه تانى .افصص الفراخ المسلوقه من الجلد و العضم و ارصها فوق الأرز و بعد كده اضع طبقة الزبادى و اطش السمن المقدوحه - و هى ساخنه - فوق الزبادى و بالهنا و الشفا و دى طريقه مشاببه لقيتها على النت - لما توتا اتأخرت على فى الموضوع -

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
بسم الله الرحمن الرحيم : الأجابة ...ابو الفتوح	إنتخابات الرئاسة	مــــلامــــح	5	1757	22nd May 2012 11:23 PM
اخص على كده : اسراء عبدالفتاح وشباب الثورة مع...	شؤون مصر الداخلية	انسان بقلب ملاك	55	5361	22nd March 2012 08:01 AM
النائب الخبؤ : محمد العمدة عايز يلغى الخلع	شؤون مصر الداخلية	مصرى فقط	21	4138	22nd March 2012 07:06 AM
جودة عبد الخالق عايزنا نحشى المحشى لسان عصفور	شؤون مصر الداخلية	Farida	0	1261	22nd March 2012 06:36 AM
ترشيحات حزب النور بتقول ان فيه امل	شؤون مصر الداخلية	AlexG	13	2554	22nd March 2012 06:31 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
امشى غور من وشى	FINETOUCH	خمسة فرفشة	3	9th November 2011 04:31 PM
كيفية عمل السى فى على الطريقة الكندية	بيدو	الهجرة إلى كندا	14	4th May 2011 03:10 AM
الحقونى يا دكاتره المطاريد .. مش قادر امشى	Eng Hesham	إستشارات طبية	34	17th May 2010 05:02 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

شؤون المطبخ

الحقونى بطريقة عمل فتة الدجاج بالزبادى الصح الصح