لاندنج جديد لانج جدا !

[مصطفى عمر]

الصحف المصرية والعربية

لا مينفعش تغيب علينا كدة......
ياريت يكون المانع خير

 

 

[bongeorge]

أنا متشكر جدا" على متابعتكم الجميلة ... أنا لا بشوف غلاوتى عندكوا ولا حاجة ... أنا بس كنت مشغول شويتين و الحمد لله رجعت بالسلامة ... أخبار مصر أيه ... مش اللى فى التليفزيون لا بجد ... نفسى فى طبق كشرى يا جماعة الكلام ده ماينفعش !

 

 

[bongeorge]

أنا متشكر جدا" على متابعتكم الجميلة ... أنا لا بشوف غلاوتى عندكوا ولا حاجة ... أنا بس كنت مشغول شويتين و الحمد لله رجعت بالسلامة ...لما غيرت العنوان روحت علشان أعمل فولنتير فى مستشفى قالولى لازم Family doctor يعملك تحليل انى معنديش TB ههههه امال اللى عملناه فى مصر ده كان ايه ؟ TC ؟ قالولى ماليش دعوة ... أحنا حالفين على الغالى أن أحنا نعقدك و نكلكعهالك على قد ما تقدر ... غاصبون عننا خبيبى ... طيب يا سيدى أحنا فى مشتشفى و انا هاتطوع فى مشتشفى مش فى مدرسة اطفال ... يعنى ممكن تعملولى التحليل ده هنا ... مش عندكوا برضه و لا ايه .؟؟ اه عندنا خبيبى بس أحنا زى ماقولنالك حالفين على البابا و الماما أن نكلكعهالك !!! قولت خلاص كلكع براحتك يا باشا ... روحت قولت يانا يانتوا ...طلعت على الدكتور قالى ...بوص يا سيدى الكارت بتاعك ملغى ! .... ليه يا دكتير ؟ قاللى معرفش و فوت علينا بكرة .... روحت قوم ايه طلعت على SERVICE ONTARIO قالولى ... ثانية واحدة و اتصلت بواحدة تانية ... ثانيتين .... هو حضرتك طلعت برة كندا ؟؟ لأ و المصحف ... قالتلى يبقى غيرت عنوانك ؟؟ قولتلها اه ! قالتلى طيب !! ادى الرقم الجديد و كارتك الجديد هايجيلك على العنوان الجديد !! أتارى ( مش بلاى ستيشن ) كل ده بيتأكدوا من العنوان الجديد !!! بس بصراحة الموضوع خلص طالما على حق و ماشى صح و قانونى
طبعا" ده بالمقارنة بمصر .... الفرق بين زحل و عطارد ! هاجة أجيبة خالص !
نسيت أقولكم خبر مهم ... قبل مسافر على طول أصبت بحالة أدمان حاد من المصالح الحكومية الرسمية ... الأول كنت عايز أوثق ورقى من الخارجية و بعدين كبرت فى دماغى أطلع شهاة الثانوية العامة ( الكارتون .. الورق البنكنوت من الاخر !) ليه معرفش و قولت والله منا طالع من البلد دى الا ما خد حقى ... شهادة الثانوية العامة
أطلع على اليماضراسة ! ( بعد الفرجة على قناة دريم و مشاهدة برنامج يعلم نطق الحروف لألف متفرج تقريبا" و أنا بقول مصر خربت ليه ... مش علشان الناس دى قاعدة مابتشتغلش أو المصانع بتتقفل و السياحة أتضربت و ماتت سابع موتة و لا التعليم اللى انهار ... لا لا لا ...تو2 ! علشان الناس مش عارفة تنطق الحروف !!زغرتى يا أم خلف !! ( مين دى ؟!) أننى أتكلم اللغة العربية بطلاقة !
يووه برضه طلعت من الموضوع .... رحت المدرسة قاللى ... تحولت كل أهدافى الى استخراج هذه الشهادة ... لن أتركها قط تقع فى أيدى الأعداء!! الروتين هو عدوى اللدود و كاد أن يفتك بى ... لولا أن قمت بالذهاب مرة أخرى بالعربة هذه المرة و وقفت قدام باب المدرسة و أزمر أفتحوا الباب للباشا !! قالولى ... وسع ياااد للباشا !! و بعدين أنا مركب ستاير ... قولتلهم الباشا محتاج شهادة الثانوية العامة بتاعت 1996 علشان مجلس الشع مشترط الموضوع ده .... و الدنيا تتقلب ... هو مين حضرتك ... أنا مدير المكتب العلمى .. أقصد المكتب بتاعه ... لخّص ! ... الشهادة تطلع من الارشيف بعد نص ساعة و الحمد لله طلعت الشهادة بس بدون ختم المدرسة !
أطلع الدور التانى فالتالت فالتانى فالمدير ... الختم مش موجود ... يا جماعة الباشا مسافر سوريا 2009( فللاش باك) الاسبوع اللى جاى .؟.. لما ترجع بالسلامة و بعد مارجعت ... روحت ختمتها على تلت مرات ... قولت لازم أوثقها من الخارجية مع كل ورقى ... تحول العند ضد الروتين لأدمان من هذا اليوم و أصبحت لا أستطيع النوم الا أذا ختمت ورقة بختم النسر و الأحساس بنشوة الحصول عليه ( نشوى مين ؟!!! )
لكن للأسف الرهيب .. قام الموظف الألعبان و طلعلى اللايحة ! ( كويس أنه طلع اللايحة بس و مطلعش .. لسانه ) يا بيه اللايحة بتقول أن شهادة الثانويية العامييه ! لازم تتختم قبلا" من أدارة الأمتحانات فى القصر العينى ... و رحمة أمك لأختمهالك و أجيبهالك ... و اللايحة برضه بتقول علشان تختم شهادة خبرة المرور ... لازمن تتختم من الأدارة العامة للشئون الادارية ... و مش عارف أيه يتختم منين الاول .... و الشهادة الكرتون بقى بتاعت الكلية اللى انت رحان بيها دى ... لازم تختمها من أمين عام الجامعة الأول !!!
و ده التطور الطبيعى للحاجة الساقعة !!
هنا
COPR +Passport = Sin number at the same day
COPR +Passport + bank statement = G1 license at the same day!
COPR + G1 license +Bank statement + Passport = OHIP at the same day
Change of address of driving license through internet website and you dont need to go there by yourself
the same with OHIP
the same with Immigration
same with everything !
No Stamps
No Certifications
No Bullshit !
أخبار مصر أيه؟ ... مش اللى فى التليفزيون لا بجد
...

 

 

[Jonathan]

صباح الخير يا بون جورج..بجد المشاركة اكتر من تحفة...سيناريو كوميدي جدا..بس الجزء الاخراني دة بقي مهم حبيتيين عشان كدة عايزنك تفسره و تشرحه شوية ...عدم الا مؤاخذه بجى..كل واحد و علامه..و انت باين عليك متعلم و متنور...و يجعله عامر

 

 

[micranjo]

صباح الفل يا مطاريد كندا انا مهاجر بإذن الله في اول شهر مارس وعايز خبراتكم في الطلعة الاولانيه من داخل المطار اللي اخر المشوار اعمل ايه بالظبط علشان مش عايز احتاس بالعيال وامهم اللي يقدر يساعد بمعلومات مفيدة يبقي عظيم
شكراً جزيلاً

 

 

[mahmoud fahmy]

اقسم بالله التوبيك ده خلانى اغير تفكيرى و ارجع لعقلى 180 درجه انا دلوقتى لسه بدرس و من وانا فى اولى ثانوى ناوى اهاجر ... انا لما اتخرج هبقا مهندس فى مجال ال IT .... لما قامت الثوره وشاركت فيها قولت ارجع عن موضوع الهجره لكن بعد الى شوفته من شعب مصر العظيم من الفتره الى فاتت لغاية البرلمان الاسلامى ده عرفت ان الهجره هيا الحل كفايه يا دكتور ان شعبنا ده عاوز ياكل وينام بس و تفكيره سطحى كده انا مش هنسى وانا راجع من محمود متبهدل تراب راجل يقولى ربنا يقويك على خراب البلد يبنى ولا حق الشهداء الى مجاش ولا الشباب الى عنيهم طارت ادامى مصيرهم ايه !! انا بعد نكسة البرلمان الى خده الى كانوا بيحرموا الخروج على الحجاكم ايام ما كنا بنموت فى التحرير يبقا فيه حاجه غلط !! انا بحمد ربنا انى عرفت الحقيقه بدرى مع انها صادمه بس مصر تتحب اه انما يتعاش فيها لأ و احب اشكرك يا باشا على المعلومات
دى الى انا بعتبرها انقذتنى من مصير انى اعيش هنا وادمر نفسى بنفسى انا احلامى متنفعش فى مصر

 

 

[bongeorge]

اقتباس المشاركة الأصلية كتبت بواسطة mahmoud fahmy اقسم بالله التوبيك ده خلانى اغير تفكيرى و ارجع لعقلى 180 درجه انا دلوقتى لسه بدرس و من وانا فى اولى ثانوى ناوى اهاجر ... انا لما اتخرج هبقا مهندس فى مجال ال IT .... لما قامت الثوره وشاركت فيها قولت ارجع عن موضوع الهجره لكن بعد الى شوفته من شعب مصر العظيم من الفتره الى فاتت لغاية البرلمان الاسلامى ده عرفت ان الهجره هيا الحل كفايه يا دكتور ان شعبنا ده عاوز ياكل وينام بس و تفكيره سطحى كده انا مش هنسى وانا راجع من محمود متبهدل تراب راجل يقولى ربنا يقويك على خراب البلد يبنى ولا حق الشهداء الى مجاش ولا الشباب الى عنيهم طارت ادامى مصيرهم ايه !! انا بعد نكسة البرلمان الى خده الى كانوا بيحرموا الخروج على الحجاكم ايام ما كنا بنموت فى التحرير يبقا فيه حاجه غلط !! انا بحمد ربنا انى عرفت الحقيقه بدرى مع انها صادمه بس مصر تتحب اه انما يتعاش فيها لأ و احب اشكرك يا باشا على المعلومات دى الى انا بعتبرها انقذتنى من مصير انى اعيش هنا وادمر نفسى بنفسى انا احلامى متنفعش فى مصر

عزيزى المهندس محمد ... لمنتدى المطاريد
نفس اللى حضرتك عملته ... مدرستى فى ال CFCC عملته و قالتلى أنها قطعت الورق بتاع الهجرة بعد الثورة ... طبعا" أنا أتصدمت و قولتلها ممكن بكرة القوانين تتغير ... أنتى بتتكلمى فرانسيه زى اللبلب و هتعدى هوى ... قالتلى ميرسى بيان و أنا هاحقق كل ده فى بلدى ... أنا كان نفسى مصر تتعدل و كنت رجعت على أول طيارة ... أنا ماقصدش أكسر مقاديف أو أثبط من العزيمة أو الهمّة ... لكن هو ده اللى هايحصل ... مجنون مشى و جه بداله ألف مجنون سلطة و شهرة
اللى يشوف اللى بيحصل فى مصر تحس ان الناس بتتسابق على الخراب ! ... و كل ده لأن مفيش قيادة حكيمة و عادات و تقاليد مشوّهة و أفكار مغلوطة و ..... حاجت تانية كتير و لا الحكومة و لا أى حد بيفكر يعرضها حتى علشان تتحل ... عدم تطبيق القانون على الكل .. التطرف الدينى ... هجرة العقول المفكرة و الأيدى الماهرة دى عمر ما حد طرحها ... بدل ما الناس بتسألك أنت بتهاجر ليه ... أسأله انت عملت ايه للمصريين علشان ميهاجروش ؟

كندا زى ماقلت .. مش هى الجنة أو السماء ... السماء مش موجودة على الارض و مش هتبقى موجودة أبدا "
كل بلد ليها مميزات و عيوب
فى كندا أحترام حقوق الانسان و الاقليات قانونا " ... بلد منظمة .. بلد نظيفة جدا" ... مواصلات اّدمية
مصر مفيش أى حقوق ... مملكة السبهللة بلا منازع ... غباء سياسى رهيب ... لا توجد قدرة على حل المشاكل الا بلوى دراع الدين و أستخدامه مما يؤثر سلبا" على الاتنين .. السياسة و الدين
لكن العمل متوفر أصدقائك ... اقاربك ... زوجتك ... زوجتك لو مش من النوع المتفهم ... تتقى الله .. هتتعبك هنا أوى ... يا ما شفنا ناس خسرت بيوتها ... البعد بيخلى فى سوء تفاهم ... و لو معاك بس شعنونة ..مطيورة !!! عيلة صغيرة و فاكرة أن كندا فسح و خروج و لعب .... أضمنلك و أبصملك بالعشرة ... أنها هتحول حياتك لجحيم
لــــكن ... العمل و الماديات هنا مشكلة خطيرة لدرجة أنك ممكن ماتعرفش تستمتع بالجنة دى و تتحول لا قدر الله الى جحيم
One man's paradise is another one HELL
التعب و الشحططة و المرمطة فى الاول ... كندا بتضمنهولك
من الأخر دى عملية منظمة لأستدراج المؤهلات العليا و زوى الخبرات من كل أنحاء العالم ... بخبراتهم و بفلوسهم

من الناحية التانية .... تلاقى بقى الدول العربية و تخصص فى التطفيش و الطرد لولادها ... واحد عمال يزقك من ناحية و التانى بيمثل عليك و يقولك تعالى فى حضنى يا أبنى !!!
اول ماتيجى كندا مش هتقولك .. أبنى حبيبى ضنايا ... هاتقولك أنت جيت يا منيل ؟!! خش على المواعين ! ( ميميى شكيب )

بما أنك لسة مخلصتش ... يبقى هنا أحسنلك ... تبتدى على نضافة

لكن للى مستقر و شغال ... ربنا معاك

 

 

[elmonfy]

اقتباس المشاركة الأصلية كتبت بواسطة mahmoud fahmy اقسم بالله التوبيك ده خلانى اغير تفكيرى و ارجع لعقلى 180 درجه انا دلوقتى لسه بدرس و من وانا فى اولى ثانوى ناوى اهاجر ... انا لما اتخرج هبقا مهندس فى مجال ال IT .... لما قامت الثوره وشاركت فيها قولت ارجع عن موضوع الهجره لكن بعد الى شوفته من شعب مصر العظيم من الفتره الى فاتت لغاية البرلمان الاسلامى ده عرفت ان الهجره هيا الحل كفايه يا دكتور ان شعبنا ده عاوز ياكل وينام بس و تفكيره سطحى كده انا مش هنسى وانا راجع من محمود متبهدل تراب راجل يقولى ربنا يقويك على خراب البلد يبنى ولا حق الشهداء الى مجاش ولا الشباب الى عنيهم طارت ادامى مصيرهم ايه !! انا بعد نكسة البرلمان الى خده الى كانوا بيحرموا الخروج على الحجاكم ايام ما كنا بنموت فى التحرير يبقا فيه حاجه غلط !! انا بحمد ربنا انى عرفت الحقيقه بدرى مع انها صادمه بس مصر تتحب اه انما يتعاش فيها لأ و احب اشكرك يا باشا على المعلومات دى الى انا بعتبرها انقذتنى من مصير انى اعيش هنا وادمر نفسى بنفسى انا احلامى متنفعش فى مصر

بص يامحمود انا زاي اخوك العبدلله حاصل علي تقدير جيد جدا مع مرتبه الشرف من كليه العلوم كيمياء
انا الحمدلله لحقت نفسي وقدمت هجره لان انا لوكنت قعدت في البلد دي سنه كمان كنت انتحرت من الاهمال والتجاهل تجاه العلماء والعقول البلد دي بتاعت الباشا وكيل النيابه والظباط غير كده ارمي في الزباله
اول ماتخلص قدم علطول ماتضيعش وقت

 

 

[elmonfy]

اقتباس المشاركة الأصلية كتبت بواسطة mahmoud fahmy اقسم بالله التوبيك ده خلانى اغير تفكيرى و ارجع لعقلى 180 درجه انا دلوقتى لسه بدرس و من وانا فى اولى ثانوى ناوى اهاجر ... انا لما اتخرج هبقا مهندس فى مجال ال IT .... لما قامت الثوره وشاركت فيها قولت ارجع عن موضوع الهجره لكن بعد الى شوفته من شعب مصر العظيم من الفتره الى فاتت لغاية البرلمان الاسلامى ده عرفت ان الهجره هيا الحل كفايه يا دكتور ان شعبنا ده عاوز ياكل وينام بس و تفكيره سطحى كده انا مش هنسى وانا راجع من محمود متبهدل تراب راجل يقولى ربنا يقويك على خراب البلد يبنى ولا حق الشهداء الى مجاش ولا الشباب الى عنيهم طارت ادامى مصيرهم ايه !! انا بعد نكسة البرلمان الى خده الى كانوا بيحرموا الخروج على الحجاكم ايام ما كنا بنموت فى التحرير يبقا فيه حاجه غلط !! انا بحمد ربنا انى عرفت الحقيقه بدرى مع انها صادمه بس مصر تتحب اه انما يتعاش فيها لأ و احب اشكرك يا باشا على المعلومات دى الى انا بعتبرها انقذتنى من مصير انى اعيش هنا وادمر نفسى بنفسى انا احلامى متنفعش فى مصر

بص يامحمود انا زاي اخوك العبدلله حاصل علي تقدير جيد جدا مع مرتبه الشرف من كليه العلوم كيمياء
انا الحمدلله لحقت نفسي وقدمت هجره لان انا لوكنت قعدت في البلد دي سنه كمان كنت انتحرت من الاهمال والتجاهل تجاه العلماء والعقول البلد دي بتاعت الباشا وكيل النيابه والظباط غير كده ارمي في الزباله
اول ماتخلص قدم علطول ماتضيعش وقت

 

 

[om toto]

اشكرك على التوبيك .بجد اكتر من رائع..
كان لية سؤال لحضرتك..حضرتك قولت انك اخدت كورس سيكيورتى .اخدتة فى اد اية تقريبا؟ولو فى سايت معين للكورس ياريت حضرتك تقولى علية .
وهل شغل السكيورتى سهل ايجادة؟ ويقدر يصرف على اسرة من 3 افراد زوج وزوجة وطفل 4 سنوات.مع العلم ان الزوج صيدلى وبيزاكر للمعادلة.
معلش انا لية سؤال كمان ..هل ايجاد شغل كاجوال للسيدات متاح ولا صعب؟

وميرسى لحضرتك.