الضغط يولد الانفجار

[haya]

الصحف المصرية والعربية

الضغط يولد الانفجار ..صح ؟
اه صح ...بس ده للأسف كان زمان
كل اللي بيحصل حوالينا مش بيقول كده ...
لكن بيقول الضغط بيولد الهروب

كلنا بقينا بنهرب لما نتضغط ...ما كناش كده زمان
أعذروني لو استخدمت لفظ كلنا ...لكن الحقيقة إن كل واحد فينا بيهرب بطريقته
البلد بتقع وإحنا بنهرب
اللي بيهرب من الفقر و يرتشي ويسرق علشان ياكل عياله
و اللي بيهرب من البطاله بالقعده علي القهاوي والسرقه و المخدرات
و اللي بتهرب من الفقر وضغوط الحياه في قصص وهميه تعيش فيها في عز دراستها
والكبير اللي بيسرق البلد ويهرب بفلوسه
و القاتل اللي بيغرق ويموت ولاد بلده ويهرب بره مصر
و الشاب اللي في مقتبل الحياه و نفسه يتجوز ويعيش بيهرب لدوله خليجيه علشان يقدر يعيش
و اللي عايش في دوله خليجيه بقي يهرب لبعيد خالص ويفكر في الهجرة
كلنا كلللللللللللنا بنهرب الا قله قليله جدا عايشه ما هياش عارفه عايشه ازاي وبتقضي يومها ازاي
زمان بلدنا كانت محتله وكانت في ظروف عصيبه وفيها قهر وظلم و فساد وقتها شباب مصر ماهربوش ...لكن واجهوا وقدرو يعملوا حاجه ويغيروا مصر بلد ومصير أمه كامله
رغم اني متاكده اني اللي كانوا بيعانوا منه مش اكتر من اللي احنا بنعاني منه
السؤال ....ليه هما كده وليه إحنا كده ؟؟؟؟؟؟

 

[Badroora]

شوفى يا هيا انت شكلك مضايقة من حاجة معينه ودا انعكس تماما على طريقة كلامك .. انا كمان كدا لما اكون مضايقة باشوف كل حاجة حواليا غامقة ومافيش حاجة مشجعة لكن لما باهدي نظرتى طبعا بتتغير...

اللى فى الخليج دا طموح مش هروب
الهجرة طموح مش هروب سواء لطلب علم او السعى لجنسية او لعيشة افضل.
ودا لا ينطبق علينا كمصريين فقط لاء
عندك مثلا احنا كمصريين او عرب بنسعى للهجرة لكندا واوروبا وهما بردوا بيجوا عندنا فى الدول العربية وبيشتغلوا يبقي منقدرش نقول ان كل من سافر هرب لان الهروب مش شرط..

هناك فرق شاسع بين اللى بيسعى لسفر وهجرة وبين اللى بينهب وبيحول فلوسة لبنوك سويسرا لانه واحد بيشقى ويتعب والتانى بياخد فلوسي وفلوسك وتعبي وتعبك ويهرب به. اذن وضع الجميع فى سلة واحدة تسمي بالهروب من وجهة نظرى غير منصف وفى ظلم كبير لناس اشراف بتتعب وناس حرميه بنتهب .
من ايام الجاهلية او قبل وبعد ظهور الاسلام كان فى هجرة وسفر وترحال والبحث عن الحياة الكريمة لو لم تتوافر او تتواجد فى وطنك الام واعتقد ان هذا حق مشروع وليس هروب
وصدقينى لو اللى فى البلد نفسهم لقوا فرصة للخروج منها مش هيتأخروا ودى مش سلبيه بردوا .
لان ايه الحكمة من انى اظل محلك سر فى حالة انى اقدر افيد واستفيد واجد فرصة افضل ومستقبل منير وفى الاخير اكيد البلد هينوبها جانب ...
اعتقد المسافرين اكتر ناس بتنفق فلوس فى البلد وبتساهم فى ازدهارها عن المقيم فيها...

 

 

[Sonesta]

دعوه لموضوعي

ليالى المطاريد.,,,هل تعلم

اقتباس المشاركة الأصلية كتبت بواسطة haya الضغط يولد الانفجار ..صح ؟ اه صح ...بس ده للأسف كان زمان كل اللي بيحصل حوالينا مش بيقول كده ... لكن بيقول الضغط بيولد الهروب كلنا بقينا بنهرب لما نتضغط ...ما كناش كده زمان أعذروني لو استخدمت لفظ كلنا ...لكن الحقيقة إن كل واحد فينا بيهرب بطريقته البلد بتقع وإحنا بنهرب اللي بيهرب من الفقر و يرتشي ويسرق علشان ياكل عياله و اللي بيهرب من البطاله بالقعده علي القهاوي والسرقه و المخدرات و اللي بتهرب من الفقر وضغوط الحياه في قصص وهميه تعيش فيها في عز دراستها والكبير اللي بيسرق البلد ويهرب بفلوسه و القاتل اللي بيغرق ويموت ولاد بلده ويهرب بره مصر و الشاب اللي في مقتبل الحياه و نفسه يتجوز ويعيش بيهرب لدوله خليجيه علشان يقدر يعيش و اللي عايش في دوله خليجيه بقي يهرب لبعيد خالص ويفكر في الهجرة كلنا كلللللللللللنا بنهرب الا قله قليله جدا عايشه ما هياش عارفه عايشه ازاي وبتقضي يومها ازاي زمان بلدنا كانت محتله وكانت في ظروف عصيبه وفيها قهر وظلم و فساد وقتها شباب مصر ماهربوش ...لكن واجهوا وقدرو يعملوا حاجه ويغيروا مصر بلد ومصير أمه كامله رغم اني متاكده اني اللي كانوا بيعانوا منه مش اكتر من اللي احنا بنعاني منه السؤال ....ليه هما كده وليه إحنا كده ؟؟؟؟؟؟

هيا

جميل جدا الموضوع ده

بس فيه ملحوظة صغنونة جدا

فعلا الضغط ( الكبت ) بيولد الإنفجار

والإنفجار بيولد إما ( إنحراف نفسى ،،، أو إنحراف سلوكى)

ومع الأسف البلد عايشة على الإنحرافين بين الشباب خاصـــة
وإجابة سؤالك يا هيا:

شباب مصر ماهربوش لسبب واحد بس: بلدهم كانت محتلة لكن القادة
كانوا رجالة وماكانوش بينهبوا الغلابة وهو ده اللى كان مصبر الشباب
على الإبتلاء وكانوا بيضحوا بأرواحهم علشان يحرروا بلدهم

هيا....النخوة قلت وتكاد إنعدمت
وزى ما بيقال الرجالة ماتوا فى الحرب

 

 

[haya]

طبعا يا بدارة الجمع بين الطموح والسرقه ظلم
لكن انا شايفه ان النتيجه واحده ان كلنا بنسيب البلد ونمشي..وانتي وانا متأكدين أن اي حد بتجيله الفرصه انه يمشي ويسيب البلد .. بيعمل كده ...

وبعدين يا بدر البلد مش محتاجه فلوس
يعني الفلوس اللي بنجيبها احنا من الخليج مش هيا اللي هاتقوم البلد وتخليها تزدهر
ماهو كل يوم عدد اللي بيسافررو بيزيد
وعدد اللي بيهاجروا بيزيد
و البلد ولا بتزدهر ولا بتطلع ادام خطوة واحدة

 

 

[Badroora]

اقتباس المشاركة الأصلية كتبت بواسطة haya طبعا يا بدارة الجمع بين الطموح والسرقه ظلم لكن انا شايفه ان النتيجه واحده ان كلنا بنسيب البلد ونمشي..وانتي وانا متأكدين أن اي حد بتجيله الفرصه انه يمشي ويسيب البلد .. بيعمل كده ... وبعدين يا بدر البلد مش محتاجه فلوس يعني الفلوس اللي بنجيبها احنا من الخليج مش هيا اللي هاتقوم البلد وتخليها تزدهر ماهو كل يوم عدد اللي بيسافررو بيزيد وعدد اللي بيهاجروا بيزيد و البلد ولا بتزدهر ولا بتطلع ادام خطوة واحدة

صح يا كلامك يا هيا ولكن الحل فى التعديل الادارى بمعنى
ايه فايدة اننا نحلم وناس بتيجي تجهض احلامنا.
نحلم بتغير ونعمل اضراب تكون النتيجة اهانة ووضع فى السجون وعندك اسراء كمثل مش بعيدة
قولنا ايمن نور يااه هو ممكن يكون شعاع النور طلعوه حرامى ونصاب مزور
نظيف دا انا التقيت معاه ومع اهلة قبل ما يبقي رئيس وزراء بشهور من خلال تعاملى معاه ومع باباه الله يرحمه قولت ياريت كل الناس زيهم كانت بلدنا هتتغير بصحيح
بعدها جاء نظيف وبقي رئيس الوزراء قولت يا فرج الله نظيف راجل وابوه كان من رجال الثورة وابن بلد ومكافح اكيد هيحس بمعاناة الشعب وهيعمل حاجة.!!
وللاسف نظيف تطبع بطبعهم ومبقاش فيه امل ..
اعتقد مصر محتاجة ثورة او انقلاب حقيقي وحد محترم يمسك البلد من هنا سيأتى التغير .. اما نحاول نجنى او نزرع ورد بين حقول شوك ما هينوبنا غير الخربشه واجهاض احلامنا..
صدقينى قبل السفر باكون اكسيتد انى انزل بسرعه وابقي هاين على هاطير من الطيارة واجرى بسرعه وعند مجرد هبوط الطيارة باكون اول واحدة باجرى ع الباب واول ماوصل عند الجوزات باحس انى غريبة وانى دي مش بلدي وبدون مبلغة باشعر بمرارة فى حلقى من المعاملة فى المطار وطريقة واسلوب الناس سواء وانت راجعة او نازلة صدقنى بلدنا محتاجة انقلاب عشان تتغير وتتتعدل او بمعنى اخر محتاجة تتفرمط وتتسطب من جديد

 

 

[haya]

اقتباس المشاركة الأصلية كتبت بواسطة سونستا هيا جميل جدا الموضوع ده بس فيه ملحوظة صغنونة جدا فعلا الضغط ( الكبت ) بيولد الإنفجار والإنفجار بيولد إما ( إنحراف نفسى ،،، أو إنحراف سلوكى) [/color][/size]

منورة يا حبي

وليه ماحصلش كده زمان يا سونستا...الضغط وقتها اتحول لطاقه ايجابية...لا إنحراف نفسي ولا سلوكي

اقتباس المشاركة الأصلية كتبت بواسطة سونستا هيا وإجابة سؤالك يا هيا: شباب مصر ماهربوش لسبب واحد بس: بلدهم كانت محتلة لكن القادة كانوا رجالة وماكانوش بينهبوا الغلابة وهو ده اللى كان مصبر الشباب على الإبتلاء وكانوا بيضحوا بأرواحهم علشان يحرروا بلدهم هيا....النخوة قلت وتكاد إنعدمت وزى ما بيقال الرجالة ماتوا فى الحرب

قبل الثورة كان فيه فساد يا سونستا والكبار في الدوله كانوا بينهبوا وبيبقوا بشوات و بينهبوا اراضي البلد وخيرها ويحرموا باقي الشعب منها

لكن عارفه...كلامك عن الحرب وان الرجاله ماتوا في الحرب
فكرني بافكار كانت دايما تيجي علي بالي

ان الجيل بتاعتنا ده اللي اتولدوا في الستينات والسبعينات ماحضروش حرب ...ماعيشناش حرب بنفسنا
يمكن شويه مواليد بدايه الستينات حسوا بالنكسه وحضرو اكتوبر لكن في النهايه اعمارهم كانت لا تتعدي العشر سنين

يمكن جيل اهلنا واباءنا هو اللي حضر الحروب ومنهم اللي شارك فيها ..
جيلنا هو الجيل المولود في بوقه معلقه دهب زي ما بيقولوا
يمكن من المعاناه اللي عانوها ابائنا ماحبوش يحسسونا بيها
ويمكن الظروف اللي اتولدنا وعيشنا فيها في بدايه حياتنا
كانت بدايه نقله وازدهار في البلد وفجأة اتسحب البساط من تحت رجلينا والحلم الحلو اتحول كابوس ...وكنا خلاص اخدنا علي الرفاهيه ...والرفاهيه ولدت سلبيه و هروب عند مواجه الازمات ....مجرد رأي أو بافكر معاكم بصوت عالي

 

 

[Sonesta]

دعوه لموضوعي

ليالى المطاريد.,,,هل تعلم

[quote=haya;42363]منورة يا حبي

وليه ماحصلش كده زمان يا سونستا...الضغط وقتها اتحول لطاقه ايجابية...لا إنحراف نفسي ولا سلوكي




قبل الثورة كان فيه فساد يا سونستا والكبار في الدوله كانوا بينهبوا وبيبقوا بشوات و بينهبوا اراضي البلد وخيرها ويحرموا باقي الشعب منها

لكن عارفه...كلامك عن الحرب وان الرجاله ماتوا في الحرب
فكرني بافكار كانت دايما تيجي علي بالي

ان الجيل بتاعتنا ده اللي اتولدوا في الستينات والسبعينات ماحضروش حرب ...ماعيشناش حرب بنفسنا
يمكن شويه مواليد بدايه الستينات حسوا بالنكسه وحضرو اكتوبر لكن في النهايه اعمارهم كانت لا تتعدي العشر سنين

يمكن جيل اهلنا واباءنا هو اللي حضر الحروب ومنهم اللي شارك فيها ..
جيلنا هو الجيل المولود في بوقه معلقه دهب زي ما بيقولوا
يمكن من المعاناه اللي عانوها ابائنا ماحبوش يحسسونا بيها
ويمكن الظروف اللي اتولدنا وعيشنا فيها في بدايه حياتنا
كانت بدايه نقله وازدهار في البلد وفجأة اتسحب البساط من تحت رجلينا والحلم الحلو اتحول كابوس ...وكنا خلاص اخدنا علي الرفاهيه ...والرفاهيه ولدت سلبيه و هروب عند مواجه الازمات ....مجرد رأي أو بافكر معاكم بصوت عالي
كل اللى بتفكرى فيه بصوت عالى
صح مليون المية،أنا عن نفسى كان فى حرب أكتوبر كان عندى 3 سنين
يعنى لما كبرت بس اللى فهمت يعنى ايه حرب ؟ وماعيشتهاش،،واباب اصلا كان من المحاربين
وفعلا والله يا هيا بابا حاول يعوضنا المر اللى شافوه ايام النكسة والحرب بالمعلقة الدهب،،والله
صدقتى افكارنا واحدة فعلا وزى ماقولتى علشان احنا ابناء جيل واحد
تحياتى

 

 

[haya]

اقتباس المشاركة الأصلية كتبت بواسطة Badria Mekkawy صح يا كلامك يا هيا ولكن الحل فى التعديل الادارى بمعنى ايه فايدة اننا نحلم وناس بتيجي تجهض احلامنا. نحلم بتغير ونعمل اضراب تكون النتيجة اهانة ووضع فى السجون وعندك اسراء كمثل مش بعيدة قولنا ايمن نور يااه هو ممكن يكون شعاع النور طلعوه حرامى ونصاب مزور نظيف دا انا التقيت معاه ومع اهلة قبل ما يبقي رئيس وزراء بشهور من خلال تعاملى معاه ومع باباه الله يرحمه قولت ياريت كل الناس زيهم كانت بلدنا هتتغير بصحيح بعدها جاء نظيف وبقي رئيس الوزراء قولت يا فرج الله نظيف راجل وابوه كان من رجال الثورة وابن بلد ومكافح اكيد هيحس بمعاناة الشعب وهيعمل حاجة.!! وللاسف نظيف تطبع بطبعهم ومبقاش فيه امل .. اعتقد مصر محتاجة ثورة او انقلاب حقيقي وحد محترم يمسك البلد من هنا سيأتى التغير .. اما نحاول نجنى او نزرع ورد بين حقول شوك ما هينوبنا غير الخربشه واجهاض احلامنا.. صدقينى قبل السفر باكون اكسيتد انى انزل بسرعه وابقي هاين على هاطير من الطيارة واجرى بسرعه وعند مجرد هبوط الطيارة باكون اول واحدة باجرى ع الباب واول ماوصل عند الجوزات باحس انى غريبة وانى دي مش بلدي وبدون مبلغة باشعر بمرارة فى حلقى من المعاملة فى المطار وطريقة واسلوب الناس سواء وانت راجعة او نازلة صدقنى بلدنا محتاجة انقلاب عشان تتغير وتتتعدل او بمعنى اخر محتاجة تتفرمط وتتسطب من جديد

يعني نظيف ما طلعش نظيف...

ماهو يا بدورة هانجيب منين إدارة ...ومين اللي يجيبها ويوديها فين ....والاهم إزاي نجيبهااااااااااااااا

 

 

[toota]

ببساطة لان الهروب اسهل .....مبقاش فيه صحه للمواجهة ..

 

 

[haya]

اقتباس المشاركة الأصلية كتبت بواسطة toota ببساطة لان الهروب اسهل .....مبقاش فيه صحه للمواجهة ..

يعني إحنا جيل تعبان يا قلبي ( ده اكسبرشن جدتي كانت بتستخدمه زمان ....شعارفه حد هايفهمه ولا لا .. )

وليه ما طلعناش جيل بيختار الاصعب ويستلذ كده بنشوه النجاح زي جيل اهلنا ...؟؟؟؟