بيتزا مارجريتا فورية....افتكاسة

[toota]

الصحف المصرية والعربية

اقتباس المشاركة الأصلية كتبت بواسطة haya طيب بالمناسبه السعيدة ديه بقي يا توتا قوليلي طريقة عمل المناكيش ( زي ما ولادي بيقولوا عليها ) انا جاهزه عندي دقيق وبيض ولبن وخميرة وزعتر بالسمسم وزعتر كده سادة كده .....ها اعملها إزاي بقي ...

هي سعيدة اوي فعلا يا فندم

العجينه لو اتعملت صح و اتخمرت اكيد بتطلع مختلفه تماما....يعني تعجنيها مثلا قبلها بساعتين تلاته وتسيبها في حته دافيه ومتغطيه عشان تخمر وتنفخ.....

الزيت والزعتر ابو سمسم دول من اسهل مايمكن...يدوبك تخلطيهم ببعض لحد ما تلاقي الخليط تخين شويتين ....ولو بتحبيها مززة تضيفي عليها شويه ملح ليمون او سماق.....وبعد ما تكوني مديتي العجينه سواء على مقاس الصينيه او دواير صغيره تتقطع بكبايه ...او اكبر شويه حسب ما بتحبي....وتدخل الفرن على حرارة عالية...عشان متنشفش العجينه....وممكن تعملي كمان حاجات كتير...منها سوسيج متوسط الطول يتلف بالعجينه...او جبنه بيضا تترش على العجينه مع طماطم وحبة البركة...او لحمه معجونه بطماطمايه وبصله وفلفل اسود وشويه دبس رمان وصنوبر تتحط ع الجينه وتدخل فرن متوسط.....ودي بتطلع تحفه ...واسمها صفيحه في لبنان....

المهم انتي بتحبي الحشوة ايه وتفضيلك لايه حيطلع تحفه خصوصا وهو سخن

 

 

[Badroora]

إحم إحم
أبلة توتا ..قومى ارفعى راسك وافتخري بيا
جبت دقيق اللى هو بيخمر لوحده دا بس عشان انا حظى جبس ضفت معلقة خميرة صغيرة معلقة بيكنج بودر ومعلقتين زبادي
عشان اضمن انها مش هتجبس يعنى مش هتجبس
معرفش ليه يا توتا كل مادخل المطبخ يكبس على النوم المهم عجنتها ولما كبس على النوم استسلمت تماما وبعدين صحيت بعد 6 ساعات نوم ودخلت لاقيتها منفوخه اوى عجنتها تانى فى بعضها كشت
دورت على الصينية بتاع البيتزا كنت فاكرة اخر مرة استخدمهتا من سنه تقريبا ملقتهاش المهم جبت الساج بتاع الفرن وغسلته ودهنته زيت وفردت عليه العجينة والحمدلله اتفردت بسهولة عشان شكلها كانت متخمرة كويس ..وعملت الصلصة اللى قولتى عليها سبتكتها وتصورى طعمها جميل جدا كنت فكراها هتطلع طبيخ بس طلع طعمها حلو ..
المهم فردت العجينة ودهنتها صلصة وحطيت زيتون وبصل وسوسيج (عشان صحبتى تاكل معايا) وجبنه شيدر وموزاريلا ورشيت زيت زيتون معرفش انت وصيتى به ولا لاء المهم انا ضفته وخلاص وحطيت كرفس عشان بندق قال عليه صحي وبياكل الدهون ..
ودخلتها الفرن ..الحمدلله ربنا كرمنى واستوت وكان طعنها توحفه اطعم من بتاعتك بس الغلطة الوحيدة ..جيت اخرجها من الصينية لاقيتها لزقة المهم اتصرفت وسلكت لى حته ولصحبتى حته والباقى لازق قولت نبقي نسلكه ع العشا
بس العجينة كانت مقرمشة وخفيفة احسن من بيتزا هت نفسهم وتحدي
واليكي الصور عشان تفتخرى بيا وتعرفوا ان الطبيخ دا من اسهل ما يمكن ومش لازم الواحد يفنى شبابه فيه ..المهم النصاحة فى خطوات اتبعها والتساهيل من رب العالمين ..بلا نفس بلا حجج فارغة

المعجزة قبل الطبخ




المعجزة بعد الطبخ




فى انتظار تقى بعد العشا عشان تفرجنا على عمايلها ..

انا بصراحة اتفائلت خير بسنه 2009 ودا يعتبر اول انجاز لى سوف اسجله ان شاء الله ..واخيرا حلت عنى لعنة الالهة

 

 

[nash]

يا ألف نهار أبيض يا ألف نهار مبروك...

انا عايزة حد يضربني بطوبه علشان أفوق و أصدق اللي شايفاة بعنيه دول وبقراة ...

يامانت كريم يارب....

أنا من كتر التأثر مش قادرة والنيعمه

أيه الهنا ده كله يا بدريه...خلاص أنتي كده أخدتي شهاده معتمده من مطبخ المطاريد..أخيرا بعد عناء 7 سنين عشت وشوفت وجه اليوم اللي اشوفلك حاجه هنا

الظاهر النيو لوك سرة رهيب.....لااااااااا ده كتير قوي قوي

حد يقولي يا جماعه بجد اللي أنا شايفاة ده بحق حقيقي ولا بدريه لاطشاة من حته كده ولا كده علي النت

 

 

[بندق]

لوووووووووولوووووووووووووووولولى

 

 

[toota]

ياللهول................

انا مش عارفه اقول ايه.... الدمعة حتفر من عيني.اشهد يا تاريخ...اشهدوا يا مطاريد...التلميذ تفوق على استاذه....

انا كدة اقدر اموت وانا متطمنة عليكي يا بدارة.....بجد....عملتي الي مكنتش اتصور ولا اتخيل انك تعمليه عمرك.....

بصراحة اكتر كنت رامية طوبتك ......اه

شفتوا الحب بيعمل ايه؟؟؟؟؟؟؟؟؟

عشرة على عشرة يا بدارة.......

وسع يا شيف بندق بقى كدة سكة....بدارة سوف تحتل المطبخ من هنا ورايح

 

 

[تقى]

تقى نتقابل اليوم بعد العشاء عندك عشان نشوف التحدي بس ابقي صورة البيتزا عشان نشوف احنا ولا انت ولا توتا
صحيح يا تقى ايه الروزمارى دا (ايكنش تقصدى ماء ورد)[/quote]

هههههههه يابنتي مش ممكن اللي انتي بتعمليه فيا ده انا كسلت عن عمل البيتزا اجلتها ليوم
الخميس في الاجازه العيال عندهم امتحانات ومش فاضيه اعملها
ولو على العشا تعالى يا الف اهلا وسهلا وانا مستعدة واللي يرجع في كلامة
الروز ماري ده اكليل الجبل مش الماء ورد لاسمح الله

 

 

[Badroora]

اقتباس المشاركة الأصلية كتبت بواسطة nash يا ألف نهار أبيض يا ألف نهار مبروك... انا عايزة حد يضربني بطوبه علشان أفوق و أصدق اللي شايفاة بعنيه دول وبقراة ... يامانت كريم يارب.... أنا من كتر التأثر مش قادرة والنيعمه أيه الهنا ده كله يا بدريه...خلاص أنتي كده أخدتي شهاده معتمده من مطبخ المطاريد..أخيرا بعد عناء 7 سنين عشت وشوفت وجه اليوم اللي اشوفلك حاجه هنا الظاهر النيو لوك سرة رهيب.....لااااااااا ده كتير قوي قوي حد يقولي يا جماعه بجد اللي أنا شايفاة ده بحق حقيقي ولا بدريه لاطشاة من حته كده ولا كده علي النت

والنعمة حرام عليكي يا ناش دا مجهودي وباعك فيها من الصبح ووسخت هدومى والمطبخ كله اتلطع عجين فى كل حته ووسخت معظم مواعين المطبخ وكمان تقوليلي لطشاها من ع النت حرام حرام
هو يعنى عشان انا متواضعه وحظى جبس خلاص متتوقعيش يطلع منى حاجة حلوة

 

 

[تقى]

المعجزة بعد الطبخ




فى انتظار تقى بعد العشا عشان تفرجنا على عمايلها ..

انا بصراحة اتفائلت خير بسنه 2009 ودا يعتبر اول انجاز لى سوف اسجله ان شاء الله ..واخيرا حلت عنى لعنة الالهة [/quote]


يالهوي انا بقولانتي عملتيها اجاي اكل بقى وخلاص لازم يعني العيال عندهم اختبارات مش قدرة اتنفس خليها في الاجازة يوم الخميس وربنا يستر انا بفكر اعمل المنافيش بتاعت توتا اسهل
كدا يا بدريه بدل ما تعملي اتنين اواحدة باسمك وواحده باسمي علشان الضرايب ماشي
اعمل ايه انا دلوقتي

 

 

[Badroora]

اقتباس المشاركة الأصلية كتبت بواسطة بندق لوووووووووولوووووووووووووووولولى

استاذى ومعلمى ارفع راسك بقي واتفشخر بتلميذتك المخلصة النبيهة

 

 

[بندق]

اقتباس المشاركة الأصلية كتبت بواسطة Badroora استاذى ومعلمى ارفع راسك بقي واتفشخر بتلميذتك المخلصة النبيهة

تلميذتى فين بقى يا بدرووووووووورة ..

دا انا ما فلحتش معاكى فى حاجة خالص .. حتى مواضيعى بارت جنب البتزا بتاعت توتا وسى جُميِْل مش عارف يفرق بين طبخ خالته بهانه وتحفى الفنية .. التى شبهها أحمد باشا بأعمال سلفادور دالى .. ناس لها حظ وناس لها ترتر