تساقط الشعر ..اسبابه..وعلاجه!

[بنت شعنونة]

الصحف المصرية والعربية

جبال ما عندكيش انيميا ..
عملتي تحليل ومتاكدا انه ما عندكيش انيميا؟ والا بتحزري؟



هايا


تعالي كدا معايا يا ضنايا بصي ع الصورة دي





[IMG]https://womanhairgrowth.info/wp-*******/gallery/traction_alopecia/traction_alopecia_woman_4.jpg[/IMG]



]



يعني انتي عاوزة تجيلي بالمنظر دا وتقوليلي الميزوثيرابي بيعمل ايه؟؟؟؟؟؟؟؟؟؟

دا على اساس انه سحر والا شعوذذذذذذذذذذذذذذذة

يا بنتي
الميزوثيرابي بيعمل على البصيلات يعني الموجوووووووووووووود منها سواء كانت بصيلة جيدة او ضعيفة
انما ميتة؟؟ ها احييها ازاي بالصلاة ع النبي؟


لا طبعا.. ماهوا اللي بيخرب في سنين مش ها يتصلح في يوم وليلة يا هايا
ارحموا من في الارض يرحمكم من السماء

 

 

[haya]

لا لا لا يا شانا حرام عليكي مش كدة الموقف خالص

بس استني هنا وانا اعرف منين الشعر اللي بيقع ده مات ومش راجع تاني ولا راجع تاني ؟؟

 

 

[أمة العزيز]

بجد ربنا يكرمك على المعلومات ديه ..

طيب .. ماسكات الشعر .. الكريمات ديه .. استخدمها بمعدل كم مرة في الاسبوع وكترها مضر ولا لا .. مع العلم اني مش متعودة احط لا كريم ولا زيت لما بغسله .. هو الشامبو وكان بها ..

ومؤخرا جبت بلسم لتكثيف الشعر .. لان شعري خفيف .. اللي هو leave in
ده كويس ولا مضر ..

ومعلش سؤال كمان .. ايه افضل انواع للشامبو والحاجات ديه انا بستخدم مجموعة دوف ؟ واحيانا حاجات من منتجات اوريفليم
وانا شعري كان تقيل وخف .. ارجعه تاني ازاي .. طبعا بالاهتمام .. بس فيه حاجة تساعد ؟

فيتامينات اللي بتتاخد علشان الشعر .. سمعت انها بتاثر على شعر الجسم كله .. ده صحيح ؟

معلش بجد الاسئلة كتير ..

 

 

[بنت شعنونة]

هايا
صعب انك تعرفي "لوحدك" اذا كانت بصيلاتك حية او ماتت
بس خليني اقولك على "امارة" لو حالتك وصلت زي الصور كدا او مثلا بقالها اكتر من خمس سنين ممكن نقول اننا دخلنا في الجزء الصعب من الحالة..

 

 

[بنت شعنونة]

امة العزيز..
اولا حمدالله ع السلامة والف مبروك الزواج السعيد

اقتباس طيب .. ماسكات الشعر .. الكريمات ديه .. استخدمها بمعدل كم مرة في الاسبوع وكترها مضر ولا لا .. مع العلم اني مش متعودة احط لا كريم ولا زيت لما بغسله .. هو الشامبو وكان بها .. ومؤخرا جبت بلسم لتكثيف الشعر .. لان شعري خفيف .. اللي هو leave in ده كويس ولا مضر .. ومعلش سؤال كمان .. ايه افضل انواع للشامبو والحاجات ديه انا بستخدم مجموعة دوف ؟ واحيانا حاجات من منتجات اوريفليم وانا شعري كان تقيل وخف .. ارجعه تاني ازاي .. طبعا بالاهتمام .. بس فيه حاجة تساعد ؟ فيتامينات اللي بتتاخد علشان الشعر .. سمعت انها بتاثر على شعر الجسم كله .. ده صحيح ؟

بصي يا ستي..
لو شعرك مستريح يبقى انا من انصار الشامبو و البلسم فققققققققققققققط وتبقى ممتازة
انما في بعض الحالات عشان نحسن "ملمس" الشعر وشعورنا بيه بنضطر نلجأ للكريمات
بالنسبة للزيوت انا ليا تحفظ جامد جدا عليها الصراحا ولا اوافق عليها بالمرة

الكريمات بقى ممكن نستعملها مرة بالاسبوع لو احتجناها ولو الشعر متدمر ممكن يبقى مرتين وبسسسسسس


بلاش البلسم اللي بيفضل جوا الشعر
لأنه ممكن فتلة شعرك تكون خفيفة ف يوقعه زيادة
ممكن تستعملي بلسم "طبيعي" زي Suave Natural
اكتر من ممتاز

اوريفليم و افون نييييييييييييييييييييييييييييييييييييييلة ابعدي عنهم يا بنتي هاتي منهم برفانات مكياجات ماشي انما اي حاجا بشرة وشعر نيلة

منتجات دوف متوسطة بس لو شعرك مستريح معاها يعني مناسب لشعرك يبقى ما منهاش مشاكل

مش مفروض انه فيتامينات الشعر تزود شعر الجسم الا اذا كان عندك لخبطة في الهرمونات؟!

من اكتر الفيتامينات شيوعا pantogar capsule
ودا بيتاخد مرتين او 3 مرات يوميا لمدة 3 شهور ويفضل ايقافه في حالة حدوث حمل..





امة اسألي انتي بس وما يهمكيش مش احسن ما الاقيش حاجا اقولها

 

 

[fatfouta]

سالخير عليكوا

والنبى يا دكتورة عندى اسئلة كتير

اول واحد .......انا شعرى زمان كان تقيل جداااا لدرجة ان لما كنت اجى اسرحه وانا صغيرة كنت اقعد اعيط.......مع انه ناعم جدا والحمد لله

بس بقى لاحظت عليه كل ماكبر فى السن يخف مش عارفة ليه

كنت بلاحظ كل مابقى حامل يبقى قوى وجميل فى فترة الحمل لكن بعد الولادة تبتدى مرحلة التساقط ومهما اروح عند دكتور ايوه يخف التساقط لكن مايرجعش تقيل ذى الاول ابداااا

فابصراحة خايفة لا يعمل ذى مابتقولى ويخف ويصلع.....اعمل ايه؟؟



الاسئلة التانية جاية بس مانحبوش نتقلوا عليكى مرة واحدة كده

 

 

[بنت شعنونة]

اهلا يا فتفوتا

منورانا..

اولا انتي عندك كام سنة.؟

ثانيا..
في الحمل هرمونات الانوثة بتكون في اعلى مستوياتها وبالتالي بتكون افضل حالات الشعر عند 90% من السديات وبتبقى سعيدة جدا
في الولادة نتيجه التعب وضعف المناعة " و البنج لو قيصرية" + هرمون الرضاعة و عدم الراحة مع الطفل الجديد كل دا مجتمع بيؤدي الى تساقط الشعر
اللي مستغرباله بقى..

انه مفروض في فيتامين وكالسيوم الحمل "الاقراص اللي تاخدوها طول فترة الحمل" دي مفروض تكملوا عليها زي ما هيا لحد الفطااااااااااااام وطبعا دا ما بيحصلش
انما اللي بتكمل بتعدي مرحلة خطرة بسلام بدون تداعيات قوية

هل ها توصلي لدرجة صلع او لا؟
لازم توصفيلي حالة شعرك كانت ازاي ودلوقت ازاي ..دا اولا
ثانيا..
لازم تنتظمي على علاج فترة لا تقل عن سنة لو عاوزاه يرجع زي ما كان..

 

 

[fatfouta]

اقتباس المشاركة الأصلية كتبت بواسطة بنت شعنونة ا اولا انتي عندك كام سنة.؟

ليه الاحراج ده بقى؟؟؟؟؟

ماشى هقولك بس ماتقوليش لحد

34

 

 

[fatfouta]

انتى قريتى الكلام ده فين؟؟؟؟ ممكن تجيبى المداخلة دى ........اصل ولاد الحرام كتير يا اختى

 

 

[بنت شعنونة]

تم الحذف يا فتفوتة..
معلش يجوز اكون انا فهمت غلط او اختلط عليا الامر

بالنسبة للسن انتي لسة صغيرة ولو كان معاكي طفلين يبقى اتوقع انه الحالة لسا مش خطيرة
منتظرة وصفك للحالة..